Home Blog Page 1298

বিশ্বকাপত ভাৰতৰ জয়ক লৈ সুখ প্ৰকাশ ইজৰাইলৰ…

বিশ্বকাপৰ মেচত পাকিস্তানৰ পৰাজয় আৰু ভাৰতৰ জয়ক লৈ ইজৰাইলে সুখ প্ৰকাশ কৰিছে। ভাৰতত থকা ইজৰাইলৰ ৰাষ্ট্ৰদূত নাওৰ গিলনে নৰেন্দ্ৰ মোদী ষ্টেডিয়ামত প্ৰধানমন্ত্ৰী মোডী আৰু ইজৰাইলৰ প্ৰধানমন্ত্ৰী বেঞ্জামিন নেতানিয়াহুৰ পোষ্টাৰ জোকাৰি থকা ভাৰতীয় অনুৰাগীৰ ফটো শ্বেয়াৰ কৰি কয় যে ভাৰত জয়ী হোৱাত ইজৰাইল সুখী আৰু পাকিস্তানে হামাছৰ সন্ত্ৰাসবাদীৰ বাবে নিজৰ জয় উৎসৰ্গা কৰিছে কৰক।

ইজৰাইল-হামাছ যুদ্ধত ইজৰাইলৰ সৈতে থিয় দি ভাৰতে সন্ত্ৰাসবাদক স্পষ্টভাৱে গৰিহণা দিছে। কিন্তু ভাৰতে “এখন সাৰ্বভৌম, স্বাধীন আৰু কাৰ্য্যক্ষম পেলেষ্টাইন ৰাষ্ট্ৰ প্ৰতিষ্ঠা”ৰ দিশতো প্ৰত্যক্ষ আলোচনাৰ পোষকতা কৰে। একে সময়তে পাকিস্তান ইজৰাইলৰ তীব্ৰ সমালোচক আৰু পেলেষ্টাইনৰ অধিকাৰৰ ৰক্ষক। শেহতীয়াকৈ পাকিস্তানী ক্ৰিকেটাৰ মহম্মদ ৰিজৱানে শেহতীয়া বিশ্বকাপৰ মেচত শ্ৰীলংকাৰ বিৰুদ্ধে পাকিস্তানে জয়লাভ কৰি ভাৰতত সমালোচনাৰ সন্মুখীন হ’বলগীয়া হৈছিল।

আজিৰে পৰা নৱৰাত্ৰি, নৱৰাত্ৰিত কন্যাৰ পূজাৰ বিশেষ তাৎপৰ্য আছে…

নৱৰাত্ৰি কন্যা পূজনঃ নৱৰাত্ৰিত কন্যাৰ পূজা অৰ্থাৎ কঞ্জকৰ বিশেষ তাৎপৰ্য আছে। সাধাৰণতে নৱৰাত্ৰি আৰম্ভ হোৱাৰ লগে লগে মানুহে ছোৱালীক পূজা কৰিবলৈ আৰম্ভ কৰে যদিও অধিকাংশ লোকে সপ্তমীৰ পৰা ছোৱালীক পূজা আৰু খুৱাবলৈ আৰম্ভ কৰে আৰু অষ্টমী আৰু নৱমীৰ বিশেষ তাৎপৰ্য্য থকা বুলি ধৰা হয়। আজিৰে পৰা আৰম্ভ হৈছে শাৰদিয়া নৱৰাত্ৰী আৰু ২১ অক্টোবৰ, শনিবাৰে মহাসপ্তমী, ২২ অক্টোবৰ, দেওবাৰে মহাঅষ্টমী, ২৩ অক্টোবৰ, সোমবাৰে মহানৱমী আৰু ২৪ অক্টোবৰ, মঙলবাৰে বিজয়দশমী উদযাপন কৰা হ’ব।


দুইৰ পৰা দহ বছৰৰ ভিতৰৰ ৯ গৰাকী ছোৱালীক খুৱাবলৈ মাতিব লাগে। ন নম্বৰৰ আঁৰত মাতৃ দেৱীৰ নটা ৰূপৰ অৰ্থ।

ছোৱালীৰ লগতে এটা কাম কৰিবলৈ পাহৰিব নালাগে, অৰ্থাৎ একে বয়সৰ শিশুক ভৈৰৱ বুলি কোৱা হয়। ভৈৰৱক পূজা নকৰাকৈ মাতৃয়ে পূজা গ্ৰহণ নকৰে।

বয়স অনুযায়ী মাতৃৰ স্বভাৱ হ’ল:-
১-দহ বছৰীয়া কন্যাক সুভদ্ৰা বুলি গণ্য কৰা হয় আৰু মাতৃ সুভদ্ৰাই ভক্তৰ সকলো কামনা পূৰণ কৰে।

২- ন বছৰীয়া ছোৱালী এজনীক আচলতে দুৰ্গা বুলি কোৱা হয়, যাক পূজা কৰি শত্ৰুৰ ধ্বংস হয় আৰু সকলো কাম সম্পূৰ্ণ হয়।

৩- আঠ বছৰীয়া ছোৱালীক শম্ভৱী বুলি কোৱা হয়, তাইক পূজা কৰিলে বিতৰ্কত বিজয় হয়।

৪- সাত বছৰীয়া ছোৱালীৰ ৰূপ চণ্ডিকাৰ বুলি ধৰা হয়। চণ্ডিকাক পূজা কৰি ধন লাভ হয়।

৫- ছবছৰীয়া ছোৱালীক জ্ঞান, বিজয় আৰু ৰাজযোগ প্ৰদান কৰা কালিকা ৰূপ বুলি গণ্য কৰা হয়।

৬- পাঁচ বছৰীয়া ছোৱালী এজনীক ৰোহিনী বুলি কোৱা হয় আৰু তেওঁক পূজা কৰিলে ব্যক্তিজন ৰোগমুক্ত হয়।

৭- চাৰিবছৰীয়া ছোৱালী এজনীক শুভ বুলি গণ্য কৰা হয় আৰু তাইৰ পূজাৰে পৰিয়ালটোৰ কল্যাণ কঢ়িয়াই আনে।

৮- তিনি বছৰীয়া ছোৱালী এজনীক ত্ৰিমূৰ্তি বুলি গণ্য কৰা হয় আৰু তাইক পূজা কৰিলে ধন্য শস্যৰ লগতে পৰিয়ালত সুখ আৰু সমৃদ্ধি পোৱা যায়।

৯- দুবছৰীয়া ছোৱালীক পূজা কৰিলে দৰিদ্ৰতা আৰু দুখ দূৰ হয়।

এনেদৰে কন্যা পূজা কৰক:-
-ছোৱালীবোৰক মাতি অনাৰ পিছত প্ৰথমে মাতৃ দেৱীক পূজা কৰা আৰু লগতে ছোৱালী আৰু ল’ৰাৰ ভৰি ধুই উপযুক্ত আসনত বহিবলৈ দিয়া।

-সকলোৰে তিলক আৰু হাতৰ কব্জিত মৌলিৰ সুৰক্ষাসূত্ৰ অৰ্থাৎ কলৱ বান্ধিব।

-প্ৰথমে মাকক খাদ্য প্ৰসাদ আগবঢ়াই তাৰ পিছত ছোৱালী আৰু ল’ৰাক সন্মানেৰে খুৱাব।

-শেষত ভৰি স্পৰ্শ কৰি আশীৰ্বাদ লওক।


যোৰহাটৰ টীয়কত অসম সাহিত্য সভাৰ প্ৰাক্তন সভাপতি ডঃ বীৰেন্দ্ৰ কুমাৰ ভট্টাচাৰ্যৰ জন্ম-শতবৰ্ষৰ আৰম্ভণী অনুষ্ঠান…

ৰাজপথত চিঞৰিলেই এটা জাতি জীয়াই নাথাকে – সাহিত্য অকাডেমি বঁটাপ্ৰাপক জয়ন্ত মাধৱ বৰা

১৪ অক্টোবৰ – অসম সাহিত্য সভাৰ উদ্যোগত টীয়ক শাখা সাহিত্য সভা আৰু টীয়কবাসী ৰাইজৰ আতিথ্যত অসম সাহিত্য সভাৰ প্ৰাক্তন সভাপতি, ঔপন্যাসিক, গল্পকাৰ, কবি, জ্ঞানপীঠ বঁটা বিজয়ী প্ৰথম অসমীয়া, বৃহত্তৰ টীয়কৰ সুযোগ্য সন্তান ডঃ বীৰেন্দ্ৰ কুমাৰ ভট্টাচাৰ্যৰ জন্ম-শতবৰ্ষৰ আৰম্ভণী অনুষ্ঠানটি‌ আজি দিনজোৰা কাৰ্যক্ৰমণিকাৰে টীয়কৰ ৰাজহুৱা প্ৰেক্ষাগৃহত সম্পন্ন হয়। পুৱা ৮.৩০ বজাত অসম সাহিত্য সভাৰ সভাপতি ডঃ সূৰ্যকান্ত হাজৰিকা মূল পতাকা উত্তোলক হিচাপে উপস্থিত থকা কাৰ্যসূচীত অসম আৰু টীয়কৰ গণ্য মান্য সাহিত্যসেৱকসকলে অসম সাহিত্য সভাৰ এশখন পতাকা উত্তোলন কৰে। ইয়াৰ পিছতে ক্ৰমে বন্তি প্ৰজ্বলন, স্মৃতি তৰ্পণ আৰু সাংস্কৃতিক শোভাযাত্ৰাৰ সফল ৰূপায়ণ কৰা হয়।

দিনৰ ১১.৩০ বজাৰ পৰা অসম সাহিত্য সভাৰ সভাপতি ডঃ সূৰ্যকান্ত হাজৰিকাৰ সভাপতিত্বত অনুষ্ঠিত হোৱা মুকলি সভাৰ উদ্বোধন কৰে অসম সাহিত্য সভাৰ প্ৰাক্তন প্ৰধান সম্পাদক তথা অভিধান প্ৰণেতা ডঃ বসন্ত কুমাৰ গোস্বামীয়ে। সাহিত্য অকাডেমি বঁটা বিজয়ী সাহিত্যিক জয়ন্ত মাধৱ বৰাই নিৰ্দিষ্ট বক্তা হিচাপে অংশগ্ৰহণ কৰি ডঃ বীৰেন্দ্ৰ কুমাৰ ভট্টাচাৰ্যৰ অসমীয়া জাতীয় জীৱনলৈ অৱদানৰ ওপৰত আলোকপাত কৰে। তেওঁ লগতে কয় যে ৰাজপথত চিঞৰিলেই এটা জাতি আৰু ভাষা জীয়াই নাথাকে । অসম সাহিত্য সভাৰ প্ৰধান সম্পাদক ডঃ উপেন্দ্ৰজিৎ শৰ্মাই উদ্দেশ্য বাখ্যা কৰা সভাখনত বিশিষ্ট সাহিত্যিক ডঃ মালিনী, অসম উন্নতি সভাৰ সাধাৰণ সম্পাদক শৰৎ হাজৰিকা, অসম সাহিত্য সভাৰ ধন ভৰালী মিহিৰ কুমাৰ বৰুৱা, অসম সাহিত্য সভাৰ শিৱসাগৰ জিলাৰ জিলা প্ৰতিনিধি জীৱমণি নাথ, যোৰহাটৰ জিলা প্ৰতিনিধি মাধৱ মহন্ত, অসম সাহিত্য সভাৰ কু্ঁহি আহ্বায়ক শংকুসিদ্ধ নাথ, মুক্ত শিক্ষা সংসদৰ আহ্বায়ক টোফেল জিলানী, কেন্দ্ৰীয় কাৰ্যালয়ৰ সম্পাদক ক্ষীৰোদ দাস,

যোৰহাট জিলা সাহিত্য সভাৰ সভাপতি ভৱ গোস্বামী, প্ৰাক্তন জিলা সভাপতি নীৰদা গগৈ বৰা, প্ৰাক্তন জিলা উপ-সভাপতি মৃণালিনী গোস্বামী, টীয়ক প্ৰেছ ক্লাবৰ সভাপতি প্ৰান্তনু দত্ত, টীয়ক শাখা সাহিত্য সভাৰ সভাপতি হেমচন্দ্ৰ হাজৰিকা, সদৌ অসম ছাত্ৰ সন্থাৰ বিষয়ববীয়া জিতু নেওগ, প্ৰীতম শইকীয়া বিশিষ্ট অতিথি হিচাপে উপস্থিত থাকে। চিৰ চেনেহী মোৰ ভাষা জননী গীতেৰে শুভাৰম্ভ হোৱা সভাখনত কেইবাখনো গ্ৰন্থ উন্মোচন কৰাৰ লগতে ডঃ কৰবী গগৈ আৰু ডঃ মণ্টু কুমাৰ বড়াৰ যুটীয়া সম্পাদনাত‌ প্ৰকাশ হোৱা স্মৃতিগ্ৰন্থ ʼবীৰেন্দ্ৰ বন্দনʼৰ উন্মোচন কৰে কাকজান মহাবিদ্যালয়ৰ অৱসৰপ্ৰাপ্ত অধ্যক্ষ ডঃ অকণ চন্দ্ৰ শইকীয়াই । আদৰণী সমিতিৰ সভাপতি গণেশ গগৈয়ে আদৰণী ভাষণ আগবঢ়োৱা সভাখনত শলাগৰ শৰাই জ্ঞাপন কৰে টীয়ক শাখা সাহিত্য সভাৰ সম্পাদক প্ৰশীল কুমাৰ বড়াই। সভাপতিৰ সাৰুৱা মন্তব্যৰ পিছতে জাতীয় সংগীতেৰে সভাৰ সফল সমাপ্তি ঘটে। শেষৰ কাৰ্যসূচী অনুসৰি সন্ধিয়া ৫.৩০ বজাত এশগৰাকী বিশিষ্ট ব্যক্তিৰ দ্বাৰা এশ গছি বন্তি প্ৰজ্বলন কৰা হয়।

গোৱালপাৰা জিলাৰ লাউডোবাত দুৰ্গা পূজাৰ ব্যাপক প্ৰস্তুতি…

গোৱালপাৰা জিলাৰ লাউডোবাত দুৰ্গা পূজাৰ ব্যাপক প্ৰস্তুতি
জনপ্ৰিয় কন্ঠশিল্পী সুৰজিৎ বিশ্বাসে গীত পৰিৱেশন কৰিব

অবিভক্ত গোৱালপাৰা জিলাৰ এক গৌৰৱোজ্জ্বল লাউডোবা সাৰ্বজনীন দুৰ্গা পূজা মন্দিৰত পূৰ্বৰ পৰম্পৰা ৰক্ষা কৰি এইবেলিও ২ কাতি ষষ্ঠীৰ পৰা (২০ অক্টোবৰ ) ৬ কাতি দশমী তিথি ( ২৪ অক্টোবৰ) লৈ শাৰদীয় দুৰ্গাপূজাৰ ব্যাপক আয়োজন কৰা হৈছে ৷ইতিমধ্যে ভজন বিশ্বাসক সভাপতি ,আৰাধন বিশ্বাসক সম্পাদক,মনোৰঞ্জন বিশ্বাসক কাৰ্যকৰী সভাপতি ,সুকুমাৰ বিশ্বাসক উপ-সভাপতি,ঘণশ্যাম বিশ্বাস ,প্ৰহ্লাদ বিশ্বাস আৰু ৰতন বিশ্বাসক সহকাৰী সম্পাদক হিচাপে লৈ এখন শক্তিশালী পূজা পৰিচালনা সমিতি গঠন কৰা হৈছে ৷

কাৰ্যসূচী অনুসৰি প্ৰথম দিনৰ পুৱা ৯-০০ বজাত খেল-ধেমালী প্ৰতিযোগিতাৰ আয়োজন কৰা হৈছে ৷ ২১ অক্টোবৰ অৰ্থাৎ দ্বিতীয় দিনা আবেলি ৪ বজাৰ পৰা নামদলৰ দ্বাৰা নাম পৰিবেশন,সন্ধিয়া ৬ বজাত আৰতি প্ৰতিযোগিতা ,৭ বজাত আধুনিক গীত প্ৰতিযোগিতাৰ লগতে নিশা ৮ বজাৰ পৰা একক আধুনিক নৃত্য প্ৰতিযোগিতা অনুষ্ঠিত হব ৷২২ অক্টোবৰ আবেলি ২ বজাৰ পৰা কুইজ প্ৰতিযোগিতা ,৪ বজাত নামদলৰ দ্বাৰা নাম পৰিৱেশন ,৬ বজাত আৰতি প্ৰতিযোগিতা আৰ নিশা ৮ বজাৰ পৰা আমন্ত্ৰিত জনপ্ৰিয় শিল্পী সুৰজিৎ বিশ্বাস আৰু মিচ নিভাৰাণী বৰাই গীত পৰিৱেশন কৰিব ৷

৫ কাতি (২৩ অক্টোবৰ ) আবেলি ৪ বজাৰ পৰা নামদলৰ দ্বাৰা নাম পৰিৱেশন ,সন্ধিয়া ৬ বজাত আৰতি প্ৰদান,নিশা ৮ বজাৰ পৰা বঁটা বিতৰণী ও সম্বৰ্ধনা অনুষ্ঠান আৰু ১০ বজাৰ পৰা আমন্ত্ৰিত শিল্পী কুমাৰ তপন আৰু বগীতৰাৰ গীতৰ শৰাই অনুষ্ঠিত হব ৷ ৬ কাতি (২৪ অক্টোবৰ) বিজয়া দশমী উপলক্ষে আয়তী সকলৰ সিদুঁৰ খেল ও বিজয়া মেলা অনুষ্ঠিত হব ৷৪৫ তম্ বাৰ্ষিক লাউডোবা আঞ্চলিক সাৰ্বজনীন দুৰ্গোৎসৱ পৰিচালনা সমিতিৰ প্ৰচাৰ আৰু জনসংযোগ বিভাগৰ সভাপতি অজয় কুমাৰ শীলে এই সমুহ কাৰ্যসূচীত অঞ্চলবাসী ৰাইজৰ সহায় সহযোগিতা কামনা কৰিছে ৷

নামৰূপ হাপজান পৰ্বত চাহ বাগিছাৰ মুখ্য পৰিচালকৰ বিৰুদ্ধে নিৰ্যাতন চলোৱাৰ অভিযোগ এগৰাকী যুৱতীৰ…

নামৰূপ হাপজান পৰ্বত চাহ বাগিছাৰ মূখ্য পৰিচালকৰ বিৰুদ্ধে এগৰাকী যুৱতীৰ যৌন নিৰ্য্যাতনৰ প্ৰচেষ্টা চলোৱাৰ অভিযোগ । নাহৰকটীয়া সমষ্টিৰ অন্তৰ্গত নামৰূপ হাপজান পৰ্বত চাহ বাগিছাৰ মূখ্য পৰিচালকৰ বিৰুদ্ধে তেওঁৰ কোৱাৰ্টাৰত বনকৰা এগৰাকী যুৱতীৰ বিৰুদ্ধে যৌন নিৰ্যাতন চলোৱাৰ অভিযোগ উত্থাপন কৰে যুৱতী গৰাকীয়ে ।

মূখ্য পৰিচালক গৰাকীৰ কোৱাৰ্টাৰত কৰ্মৰত যুৱতী গৰাকী লগতে স্থানীয় ৰাইজে শনিবাৰে নামৰূপ থানাত এক এজেহাৰ দাখিল কৰাত নামৰূপ

আৰক্ষীয়ে ভাৰতীয় দণ্ডবিধি আইন 342/354B/506 IPC, PS 84/23 গোচৰৰ অধীনত হাপজান পৰ্বত চাহ বাগিছাৰ প্ৰধান পৰিচালক গতম কাৰ্কিক জেৰা অব্যাহত ৰাখিছে।

পূব যোৰহাটৰ মেলেং কাঠ গাঁৱৰ এক আলৌকিক ঘটনা ! উৎপল গোস্বামীৰ গৃহত আৱিৰ্ভাৱ হৈছে সোণৰ শিৱলিঙ্গ…

পূব যোৰহাটৰ মেলেং কাঠ গাঁৱত এঘৰ গৃহত আলৌকিক ঘটনা,, আৱিৰ্ভাৱ হৈছে সোনৰ সৰ্প,সোনৰ শিৱলিঙ্গ,সোনৰ বেলাপাত

পূব যোৰহাটৰ মেলেং কাঠ গাঁৱৰ উৎপল গোস্বামীৰ গৃহত আজি কিছু দিনৰ পৰা এক আলৌকিক ঘটনা ঘটিছে বুলি জানিব পৰা গৈছে। জানিব পৰা মতে উৎপল গোস্বামীৰ অষ্টম শ্ৰেণীত অধ্যয়নত পুত্ৰ উদিপ্ত বিশাল গোস্বামী এদাল বেল্ট নিজৰ গৃহৰ বাৰীৰ বে’ল গছৰ ওপৰত দেখাৰ পিছৰ পৰা ঘৰ খনৰ এজোপা ফুল গছৰ গুৰিত এযোৰ সৰু আকৃতি সোণৰ সৰ্প আৱিৰ্ভাৱ হয়।

তাৰ পিছৰে পৰা ঘৰৰ পিয়ালিত সোণৰ বেলপাত, শংখ খাৰু আদি আৱিৰ্ভাৱ হৈছে বুলি পৰিয়ালৰ লোকে জানিব লৈ দিছে। অন্যহাতে পৰিয়ালৰ প্ৰতিজন লোককে সপোনত দুৰ্গা পূজা নিজৰ গৃহত প্ৰতিষ্ঠা কৰিবলৈ দেখা দিয়ে। পৰিয়ালৰ লোকে জানিবলৈ দিয়া মতে প্ৰথম অৱস্থাত তেওঁ লোকে মনত ভয়ভাৱ হৈছিল যদিও এগৰাকী সাধ্ক ওচৰত চোৱা চিতা কৰা পিছত এইয়া শিৱৰ আৱিৰ্ভাৱ বুলি ব্যক্ত কৰে।

পৰিয়ালৰ লোকে এতিয়া সোণৰ সৰ্প,শিৱৰ লিংগ,সোণৰ বেলপাত,শংখ খাৰু আদি নিজৰ গৃহত পূজা অৰ্চনাৰে ৰখাৰ লগতে নিজৰ গৃহত দুৰ্গা পূজা পাতিবলৈ প্ৰস্তুতি কৰিছে । এতিয়া প্ৰশ্ন হৈছে আজিৰ বিজ্ঞানৰ যুগত প্ৰকৃততে এইয়া কি, অলৌকিক নে আৱিৰ্ভাৱ নে প্ৰশ্ন উঠিছে বিশ্বাস -অবিশ্বাসৰ বহু প্ৰশ্ন?

শিক্ষকক প্ৰদান কৰিব স্কুটি আৰু টেবলেট, অৱসান “হয় চাৰ” “য়েছ চাৰ” যুগৰ…

শাৰদীয় দুৰ্গোৎসৱৰ সময়ত ৰাজ্যৰ শিক্ষক সকললৈ এক সু খবৰ কঢ়িয়াই আনিলে ৰাজ্য চৰকাৰে। মেট্ৰিকত মেধা ছাত্ৰ ছাত্ৰীক আনন্দ ৰাম বৰুৱা বঁটাৰ লগতে উচ্চতৰ মাধ্যমিকৰ মেধা ছাত্ৰ ছাত্ৰীক স্কুটি প্ৰদানেৰে প্ৰেৰণা আৰু উৎসাহিত কৰি আহিছে চৰকাৰে। শেহতীয়াকৈ আজি নৱম শ্ৰেনীৰ ছাত্ৰ ছাত্ৰীক প্ৰদান কৰা হয় চাইকেল। এইবাৰ শিক্ষক সকলৰ পাল। চৰকাৰে ৫০ হাজাৰ শিক্ষকক প্ৰদান কৰিব স্কুটি। অকল সেয়াই নহয় ১৯ হাজাৰ শিক্ষকক প্ৰদান কৰিব টেবলেট। মুখ্যমন্ত্ৰী ডঃ হিমন্ত বিশ্ব শৰ্মাই এই বিষয়ে ঘোষনা কৰি কয় যে দূৰণীবটীয়া শিক্ষক সকলে সময়মতে শ্ৰেনীত উপস্থিত থকাৰ লগতে কষ্ট লাঘব কৰাৰ বাবে তেনে ৫০ হাজাৰ শিক্ষকক প্ৰদান কৰিব স্কুটি। একেদৰে ১৯ হাজাৰ শিক্ষকক প্ৰদান কৰিব একোটাকৈ টেবলেট।

চৰকাৰ আৰু শিক্ষা বিভাগে ৰাজ্যৰ শিক্ষা ব্যৱস্থাটোক অধিক উন্নত কৰিবলৈ অহৰহ প্ৰচেষ্টা অব্যাহত ৰাখিছে। আনহাতে পূৰ্বৰ দৰে শ্ৰেনী কোঠাত শিক্ষক সকলে “ৰোল কল” কৰাৰ লগতে উপস্থিত ছাত্ৰ ছাত্ৰী সকলে “আঁছো চাৰ” “য়েছ চাৰ” কোৱাৰো অন্ত পেলায়। সম্প্ৰতি শিক্ষা সেতু এপৰ দ্বাৰাই মাত্ৰ চকু টিপিয়াই ছাত্ৰ ছাত্ৰী সকলে নিজৰ উপস্থিতি অবগত কৰে। একেদৰে শিক্ষক সকলেও এপৰ জৰিয়তে উপস্থিতি দিবলৈ বাধ্য হোৱাত প্ৰায়ে বিদ্যালয়ত বিভিন্ন অজুহাতত অনুপস্থিত থকা শিক্ষক সকললৈ বিপদ নমাই আনিছে। শেহতীয়াকৈ শিক্ষক সকলক স্কুটি আৰু লেপটপ প্ৰদানৰ ঘোষনাত আনন্দ প্ৰকাশ কৰিছে শিক্ষক সমাজে।

‘আল্লাহু আকবৰ’ ধ্বনি দি বিদ্যালয়ত আক্ৰমণঃ শিক্ষক নিহত…

ফ্ৰান্সৰ বিদ্যায়ত সংঘটিত হৈছে পুনৰ আক্ৰমণ।২০২০ চনত দেশ খনত মৌলবাদীয়ে হত্যা কৰিছিল শিক্ষক চেমুৱেল পিৰ নামৰ এজন শিক্ষকক। সেই স্মৃতি যেন পুনৰ ঘূৰি আহিছে। ফ্ৰান্সৰ এখন বিদ্যালয়ত সংঘটিত হৈছে আন এটা জেহাদী আক্ৰমণ। এই ঘটনাত এজন শিক্ষকক ছুৰীকাঘাত কৰি হত্যা কৰা হৈছে । আক্ৰমণৰ ঘটনাটোত কেইবাজনো লোক আহত হোৱাৰ খবৰ আহিছে।

বিবিচিৰ মতে, শুকুৰবাৰে স্থানীয় সময় অনুসৰি পুৱা প্ৰায় ১১ বজাত উত্তৰ ফ্ৰান্সৰ আৰাছ অঞ্চলৰ এখন বিদ্যালয়ত এই ঘটনা সংঘটিত হয়। দুৰ্বৃত্তই ‘আল্লা হু আকবৰ’ বুলি চিঞৰি বিদ্যালয়ত প্ৰৱেশ কৰে আৰু এজন শিক্ষকক হত্যা কৰে। আৰক্ষীয়ে ইতিমধ্যে আক্ৰমণকাৰীজনক গ্ৰেপ্তাৰ কৰিছে। আক্ৰমণকাৰী অথবা নিহত জনৰ নাম জানিব পৰা হোৱা নাই।

বিশ্ব ক্ষুধা সূচকাংকত বিগত বৰ্ষতকৈ চাৰিটা স্থান পিছুৱাই গ’ল ভাৰত, এইবাৰ ১১১ স্থানত ভাৰত…

দেশত বাঢ়িছে নেকি ভোকাতুৰ লোকৰ সংখ্যা? আপাততঃ শেহতীয়া এক প্ৰতিবেদনে তেনে কথাৰেই ইংগিত দিছে। বিশ্ব ক্ষুধা সূচকাংকত ভাৰতৰ স্থান পূৰ্বৰ বছৰতকৈয়ো বেছি বেয়াৰ দিশে গতি কৰিলে। ২০২৩ বৰ্ষত বিশ্ব ক্ষুধা সূচকাংকত ভাৰতৰ স্থান ১১১ সংখ্যক হৈছে ।উল্লেখ্য ২০২২ চনত বিশ্ব ক্ষুধা সূচকাংকত ভাৰতৰ স্থান ১০৭ আছিল। চলিত বছৰত এই স্থান আৰু আৰু চাৰি ঢাপ পিছুৱাই গ’ল। এই সূচকাংকই সেয়ে স্পষ্ট কৰি দিছে যে ভাৰতত বিগত এটা বছৰত ক্ষুধাতুৰ লোকৰ সংখ্যা কমক চাৰি বৃদ্ধিহে পাইছে। বিশ্ব ক্ষুধা সূচকাংক প্ৰকাশ কৰাৰ পূৰ্বে বিশ্বৰ ১২১ খন দেশত অধ্যয়ন চলোৱা হৈছিল।

লক্ষ্যণীয় কথাটো হ’ল বিশ্ব ক্ষুধা সূচকাংকত ভাৰতক চুবুৰীয়া পাকিস্তান (১০২), বাংলাদেশ (৮১), নেপাল (৬৯) আৰু শ্ৰীলংকাই (৬০) অতিক্ৰম কৰিছে।কেৱল সেয়াই নহয়, শেহতীয়াকৈ প্ৰকাশিত গ্লোবেল হাংগাৰ ইণ্ডেক্সে দেখুৱাইছে যে বিশ্বৰ সকলো দেশৰ ভিতৰত ভাৰততে ‘শিশুৰ অপচয়’ৰ হাৰ সৰ্বাধিক। সেয়া হৈছে ১৮.৭ শতাংশ। এই সূচকে ৰ শিশুসকলৰ মাজত পুষ্টিহীনতাৰ হাৰ দেখুৱায়। প্ৰতিবেদনত প্ৰকাশিত তথ্য অনুসৰি ভাৰতত শিশুৰ মাজত পুষ্টিহীনতাৰ হাৰ ১৬.৬ শতাংশ। একেদৰে ১৫ ৰ পৰা ২৪ বছৰ বয়সৰ মহিলাৰ ক্ষেত্ৰত ৰক্তহীনতাৰ হাৰ ৫৮.১ শতাংশ। অৱশ্যে, নতুন দিল্লীয়ে এই প্ৰতিবেদন অস্বীকাৰ কৰিছে। মহিলা আৰু শিশু বিকাশ মন্ত্ৰালয়ে কৈছে যে এই প্ৰতিবেদন সঠিক নহয়। প্ৰতিবেদন খনত গুৰুতৰ পদ্ধতিগত ত্ৰুটি আছে। মন্ত্ৰালয়ে এক বিবৃতি অনুসৰি, শিশুৰ স্বাস্থ্যৰ অৱস্থা গণনা কৰিবলৈ ব্যৱহৃত চাৰিটা চৰ্তৰ তিনিটা কেতিয়াও সমগ্ৰ দেশৰ জনসাধাৰণৰ ভোক সূচকাংক নিৰ্ধাৰণ কৰিবলৈ ব্যৱহাৰ কৰিব নোৱাৰি।

তদুপৰি প্ৰতিবেদন যুগুত কৰিবলৈ কেৱল ৩,০০০ শিশুৰ ওপৰত জৰীপ চলোৱা হৈছিল। এই সূচকবোৰৰ বাবে ব্যৱহৃত তথ্য ৰাষ্ট্ৰসংঘৰ বিভিন্ন প্ৰতিবেদন আৰু অন্যান্য সংগঠনৰ পৰা লোৱা হৈছে, যাৰ ভিতৰত আছে ইউনিচেফ, বিশ্ব বেংক, খাদ্য আৰু কৃষি সংস্থা। ইপিনে বিৰোধী দলৰ নেতাসকলে এই প্ৰতিবেদনৰ অচিলালৈ বিজেপি নেতৃত্বাধীন কেন্দ্ৰীয় চৰকাৰক সমালোচনা কৰিছে।

বিগ বছ ১৭ৰ প্ৰথম ৬ গৰাকী প্ৰতিযোগীৰ নাম প্ৰকাশ, আছে এগৰাকী বিখ্যাত সাংবাদিকো…

বিগ বছ ১৭ৰ প্ৰথম ৬ গৰাকী প্ৰতিযোগীৰ নাম প্ৰকাশ। বিগ বছৰ নতুন প্ৰমোত প্ৰতিযোগীসকলৰ আভাস দেখুওৱা হৈছে। য’ত আছে জনপ্ৰিয় চেলিব্ৰিটি দম্পতী, দুগৰাকী সুন্দৰী, এজন সুদৰ্শন যুৱক আৰু এজন বিখ্যাত সাংবাদিক। জানো কোন কোন প্ৰথম ৬ জন প্ৰতিযোগী, যাৰ আভাস দেখা গৈছে বিগ বছ ১৭ৰ নতুন প্ৰমোত।


বিগ বছ ১৭ (বিগ বছ ১৭ ছলমান খান)ৰ প্ৰথম প্ৰতিযোগী হৈছে জনপ্ৰিয় চেলিব্ৰিটি দম্পতী। যদিও প্ৰমো ভিডিঅ’টোত চেলিব্ৰিটি দম্পতীৰ মুখ দেখা নাযায়, তথাপিও ক’ব পাৰি যে অভিনেত্ৰী অংকিতা লোখাণ্ডে আৰু তেওঁৰ স্বামী বিকি জৈন।

থাকিব প্ৰিয়ংকা চোপ্ৰা আৰু পৰিনীতি চোপ্ৰাৰ ভগ্নী মনৰা চোপ্ৰা। মনৰা দক্ষিণৰ বহু ছবিত কাম কৰিছে।

অংশগ্ৰহণ কৰিব উদাৰিয়ান ধাৰাবাহিক অভিনেত্ৰী ঈশা মালভিয়া। লগতে উদাৰিয়ান অভিনেতা অভিষেক কুমাৰেও বিগ বছ ১৭ৰ অংশ হ’বলৈ গৈ আছে।

সাংবাদিক জিগনা ভোহৰাৰ আভাস শেহতীয়াকৈ মুক্তি পোৱা বিগ বছ ১৭ৰ প্ৰ’ম’তো দেখা যায়। শেহতীয়াকৈ জিগনা ভোহৰাৰ গোচৰৰ সন্দৰ্ভত এখন ৱেব ছিৰিজও মুকলি কৰা হৈছে, যাৰ নাম দিয়া হৈছিল ‘স্কুপ’।