ডিমৌ গুলাইত বড়ো সাহিত্য সভাৰ ৭১ সংখ্যক প্ৰতিষ্ঠা দিৱস,বড়ো সাহিত্য সভাৰ ধেমাজি প্ৰাথমিক সমিতি, এবছুৰ,আবৌফ,ইউবিপিঅ’ৰ চিলাপথাৰ আঞ্চলিক সমিতিৰ বছৰেকীয়া অধিৱেশন

আজিৰে পৰা দুদিনীয়াকৈ বড়ো সাহিত্য সভাৰ ৭১ সংখ্যক প্ৰতিষ্ঠা দিৱসৰ লগতে বড়ো সাহিত্য সভাৰ ধেমাজি প্ৰাথমিক সমিতিৰ ২২ সংখ্যক,এবছুৰ চিলাপথাৰ আঞ্চলিক সমিতিৰ ৪০ সংখ্যক, আবৌফৰ চিলাপথাৰ আঞ্চলিক সমিতিৰ ২২ সংখ্যক আৰু ইউবিপিঅ’ৰ তৃতীয় সংখ্যক বছৰেকীয়া অধিৱেশন ডিমৌ গুলাইৰ পালেআবৰ বড়ো প্ৰাথমিক বিদ্যালয়ৰ প্ৰাঙ্গণত বৰ্ণাঢ্য কাৰ্য্যসূচীৰে আৰম্ভ হৈছে ।অনুষ্ঠানৰ আজি পুৱা ৮-৩০ বজাত মূল তোৰণ উদ্ধোধন কৰে চিলাসূঁতি গাওঁ পঞ্চায়তৰ সভানেত্ৰী স্বৰ্গৰাণী বসুমতাৰীয়ে।

ইয়াৰ পাছত মূল মণ্ডপ উদ্ধোধন কৰে ধেমাজি জিলা বড়ো প্ৰাথমিক শিক্ষক সন্থাৰ সভাপতি সুশীল বসুমতাৰীয়ে। পুৱা ৯-৩০ বজাত ভোজনালয় উদ্ধোধন কৰে ডিমৌ গুলাইৰ গাওঁ প্ৰধান পূৰ্ণ মুছাহাৰীয়ে।পুৱা ১০ বজাত ক্ৰীড়া প্ৰতিযোগিতা উদ্ধোধন কৰে সুদক্ষ ফুটবল খেলুৱৈ ৰিঞ্চু বসুমতাৰীয়ে। পুৱা ১০-৩০ বজাত সাহিত্য প্ৰতিযোগিতা উদ্ধোধন কৰে চিমেন চাপৰি মহাবিদ্যালয়ৰ সহকাৰী অধ্যাপক ৰাফুদাই মুছাহাৰীয়ে।বিয়লি ৪-৩০ বজাত প্ৰতিনিধি সভাকক্ষ উদ্ধোধন কৰে বড়ো সাহিত্য সভাৰ ধেমাজি প্ৰাথমিক সমিতিৰ প্ৰাক্তন সভাপতি অশ্বিনী কুমাৰ স্বৰ্গীয়াৰীয়ে।কাইলৈ তথা ১৬ নৱেম্বৰৰ পুৱা ৮ বজাত পতাকা উত্তোলন কৰিব বড়ো সাহিত্য সভাৰ ধেমাজি প্ৰাথমিক সমিতিৰ সভাপতি বানেশ্বৰ বড়ো,এবছুৰ চিলাপথাৰ আঞ্চলিক সমিতিৰ ভাৰপ্ৰাপ্ত সভাপতি আনচুলা বসুমতাৰী,আবৌফৰ চিলাপথাৰ আঞ্চলিক সমিতিৰ সভানেত্ৰী সনশ্ৰী বসুমতাৰী আৰু ইউবিপিঅ’ৰ চিলাপথাৰ আঞ্চলিক সমিতিৰ সভাপতি সনসিং ব্ৰহ্মই।পুৱা ৮-৩০ বজাত শ্বহীদ তৰ্পণ।দুপৰীয়া ১২-৩০ বজাৰ আৰম্ভ কৰিবলৈ লোৱা মুকলি সভাত আদৰণি ভাষন আগবঢ়াব অভ্যৰ্থনা সমিতিৰ সভাপতি জ্যোতিশ্বৰ গয়াৰীয়ে।মুকলি সভাখন উদ্ধোধন কৰিব বড়ো সাহিত্য সভাৰ ধেমাজি জিলা সমিতিৰ উপদেষ্টা সুশীল বসুমতাৰীয়ে আৰু নিৰ্দিষ্ট বক্তা হিচাপে অংশগ্ৰহণ কৰিব ধেমাজি জিলা এবছুৰ সভাপতি লখেন বসুমতাৰীয়ে।মুকলি সভাত মুখ্য অতিথি হিচাপে এবছুৰ শিক্ষা সম্পাদক সৌমাওছাৰ বসুমতাৰী,বিশেষ সন্মানিত অতিথি হিচাপে জোনাই জিলা বড়ো সাহিত্য সভাৰ উপ সভাপতি ধনেশ্বৰ নাৰ্জাৰী,ধেমাজি জিলা আবৌফৰ উপদেষ্টা সোভাৰাণী বসুমতাৰী,ডিব্ৰুগড় বিশ্ববিদ্যালয়ৰ সহযোগী অধ্যাপক ড৹ অনচাই বাথৌ বসুমতাৰী,ধেমাজি কৃষি বিজ্ঞান কেন্দ্ৰৰ জ্যেষ্ঠ বিজ্ঞানী তথা মূৰব্বী ড৹ গুঞ্জন গগৈ,

বিশিষ্ট অতিথি হিচাপে বিকেডব্লিউএচিৰ প্ৰধান মিহিনিশ্বৰ বসুমতাৰী,ইউবিপিঅ’ৰ ধেমাজি জিলা সমিতিৰ সাধাৰণ সম্পাদক দিপাঙ্কৰ নাৰ্জাৰী,ধেমাজি জিলা এবছুৰ সাধাৰণ সম্পাদক উদাং বি বডোছা, সাংসদ প্ৰদান বৰুৱা, বিধায়ক ভূৱন পেগু, আমন্ত্ৰিত অতিথি হিচাপে ধেমাজি জিলা বড়ো হাৰিমু আফাডৰ সভাপতি নাথুৰাম মুছাহাৰী, ধেমাজি জিলা পৰিষদৰ সদস্যা বন্তিবালা পেগু, চিচিবৰগাঁও আঞ্চলিক পঞ্চায়তৰ সভাপতি দেৱ পেগু, চিমেনমুখ গাওঁ পঞ্চায়তৰ সভানেত্ৰী জোনাকী দাস,ধেমাজি জিলা এবছুৰ উপদেষ্টা ৰাজু ওৱাৰী,পূৰ্ৱাঞ্চল মহাবিদ্যালয়ৰ বড়ো বিভাগৰ মুৰব্বী অধ্যাপিকা সুশীলা নাৰ্জাৰী,ধেমাজি জিলা আবৌফৰ উপ সভানেত্ৰী শীলা বসুমতাৰী প্ৰমুখ্যে বহু সংখ্যক গন্যমান্য ব্যক্তি উপস্থিত থাকিব।ইপিনে বড়ো সাহিত্য সভাৰ চিমেন আঞ্চলিক সমিতিৰ উদ্যোগত বড়ো সাহিত্য সভাৰ ৭১ সংখ্যক প্ৰতিষ্ঠা দিৱসৰ লগতে সভাৰ চিমেন প্ৰাথমিক সমিতিৰ ২৩ সংখ্যক আৰু আবৌফৰ চিমেন আঞ্চলিক সমিতিৰ ১৪ সংখ্যক বছৰেকীয়া অধিৱেশন আজিৰে পৰা চিমেন চাপৰিৰ জয়পুৰ বড়ো প্ৰাথমিক বিদ্যালয়ৰ প্ৰাঙ্গণত দুদিনীয়া বৰ্ণাঢ্য কাৰ্য্যসূচীৰে আৰম্ভ হৈছে। অনুষ্ঠানৰ আজি পুৱা ৬ বজাত মূল তোৰণ উদ্ধোধন কৰে এমএচিৰ ইএম মলেন্দ্ৰ নাৰ্জাৰীয়ে। পুৱা ৬-৩০ বজাত মূল মণ্ডপ উদ্ধোধন অবিভক্ত লখিমপুৰ জিলা প্ৰাক্তন বিএলটি কল্যাণ পৰিষদৰ সভাপতি চাঞ্চুমা বসুমতাৰীয়ে। পুৱা ৭-৩০ বজাত ভোজনালয় কক্ষ মুকলি কৰে মূৰ্কংচেলেক আঞ্চলিক পঞ্চায়তৰ সদস্যা অঞ্জালী খেৰকটাৰীয়ে। পুৱা ৯ বজাত অতিথিশালা উদ্ধোধন কৰে অভ্যৰ্থনা সমিতিৰ সভাপতি বিমল মুছাহাৰীয়ে ।পুৱা ৯-৩০ বজাত ভলীবল প্ৰতিযোগিতা উদ্ধোধন কৰে জোনাইৰ সংহত জনজাতি উন্নয়ন প্ৰকল্পৰ সভাপতি ফৈলাও মুছাহাৰীয়ে। পুৱা ১০-৩০ বজাত সাহিত্য প্ৰতিযোগিতা উদ্ধোধন কৰে অভ্যৰ্থনা সমিতিৰ উপদেষ্টা সুনীল বসুমতাৰীয়ে। বিয়লি ৩ বজাত বড়ো সাহিত্য সভাৰ চিমেন প্ৰাথমিক সমিতিৰ প্ৰতিনিধি পঞ্জীয়ন, বিয়লি ৩-৩০ বজাত আবৌফৰ চিমেন আঞ্চলিক সমিতিৰ প্ৰতিনিধি পঞ্জীয়ন, সন্ধিয়া ৫ বজাত বড়ো সাহিত্য সভাৰ চিমেন প্ৰাথমিক সমিতিৰ প্ৰতিনিধি সভা।সন্ধিয়া ৫ বজাত আবৌফৰ চিমেন আঞ্চলিক সমিতিৰ আলোচনা চক্ৰ। সন্ধিয়া ৮ বজাত আৰম্ভ হ’ব আবৌফৰ চিমেন আঞ্চলিক সমিতিৰ প্ৰতিনিধি সভা অনুষ্ঠিত হয়। দ্বিতীয় তথা কাইলৈ পুৱা ৭-৩০ বজাত বড়ো সাহিত্য সভাৰ পতাকা উত্তোলন,পুৱা ৮ বজাত আবৌফৰ পতাকা উত্তোলন, পুৱা ৮-৩০ বজাত শ্বহীদ তৰ্পণ, পুৱা ১০ বজাত ক্ৰীড়া আৰু সাহিত্য প্ৰতিযোগিতাৰ বিজয়ী সকলক পুৰস্কাৰ বিতৰণ।

পুৱা ১০-৩০ বজাত স্মৃতিগ্ৰন্থ জয়পুৰ হালামণি নেৰচনখন উন্মোচন, দিনৰ ১১-৩০ বজাত অনুষ্ঠিত হ’ব মুকলি সভা। মুকলি সভাত মুখ্য অতিথি হিচাপে বিকেডব্লিউএচিৰ মুখ্য কাৰ্য্যবাহী সদস্য মিহিনিশ্বৰ বসুমতাৰী,নিৰ্দিষ্ট বক্তা হিচাপে ইউবিপিঅ’ৰ সভাপতি মনোৰঞ্জন বসুমতাৰী,ধেমাজি জিলা প্ৰাথমিক শিক্ষা বিষয়া কবিতা ডেকা, এবছুৰ ধেমাজি জিলা সমিতিৰ সভাপতি লখেন বসুমতাৰী,বিশিষ্ট অতিথি হিচাপে মূৰ্কংচেলেক খণ্ড প্ৰাথমিক শিক্ষা বিষয়া প্ৰেমলাল দলে,অবিভক্ত লখিমপুৰ জিলা প্ৰাক্তন বিএলটি কল্যাণ পৰিষদৰ সভাপতি চাঞ্চুমা বসুমতাৰী,বিটিচিৰ বাহিৰৰ প্ৰাক্তন বিএলটি কল্যাণ পৰিষদৰ সাধাৰণ সম্পাদক বিষ্টিৰাম নাৰ্জাৰী,এছবি বড়ো হাইস্কুলৰ প্ৰধান শিক্ষক সোণেশ্বৰ বসুমতাৰী,ইউবিপিঅ’ৰ উপদেষ্টা শুক্লেশ্বৰ গয়াৰী,চিমেন চাপৰি মহাবিদ্যালয়ৰ সহকাৰী অধ্যাপক চবেত বসুমতাৰী,ধনেশ্বৰ নাৰ্জাৰী, বিটিএডিৰ বাহিৰৰ আত্মসমৰ্পণকাৰী এনডিএফবি কল্যাণ পৰিষদৰ সভাপতি ধৰ্মেশ্বৰ বসুমতাৰী,বাথৌ মহাসভাৰ যুৱ সমিতিৰ সাধাৰণ সম্পাদক ৰাজেশ বসুমতাৰীকে ধৰি কেবাটাও বঢ়ো জাতীয় সংগঠনৰ কেন্দ্ৰীয় আৰু জিলা নেতৃবৃন্দ উপস্থিত থাকিব।

১৫০৮ নং সুন্দৰীদিয়া দক্ষিণহাটী প্ৰাথমিক বিদ্যালয়ত পণ্ডিত জৱাহৰলাল নেহৰুৰ জন্মদিৱস উপলক্ষে School Twining Programme ৰ আধাৰত ৫৩৪ নং সুন্দৰীদিয়া নিম্ন বুনিয়াদী প্ৰাথমিক বিদ্যালয়ৰ লগত মিলিত হৈ উলহ মালহেৰে শিশু দিৱস কাৰ্যসূচী ৰূপায়ন কৰা হয়। BRP চন্দন কুমাৰ দাসৰ নেতৃত্বত পণ্ডিত জৱাহৰলাল নেহৰুৰ প্ৰতিচ্ছবিত মাল্যৰ্পন আৰু বন্তি প্ৰজ্বলনেৰে অনুষ্ঠানটোৰ শুভাৰম্ভ কৰা হয়।

উক্ত কাৰ্য্যসূচীত উপস্থিত থাকে বৰপেটা জিলাৰ অতিৰিক্ত উপায়ুক্ত (শিক্ষা) মাননীয়া লখিমী দত্ত ডাঙৰীয়াণী। তেওঁ ছাত্ৰ ছাত্ৰীসকলক উদ্দেশ্যি এক ৰসাল বক্তব্য আগবঢ়োৱাৰ লগতে শিশুসকলৰ লগত ‘হম হোঙ্গে কাময়াব’ শীৰ্ষক গীতটি একেলগে পৰিৱেশন কৰি তেওঁলোকক জীৱনত সফল হবলৈ অনুপ্ৰেৰণা যোগায়। তেওঁ এই অনুষ্ঠানটোত জড়িত দুয়োখন বিদ্যালয়ৰে আটাইতকৈ বিদ্যালয়ত বেছি দিন উপস্থিত থকা ছাত্ৰ ছাত্ৰী সকলক মানপত্ৰৰে পুৰষ্কৃত কৰে। সভাত সভাপতিত্ব কৰে বৰপেটা শিক্ষাখণ্ডৰ বিদ্যালয়সমূহৰ সহ:পৰিদৰ্শক নিয়তি পাঠকে। নিয়তি পাঠকে শিশু দিৱস উপলক্ষে ৰচনা কৰা এটি গীত ছাত্রছাত্রী সকলে আজি সমবেত ভাৱে পৰিবেশন কৰে।

খেল ধেমালিৰ লগতে অন্যান্য গীত মাত পৰিবেশন কৰা আজিৰ এই অনুষ্ঠানটোত বৰপেটা শিক্ষাখণ্ডৰ খণ্ডৰ সমল ব্যক্তি চন্দন কুমাৰ দাসে সাধুকথাৰ মাজেৰে ছাত্ৰ ছাত্ৰীসকলক ভবিষ্যত দিশত সফল হবলৈ উদগণি যোগায়। সভাৰ শেষত আজি অনুষ্ঠিত হোৱা বিভিন্ন খেল ধেমালি সমূহৰ পুৰস্কাৰ সমূহ বিতৰণ কৰা হয়। এই কাৰ্যসূচীত সুন্দৰীদিয়া গাঁও পঞ্চায়তৰ সভানেতৃ গিতাশ্ৰী শইকীয়াও এটি সুন্দৰ গীত পৰিবেশন কৰে। অনুষ্ঠানটোত দুয়োখন বিদ্যালয়ৰ শিক্ষক শিক্ষয়িত্রী, অভিভাৱক অভিভাৱিকাৰ লগতে মণ্ডল কেন্দ্র সমন্বয়ক নবদ্বীপ গায়নও উপস্থিত থাকে।