নগাঁৱৰ বৰঘাট বাইপাছত উদ্ধাৰ হৈছে ৮ ফুট দৈৰ্ঘ্যৰ এডাল মৃত অজগৰ সাপ।

শনিবাৰে নিশা অজগৰটোৱে ৰাস্তা পাৰ হওঁতেই বাইপাছেৰে যোৱা বাহনে সাপ ডালক চেপি যোৱাৰ সন্দেহ কৰিছে স্থানীয় ৰাইজে।

দেওবাৰে একাংশ স্থানীয় ৰাইজে ৰাস্তাত মৃত অৱস্থাত প্ৰত্যক্ষ কৰে অজগৰটোক।

উলেখ্য যে বাইপাছেৰে অহা যোৱা কৰা একাংশ বাহনৰ দৌৰাত্মৰ বাবেই প্ৰায়েই দুৰ্ঘটনা সংঘটিত হোৱাৰো অভিযোগ কৰিছে একাংশ স্থানীয় ৰাইজে।

মণিপুৰৰ ঘটনাক লৈ বেলতলা কাণ্ডৰ নিৰ্যাতিতা লক্ষ্মী ওৰাঙৰ নেতৃত্বত প্ৰতিবাদী কাৰ্যসূচী ৷ দেশজুৰি কঁ‌পোৱা মণিপুৰৰ মহিলাৰ যৌন নিৰ্যাতনৰ কাণ্ড পোহৰলৈ অহাৰ পিছতেই দেশৰ বিভিন্ন প্ৰান্তৰ লগতে বিশ্বনাথতো আৰম্ভ হৈছে প্ৰতিবাদ। আদিবাসী আইকণ তথা বেলতলা কাণ্ডৰ নিৰ্যাতিতা লক্ষ্মী ওৰাঙে তেওঁৰ সমৰ্থক সকলক লৈ বিশ্বনাথৰ জপৌ বাৰীত তীব্ৰ প্ৰতিবাদ সাব্যস্ত কৰে ৷ হাতে হাতে প্লেকাৰ্ড লৈ প্ৰতিবাদকাৰী সকলে চৰকাৰৰ বিৰুদ্ধে বিভিন্ন শ্ল’গান দি পৰিবেশ উত্তাল কৰি তোলে ৷ মণিপুৰ কাণ্ডৰ বাবে দুখ প্ৰকাশ কৰি এয়া এক চৰম লজ্জাজনক   বুলি অভিহিত কৰে লক্ষ্মী ওৰাঙে ৷

মহিলাক এইদৰে বিৱস্ত্ৰ কৰি ৰাজপথত সমদল কৰা কাৰ্যক কঠোৰ ভাষাৰে নিন্দা কৰে ৷ আৰু এই ঘটনাৰ সৈতে জড়িত লোকক কঠোৰতম শাস্তিৰ দাবী তোলে লক্ষ্মী ওৰাঙে । আনহাতে নাৰীক সুৰক্ষা দিব নোৱাৰা মণিপুৰৰ মুখ্যমন্ত্ৰীৰ পদত্যাগৰ দাবী তোলাৰ লগতে মণিপুৰত ৰাষ্ট্ৰপতি শাসনৰ দাবী উত্থাপন কৰে নেত্ৰী গৰাকীয়ে। উল্লেখ্য যে,২০০৭ চনৰ ২৪নৱেম্বৰত আছাৰ আন্দোলনত ভাগ ল’বলৈ গৈ গুৱাহাটিৰ বেলতলাত চৰম নিৰ্যাতনৰ বলি হ’ব লগা হৈছিল বিশ্বনাথৰ লক্ষ্মী ওৰাং নামৰ যুৱতীগৰাকী। ৰাজপথত এক অভাৱনীয় পৰিস্থিতিৰ সন্মুখীন হৈ লজ্জা নিবাৰণৰ বাবে অসমৰ্থ হোৱা লক্ষ্মী ওৰাঙে মনিপুৰৰ ঘটনাৰ পিছতে মাতৃজাতিক সুৰক্ষা প্ৰদানত মনিপুৰৰ মুখ্যমন্ত্ৰীৰ লগতে দেশৰ মূৰব্বীৰ ব্যৰ্থতাৰো তীব্ৰ ভাষাৰে সমলোচনা কৰে।

শ্ৰীৰামপুৰ ব্যৱসায় সমিতিৰ কাৰ্যলয় মুকুলি। গোসাইগাঁৱ মহকুমাৰ অন্তৰ্গত শ্ৰীৰামপুৰ বজাৰত ২০২৩ চনৰ ২৩ মাৰ্চত বৃহত্তৰ শ্ৰীৰামপুৰত ব্যৱসায় সকলৰ সুৰক্ষাৰ বাবে এখন ব্যৱসায় সমিতি গঠন কৰা হয়। বিপ্লৱ চক্ৰৱৰ্তীক সভাপতি আৰু সঞ্জীৱ শীলক সম্পাদক হিচাৱে লৈ ৩১ জনীয়া এখন পূৰ্ণাংগ সমিতি গঠন কৰা হয়। যদিও শ্ৰীৰামপুৰ ব্যৱসা সমিতিখনৰ কাৰ্যলয় আজি আনুষ্ঠানিক ভাৱে মুকুলি কৰা হয়। উক্ত ব্যৱসায় সমিতিখনৰ কাৰ্যালয়ৰ শুভ উদ্বোধন কৰে শ্ৰীৰামপুৰ ব্যৱসায় সমিতিৰ সভাপতি বিপ্লৱ চক্ৰৱৰ্তী।

বৃহত্তৰ শ্ৰীৰামপুৰ অঞ্চলৰ ব্যৱসায়ী সকলৰ বিভিন্ন সমস্যাৰ সমাধান তথা দুখ দূৰ্দশাত সহায় কৰাৰ বাবে সমিতি খন গঠন কৰা হয় বুলি কয় শ্ৰীৰামপুৰ ব্যৱসায় সমিতিৰ সভাপতি বিপ্লৱ চক্ৰৱৰ্তীয়ে। উক্ত অনুষ্ঠানত সমিতিৰ সাধাৰণ সম্পাদক সঞ্জীৱ শীল,উপসভাপতি মহাদেৱ ৰায়কে ধৰি সমূহ বিষয়ববীয়া সকল উপস্থিত থাকে।