শ্ৰীমন্ত শংকৰদেৱ সংঘৰ প্ৰাক্তন প্ৰধান সম্পাদক তথা শিক্ষা বিষয়া হৰিপ্ৰসাদ হাজৰিকাৰ দেহাৱসান।
আজি পুৱা শেষ নিশ্বাস ত্যাগ কৰে ব্যক্তিগৰাকীয়ে। জটিল ৰোগত আক্ৰান্ত হৈ আছিল বাপগৰাকী।
মহাপুৰুষ শ্ৰীমন্ত শংকৰদেৱ গুৰুজনাৰ চিন্তা আৰু দৰ্শনক ৰাষ্ট্ৰীয় পৰ্যায়ত প্ৰচাৰ-প্ৰসাৰ কৰাৰ যথেষ্ঠখিনি কৰিছিল বাপগৰাকীয়ে।
বিশিষ্ট সংগীত পৰিচালক ভূপেন উজীৰৰ দেহাৱসান। হৃদযন্ত্ৰৰ ক্ৰিয়া বন্ধ হৈ মৃত্যু ভূপেন উজীৰৰ৷
৬ জানুৱাৰীৰ পৰা চিকিৎসাধীন হৈ আছিল ভূপেন উজীৰ৷ ৰাজ্যৰ সাংস্কৃতিক জগতত শোকৰ ছাঁ।
আজি দিনৰ ২ বজাত নৱগ্ৰহ শ্মশানত কৰা হ’ব শিল্পীগৰাকীৰ অন্ত্যেষ্টিক্ৰিয়া।
শীঘ্ৰে অগপত যোগদান কৰিব বহু কংগ্ৰেছীয়ে – মন্ত্ৰী কেশৱ মহন্ত
লক্ষ্য নৱগঠিত কাজিৰঙা লোকসভা সমষ্টি
সমাগত লোকসভা নিৰ্বাচনৰ ৰণডংকা আৰম্ভ কলিয়াবৰ বিধানসভা সমষ্টিৰ পৰা
কংগ্ৰেছী নেতাৰ আগলৈ সোঁত বব অগপলৈ। শীঘ্ৰে অগপত যোগদান কৰিব বহু কংগ্ৰেছীয়ে। কলিয়াবৰত কেবিনেট মন্ত্ৰী কেশৱ মহন্তৰ মন্তব্য। কলিয়াবৰত অনুষ্ঠিত হ’বলগীয়া অগপৰ বুথ সন্মিলনৰ যাবতীয় কাম-কাজৰ তদাৰক কৰি থকাৰ সময়তে মন্ত্ৰীগৰাকীয়ে এই গুৰুত্বপূৰ্ণ মন্তব্য কৰে।
দেশৰ লোকসভা নিৰ্বাচনৰ দিন ওচৰ চাপি অহাৰ লগে-লগে তৎপৰতা বাঢ়িছে ৰাজনৈতিক দলসমূহৰ। অসমো তাৰ ব্যতিক্ৰম নহয়। পিচে পৰি ৰোৱা নাই অসম গণ পৰিষদ। অসম গণ পৰিষদৰ কাজিৰঙা সংসদীয় সমষ্টি সমিতিৰ ১০ টা বিধানসভা সমষ্টিৰ বুথ সন্মিলন , সন্মিলনত উপস্থিত থাকিব মন্ত্ৰী অতুল বৰা¸ ফণীভূষণ চৌধুৰীকে ধৰি অগপৰ বহু নেতা-কৰ্মী।
কাজিৰঙা লোকসভা সমষ্টিত অগপ-বিজেপিৰ মিত্ৰজোঁটৰ প্ৰাৰ্থী জয়ী হোৱাটো প্ৰায় নিশ্চিত-এই দাবী কলিয়াবৰ সমষ্টিৰ বিধায়ক তথা স্বাস্থ্য মন্ত্ৰী কেশৱ মহন্তৰ। ইতিমধ্যে¸ কাইলৈ অনুষ্ঠিত হ’বলগা বুথ সন্মিলনক লৈ প্ৰস্তুতি প্ৰায় সম্পূৰ্ণ। মন্ত্ৰী কেশৱ মহন্তই নিজে সমগ্ৰ বিষয় তদাৰক কৰা পৰিলক্ষিত হয়।
১৯ হেজাৰ ভকত- বৈষ্ণৱ-আইমাতৃসকলক একেলগে বহিব পৰাকৈ বিশাল আকাৰৰ মণ্ডপৰ নিৰ্মাণ
দ্বিতীয় বৈকুণ্ঠধামলৈ পৰিণত হোৱাৰ দিশে ৰঙিয়াৰ মৰাণজনাৰ হাতীখলা পথাৰৰ শ্ৰীমন্ত শংকৰদেৱ সংঘৰ অধিবেশনৰ সমন্বয় ক্ষেত্ৰ
লাখ লাখ ভকত বৈষ্ণৱক আদৰণি জনাবলৈ সাজু শ্ৰীমন্ত শংকৰদেৱ সংঘৰ ৰঙিয়াৰ অধিবেশনঃ উপস্থিত থাকিব ৰাষ্ট্ৰপতি দ্ৰোপদী মুৰ্ম
শ্ৰীমন্ত শংকৰদেৱ সংঘ অধিবেশনস্থলী হাতীখলা পথাৰ সমন্বয় ক্ষেত্ৰৰ পৰা নয়নজ্যোতি তালুকদাৰ : ৰঙিয়াৰ মৰাণজনা হাতীখলা পথাৰৰ সমন্বয় ক্ষেত্ৰত অহা ৯,১০ আৰু ১১ ফেব্ৰুৱাৰীত শ্ৰীমন্ত শংকৰদেৱ সংঘৰ ৯৩ সংখ্যক বাৰ্ষিক অধিবেশনখনি অনুষ্ঠিত হব । তিনিদিনীয়াকৈ অনুষ্ঠিত হবলগীয়া এই শংকৰদেৱ সংঘৰ অধিবেশনক লৈ প্ৰস্তুতি প্ৰায় তুংগত উঠা পৰিলক্ষিত হৈছে । ইতিমধ্যেই অধিবেশনত প্ৰধানমন্ত্ৰী মোডীক আমন্ত্ৰণ জনোৱা হৈছিল যদিও ৰাজনৈতিক ব্যস্ততাৰ পৰিপ্ৰেক্ষিতত দেশৰ ৰাষ্ট্ৰপতি দ্ৰোপদী মূৰ্মৰ আগমন নিশ্চিত হৈছে । সমগ্ৰ ৰাজ্যৰ লগতে দেশ বিদেশৰ ভকত,সেৱক আৰু বৈষ্ণৱকে ধৰি ৫০ লাখ ভক্তি প্ৰাণ লোকক আদৰিবলৈ সকলো সংঘৰ সেৱকসকলে সমৰ্পিত দেহ-মনেৰে দিনে নিশাই ব্যস্ত হৈ পৰিছে । মৰাণ জনাৰ হাতীখলা পথাৰত কোনোবাই যদি নৰা কাটিছে আৰু আন কোনোবাই সেৱকে মিলি সকলোৱে বাঁহ-খেৰৰ চালিৰে শিবিৰ, মণিকূট আদি সাজি উলিয়াবলৈ লয় । ইফালে অধিৱেশনৰ কাৰ্যসূচীৰ তিনিদিন দিনে নিশাই থকাৰ বাবে শংকৰদেৱ সংঘৰ বিভিন্ন জিলাৰ শাখাৰ পৰা আহিবলৈ লোৱা ভকত -বৈষ্ণৱ -সেৱকক লৈ অস্থায়ী ভাৱে ২০০ তকৈ অধিক শিৱিৰ নিৰ্মাণ কৰি থকা হৈছে । সমান্তৰালকৈ বিভিন্ন জিলাৰ শাখাৰ পৰা আহিবলৈ লোৱা আইমাতৃ তথা মহিলা সকলৰ বাবে আছুতীয়াকৈ কেন্দ্ৰীয় ভঁড়ালৰ নিচেই কাষত সুবিশাল এক অস্থায়ী শিবিৰো নিৰ্মাণ কৰা হয় ।
যাতে আইমাতৃসকল অথবা মহিলা সকলৰ কোনো অসুবিধাৰ সন্মুখীন হব লগা নহয় তাৰ বাবে যাৱতীয় ব্যৱস্থা আদৰণি সমিতিয়ে লক্ষ্য ৰাখিছে । এই আইমাতৃসকলৰ ৰঙিয়া শাখাই বিশেষভাৱে অধিবেশনস্থলীলৈ অহা অন্যান্য জিলাৰ শাখাৰ পৰা অহা ভকত, বৈষ্ণৱ তথা আইমাতৃ আৰু ভক্তি প্ৰাণলোকসকলক আপ্যায়নৰ সময়ত সেৱা আগবঢ়াৱ । তাৰ মাজতে কোনোবা সেৱকে মিলি সুন্দৰকৈ পৰিস্কাৰ পৰিচ্ছন্নতা লৈ দৃষ্টি ৰাখি স্বচ্ছতা বজাই চলিছে । ইয়াৰোপৰি অধিবেশনৰ বাবে লাখ লাখ ভকত বৈষ্ণৱক সহায় সহযোগিতাৰ বাবে যুৱক-যুৱতীসকলক লৈ সেৱাবাহিনী গঠিত হৈছে । এই সেনাবাহিনীয়েও দিনে নিশাই লাইখুটা স্থাপনৰ দিন ধৰি পৰিশ্ৰম কৰি আহিছে বুলি ৯৩ সংখ্যক শ্ৰীমন্ত শংকৰদেৱ সংঘৰ অধিবেশনৰ আদৰণি সমিতিৰ সহঃ সম্পাদক কুশল দাসে অধিবেশনস্থলীৰ সমগ্ৰ দিশ পৰ্যালোচনাৰ পিছত প্ৰতিবেদকৰ জৰিয়তে জানিবলৈ দিয়ে । ইয়াৰোপৰি ৰঙিয়াৰ ভয়ৰা মৰাণজনাৰ হাতীখলা পথাৰৰ অধিবেশনস্থলীলৈ অহা লক্ষ লক্ষ ভকত, বৈষ্ণৱ আৰু আইমাতৃসকলক তিনিদিন ধৰি আপ্যায়ন কৰাৰ বাবে থলুৱা খাদ্যৰে উৎপাদিত শস্যৰ খাদ্য সম্ভাৰেৰে আপ্যায়িত কৰাৰ বাবে অধিবেশনৰ আদৰণী সমিতিৰ খাদ্য যোগান সমিতিৰ উদ্যোগত আৰু ৰাজ্য চৰকাৰৰ কৃষি বিভাগৰ সহযোগত ৰঙিয়াৰে সমীপৰ চিকনীবাৰী কৃষি পামত ১০০ বিঘা মাটিৰে আলু খেতিৰ লগতে কবি,গাজৰ,মূলা,ধনীয়া,মটৰ,লাও, বেঙেনা,বিলাহী আদিৰ খেতি কৰা হয়। ১৯ নৱেম্বৰত অধিবেশনৰ লাইখুটা স্থাপন হোৱাৰ পিছৰে পৰা দিনে নিশাই অশেষ পৰিশ্ৰম কৰা সেৱক- সেৱিকা তথা আইমাতৃসকলৰ মৰাণ জনাৰ হাতীখলা পথাৰৰ সমন্বয় ক্ষেত্ৰই আধ্যাত্মিক পৰিৱেশৰ গতিধাৰা আপ্লুত হোৱা বুলি শ্ৰীমন্ত শংকৰদেৱ সংঘৰ পদাধিকাৰ ভৱেন্দ্ৰ নাথ ডেকাই কয় । তদুপৰি এই অধিবেশনত বিশেষকৈ ৰাজ্যৰ মুখ্যমন্ত্ৰী ড° হিমন্ত বিশ্ব শৰ্মাৰ লগতে বিধায়ক ভৱেশ কলিতাৰ সহায় সহযোগিতা আৰু পৰামৰ্শৰ কথাৰ উপৰিও ইছলাম ধৰ্মাৱলম্বীলোকৰ শ্ৰমদানেৰে শান্তি সম্প্ৰীতিৰ এনাজৰী বান্ধোনেৰে শ্ৰীমন্ত শংকৰদেৱ সংঘৰ ৯৩ সংখ্যক বাৰ্ষিক অধিবেশনখনি সাফল্যতাৰে লক্ষ লক্ষ ভক্তি প্ৰাণলোকৰ উপস্থিতিৰ জৰিয়তে অনুষ্ঠিত হব বুলিও লগতে উল্লেখ কৰে । তাৰোপৰি ১০ হেজাৰ ভকত বৈষ্ণৱ আৰু আইমাতৃসকলক একেলগে বহিব পৰাকৈ বিশাল আকাৰৰ মণ্ডপৰ নিৰ্মাণ কৰা হৈছে । লগতে এই ১০ হেজাৰ ভকত বৈষ্ণৱে একেলগে বহি ভোজন কৰিবলৈ সুবিশাল ভোজনালয় নিৰ্মাণ হবলৈ ধৰিছে । ইতিমধ্যেই অধিবেশনৰ বাবে মাজতে কেইটামান দিন থকাৰ বাবে সকলো সেৱক সেৱিকাই আদৰণি জনাবলৈ প্ৰস্তুতি তু্ংগত কৰি তুলিছে বুলি অধিবেশনৰ আদৰণি সমিতিৰ সম্পাদক ডাঃ হিতেন্দ্ৰ নাথ ডেকাই জনায় । তাৰ বাবে ৰন্ধনৰ বাবে বৰলেছাকোণাৰ মছজিদ কমিটিয়ে এক ট্ৰাক খৰিৰ লগতে বিভিন্ন গাঁৱৰ পৰা অহা দান বৰঙণি আগবঢ়োৱা কাঠৰ খৰিৰ সু- ব্যৱস্থাত ৩৫০ টা চৌকাৰ জুইৰে ভকত, বৈষ্ণৱ আৰু আইমাতৃসকল তথা ভক্তি প্ৰাণলোকক ভোজনৰ ব্যৱস্থা গ্ৰহণ কৰা হৈছে । ইয়াৰোপৰি অধিবেশনৰ স্থলীত বৌদ্ধিক মহলত প্ৰাসংগিকতা লৈ এখনি গ্ৰন্থমেলাও প্ৰদৰ্শন কৰা হব তাৰ বাবে যাৱতীয় গ্ৰন্থৰ মেটমৰা সম্ভাৰ লৈ বিপণী সমূহ আগতীয়াকৈ সাজু হৈ পৰিছে ।
ইয়াৰ বাবে বিভিন্ন জিলাৰ লগতে গুৱাহাটী, ৰঙিয়া, নলবাৰীৰ বুক ষ্টল সম্প্ৰতি অধিবেশনৰ বাবে ১হাজাৰ১৩খন গ্ৰন্থবিপনীৰ ব্যৱস্থা ৰখা হৈছে । প্ৰতিখন বিপনীৰ বাবে ৫ হাজাৰ টকাকৈ আদৰণি সমিতয়ে নিৰ্ধাৰণ কৰে । প্ৰতিটো বিপনী অথবা ষ্টলত লাইট,ডেকাৰেচন আদিৰে আটকধুনীয়াকৈ সজাই তোলা হব । আনহাতে গ্ৰন্থমেলাৰ বাবে ইতিমধ্যেই ৰেখা প্ৰকাশন, কল্পতৰু প্ৰকাশন,অসম প্ৰকাশন পৰিষদকে ধৰি ৭০খন বিপনী বুকিং হৈছে । শ্ৰীমন্ত শংকৰদেৱ সংঘৰ তৰফৰপৰা বিনামূলীয়া বিপনীৰ ব্যৱস্থা ৰখা হয় । সংঘৰ নিজাববীয়াকৈ গ্ৰন্থমেলাত মহাপুৰুষ শংকৰদেৱৰ গুৰুজনাৰ উপৰি মাধৱদেৱ আদি গুৰুজনাৰ আধ্যাত্মিক গ্ৰন্থ ৰখাৰ ব্যৱস্থা কৰা হৱ । ইয়াৰোপৰি গ্ৰন্থমেলাৰ প্ৰদৰ্শন স্থলীত ভক্তি প্ৰাণলোকৰ উপস্থিতিৰ প্ৰতি লক্ষ্য ৰাখি জিৰণি লোৱাৰ বাবে এক বিশেষ শিবিৰ গৃহৰো ব্যৱস্থা ৰখা হয় । আনহাতে বাণিজ্য মেলাৰ বাবে অধিবেশনত ১ হাজাৰ ষ্টলো থাকিব । তদুপৰি অসম চৰকাৰৰ জনজীৱন আঁচনিৰ প্ৰদৰ্শনীৰ ব্যৱস্থা আছে । মহাভাৰতৰ অভিমন্যুৰ চক্ৰবেহু ৰচনাৰাজিৰ প্ৰদৰ্শন অধিবেশনত প্ৰদৰ্শিত হব বুলি গ্ৰন্থ মেলা আৰু প্ৰদৰ্শনী মেলাৰ উপ-সমিতিৰ উপ সভাপতি ধৰণীধৰ দাসে জানিবলৈ দিয়ে । উল্লেখ্য যে এই অভিমন্যুৰ চক্ৰবেহু সম্পূৰ্ণ প্ৰদৰ্শন উত্তৰ পূৱ সীমান্ত ৰেলৱেৰ মালিগাঁৱ শাখাই সম্পূৰ্ণ দায়িত্ব বহন কৰিব ।
মিচিং জনগোষ্ঠীৰ দীৰ্ঘদিনীয়া দাবী পূৰণৰ দিশে,কোনো এখন চৰকাৰে কৰিব নোৱাৰা কাম বৰ্তমানৰ ৰাজ্য চৰকাৰে কৰি দেখুওৱাইছে: টি এম পি কে
গোগামুখ আবতানি লত্তাত মিচিং তিনি জাতীয় সংগঠনৰ সংবাদ মেল
৭ জানুৱাৰীত অসম কেবিনেটত মিচিং, ৰাভা আৰু তিৱা স্বায়ত্ব শাসিত পৰিষদক সাংবিধানিক মর্যদা প্ৰদান কৰাৰ সিদ্ধান্তক ধন্যবাদ জনাইছে TMPK, MMK আৰু TMMK তিনিওটা মিচিং জাতীয় সংগঠনে। মিচিং জনগোষ্ঠীৰ কলা-সংস্কৃতি, শৈক্ষিক আর্থ-সামাজিক তথা সৰ্বতোপ্ৰকাৰৰ উন্নয়ণৰ উদ্দেশ্যে গঠন কৰা মিচিং স্বায়ত্ব শাসিত পৰিষদক সাংবিধানিক মৰ্য্যদা প্ৰদানৰ বাবে আজি বছৰ বছৰ ধৰি TMPK, MMK আৰু TMMK মিচিং জাতীয় সংগঠনৰ নেতৃত্বত মিচিং জনগোষ্ঠীৰ ৰাইজে ৰাজপথৰ আন্দোলনৰ পৰা আৰম্ভ কৰি সংসদীয় আন্দোলন কৰি আহিছে যদিও পূৰ্বৰ কোনো এখন চৰকাৰে বিষয়টোৰ ওপৰত গুৰুত্ব আৰোপ কৰা নাছিল ৷ প্ৰতিটো চৰকাৰে প্রতিশ্রুতি প্রদান কৰিয়েই দায়িত্ব সামৰিছিল। তদানীন্তন মুখ্যমন্ত্ৰী হিতেশ্বৰ শইকীয়াৰ দিনৰে পৰা কোনো এখন চৰকাৰে মিচিং ৰাইজৰ দীৰ্ঘদিনীয়া দাবীৰ প্ৰতি সহাৰি জনোৱা নাছিল।কিন্তু ইয়াৰ বিপৰীতে ড০ হিমন্ত বিশ্ব শর্মাৰ নেতৃত্বাধীন বৰ্তমানৰ বিজেপি চৰকাৰে মিচিং ৰাইজৰ দীৰ্ঘদিনীয়া দাবীৰ প্রতি সন্মান জনাই মিচিং স্বায়ত্ব শাসিত পৰিষদক সাংবিধানিক মর্যদা প্ৰদান কৰা বিষয়টোৰ ওপৰত বিশেষ গুৰুত্ব প্রদানেৰে ৭ জানুৱাৰীত অনুষ্ঠিত কৰা অসম
কেবিনেটৰ বৈঠকত সিদ্ধান্ত গ্রহণ কৰি মিচিং স্বায়ত্ব শাসিত পৰিষদক সাংবিধানিক মর্যদা প্ৰদানৰ বাবে কেন্দ্রীয় চৰকাৰৰ গৃহ মন্ত্ৰালয়লৈ পৰামর্শ প্রেৰণৰ যি ঐতিহাসিক সিদ্ধান্ত গ্রহণ কৰিলে তাক সমগ্র মিচিং জনগোষ্ঠীৰ হৈ TMPK, MMK আৰু TMMK তিনি মিচিং জাতীয় সংগঠনে ৰাজ্যৰ মুখ্যমন্ত্রী ড০ হিমন্ত বিশ্ব শৰ্মা আৰু অসম
কেবিনেটক সংবাদ মেলযোগে ধন্যবাদ জনাই।উল্লেখযোগ্য যে সাংবিধানিক মৰ্যদা প্ৰদানৰ বাবে অসমৰ শিক্ষা মন্ত্ৰী ড০ ৰণোজ পেগু আৰু বিধায়ক ভূৱন পেগুৰ উদ্যোগত ৰাজ্যৰ মুখ্যমন্ত্রী ড০ হিমন্ত বিশ্ব শৰ্মাৰ সৈতে মিচিং জাতীয় সংগঠনৰ দীৰ্ঘদিনীয়া দাবীক কেইবালানি উচ্চ পর্যায়ৰ আলোচনাৰ ফলশ্রুতিতে মিচিং স্বায়ত্ব শাসিত পৰিষদক সাংবিধানিক মর্যদা বাস্তব দিশে অগ্ৰসৰ হৈছে বুলি সংবাদ মেলত ব্যক্ত কৰে। তদুপৰি বৰ্তমান মিচিং স্বায়ত্ব শাসিত পৰিষদৰ মুঠ ৩৬ খন পৰিষদীয় সমষ্টিৰ পৰা ৪৫ খন পৰিষদীয় সমষ্টি বৃদ্ধিৰ বাবেও কেন্দ্ৰ চৰকাৰলৈ প্ৰস্তাৱ প্ৰেৰণ কৰা হৈছে বুলি সংবাদ মেলৰ জড়িয়তে জানিবলৈ দিয়ে।
ইয়াৰোপৰি এম এম কেৰ সাধাৰণ সম্পাদক পুৰোষোত্তম দলেই সংবাদ মেলত স্পষ্টভাৱে ব্যক্ত কৰে যে,যি চৰকাৰে মিচিং জনগোষ্ঠীৰ আৰ্থ-সামাজিক উন্নয়নৰ প্ৰতি সহাৰি জনাইছে আমি সেই চৰকাৰৰ সমৰ্থনতেই থকাৰ কথা উল্লেখ কৰে আৰু সাংবিধানীক মৰ্যদাৰ প্ৰস্তাৱত ষষ্ঠ অনুসূচী অন্তৰ্ভুক্তিটিৰ বিষয়টোক বিশেষ ভাৱে গুৰুত্ব প্ৰদান কৰা হৈছে বুলি সংবাদমেলত জানিবলৈ দিয়ে । আজিৰ বিশেষ গুৰুত্বপূৰ্ণ সংবাদ মেলত উপস্থিত থাকে এম এম কেৰ কেন্দ্ৰীয় সমিতিৰ সভাপতি সুনীল পেগু, সাধাৰণ সম্পাদক পুৰুষোত্তম দলে,টি এম পি কেৰ কেন্দ্ৰীয় সমিতিৰ সভাপতি তিলক দলে, সাধাৰণ সম্পাদক চান দঃঞি পাংগিং, টি এম এম কেৰ উপ-সভানেত্ৰী ইন্দিৰা চিন্তে কুম্বাং, সাধাৰণ সম্পাদিকা শৰ্মিলা পায়েং পেগুৰ লগতে তিনি মিচিং জাতীয় সংগঠনৰ নেতৃবৃন্দ।
টেঙানিৰ মানুহে বহুত মাৰ খালে
টেঙানিলৈ মই ৰাজনীতি কৰিবলৈ নাহো: বিধায়ক বিশ্বজিৎ ফুকন
আন্দোলনে কোঙা কৰা টেঙানি বাসী ৰাইজৰ বহুতেই পুলিচৰ মাৰ খালে। কিন্তু উন্নয়ন বিচাৰি যদি সেই আন্দোলন বোৰ কৰিলে হয় টেঙানিত এটাও কেচা ৰাস্তা নাথাকিলে হয়। সমস্যাৰে জৰ্জৰিত টেঙানিবাসী ৰাইজৰ সৰলতাক অস্ত্ৰ হিচাপে লৈ আন্দোলনৰ ৰাজধানীলৈ পৰিণত কৰা টেঙানি আজিও বহুত পিছ পৰি ৰ’ল। টেঙানি এতিয়া আন্দোলনৰ বাবে নহয় উন্নয়নৰ বাবে, সম্পদৰ বাবে বিখ্যাত হৈ পৰিব। এই মন্তব্য বিধায়ক বিশ্বজিৎ ফুকনৰ। বৃহত্তৰ টেঙানিৰ চাৰিখন বিদ্যালয়ৰ শ্ৰেণীকোঠা আৰু দুটা পথৰ আধাৰশিলা স্থাপন কৰি বিধায়ক গৰাকীয়ে ৰাইজৰ আগত এই মন্তব্য ডাঙি ধৰে।
লগতে টেঙানি বাসীক লৈ বাহিৰৰ পৰা আহি আন্দোলন কৰিবলৈ বাধ্য কৰোৱা লোক সকলক ক্ষুৰধাৰ সমালোচনা কৰি এতিয়াৰ পৰা তেনে কোনো কাৰ্যতে টেঙানি বাসী ৰাইজে হাত উজান নিদিয়ে বুলিও মন্তব্য কৰে। বিধায়ক গৰাকীয়ে আৰু কয় যে টেঙানিলৈ মই ৰাজনীতি কৰিবলৈ নাহো, উন্নয়ন কৰিবলৈহে আহিম। আজি টেঙানিৰ চোৰাতনি উমানন্দ প্ৰাৰ্থমিক বিদ্যালয়, শান্তিপুৰ জ্ঞানজ্যোতি প্ৰাৰ্থমিক বিদ্যালয়, নিকৰী মাজদালপা জনজাতি প্ৰাৰ্থমিক বিদ্যালয় আৰু চাংপুল টেঙানি প্ৰাৰ্থমিক বিদ্যালয়ৰ শ্ৰেণীকোঠা নিৰ্মাণৰ লগতে মিলন বজাৰ পথ আৰু বৰপথাৰ সংযোগী ভোজৰ আলি পথৰ পকীকৰণৰ আধাৰশিলা স্থাপন কৰি বিধায়ক বিশ্বজিৎ ফুকনে টেঙানিয়ে এতিয়া সমগ্ৰ গোলাঘাট জিলাৰে অৰ্থনীতি টনকিয়াল কৰাৰ লগতে সাংস্কৃতিক, ক্ৰীয়া, কৃষি, শিক্ষা আদি সকলো দিশতে ৰাজ্যখনৰ ভিতৰতে জাকত জিলিকা হৈ পৰিব বুলি আশা প্ৰকাশ কৰে। ইপিনে টেঙানিৰ যোগাযোগ ব্যৱস্থা আৰু অধিক শক্তিশালী কৰাৰ বাবে তিনিখনকৈ দলং নিৰ্মাণৰ কথাও প্ৰকাশ কৰে।
ইয়াৰে চিলনীজান সংযোগী দলং নিৰ্মাণ হৈ থকাৰ লগতে চলিত বৰ্ষৰ ডিচেম্বৰ মাহৰ ভিতৰত ৰাইজৰ বাবে মুকলি কৰা হব বুলি জানিবলৈ দিয়ে। লগতে থুৰামুখ আৰু নোগোৰাত হব লগা দলং দুখনৰ শীঘ্ৰেই নিৰ্মাণৰ কাম হাতত লোৱা হব বুলি ৰাইজক জানিবলৈ দিয়ে। টেঙানিক লৈ বিধায়ক গৰাকীৰ বহু সপোন আছে বুলি ৰাইজৰ আগত প্ৰকাশ কৰি নামবৰ অভয়াৰণ্যৰ মাজেৰে যোৱা ৰাষ্ট্ৰীয় ঘাইপথ ফ’ৰলেনযুক্ত পথলৈ উন্নীত হোৱাৰ যো-জা চলি থকাৰ সময়তে এই ফ’ৰলেনযুক্ত পথ বনাঞ্চলৰ মাজেদি নগৈ থুৰামুখৰ পৰা টেঙানিৰ মাজেদি নিবৰ বাবে কৰ্পতৃক্ষৰ ওচৰত প্ৰস্তাৱ দিয়া হৈছে বুলিও বিধায়ক গৰাকীয়ে জনায়। আনহাতে চলিত বৰ্ষত টেঙানিত ২১ কিলোমিটাৰ পথ পকীকৰণৰ হব বুলি ৰাইজক জানিবলৈ দিয়ে। আজিৰ এই কাৰ্যসূচীত বৰপথাৰ পৌৰসভাৰ পৌৰপতিৰ লগতে জিলা বিজেপিৰ কায্যকৰ্তা আৰু স্থানীয় ৰাইজ উপস্থিত আছিল।
শুৱালকুছি সাংবাদিক সন্হাৰ প্ৰতিষ্ঠা দিৱস আৰু গান্ধী স্মৃতি ৰোমন্থন সভাত ড°নিহাৰ ৰঞ্জন কলিতা
মানৱতাৰ বিকাশ ৰূপায়ণে মহাত্মা গান্ধীৰ প্ৰকৃত উদ্দেশ্য আছিল
গান্ধীজীৰ আদৰ্শত অনুপ্ৰাণিত হবলৈ যুৱ প্ৰজন্মক আহ্বান- দীনেশ বৈশ্য
—————————————————————————
দেশৰ স্বাধীনতা আন্দোলনৰ গুৰি ধৰোতা মহামানৱ মহাত্মা গান্ধীৰ চিন্তা – চেতনা, কৰ্ম – আদৰ্শ দেশবাসীয়ে হাড়ে হিমজুৱে উপলব্ধ কৰিব লাগিব ৷ তেওঁ অহিংসাৰ পূজাৰী আৰু মানৱতাবাদী আছিল ৷ মানৱতাৰ বিকাশ ৰূপায়ণ আছিল গান্ধীজীৰ মুখ্য উদ্দেশ্য। তেওঁ মানৱতাবাদী চিন্তাৰে সকলোকে স্ব-নিৰ্ভৰশীল হবলৈ আহ্বান জনাইছিল ৷ এই মন্তব্য শুৱালকুছি বুদৰাম মাধৱ সত্ৰাধিকাৰ মহাবিদ্যালয়ৰ অধ্যক্ষ ড°নিহাৰ ৰঞ্জন কলিতাৰ ৷ আজি শুৱালকুছি সাংবাদিক সন্হাৰ প্ৰতিষ্ঠা দিৱস উপলক্ষে আয়োজন কৰা গান্ধী স্মতি ৰোমন্থন সভা উদ্বোধন কৰি অধ্যক্ষ গৰাকীয়ে পুনৰ কয় যে গান্ধীজী অসমলৈ চাৰিবাৰ আহিছিল ৷ তেওঁ শেষৰবাৰ অসম ভ্ৰমণলৈ আহোতে অৰ্থাৎ ১৯৪৬ চনৰ ৯ জানুৱাৰীত শুৱালকুছিৰ পবিত্ৰভূমি পদাৰ্পণ কৰি শুৱালকুছিবাসীক ধন্য কৰিছিল আৰু শুৱালকুছিৰ বস্ৰশিল্পক মাত্ৰা প্ৰদান কৰি গৈছে ৷ আজি ৭৭ বৰ্ষ পূৰ্ণ হোৱাৰ উপলক্ষে সেইদিনটোৰ সোৱৰণি সভা অনুস্হিত কৰাৰ বাবে তেওঁ উদ্যোক্তা সকলক ধন্যবাদ জনাই প্ৰতি বছৰে এনে অনুস্হান অনুস্হিত কৰাৰ আহ্বান জনায় ৷
শুৱালকুছি মহাবিদ্যালয়ৰ তৰফৰ পৰা শুৱালকুছি গান্ধী আশ্ৰমখন সুন্দৰকৈ ৰখাৰো এক প্ৰস্তাৱ সভাত তেওঁ ৰাজহুৱা কৰে ৷ শুৱালকুছি সাংবাদিক সন্হাৰ সভাপতি দিলীপ মেধিৰ সভাপতিত্বত গান্ধী আশ্ৰমৰ মুকলি মঞ্চত অনুস্হিত সভাত আদৰণি ভাষণ প্ৰদান কৰে সন্হাৰ সম্পাদক হেমেন বৈশ্যই ৷ সভাত গান্ধীজী শুৱালকুছিলৈ অহা সময়ত সান্নিধ্য লাভকৰা শুৱালকুছিৰ বয়োজ্যেষ্ঠ নাগৰিক দীনেশ চন্দ্ৰ বৈশ্য, চুৰেন দাস, হৰ কুমাৰ দাস আদিয়ে গান্ধীজী শুৱালকুছিলৈ অহা দিনটোৰ মধুৰ স্মৃতি ৰোমন্থন কৰি উঠিঅহা যুৱ প্ৰজন্মক বাৰুকৈয়ে আকৰ্ষিত কৰে ৷ সেই দিনটোত গান্ধীজী অহাৰ সময়ত কেনেকুৱা অৱস্হা হৈছিল আৰু কি কি কাৰ্যসূচীত তেওঁ ভাগ লৈছিল আদি সকলো দিশৰ কথা তেওঁলোকে সভাত অৱগত কৰি নষ্টালজিয়া হৈ পৰে ৷ জ্যেষ্ঠ নাগৰিক দীনেশ চন্দ্ৰ বৈশ্যই যুৱ প্ৰজন্মক মহাত্মা গান্ধীৰ আদৰ্শত অনুপ্ৰাণিত হবলৈ আহ্বান জনায় ৷ সভাত বংশৰ উচ্চতৰ মাধ্যমিক বিদ্যালয়ৰ অৱসৰী অধ্যক্ষ কনক দাসে গান্ধীজীৰ শুৱালকুছি পদাৰ্পণৰ স্মৃতি জাউতি যুগীয়া কৰাৰ বাবে শুৱালকুছিবাসীক আহ্বান জনায় ৷ তেওঁ যি সকল ব্যক্তিৰ প্ৰচেস্টাত গান্ধীজীয়ে শুৱালকুছিলৈ আহিল সেইসকলৰ বিষয়ে উল্লেখ কৰি এখন গ্ৰন্থ প্ৰকাশ কৰাত গুৰুত্ব প্ৰদান কৰে ৷ এই ক্ষেত্ৰত শুৱালকুছি সাংবাদিক সন্হাক দ্বায়িত্ব লবলৈ তেওঁ কয় ৷ সভাত শুৱালকুছি জ্যোতি সাহিত্য সভাৰ সভাপতি ৰণজিৎ কুমাৰ মহন্তই গান্ধীজীৰ নীতি, আদৰ্শ, আৰু মহানুভৱতাৰ ওপৰত এক তত্ত্ব গধূৰ বক্তব্য।
আগবঢ়ায় ৷ সভাত ছাত্ৰী খুচী কলিতা, বিদিশা বৈশ্য, হূদিষা কলিতা আৰু মেঘনা দাসে গান্ধীজীৰ জীৱন বৃতান্ত সম্পৰ্কে কিছু বক্তব্য আগবঢ়ায় ৷ শুৱালকুছি গণেশ দাস হাইস্কুলৰ অৱসৰী প্ৰধান শিক্ষক যোগেন্দ্ৰ ভৰালীয়ে তেওঁৰ ভাষণত গান্ধীজীৰ শুৱালকুছি ভ্ৰমণ সন্দৰ্ভত বিস্তৃত ভাৱে উল্লেখ কৰি গান্ধীজীয়ে আগবঢ়োৱা ধনৰে শুৱালকুছিৰ চিকিৎসালয় স্হাপন হোৱাৰ কথা দোহাৰে ৷ তেওঁ শুৱালকুছিৰ তাতশিল্প সন্দৰ্ভতো কিছু কথা সভাত অৱগত কৰে ৷ শিল্পী কস্তুৰী মেধিয়ে এটি সুন্দৰ বড়গীত পৰিৱেশন কৰি উপস্থিত সকলোকে মুগ্ধ কৰে ৷ সভাত শলাগৰ শৰাই আগবঢ়াই সন্হাৰ উপ সভাপতি ৰত্ন কুমাৰ দাসে। ইয়াৰ পূৰ্বে পুৱা শুৱালকুছি সাংবাদিক সন্হাৰ প্ৰতিষ্ঠা দিৱসৰ পতাকা উত্তোলন কৰে সভাপতি দিলীপ মেধিয়ে ৷ বন্তি প্ৰজ্বলন কৰে ৰাস উদযাপন সমিতিৰ সম্পাদক বিৰেশ্বৰ দাসে আৰু গান্ধীজীৰ প্ৰতিচ্ছবিত মাল্যৰ্পন কৰে আছুৰ সাংগঠনিক সম্পাদক পংকজ কলিতাই ৷
মহানগৰীৰ ফাঁচীবজাৰৰ ৰাজপথত ব্লেড মেনৰ সন্ত্ৰাস। দুজনকৈ লোকক ব্লেডেৰে আক্ৰমণ কৰে ব্লেড মেনে।
প্ৰথমে ধনদাবী আৰু ধন নিদিলে ব্লেডেৰে কৰে আক্ৰমণ। প্ৰথমে এজন লোকৰ মুৰত আঘাত কৰে ব্লেডেৰে।
তাৰ পিছতেই আন এজন লোকক আক্ৰমণ ব্লেড মেনৰ।
দক্ষিণ আফ্ৰিকাৰ স্পিনাৰ কেশৱ মহাৰাজে ৰাম ছিয়া ৰাম গীতৰ সৈতে নিজৰ সম্পৰ্ক প্ৰকাশ কৰিছে, বলিং কৰাৰ সময়ত ষ্টেডিয়ামত ‘ৰাম ছিয়া ৰাম’ গীতটো বাজিবলৈ আৰম্ভ কৰে। ভাৰতৰ দক্ষিণ আফ্ৰিকা ভ্ৰমণৰ সময়ত বহু সময়ত এই ঘটনা দৃষ্টি গোচৰ হৈছিল। এদিনীয়া শৃংখলাৰ সময়ত এবাৰ কে এল ৰাহুলেও কেশৱ মহাৰাজক এই সন্দৰ্ভত এটা প্ৰশ্ন কৰিছিল। কে.এল.এ সুধিছিল যে কেশৱ ভাই, আপুনি যেতিয়াই আহে, এইসকলে ৰাম ছিয়া ৰাম গীতটো বজায় নেকি? এই কথাত প্ৰবীণ স্পিনাৰজনে উত্তৰ দিলে ‘হয়’। শেহতীয়াকৈ টেষ্ট শৃংখলাৰ সময়তো এটা আমোদজনক ঘটনা পোহৰলৈ আহিছিল। কেপ টাউন টেষ্টত যেতিয়া কেশৱ মহাৰাজে বেটিং কৰিবলৈ আহিছিল আৰু এই গীতটোৱে ষ্টেডিয়ামত প্ৰতিধ্বনিত হ’বলৈ আৰম্ভ কৰিছিল, তেতিয়া বিৰাট কোহলীয়ে কেশৱ মহাৰাজৰ ফালে হাত ভাঁজ কৰি তাৰ পিছত ধনুৰ পৰা কাঁড় নিক্ষেপ কৰাৰ ভংগীমা গ্ৰহণ কৰিছিল। বিৰাটৰ এই ভিডিঅ’টোও ছ’চিয়েল মিডিয়াত ভাইৰেল হৈ পৰে।
এতিয়া কেশৱ মহাৰাজক এই কাহিনীবোৰৰ বিষয়ে আৰু ৰাম ছিয়া ৰাম গীতটোৰ সৈতে তেওঁৰ সম্পৰ্কৰ বিষয়ে সোধাত তেওঁ অতি চুটি উত্তৰেৰে দিলে। তেওঁ ক’লে, ‘এইটো মোৰ প্ৰৱেশ গান। মই ভগৱান ৰাম আৰু হনুমানৰ ভক্ত গতিকে এইটো মোৰ বাবে একেবাৰে উপযুক্ত বুলি ভাবো। কেশৱে ক’লে, ‘বহু সময়ত মই সন্মুখত থিয় হৈ এই গানটো বজাবলৈ কওঁ। মোৰ বাবে মোৰ ঈশ্বৰ আটাইতকৈ ডাঙৰ আশীৰ্বাদ। তেওঁ মোক পথ দেখুৱাই সুযোগ দিয়ে। ধৰ্ম, সংস্কৃতিক সন্মান কৰাটো গুৰুত্বপূৰ্ণ। বেকগ্ৰাউণ্ডত ‘ৰাম ছিয়া ৰাম’ বাজি থাকিলে শুনি ভাল লাগে।
২২ জানুৱাৰীত ৰাম মন্দিৰত ৰাম মন্দিৰৰ প্ৰাণ প্ৰতিষ্ঠা হ’ব। বলীউড, দক্ষিণ আৰু টিভি জগতৰ বহু ডাঙৰ তাৰকাক এই ঐতিহাসিক দিনটোৰ সাক্ষী হ’বলৈ আমন্ত্ৰণ জনোৱা হৈছে। জানো আহক কোন কোন তাৰকা এই ঐতিহাসিক মুহূৰ্তৰ সাক্ষী হ’ব…
অনুপম খেৰক অযোধ্যা ৰাম মন্দিৰত ৰাম লালাৰ অভিষেক অনুষ্ঠানত অংশগ্ৰহণ কৰিবলৈ আমন্ত্ৰণ জনোৱা হৈছে।
কংগনা ৰানাৱতৰ নামো এই তালিকাত সন্নিবিষ্ট কৰা হৈছে। অভিনেত্ৰীগৰাকীয়ে নিজেই এই তথ্য ছ’চিয়েল মিডিয়াত দিছে।
বলীউডৰ মেগাষ্টাৰ অমিতাভ বচ্চনেও এই মহান অনুষ্ঠানত অংশগ্ৰহণৰ বাবে আমন্ত্ৰণ লাভ কৰিছে।
ৰাম মন্দিৰ প্ৰাণ প্ৰতিষ্ঠাৰ বাবে জেকী শ্ৰফ আৰু তেওঁৰ পুত্ৰ বলীউডৰ অভিনেতা টাইগাৰ শ্ৰফেও আমন্ত্ৰণ লাভ কৰিছে।
বলীউডৰ ছুপাৰহিট দম্পতী আলিয়া ভাট আৰু ৰণবীৰ কাপুৰেও এই অনুষ্ঠানৰ সাক্ষী হ’ব পাৰে।
অতিথি তালিকাত ৰনদীপ হুডাৰ নামো অন্তৰ্ভুক্ত কৰা হৈছে। এই মহান অনুষ্ঠানতো তেওঁ অংশগ্ৰহণ কৰিব।
ৰাম মন্দিৰ প্ৰাণ প্ৰতিষ্ঠাৰ এই ভৱিষ্যৎ অনুষ্ঠানত অংশগ্ৰহণ কৰিব বলীউডৰ ঢক ঢক গাৰ্ল মাধুৰী দীক্ষিতেও।
একে সময়তে বলীউডৰ সিংঘম অজয় দেৱগানলৈও প্ৰেৰণ কৰা হৈছে ৰাম মন্দিৰ প্ৰাণ প্ৰতিষ্ঠাৰ কাৰ্ড। ববি দেওলেও যোগদান কৰিব পাৰে।
ৰজনীকান্তৰ উপৰিও কেজিএফৰ তাৰকা যশ, ধনুশ, দক্ষিণৰ তাৰকা প্ৰভাছেও ৰাম মন্দিৰ প্ৰাণ প্ৰতিষ্ঠাত অংশগ্ৰহণ কৰিব পাৰে।
ৰাম মন্দিৰ প্ৰাণ প্ৰতিষ্ঠাত অংশগ্ৰহণ কৰিব TV worldৰ ৰাম আৰু সীতাই। হয়, দীপিকা চিখলিয়া আৰু অৰুণ গোভিলেও এই অনুষ্ঠানত অংশগ্ৰহণ কৰিব। আপোনালোকক জনাওঁ যে ৪০০০ সাধু আৰু সন্তকে ধৰি দেশৰ বিভিন্ন প্ৰান্তৰ পৰা প্ৰায় ৭০০০ অতিথিয়েও এই শুভ অনুষ্ঠানৰ বাবে নিমন্ত্ৰণ লাভ কৰিছে।
