আজি বহু(Roi Roi Binale)অপেক্ষাৰ অন্তত ছবিগৃহলৈ আহিল ৰৈ ৰৈ বিনালে ছবিখন। ছবিখনৰ মুক্তিলাভৰ পিছতে গৰ্মা শইকীয়া গাৰ্গে ক’লে-

‘পুৱা ৪.২৫ বজাতে প্রথম দৰ্শনী আৰম্ভ হৈছে। এয়া এক সাংঘাতিক ঘটনা। ইমান পুৱতি নিশা অসমীয়া চিনেমাৰ দৰ্শনী আৰম্ভ হোৱা নাছিল। তেওঁৰ সপোন পূৰণ হৈছে বুলিয়েই ভাবিছো। অসমৰ ৰাইজে যি দৰে তেওঁক মৰম, আশীৰ্বাদ দি আছিল সদায় দি থাকিব। তেওঁ আমাৰ মাজত সদায় অমৰ হৈ থাকিব।’

‘লগতে তেওঁ ক’লে- ‘তেওঁ যিদিনা অসমলৈ আহিছিল সেইদিনাও লগতে বৃষ্টি লৈ আহিছিল আজিও বৃষ্টি লৈ আহিছে। বহু সমত মই নিজেও অনুভৱ কৰিছো বহু কথা। এতিয়া তেওঁ কানেক্টেড হৈ আছে বুলি আমাক দেখুওৱাব বিচাৰে বৰষুণ হৈ নহ’লে অন্য কিবা হৈ। তেওঁ অনুভৱ কৰাইছে সকলোকে যে তেওঁ আমাৰ মাজতে আছে।’

‘ৰৈ ৰৈ বিনালে’ৰ প্ৰথম (Roi Roi Binale) দৰ্শনী চাই কান্দি কান্দি ওলাই আহিল দৰ্শক। সকলোৱে কান্দি কান্দি ওলাই আহি ক’লে- ‘জুবিন দাই সকলো জানিছিল।’

‘জুবিন গাৰ্গৰ সৈতে ঘটা সকলো ঘটনা সন্নিবিষ্ট হৈ আছে ছবিখনত। অনুৰাগীৰ হাহাকাৰ, চিনেমা শেষ হোৱাৰ পিছতো ছবিগৃহৰপৰা আহিব বিচৰা নাই দৰ্শক।’

‘আজি দাদা থকা হ’লে, দাদাক বহুত মিচ কৰিছো, সকলোৱে চিনেমাখন চাওক, চিনেমাখন চালে বুজি পাব বহু কথা’ ‘চিনেমাৰ কাহিনীৰ সৈতে মিল আছে জুবিনদাৰ কাহিনী’ ৰৈ ৰৈ বিনালে চাই হুকহুকাই কান্দি উঠিল অনুৰাগী ।

আনহাতে ৰৈ ৰৈ বিনালে শুভমুক্তিৰ প্ৰথম দিনটোত ছবিগৃহত উপস্হিত হৈ তেজপুৰ জুবিনিয়ানছৰ তৰফৰ পৰা প্ৰায় প্ৰতিজন দৰ্শকক একোটাকৈ নাহৰ পুলি আৰু জুবিন গাৰ্গৰ স্বাক্ষৰ সম্বলিত ছবিখনৰ পোষ্টাৰ বিতৰণ কৰা পৰিলক্ষিত হয়৷