হিন্দু ক্ৰান্তি দলৰ সংবাদ মেলৰ আয়োজন।

নলবাৰী : সমগ্ৰ অসমতে ভাৰতীয় সংস্কৃতিক এক দুষ্ট চক্ৰই বিলুপ্ত ঘটোৱাৰ প্ৰয়াস কৰাৰ সময়তে নিজৰ আসনৰ সুৰক্ষিত ৰখাৰ উদ্যেশ্যে ধৃতৰাষ্ট্ৰৰ দৰে নেদেখা ভাও জুৰি আছে সৰ্বানন্দ নেতৃত্বধীন অসম চৰকাৰে। এই কথা সদৰি কৰে আজি নলবাৰীত অনুষ্ঠিত কৰা সংবাদ মেলত হিন্দু ক্ৰান্তি দল অসমে। উক্ত সংবাদ মেলত হিন্দু ক্ৰান্তি দল নলবাৰী জিলাৰ সংযোজক নিৰ্মল ৰাজবংশীয়ে কয় যে যোৱা কিছুদিন পুৰ্বে গো মাতা হত্যা বন্ধ কৰা, ডিটেইনচন কেম্পত বন্দী হৈ থকা হিন্দুক মুক্তি আৰু অসমৰ সাংস্কৃতিক বিভাগক কুলসিত কৰা বেগজান নামক ধাৰাবাহিকখন বন্ধ কৰাৰ দাবীত মুখ্যমন্ত্ৰী মহোদয়লৈ শান্তিপুৰ্নভাৱে স্মাৰক পত্ৰ প্ৰেৰণ কৰা হৈছিল। কিন্তু দুৰ্ভাগ্যজনক বিষয় যে স্মাৰক পত্ৰৰ কোনো বাস্তৱত ফলপ্ৰসু নহ’ল। সংযোজক গৰাকীয়ে মন্তব্য কৰে যে অতিকৈ গুৰুত্বপূৰ্ণ কথাতো হ’ল যিখন চৰকাৰক অসমৰ ৰাইজে অতি সততা আৰু নিষ্ঠাৰে ৰাজপাতত বহুৱাইছিল সেইখন চৰকাৰে আকৌ অসমীয়া ৰাইজৰ আবেগ অনুভুতিক সম্পূৰ্ণভাৱে মোহাৰী নিজৰ আসনৰ সুৰক্ষাৰ চিন্তাতহে মগ্ন হৈ থাকিল। নিৰ্বিকাৰ অসম চৰকাৰ।লগতে সংযোজক গৰাকীয়ে কয় যে এসময়ত ইছলামিক সাহিত্য সভাৰ মুখ্য পৃষ্ঠপোষকতাৰে পৰিচিত বৰ্তমান অসম চৰকাৰৰ বিধায়ক নাৰয়ণ ডেকাৰ সমষ্টিত দৈনন্দিন চলি আছে গো মাংস বিক্ৰী কেন্দ্ৰ। ভাৰতভূমিত ভাৰতীয় লোক কেতিয়াও বিদেশী হ’ব নোৱাৰে তথাপিও হিন্দুসকলক ডিটেইনচন কেম্পত এতিয়ালৈকৈ আবদ্ধ কৰি ৰখা হ’ল। অসমত আৰবীয় সংস্কৃতিৰে নিৰ্মাণ কৰা দূৰদৰ্শনৰ ধাৰাবাহিক বেগম জান বন্ধ নহ’ল। তথাপিও সৰ্বানন্দ নেতৃত্বধীন চৰকাৰ নিৰবতা অবলম্বন কৰা দেখা গল। কথা হ’ল ভাৰতীয় সংস্কৃতিৰ মুলতঃ নাৰী ধৰ্ষণকাৰী আৰু গো মাতা হত্যা ওপৰত আইন প্ৰণয়ন কৰে উত্তৰ প্ৰদেশৰ মুখ্যমন্ত্ৰী ভাৰত মাতাৰ সু-সন্তান যোগী আদিত্য নাথ জীয়ে কিন্তু এক দেশ, এক সংবিধান, এক পতকা হোৱো স্বত্বেও অসম চৰকাৰে কিয় নোৱাৰে। মুঠতে ক’ব পাৰি যে বৰ্তমান চৰকাৰখনে নিজৰ ৰাজ আসন সুৰক্ষাৰ স্বাৰ্থত ভোটকেন্দ্ৰীক ৰাজনীতিত মতলীয়া হৈ আছে হয়তো যাৰ কাৰণে ষ্পষ্টবাদী ভাৰতীয় ভূমিপুত্ৰ মান্যবৰ শিলাদিত্য ডাঙৰীয়াও দলৰ পৰা অব্যাহতি ল’বলৈ বাধ্য হৈছিল। সেয়েহে হিন্দু ক্ৰান্তি দলৰ স্পষ্ট কথা অসম চৰকাৰে যদি ভাৰতীয় সংস্কৃতিক নিশেষ কৰিব বিচৰা লোকক দৃষ্টান্ত মূলক শাস্তি প্ৰদান নকৰে, ডিটেইনচন কেম্পত আৱদ্ধ কৰি ৰখা হিন্দুক মুক্তি আৰু বেগজান নামক ধাৰাবাহিক বন্ধ নকৰে তেন্তে আমি আমাৰ নিজৰ লক্ষ্যত উপনিত হ’বলৈ বাধ্য হ’ম। উক্ত সংবাদ মেলত হিন্দু ক্ৰান্তি দল নলবাৰীৰ উপদেষ্টা দীপক হালৈ, যুটীয়া সম্পাদক অপূৰ্ব কলিতা, সাংগঠনিক বিদ্যুৎ কুমাৰ দাস আৰু পূৱ নলবাৰী আঞ্চলিকৰ সভাপতি সিমান্ত মেধী উপস্থিত আছিল।