বনগাঁও
নেচনেল মেডিক’জ অৰ্গেনাইজেছন, অসমৰ উদ্যোগত অহা ৩১ মে’ তাৰিখে বিশ্ব ধঁপাত নিষেধ দিৱসৰ সৈতে সঙ্গতি ৰাখি আৰু অসমৰ চিকিৎসালয় সমূহৰ খালি থকা ব্লাড বেংকত পৰ্যাপ্ত ৰক্ত জমা কৰাৰ লক্ষ্যৰে সমগ্ৰ অসমত ৰক্তদান শিবিৰৰ আয়োজন কৰিছে। অন্যান্য জিলাৰ দৰে মাজুলীতো নেচনেল মেডিক’জ অৰ্গেনাইজেছন চমুকৈ এন এম অ’ৰ উদ্যোগত আৰু সেৱা ভাৰতী পূৰ্বাঞ্চল- অখিল ভাৰতীয় বিদ্যাৰ্থী পৰিষদ, মাজুলী জিলাৰ সহযোগত অহা ৩১ মে’ৰ পুৱা ১০ বজাত গড়মূৰস্থিত পীতাম্বৰ দেৱগোস্বামী অসামৰিক চিকিৎসালয়ত ৰক্তদান শিবিৰৰ আয়োজন কৰিছে। এক বিবৃতিত ৰক্তদান শিবিৰৰ আয়োজক তথা এবিভিপিৰ নেতা বিশ্বজিৎ খাউণ্ড আৰু সেৱা ভাৰতীৰ সংগঠক বাবুল নেওগে মাজুলীবাসী ৰাইজক সহযোগিতা কৰিবলৈ আহ্বান জনায়৷ কোনো ব্যক্তিয়ে ৰক্ত দিবলৈ ইচ্ছা কৰিলে ৬০০০৭০৩৯৪৬ নম্বৰত যোগাযোগ কৰিবলৈ আয়োজকদ্বয়ে আহ্বান জনায়।