বৃহত্তৰ টেঙাখাত অঞ্চলৰ ৰাইজৰ সহযোগত ৩৫ সংখ্যক নিজ টেঙাখাত বহাগী বিদায় সন্মিলন আজিৰে পৰা তিনিদিনীয়া বিভিন্ন কাৰ্যসূচীৰে টেঙাখাতৰ সুধাকণ্ঠ ড° ভূপেন হাজৰিকা ৰঙ্গমঞ্চত আৰম্ভ হৈছে । আজি পুৱা উদযাপন সমিতিৰ সভাপতি ললিত চমুৱাই বিহু পতাকা উত্তোলন কৰাৰ পিছতে স্মৃতি তৰ্পন আৰু বন্তি প্ৰজ্বলন কাৰ্যসূচী ৰাপায়ন কৰে উদযাপন সমিতিৰ মুখ্য সম্পাদক অজয় গগৈয়ে । লগে লগে সমীপত অৱস্থিত সুধাকণ্ঠ ড° ভূপেন হাজৰিকা স্থায়ী প্ৰতিমূৰ্তিত বন্তি প্ৰজ্বলন কাৰ্যসূচী সমাপন কৰে অসম গেছ কোম্পানীৰ উপাধ্যক্ষ ইন্দ্ৰ গগৈয়ে । উদযাপন সমিতিৰ সাংস্কৃতিক সম্পাদক দীপক গগৈয়ে আঁত ধৰা উল্লেখিত কাৰ্যসূচীত উদযাপন সমিতিৰ মুখ্য বিষয়ববীয়া একাংশ প্ৰাক্তন বিষয়ববীয়া তথা শুভাকাংক্ষীক ফুলাম গামোচাৰে বিহুৰ ওলগ জনোৱা হয় । উল্লেখ্য যে , তিনিদিনীয়া কাৰ্যসূচী অনুসৰি কালি ঢোলবাদন পেঁপা বাদন প্ৰতিযোগিতা , মইনা দলৰ গছতলৰ বিহু , মইনা দলৰ হুঁচৰি প্ৰতিযোগিতা বিহুনাচ প্ৰতিযোগিতাৰ অন্তত বহু নবীন প্ৰবিন শিল্গীৰ দ্বাৰা সাংস্কৃতিক অনুষ্ঠান অনুষ্ঠিত হ’ব।

ইফালে ১৫ মে’ত যুৱতী দলৰ জেং-বিহু প্ৰতিযোগিতা বোৱাৰী বিহু প্ৰতিযোগিতা যুৱক দলৰ হুঁচৰি প্ৰতিযোগিতা আৰু নিশা বিহুৱতী প্ৰতিযোগিতা অনুষ্ঠিত হ’ব । অন্যহাতে অন্তিম দিনা অৰ্থাৎ ১৬ মে’ত বাঁহী বাদন প্ৰতিযোগিতা বিহুনাম প্ৰতিযোগিতা আধুনিক নৃত্য প্ৰতিযোগিতাৰ অন্তত বঁটা বিতৰণী অনুষ্ঠান অনুষ্ঠিত হ’ব । উল্লেখযোগ্য যে, শেষৰ দিনা অনুষ্ঠিত হ’ব লগা সাংস্কৃতিক সন্ধ্যাৰ অনুষ্ঠানত আমন্ত্ৰিত জনপ্ৰিয় শিল্গী দীপাম্বিতা ডেকাই গীতৰ শৰাই আগবঢ়াব।

টেঙাখাতৰ পৰা ব্ৰজেনৱগগৈৰ প্ৰতিবেদন

দেওবাৰে মধ্য মাজুলী বিস্তৃত অঞ্চলৰ কেইবাখনো বিদ্যালয়ক সামৰি শিশুসকলৰ মাজত মাজুলীৰ বাঁহপৰা মিচিং প্ৰাথমিক বিদ্যালয়ত কুইজ আৰু কবিতা আবৃত্তি প্ৰতিযোগিতা অনুষ্ঠিত হয় । অসম সাহিত্য সভাৰ প্ৰজাতীয় মৈত্রীবন্ধন উপসমিতিৰ আহ্বায়ক মনোজ্যোতি ৰেগন আৰু কুঁহি উপসমিতিৰ আহ্বায়ক শংকুসিদ্ধ নাথৰ পৰিচালনাত অসম সাহিত্য সভাৰ দৃষ্টিভংগী অনুসৰি জনগোষ্ঠীয় ঐক্য-সম্প্ৰীতিৰ লগতে শিশুসকলৰ সাহিত্যিক আৰু সাংস্কৃতিক উত্তৰণৰ বাবে এখন বিশেষ মঞ্চ প্ৰদানৰ লক্ষ্যৰে অনুষ্ঠিত কৰা দুয়োখন প্ৰতিযোগিতাতে শিশুসকলৰ প্ৰতিভাৰ বৰ্ণিল প্ৰকাশ পৰিস্ফুট হয় ।

অমৰ শিশুপ্ৰাণ অমৰেন্দ্ৰ বৰুৱা মেমৰিয়েল ট্ৰাষ্টৰ সৌজন্যত অনুষ্ঠিত কবিতা আবৃত্তি প্ৰতিযোগিতাত নিহা ৰেগন, কণমণি ৰেগন, ভাগ্যশ্ৰী ৰেগনে ক্ৰমে প্ৰথম, দ্বিতীয় আৰু তৃতীয় পুৰস্কাৰ লাভ কৰাৰ পিছতে কুইজ প্ৰতিযোগিতাত কনকলতা দলে(ক্ৰমে- কনমনি,নিহা,সিমান্ত,চানিয়া আৰু অৰূপ ৰেগন) প্ৰথম, কুশল কোঁৱৰ দলে(ক্ৰমে- অনামিকা, পাপৰি ,কাকলি,উত্তম আৰু ৰাজকুমাৰ ৰেগন) দ্বিতীয় আৰু মণিৰাম দেৱান দলে তৃতীয় শ্ৰেষ্ঠ(মনিষা পায়েং, ৰিচান , নয়নজ্যোতি, চন্দ্ৰ , আৰু সৌৰভ ৰেগন ) দলৰ সন্মান লাভ কৰে | গ্ৰাম্যাঞ্চলৰ প্ৰতিজন শিশু-অভিভাৱককেই অসম সাহিত্য সভাৰ লগত জড়িত হৈ ভাষা-জননীৰ সেৱাত উৎসৰ্গিত হ’বলৈ আহ্বান জনোৱা উক্ত কাৰ্য্যসূচীৰ প্ৰশংসা কৰে উপস্থিত ৰাইজে ।

স্বকীয়তা পাহৰি যোৱা নাই দেৰগাঁৱৰ সেউজপূৰ ডায়মণ্ড ক্লাবে। ৩৪টা বছৰ গৰকা সেউজপূৰ ডায়মণ্ড ক্লাবৰ সৌজন্যত আৰু দেৰগাঁৱবাসী ৰাইজৰ সহযোগত দুদিনীয়া বৰ্ণাঢ্য কাৰ্যসূচীৰে দেৰগাঁৱৰ সেউজপুৰত ধুমধামেৰে আয়োজন কৰিলে ব’হাগী সমাৰোহ ২৮ব’হাগৰ পুৱা ৯ বজাৰ পৰা পতকা উত্তোলন শ্বহীদ তৰ্পণ বিহুমঞ্চ উদ্বোধন চিত্ৰাকণ প্ৰতিযোগিতা সৃষ্টিশীল নৃত্য টেকেলি ভঙা প্ৰতিযোগিতা হাঁহ ধৰা প্ৰতিযোগিতা সংগীত চকী প্ৰতিযোগিতা বেজিত সূতা ভৰোৱা প্ৰতিযোগিতা উপৰিও স্থানীয় শিল্পী আৰু জনপ্রিয় কণ্ঠ শিল্পী ৰুবুল বিকাশৰ গীতৰ অনুস্থানে বিহু ভাগী জীপাল কৰি তোলে।

উদযাপন সমিতিয়ে স্থানীয় জ্যেষ্ঠ ব্যক্তি সকল আৰু প্ৰয়াত ব্যক্তি সকলৰ প্ৰতি জনোৱা শ্ৰদ্ধা আকৰ্ষণীয় আছিল।

ৰঙামাটিৰ পৰা দিব্য জ্যোতি কাকতিৰ প্ৰতিবেদন