“সম্প্ৰতি সমাজত বহু লিখক-সাহিত্যিকৰ সৃষ্টি হৈছে কিন্তু ইয়াৰ একাংশই বঁটা বাহন, আৰু মান -সন্মান লাভৰ আশা আৰু কেবাখনো কিতাপ লিখি সাহিত্যিক পেঞ্চনৰ আশাতে সাহিত্য চৰ্চা কৰা দেখা গৈছে। বৰ্তমান অন্তৰাত্মাৰ উপলব্ধিৰ পৰা সৃষ্টি নোহোৱা সাহিত্য; গ্ৰন্থ ৰচনাৰ পয়োভৰ হৈছে ৷ ভাল সাহিত্য সৃষ্টি একেবাৰে নগণ্য সংখ্যকহে দেখা গৈছে ৷ অন্তৰাত্মাৰ উপলব্ধিৰ পৰা সৃষ্টি হোৱা সাহিত্যইহে উত্তম সাহিত্য ”৷ এই মন্তব্য অসম সাহিত্য সভাৰ প্ৰাক্তন উপ সভাপতি তথা অখিল ভাৰতীয় সাহিত্য পৰিষদ, অসমৰ সভাপতি মৃণালিনী দেৱীৰ ৷ চামতা আঞ্চলিক সাহিত্য সভাৰ উদ্যোগত নলবাৰী জিলা সাহিত্য সভাৰ সপ্তত্ৰিংশতম প্ৰতিষ্ঠা দিৱস উদযাপনৰ মুকলি সভাত বিশিষ্ট অতিথি হিচাপে উপস্থিত থাকি বিশিষ্ট সাহিত্যিক, অসম আদৰ্শ মাতৃ বঁটা প্ৰাপক মৃনালিনী দেৱীয়ে অন্তৰাত্মাৰ পৰা সৃষ্টি সাহিত্যই আধ্যাত্মিক প্ৰজ্ঞা সাহিত্য বুলি কয় ৷ অসম সাহিত্য সভাই নতুন প্ৰজন্মক সাহিত্য সৃষ্টিত আগবঢ়ায় আনিবলৈ চেষ্টা কৰিব লাগিব আৰু নৱ প্ৰজন্ময় বিপদগামী পথৰ পৰা আতৰাই আনিবলৈ ভাল ভাল সাহিত্য সৃষ্টিত গুৰুত্ব প্ৰদান কৰিব লাগিব বুলি কয়।

আজিৰ প্ৰজন্ময় যিদৰে মদ জুৱা বা প্ৰাচ্যতৰ লগত উতি ভাহি গৈছে সেই বোৰৰ পৰা অসম সাহিত্য সভাই নতুন নতুন সাহিত্য সৃষ্টিৰে আতৰাই আনিবলৈ লাগিব বুলি কয়। চামতা আঞ্চলিক ক্ৰীড়া সংঘৰ ষ্টেডিয়ামত চামতা আঞ্চলিক সাহিত্য সভাৰ উদ্যোগত পালন কৰা নলবাৰী জিলা সাহিত্য সভাৰ ৩৭তম্ প্ৰতিষ্ঠা দিৱস উপলক্ষে পুৱা ৯ বজাত অসম সাহিত্য সভাৰ পতাকা উত্তোলন কৰে নলবাৰী জিলা সাহিত্য সভাৰ উপ সভাপতি লক্ষ্মী পাটোৱাৰীয়ে ৷ ইয়াৰ পিছতে চামতা আঞ্চলিক সাহিত্য সভাৰ সম্পাদক বুবুল কুমাৰ শৰ্মাই আঁত ধৰা পতাকা উত্তোলন অনুষ্ঠানত আন ৩৬ খন পতাকা উত্তোলন কৰে নলবাৰী জিলা সাহিত্য সভাৰ উপ সভাপতি, প্ৰাক্তন সভাপতি, সম্পাদক, জিলা সাহিত্য সভাৰ অন্তৰ্গত শাখা সাহিত্য সভাৰ সভাপতি, আজীৱন সভ্য, বিশিষ্ট শিক্ষাব্ৰতী, শিক্ষাসদী, সাহিত্যসেৱক, সমাজকৰ্মীয়ে। স্মৃতি তৰ্পণ অনুষ্ঠান মুকলি কৰে চামতা আঞ্চলিক ক্ৰীড়া সংঘৰ সম্পাদক বিকাশ ভট্টাচাৰ্যই ৷ নলবাৰী জিলা সাহিত্য সভাৰ উপ সভাপতি লক্ষী পাটোৱাৰীৰ সভাপতিত্বত অনুষ্ঠিত হয় মুকলি সভা। নলবাৰী জিলা সাহিত্য সভাৰ সম্পাদক পংকজ বেজবৰুৱাই আঁত ধৰা সভাখনৰ আৰম্ভণীতে আদৰণী ভাষণ প্ৰদান কৰে চামতা আঞ্চলিক সাহিত্য সভাৰ সভাপতি এম হাচান আলীয়ে। অনুষ্ঠানত পশ্চিম চামতা হাইস্কুলৰ কেইবাগৰাকী শিক্ষাৰ্থীয়ে দিহানাম পকিৱেশন কৰে। চিৰ চেনেহী মোৰভাষা জননী শীৰ্ষক বৃন্দ গীতেৰে আৰম্ভ হোৱা সভাত অসম সাহিত্য সভাৰ জনগোষ্ঠীয় ইতিহাস প্ৰকল্প উপ সমিতিৰ আহ্বায়ক ডাঃ বিপিন চন্দ্ৰ কলিতা, প্ৰকাশন আহ্বায়ক গোৱিন্দ কলিতা, অসমৰ লোক পৰিৱেশ্য কলা সংৰক্ষণ আৰু সংবৰ্ধন উপ সমিতিৰ আহ্বায়ক ডাঃ সমৰ তালুকদাৰ আৰু সমাজকৰ্মী জ্যোতিৰ্ময় শৰ্মাই বিশিষ্ট অতিথি হিচাপে অংশ গ্ৰহণ কৰি ভাষণ প্ৰদান কৰে ৷

চামতালৈ অসম সাহিত্য সভাৰ পূৰ্ণকালিন অধিৱেশন আমন্ত্ৰণ : মুকলি সভাতে চামতা আঞ্চলিক সাহিত্য সভাই অসম সাহিত্য সভাৰ কেন্দ্ৰীয় নেতৃত্ব সকলক নলবাৰী জিলা সাহিত্য সভাৰ জৰিয়তে এখন লিখিত পত্ৰ , গুৱা পাণৰ শৰাই আগবঢ়াই চামতাত অসম সাহিত্য সভাৰ পূৰ্ণকালিন অধেৱেশন খন আমন্ত্ৰণ জনায় ৷

ধেমাজিত উদ্ধাৰ এগৰাকী যুৱতীৰ মৃতদেহ। ধেমাজিৰ শিখা নামৰ হোটেলখনত উদ্ধাৰ হয় যুৱতীগৰাকীৰ মৃতদেহ।

মৃত যুৱতীগৰাকীৰ ঘৰ তিতাবৰত বুলি জানিব পৰা গৈছে। আৰক্ষীয়ে উদ্ধাৰ মৃতদেহট।

আৰক্ষীয়ে ইতিমধ্যে মৃতদেহটো উদ্ধাৰ কৰি মৰণোত্তৰ পৰীক্ষাৰ বাবে প্ৰেৰণ কৰিছে। কিহৰ বাবে এই ঘটনা সংঘটিত হ’ল এতিয়াও জানিব পৰা হোৱা নাই।

মৰণোত্তৰ পৰীক্ষাৰ পাছতহে প্ৰকৃত কাৰণ পোহৰলৈ আহিব। ঘটনা সন্দৰ্ভত তদন্ত অব্যাহত আৰক্ষীৰ।