কামৰূপ জিলাৰ ছয়গাঁও সমষ্টিৰ গৰৈমাৰী এলেকাধীন ভলুকাৰীস্থিত ব্যক্তিগত খণ্ডৰ বিদ্যালয় জে কে মেমোৰিয়েল একাডেমিৰ বাৰ্ষিক অধিৱেশন যোৱা কালি সফল সামৰণি পৰে৷ উল্লেখ্য যে ২৩ ডিচেম্বৰৰ পৰা ২৫ ডিচেম্বৰলৈ তিনিদিনীয়া বৰ্ণাঢ্য কাৰ্যসুচীৰে বাৰ্ষিক অধিৱেশন অনুষ্ঠিত হয়৷
কাৰ্যসূচী মতে ২৩ ডিচেম্বৰ পুৱা সমাজ সেৱা, পতাকা উত্তোলনৰ লগতে বিদ্যালয়খনৰ শিক্ষাৰ্থীসকলৰ মাজত বিভিন্ন ধৰণৰ খেল-ধেমালী প্ৰতিযোগিতা অনুষ্ঠিত হয়৷তদুপৰি ২৪ আৰু ২৫ ডিচেম্বৰ তাৰিখে ছাত্ৰ-ছাত্ৰীৰ মাজত কুইজ, আকস্মিক বক্তৃতা,স্মৃতি পৰীক্ষাকে ধৰি বিভিন্নধৰণৰ প্ৰতিযোগিতামূলক কাৰ্যসুচী অনুষ্ঠিত কৰে৷ উল্লেখ্য যে সন্ধিয়া ৬ বজাত জে কে মেমোৰিয়েল একাডেমীৰ পৰিচালন সঞ্চালক আমজেদ আলী আহমেদৰ পৌৰহিত্যত মুকলি ও বঁটা বিতৰণি সভা অনুষ্ঠিত হয়৷
দলীয় কৰ্মীসকলৰ কাৰ্যকলাপ বৃদ্ধি কৰাৰ লগতে ভোটাৰক আকৰ্ষণ কৰাৰ উদ্দেশ্যে বিজেপিৰ নিৰ্বাচনী প্ৰচাৰৰ অংশ এই ৰাথাযাত্ৰা। এক প্ৰেছ বিজ্ঞপ্তিযোগে বিজেপিৰ সংবাদ মাধ্যমৰ ভাৰপ্ৰাপ্ত বিষয়া সুনীত চৰকাৰে কয় যে এই ৰথযাত্ৰাৰ সুচাৰুৰূপে পৰিচালিত আৰু সফলতা সুনিশ্চিত কৰিবলৈ ৰাজ্যিক বিজেপিয়ে তথ্য আৰু সাংস্কৃতিক পৰিক্ৰমা মন্ত্ৰী সুশান্ত চৌধুৰীৰ নেতৃত্বত তিনিজনীয়া এখন সমিতি গঠন কৰা হৈছে।
‘আগন্তুক বিধানসভা নিৰ্বাচনৰ প্ৰতি লক্ষ্য ৰাখি ৰাজ্যিক বিজেপিৰ উদ্যোগত এখন ৰথ যাত্ৰাৰ আয়োজন কৰা হৈছে। নতুন বছৰৰ প্ৰথম সপ্তাহৰ পৰা আৰম্ভ হ’ব এই ৰথ যাত্ৰা।
এই ৰথযাত্ৰাৰ সুচাৰুৰূপে পৰিচালিত আৰু সফলতা সুনিশ্চিত কৰিবলৈ ৰাজ্যিক বিজেপিয়ে তিনিজনীয়া এখন সমিতি গঠন কৰিছে। এই কমিটীৰ দায়িত্বত আছে আইচিএৰ মন্ত্ৰী সুশান্ত চৌধুৰী আৰু সহ-ভাৰপ্ৰাপ্ত সাধাৰণ সম্পাদক টিংকু ৰয় আৰু অমিত ৰক্ষিত”, প্ৰেছ বিজ্ঞপ্তিটোত এইদৰে কোৱা হৈছে।
ইয়াত আৰু কোৱা হৈছে যে উত্তৰ ত্ৰিপুৰা জিলাৰ পৰা এখন ৰথ যাত্ৰা আৰম্ভ হ’ব আৰু আনখন ৰথ যাত্ৰা দক্ষিণ ত্ৰিপুৰাৰ পৰা আৰম্ভ হ’ব।
