সমগ্ৰ দেশত বিভিন্ন ধৰণৰ বাহনৰ চলাচলৰ বাবে নিষেধাজ্ঞা জাৰি কৰাৰ সমান্তৰালকৈ ধুবুৰী জিলা প্ৰশাসনে জাৰি কৰিছে কেতবোৰ নিয়ম।
১.ৰাষ্ট্ৰীয় ঘাইপথত সন্ধিয়া ৫.৩০ বজাৰ পৰা পুৱা ৮.৩০ বজালৈ ই-ৰিক্সাৰ চলাচল নিষিদ্ধ।
২.ৰাষ্ট্ৰীয় ঘাইপথ আৰু অন্যান্য ৰাজ্যিক পথত সন্ধিয়া ৫.০০ বজাৰ পৰা পুৱা ৭.০০ বজালৈ ডাম্পাৰ,ট্ৰেক্টৰৰ চলাচল নিষিদ্ধ।
৩.ৰাষ্ট্ৰীয় ঘাইপথ আৰু অন্যান্য ৰাজ্যিক পথৰ পথৰ কাষত, নিৰ্দিষ্ট পাৰ্কিং স্থানৰ বাহিৰে ধাবা, হোটেল, ৰিজৰ্টৰ সন্মুখত গধুৰ বাহনকে ধৰি সকলো ধৰণৰ বাহন পাৰ্কিং কৰাটো কঠোৰভাৱে নিষিদ্ধ।
কলকাতাত আন্তঃৰাষ্ট্ৰীয় পৰ্যায়ত অনুষ্ঠিত বিশ্বজনীন খেল- টাইকোৱাণ্ডোত উজলি উঠিল দৰঙৰ ৯ জনকৈ খেলুৱৈ। উল্লেখ্য যে দৰঙৰ হাপামাৰাস্থিত ‘হাই কীকাৰ টাইকোৱাণ্ডোৰ ৯ জনকৈ খেলুৱৈয়ে কলকাতাত অনুষ্ঠিত আন্তঃৰাষ্ট্ৰীয় পৰ্যায়ৰ টাইকোৱাণ্ডো চেম্পিয়নশ্বিপ’ত অংশ গ্ৰহণ কৰে। দৰঙৰ গোমঠাপাৰাৰ নিবৃতি বডো, ৰামগাঁওৰ ধৃতিস্মান চহৰীয়া আৰু হিমুজ্বল ডেকা, সৰাবাৰী বৰমপুৰৰ জিণ্টু শৰ্মাই পশ্চিমবংগৰ হাওৰাৰ দাসনগৰস্থিত আলা মোহনদাস স্পৰ্টছ এণ্ড কালচাৰেল ষ্টেডিয়ামত ২৬ ডিচেম্বৰৰ পৰা ২৮ ডিচেম্বৰলৈ অনুষ্ঠিত সপ্তম ভাৰত টি আই এ আন্তঃৰাষ্ট্ৰীয় টাইকোৱাণ্ডো চেম্পিয়নশ্বিপত স্বৰ্ণ পদক জয় কৰি দৰং তথা অসমলৈ গৌৰৱ কঢ়িয়াই আনে। আনহাতে কিউৰোগীত চাব জুনিয়ৰ বিভাগৰ ল’ৰাৰ ১১ বছৰ অনুৰ্ধৰ ২৮ কিল’গ্ৰামত ধৃতিস্মান চহৰীয়া, ২২ কিল’গ্ৰামত হিমুজ্বল ডেকা, ৪৫ কিল’গ্ৰামত জিণ্টু শৰ্মা আৰু ছোৱালীৰ ১১ বছৰ অনুৰ্ধৰ ২২ কিল’গ্ৰামত নিবৃতি বড়োই স্বৰ্ণ পদক পাবলৈ সক্ষম হয়।
একেদৰে ৰামগাঁওৰ জোনাক প্ৰতীম হাজৰিকাই ল’ৰাৰ ১১ বছৰ অনুৰ্ধৰ ২৮ কিল’গ্ৰামত ৰূপ, কৃৰ্তীমান চহৰীয়া আৰু ঝাকুৱাপাৰাৰ আকাশ ডেকাই ক্ৰমে ২৮ আৰু ৩১ কি’লগ্ৰামত লাভ কৰে ব্ৰঞ্জৰ পদক। ইপিনে ১৪ বছৰ অনুৰ্ধৰ ৩৩ কিল’গ্ৰামত নিজ বৰমপুৰৰ চাজিদ আলমে কিউৰোগী কেডেটত ব্ৰঞ্জ আৰু ৰামগাঁওৰ বিতুস্মিন চহৰীয়াই ১১ বছৰ অনুৰ্ধৰ কিউৰোগী ২৫ কিল’গ্ৰামত ব্ৰঞ্জৰ পদক জয় কৰিবলৈ সক্ষম হয। উল্লেখযোগ্য যে ইয়াৰে নিবৃতি বড়োই স্বৰ্ণ জয়ৰ উপৰি পুমচেত ব্ৰঞ্জৰ পদকো লাভ কৰিবলৈ সক্ষম হয়। প্ৰশিক্ষক-পৰিচালক ৰিতুৰাজ শৰ্মাৰ নেতৃত্বত অসম দলৰ হৈ যোগদান কৰি কৃতিত্ব অৰ্জন কৰা এইসকল খেলুৱৈক স্থানীয় ৰাইজৰ তৰফৰ পৰা অভিনন্দন জনোৱা হয়।
‘WEE’ হৈছে মহৰ দ্বাৰা সংক্ৰমিত এবিধ ভাইৰাছ। যিয়ে ঘোঁৰা আৰু মানুহক অধিক প্ৰভাৱিত কৰে। এই ভাইৰাছ আক্ৰান্ত চৰাইৰ পৰা মানুহৰ ওচৰলৈ যায়। এই ভাইৰাছ পৰিভ্ৰমী চৰাইৰ পৰা মানুহলৈ আহে। ক’ৰণাৰ লগতে এতিয়া আন এই ভাইৰাছে বিধ্বংসী ৰূপ ধাৰণ কৰিছে, যাৰ ফলত WHO ৰ চিন্তা বাঢ়িছে। দৰাচলতে আৰ্জেণ্টিনাৰ আন্তঃৰাষ্ট্ৰীয় স্বাস্থ্য নিয়ন্ত্ৰণ ৰাষ্ট্ৰীয় ফ’কেল পইণ্টে (IHR NFP) ৱেষ্টাৰ্ণ ইকুইন এনকেফেলাইটিছ (WEE) সংক্ৰমণৰ মানৱ ক্ষেত্ৰৰ বিষয়ে WHOক অৱগত কৰিছে। দুটা দশকৰ পাছত এইটোৱেই হৈছে প্ৰথম মানৱ দেহত ধৰা পৰা ঘটনা। এই বিৰল ভাইৰাছ কি আৰু ই কিমান বিপজ্জনক জানো আহক-
WEE ভাইৰাছ কি
WEE হৈছে মহৰ দ্বাৰা সংক্ৰমিত এক ভাইৰাছ। যিয়ে ঘোঁৰা আৰু মানুহক অধিক প্ৰভাৱিত কৰে। এই ভাইৰাছ আক্ৰান্ত চৰাইৰ পৰা মানুহৰ ওচৰলৈ যায়। এই ভাইৰাছ পৰিভ্ৰমী চৰাইৰ পৰা মানুহলৈ আহে। যিহেতু চৰাইবোৰে এটা গোট হিচাপে কাম কৰে, গতিকে এই ভাইৰাছ আন দেশলৈ বিয়পিব পাৰে।
WEE ভাইৰাছৰ লক্ষণ কি কি
WHO ৰ প্ৰতিবেদনত কোৱা হৈছে যে ২০২৩ চনৰ ১৯ নৱেম্বৰত WEE আক্ৰান্ত ৰোগীৰ মূৰৰ বিষ, মূৰ ঘূৰোৱা, দিশহাৰা হোৱা আৰু জ্বৰৰ দৰে লক্ষণ দেখা গৈছিল। ইয়াৰ পিছত ২০২৩ চনৰ ২৪ নৱেম্বৰত ৰোগীজনক চিকিৎসালয়ত ভৰ্তি কৰোৱা হয়। ৰোগীজনক প্ৰায় ১২ দিন ভেন্টিলেচনত ৰখা হৈছে। ইয়াৰ পিছত ২০ ডিচেম্বৰত ৰোগীজনক চিকিৎসালয়ৰ পৰা মুকলি কৰি দিয়া হয়। ইয়াৰ পিছতো তেওঁক চোৰাংচোৱাগিৰি ৰখা হৈছিল।
WEE ভাইৰাছৰ পৰা হাত সাৰিবলৈ উপায়
১) হাত ভৰি ভালদৰে ঢাকি ৰাখিব লাগে।
২) ঘৰৰ কোনোবা অসুস্থ হ’লে ভালকৈ ঢাকি ৰাখক।
৩/ DEET, IR3535 বা Icaridin যুক্ত সামগ্ৰী ব্যৱহাৰ নকৰিব।
৪) দুৱাৰ-খিৰিকীবোৰ ভালদৰে বন্ধ কৰি ৰাখিব লাগে।
৫) আঁঠুৱা নোহোৱাকৈ শুব নালাগে।
৬) দিনত শুই থকা মহৰ পৰা হাত সাৰিবলৈ ঘৰত কীটনাশক ছটিয়াই দিব লাগে।
৭) গৰ্ভৱতী মহিলা, কেঁচুৱা আৰু বৃদ্ধসকলৰ বিশেষ যত্ন লোৱা।
ৰাজ্যত অনুষ্ঠিত কৰা হৈছে এই বৰ্ষৰ প্ৰথম পৰ্যায়ৰ গুনোৎসৱ । ৰাজ্যৰ মুঠ ১২ খন জিলাক সামৰি অনুষ্ঠিত কৰা প্ৰথম পৰ্যায়ৰ গুনোৎসৱৰ আজি বিদ্যালয়সমূহত বহিঃমূল্যায়কৰ নিৰীক্ষণত বহিঃমূল্যায়ন কৰা হৈছে।
আন আন জিলা সমূহৰ লগতে শিৱসাগৰ জিলাৰ নাজিৰা শিক্ষা খণ্ডৰ অন্তৰ্গত মুঠ ৩৫৯ খন বিদ্যালয়ত অনুষ্ঠিত হৈছে বহিঃমূল্যায়ন। ৬ জানুৱাৰীত সামৰণি পৰিব প্ৰথম পৰ্যায়ৰ গুনোৎসৱৰ।
চৰাইদেউ সাপেখাতী শিক্ষা খণ্ডৰ অধীনৰ অন্যতম এক শিক্ষানুষ্ঠান আটাল কঠিয়া খুণ্ডা মধ্য অসমীয়া বিদ্যালয়ৰ ৬৫ সংখ্যক প্ৰতিষ্ঠা দিৱসটি দিনযোৰা কাৰ্য্যসূচীৰে উদযাপন কৰে ৷ ১৯৬০ চনৰ আজিৰ দিনটোতে প্ৰতিষ্ঠা গ্ৰহণ কৰা বিদ্যালয়ৰ খনৰ প্ৰতিষ্ঠা দিৱসটিৰ লগত সংগতি ৰাখি পুৱা পতাকা উত্তোলনেৰে কাৰ্য্যসূচীৰ শুভাৰম্ভ কৰে বিদ্যালয় খনৰ প্ৰধান শিক্ষক নৰেন গগৈয়ে ৷
পতাকা উত্তোলনৰ পাছতেই বিদ্যালয়খনৰ ছাত্ৰ ছাত্ৰী, শিক্ষক শিক্ষয়িত্ৰীৰ লগতে অভিভাৱক অভিভাৱিকা সকলে ৰাজপথৰ মাজেৰে এক বাৰেৰহণীয়া সাংস্কৃতিক শোভাযাত্ৰা বাহিৰ কৰে ৷
বহুতৰে পেট পৰিষ্কাৰ নহয়। যাৰ বাবে পেটৰ পেশীবোৰ দুৰ্বল হৈ পৰে। পাচন শক্তিও অতি দুৰ্বল হৈ পৰে। যদি আপুনি ৰাতিপুৱা পেট সম্পূৰ্ণ পৰিষ্কাৰ হোৱাটো বিচাৰে তেন্তে কিছুমান বস্তু খাব লাগিব। ৰাতিপুৱা পেট পৰিষ্কাৰ হোৱাটো অতি প্ৰয়োজনীয়। যদি আপোনাৰ পেট পৰিষ্কাৰ নহয় তেন্তে ৰাতিপুৱা বহুত পানী খাব লাগে। ইয়াৰ ফলত শৰীৰৰ পৰা মলি আঁতৰি যায়-
নিমখীয়া পানী
ৰাতিপুৱা পেট পৰিষ্কাৰ কৰিবলৈ নিমখীয়া পানী খাব লাগে। ইয়াৰ লগে লগে আপোনাৰ কেতিয়াও গেছ আৰু পেট ফুলাৰ সমস্যা নহয়।
ফলমূল আৰু শাক-পাচলিৰ ৰস
ৰাতিপুৱা ফলমূল আৰু শাক-পাচলিৰ ৰস খাব লাগে। ইয়াৰ লগে লগে আপোনাৰ শৰীৰটো গোটেই দিনটো যথেষ্ট ফিট হৈ থাকে আৰু পেট পৰিষ্কাৰ হ’ব।
পদিনা পানী
যদি ৰাতিপুৱা সাৰ পোৱাৰ লগে লগে পেটত বিষ হ’বলৈ ধৰে, তেন্তে পদিনা পানী খাব লাগে। ইয়াৰ ফলত পেট পৰিষ্কাৰ হয় আৰু কেন্সাৰ হোৱাৰ সম্ভাৱনাও কম হয়।
ৰঙিয়া থানাত দুৰ্নীতি নিবাৰক শাখাৰ জালত SI ইবো তম্বি সিনহা
পাঁচ হেজাৰ টকা উৎকোচ বিচাৰি হাত দাঙিলে ৰঙিয়া থানাৰ SI য়ে
আৰক্ষীয়ে আৰক্ষীৰ সাক্ষী দিয়াৰ বাবে অহা যোৱা খৰচৰ বাবদ বিচাৰিছিল উৎকোচ
সাত জনীয়া দুৰ্নীতি নিবৰক শাখাৰ এটি দলে হাতে লুটে ধৰিলে আৰক্ষী বিষয়া গৰাকীক
উপ পৰিদৰ্শক জনৰ দুবছৰৰ আছিল চাকৰি কাল
উপ পৰিদৰ্শক জনৰ ঘৰ শিলচৰত
সম্প্ৰতি ৰঙিয়া থানাৰ ভিতৰৰ জেৰা অব্যাহত ৰাখিছে SI গৰাকীক
ৰাম মন্দিৰ,উত্তৰ প্ৰদেশৰ মুখ্যমন্ত্ৰী যোগী আদিত্যনাথ, এছটিএফৰ মুৰব্বীক বোমাৰে উৰুৱাই দিয়াৰ ভাবুকি।
সামাজিক মাধ্যমযোগে এই ভাবুকি প্ৰদান। ঘটনা সন্দৰ্ভত দুজনক গ্ৰেপ্তাৰ।
অভিযুক্ত তাহাৰ সিং আৰু ওমপ্ৰকাশ মিশ্ৰক গ্ৰেপ্তাৰ কৰে উত্তৰ প্ৰদেশৰ বিশেষ টাস্ক ফ’ৰ্চৰ দলে ।
অযোধ্যা ৰাম মন্দিৰঃ ২২ জানুৱাৰীত ৰামলালাৰ অভিষেকৰ শুভ সময়। ৰাম মন্দিৰক অতি মনোমোহা ৰূপত সজাই-পৰাই তোলা হৈছে। আপোনালোকক কওঁ যে ৰাম মন্দিৰৰ মুঠ ৪৪টা দুৱাৰ আছে, ইয়াৰে ১৪টা দুৱাৰত সোণ আৰু ৰূপৰ আৱৰণ দিয়া হৈছে।
ভক্তসকলে ৰাতি চন্দ্ৰৰ পোহৰত ভগৱান শ্ৰীৰামক চাব পাৰিব। ইয়াৰ উপৰিও ২২ জানুৱাৰীৰ শুভ উপলক্ষে তুলসীবাৰী ৰামঘাটত ত্ৰেতাযুগিন বন্তি প্ৰজ্বলন কৰা হ’ব। এই বন্তি জ্বলাবলৈ প্ৰায় ২১ কুইণ্টল তেলৰ প্ৰয়োজন হ’ব। ২৮ মিটাৰ ব্যাসৰ এই বন্তিয়ে গিনিজ বুক অৱ ৱৰ্ল্ড ৰেকৰ্ডত পঞ্জীয়ন কৰাৰ প্ৰস্তুতি চলোৱা হৈছে।
শীঘ্ৰেই গ্ৰেপ্তাৰৰ সম্ভাৱনা দিল্লীৰ মুখ্যমন্ত্ৰী অৰবিন্দ কেজৰিৱালক! দিল্লীৰ মুখ্যমন্ত্ৰীৰ বাসগৃহৰ আশে-পাশে বৃদ্ধি নিৰাপত্তা। দিল্লীৰ মুখ্যমন্ত্ৰী অৰবিন্দ কেজৰিৱালে দিল্লী আবকাৰী নীতিৰ গোচৰৰ সন্দৰ্ভত ইডিয়ে জাৰি কৰা তিনিটাকৈ চমন অগ্ৰাহ্য কৰিছিল। আজি দিল্লীৰ মুখ্যমন্ত্ৰী অৰবিন্দ কেজৰিৱালক বলবৎকাৰী সঞ্চালকালয়ে গ্ৰেপ্তাৰ কৰিব পাৰে বুলি জল্পনা-কল্পনাৰ মাজতে দিল্লী আৰক্ষীয়ে মুখ্যমন্ত্ৰীৰ বিষয়াগৰাকীক কেন্দ্ৰ কৰি নিৰাপত্তা বৃদ্ধি কৰিছে। গ্ৰেপ্তাৰৰ এলাৰ্ম উত্থাপন কৰে আপৰ মন্ত্ৰী আতিশী আৰু সৌৰভ ভৰদ্বাজে।
দিল্লী আবকাৰী নীতিৰ গোচৰৰ সন্দৰ্ভত ইডিয়ে জাৰি কৰা কেইবাটাও চমন এৰি দিছে কেজৰিৱালে। দিল্লী আবকাৰী নীতিৰ গোচৰৰ সৈতে জড়িত ধন সৰবৰাহৰ গোচৰত ইতিমধ্যে ইডিয়ে গ্ৰেপ্তাৰ কৰিছে মনীষ চিছ’দিয়া আৰু সঞ্জয় সিঙৰ দৰে আপ নেতাক। ছ’চিয়েল মিডিয়া প্লেটফৰ্ম এক্স (পূৰ্বৰ টুইটাৰ)লৈ লৈ দিল্লীৰ আইন আৰু পি ডব্লিউ ডি মন্ত্ৰী আতিছিয়ে কয় যে, “কাইলৈ পুৱা ই ডিয়ে অৰবিন্দ কেজৰিৱালৰ বাসগৃহত অভিযান চলাব বুলি খবৰ আহি আছে। গ্ৰেপ্তাৰৰ সম্ভাৱনা আছে।” আতিশীৰ পদৰ পিছত দিল্লীৰ স্বাস্থ্যমন্ত্ৰী সৌৰভ ভৰদ্বাজেও একেধৰণৰ দাবী উত্থাপন কৰে। এক্সত ভৰদ্বাজে কয় যে কাইলৈ পুৱা ইডিয়ে মুখ্যমন্ত্ৰী কেজৰিৱালৰ ঘৰত উপস্থিত হৈ তেওঁক গ্ৰেপ্তাৰ কৰিবলৈ ওলাইছে।”
