মেথিৰ বনৌষধি গুণবোৰ

গাঁঠিবাত বেমাৰত মেথি শাকৰ উপকাৰিতা মন কৰিবলগীয়া| যিসকল লোকে সামান্য ঠাণ্ডা বস্তু খালেই গাঁঠিবাদৰ বেদনা অনুভৱ কৰে, হাত-ভৰিৰ গাঁঠিবোৰত বিষ অনুভৱ কৰে| সেই ক্ষেত্ৰত মেথি চুৰ্ণ আধা গ্ৰাম মাত্ৰাত পুৱা আৰু আবেলি গৰম পানীৰ সৈতে খাব লাগে|

এইদৰে ১০-১৫ দিন ব্যৱহাৰ কৰিলে গাঁঠিৰ বাতবিষ কমি যায়| ৰোগীয়ে সদায় গৰম পানী বা কুমুহীয়া ব্যৱহাৰ কৰা উচিত| গৰম পানীৰে গা ধুৱাটো অতি প্ৰয়োজনীয়| অনিয়মিত ঋতুস্ৰাৱ ৰোগত বিশেষকৈ যিসকল মহিলাৰ মাহেকীয়া ঋতুৰ সময়ত স্ৰাৱ আহিছে আৰু কেতিয়াবা নাইকিয়া হয়| কেতিয়াবা পুৱা ৰক্তস্ৰাৱ হয়, আবেলি কমি যায় বা নহয়, পিছদিনা পুনৰ পুৱা ৰক্তস্ৰাৱ হয়, ৰক্ত ক’লা হয়, টুকুৰা-টুকুৰ বা চকলা-চকল হয়, যন্ত্ৰণা বেছি হয়-এইদৰে দীৰ্ঘদিন ভুগি থাকিলে ৰক্ত প্ৰদৰ হ’বগৈ | এইক্ষেত্ৰত মেথি গুটি ৩ গ্ৰাম আৰু ধনীয়া গুটি ৩/৪ গ্ৰাম একেলগে আগৰাতি ১ গিলাচ পৰিস্কাৰ চেঁচা পানীত তিয়াই থৈ পিছদিনা পুৱা সেইখিনি চেকি সেই পানীখিনি শুদাপেটত পুৱা আৰু আবেলি দুবাৰকৈ ১ সপ্তাহ কাল খালে বেমাৰটো নিৰাময় হয়| প্ৰসৱৰ পাছত হোৱা দুৰ্বলতাত প্ৰসূতিৰ অলপতে ক্লান্তি আৰু ভাগৰ লাগিলে ৫ গ্ৰাম মেথি গুটি থেতালি আধাসেৰ পানীত ভিজাই থৈ পিছদিনা পুৱাই চেকি গোটেই দিনটোত অলপ অলপ কৰি খাই শেষ কৰিব লাগে|

পুনৰ ঋতু নোহোৱালৈকে মাজে মাজে মেথি তিওৱা পানী খাই থাকিব লাগে| গ্ৰহণী ৰোগ হ’লে মেথি চুৰ্ণ ১০ গ্ৰাম, গাখীৰ ১০ গ্ৰামত ২০ গ্ৰাম পানী দি উতলাই আধাত ৰাখি তাতে চেনি ১ চামুচ মিহলাই দিনে ২ বাৰকৈ তিনিদিন খালে গ্ৰহণী ভাল হয়| বসন্ত ৰোগত মেথি তিওৱা পানী পানী খালে-হাত-ভৰি পোৰনি, বমি বমি ভাৱ, শৰীৰত হোৱা খজুৱতী ভাল হয়| উচ্চ ৰক্তচাপ হ’লে ৫/৬ গ্ৰাম মেথি গুটি পানীত ৫ ঘণ্টা তিয়াই থৈ সেই পানী দিনটোৰ ভিতৰত ২/৩ বাৰ খাব লাগে| ৫/৬ দিন খাব লাগে| ৰক্তচাপ নিয়মীয়া হ’ব| মূৰ হুৰণি, বুকু ধপধপনি লক্ষণত মেথি তিওৱা পানী ( ৩০০ গ্ৰাম পানীত ৫ গ্ৰাম মেথি গুটি) দিনটোত ২/৩ বাৰকৈ খালে এনেবোৰ সমস্যা দূৰ হয়| ৩/৪ দিন খাব লাগে| অৰুচি বা ভোক নলগা লক্ষণত ডায়েবেটিছ বা বহুমুত্ৰ ৰোগত আগৰাতি ১ কাপ পানীত এমুঠি মেথি গুটি তিয়াই থৈ পিছদিনা শুদা পেতত সেই পানীখিনি কিছুদিন খাব লাগে| বহুমুত্ৰ অসুখত মেথি গুটি তিওৱা পানী ১/২ মাহ পৰ্যন্ত খাব লাগে|

লিখক: উপেন দত্ত

ভেদাইলতা প্ৰায় সকলো মানুহে চিনিপায় । পাত মোহাৰিলেই বেয়া গোন্ধ ওলায় যদিও খাওতে তেনে গোন্ধ নেপায় । ই শৰীৰৰ নানা ৰোগত বজাৰত কিনা দামী দামী টনিকতকৈও বহুত বেচি ভাল কাম দিয়ে। শকত হোৱাটোই সুস্বাস্থ্য নহয়। পেটতো ভালে থাকিলে শৰীৰত বেমাৰ আজাৰ কমে , বেমাৰ আজাৰ নহলে মন ভাল হয়, মন ভাল হলে চিন্তা ভাৱনাবোৰ ভাল হয়, তাকেহে কয় স্বাস্থ্য । বন- দৰৱৰ নিয়মিত ব্যৱহাৰে অটুত স্বাস্থ্য গঢ়িব পাৰে।

ভেদাইলতাৰ গুণ:-

১। পেটৰ যিকোনো ৰোগৰ বাবে ৰামবান সদৃশ কাম কৰে । ৰোগী বা নিৰোগী যিকোনো লোকে
ইয়াক নিয়মিত খালে শৰীৰত যথেস্থ্য বল পায় ।

২। নতুন বা পুৰনি হাগনী /গ্ৰহণী বেমাৰত ইয়াৰ কেচা ৰস বা কম তাপত আঞ্জা বনাই বা চাতনি , বৰা আদি বনাই খালে ভাল ফল দিয়ে।

৩। যকৃত বা লিভাৰৰ যি কোনো সমস্যাত ভেদাই লতা খালে কাম দিয়ে আৰু লিভাৰ শক্তিশালী কৰে ।

৪। গাৰ বিষ হলে বা দিনটো কষ্টৰ কাম কৰি গা বিষালে ১০/১২খিলা পাত আৰু ২/৩কোহ নহৰু থেতেলাই একাপ পানী আৰু অকনমান নিমখ মিহলাই খালে আৰাম পায় গাঁঠিৰ বিষ হলেও ভাল ফল পায় ।

৫। এলাৰ্জি ৰোগত নিয়মিত খালে উপকাৰ পায়।

৬। সন্তান প্ৰসৱৰ পিচত ভেদাইলতাত কেচাহালধি মিহলাই আঞ্জা বনাই খুৱাব(বেচিকৈ উতলাব নালাগে) এনে কৰিলে প্ৰসৱৰ বিষ বেদনা কমে।

৭। হাড় ভাঙিলে বা খুন্দা খাই দুখ পালে ইয়াৰ পাত বটি বান্ধি দিব আৰু দিনত ২-৩বাৰ ৰস খাব।
৮। যিকোনো ৰোগত শৰীৰ দুৰ্বল হলে ভেদাইলতা সুপথ্য বা টনিক হিচাৱে সদায় খাব পাৰে।

৯। সৰু কেচুৱাৰ সঘনাই হাগণী হৈ থাকিলে ভেদাইলতাৰ কুমলিয়া ঠাৰি নাভীৰ তলত মেৰাই বান্ধি ৰাখিলে ভাল ফল পাব ।

১০। ভেদাইলতা শুক্ৰবৰ্ধক, বল শক্তি দায়ক ।
১১। একাঙ্গী ৰোগত ৪/৫চামুচকৈ ৰস দিনটোত৩বাৰ খোৱাৰ উপৰি ৰসেৰে মালিচ কৰি উপকাৰ পাব ।
১২। মহিলাৰ জৰায়ুজনিত যিকোনো ৰোগত খালে আৰাম পাব ।
খোৱাৰ নিয়ম ;- ভেদাইলতাৰ পাত, ঠাৰি,ফুল সকলো অংশই খাব পাৰি। চাতনী কৰি ,বড়া ভাজি কৰি , ৰান্ধি বা কেচাৰস যি হিচাবেই নহওক বেমাৰৰ লক্ষন আৰু বয়স অনুসৰি দিনটোত ৫ৰ পৰা ১০ চামুচ কেচাৰস দিনে ৩বাৰ খাব। তৰকাৰি কৰি খালে বেচিকৈ নিসিজাব। শুকাই গুৰি কৰিও সংৰক্ষন কৰি খাব পাৰে ।(কেচা ৰস বেচি উপকাৰী)

ভেদাইলতাৰ লগতে মানিমুনিৰো বহুত ঔষধি গুণ আছে ।

লেখক: যতীন দাস