ভ্ৰাম্যমাণ থিয়েটাৰৰ শিল্পী সন্থাৰ উদ্যোগত আলোচনা চক্ৰ ও মত বিনিময় অনুষ্ঠানৰ আয়োজন

নলবাৰী : সদৌ অসম ভ্ৰাম্যমাণ থিয়েটাৰ শিল্পী সন্থাৰ উদ্যোগত আজি নলবাৰী চহৰস্থিত হৰিমন্দিৰ প্ৰাংগনত এখন আলোচনা চক্ৰ ও মত বিনিময় অনুষ্ঠান আয়োজন কৰা হয় । লক ডাউনৰ সময়চোৱাত শিল্পী সকলে থিয়েটাৰৰ মঞ্চ এৰিব লগা হৈছে । যাৰ বাবে থিয়েটাৰত জৰিত শিল্পী সকলৰ লগতে, কলা কুশলীৰ লগত জৰিত ব্যক্তি সকল আৰ্থিক দীনতাত ভুগিব লগীয়া হৈছে । তাৎপৰ্যপূৰ্ণ বিষয় যে যোৱা কিছুদিন পূৰ্বে চৰকাৰে বিভিন্ন ধৰণৰ অনুষ্ঠান প্ৰতিষ্ঠান খুলি দিছে যদিও সেই অনুষ্ঠানত ১০০ জনতকৈ বেছি জনসমাগম হব নোৱাৰিব । কিন্তু ১০০ জন ব্যক্তিৰ উপস্থিত এখন ভ্ৰাম্যমাণ থিয়েটাৰ নচলিব আৰু থিয়েটাৰ কৰ্তৃপক্ষৰ বিশেষকৈ বহুত লোকচানৰ সন্মুখীন হব । যাৰ বাবে এইবেলি থিয়েটাৰ আয়োজন কৰিব নোৱাৰিব বুলিও শিল্পী সকলে সন্দেহ প্ৰকাশ কৰিছে । আজি অনুষ্ঠিত এই আলোচনা চক্ৰত উক্ত বিষয় সন্দৰ্ভত বিতং ভাৱে আলোচনা কৰা হয় । বৰ্তমান সময়ত চৰকাৰে যেতিয়া ভ্ৰাম্যমাণ থিয়েটাৰৰ এই শিল্পী সকলৰ লগতে কলা কুশলীৰ লগত জৰিত ব্যক্তি সকল চলিবলৈ কিবা এটা সুবিধা প্ৰদান কৰিবলৈ তথা থিয়েটাৰৰ ক্ষেত্ৰত ১০০ তকৈ বেছি জনসমাগম হোৱা সন্দৰ্ভত ব্যৱস্থা কৰিবলৈ অসম চৰকাৰক সংবাদ মাধ্যমৰ জৰিয়তে আহ্বান জনাই ।