সাম্প্ৰতিক বিশ্বত ভয়াবহ ৰোগ হিচাপে চিহ্নিত ৰোগবিধৰ নামেই হৈছে ডায়েবেটিছ। এইবিধ ৰোগক আমাৰ ভাষাত কোৱা হয় মধুমেহ বা বহুমূত্ৰ ৰোগ। আমাৰ শৰীৰ বা দেহত অন্যান্য ৰোগ হ’লে যিদৰে আৰম্ভণিতে ৰোগৰ উমান পোৱা যায় ডায়েবেটিছ বা মধুমেহ ৰোগৰ ক্ষেত্ৰত এই কথা নাখাটে।
এই ৰোগবিধ শৰীৰত আৰম্ভ হোৱাৰ কথা ৰোগীয়ে প্ৰথম অৱস্থাত বা ভালেমান দিনলৈকে গমেই নাপায়। নীৰৱে এই ৰোগবিধে আমাৰ দেহত বাহ লৈ আমাৰ শৰীৰৰ কেইবাটাও গুৰুত্বপূৰ্ণ অংগ, যেনে- কলিজা, স্নায়ু, বৃক্ক, লিভাৰ, চকু আদিৰ নীৰৱে ক্ষতিসাধন কৰি থাকে। ৰোগীয়ে যেতিয়া দেহত এই ৰোগবিধৰ উপস্থিতিৰ উমান পায় তেতিয়া ৰোগবিধ ইতিমধ্যে দেহত পূৰঠ হৈ উঠিছে আৰু ৰোগীৰ ওপৰত উল্লিখিত অংগসমূহৰো ব্যাপক ক্ষতিসাধন কৰিছে। এনে কাৰণতে ডায়েবেটিছ ৰোগক মানুহৰ নীৰৱ ঘাতক বুলি কোৱা হয়।
ই এনে এবিধ মাৰাত্মক ৰোগ যে কোনো ঔষধ-পাতিৰ দ্বাৰাই এই ৰোগ সম্পূৰ্ণভাৱে আৰোগ্য কৰাও সম্ভৱ নহয়। এনে কাৰণতে ডায়েবেটিছ বা মধুমেহ দুৰাৰোগ্য ব্যাধি হিচাপে চিহ্নিত হৈছে। আমাৰ শৰীৰে যিটো অৱস্থাত শৰ্কৰা জাতীয় পদাৰ্থ গ্ৰহণ কৰিব নোৱাৰা হয়। সেই অৱস্থাত তেজত শৰ্কৰা বা চেনিৰ পৰিমাণ বাঢ়ি গৈ ই মূত্ৰাশয়ৰ জৰিয়তে নিৰ্গত হয় আৰু ইয়াকে ডায়েবেটিছ ৰোগ বোলা হয়। ৰোগবিধত শৰীৰত কোনো বিষ-কোপ অনুভূত নহয় বাবে ৰোগীয়ে ৰোগ হোৱাৰ উমানেই নাপায়।
ফলত শৰীৰত ভিতৰি ভিতৰি ৰোগ নীৰৱে পূৰঠ হৈ গৈ থাকে আৰু শৰীৰত যেতিয়া চেনিৰ মাত্ৰা খুব বেছি হয় তেতিয়াহে এই ৰোগবিধৰ উপস্থিতিৰ কথা ৰোগীয়ে ধৰিব পাৰে। আমাৰ শৰীৰৰ বিভিন্ন পাচক গ্ৰন্থিৰ সমন্বয়ত ক্লোমযন্ত্ৰ গঠিত হৈছে। এই ক্লোমযন্ত্ৰৰ পৰা নিৰ্গত ইনচুলিন বা ক্লোমৰসে শৰ্কৰাৰ বিপাকীয় ক্ৰিয়াত মুখ্য ভূমিকা গ্ৰহণ কৰে। ফলত শৰীৰত তাপ আৰু শক্তি উৎপন্ন হয়। কোনো কাৰণত এই ক্লোমযন্ত্ৰ দুৰ্বল হৈ পৰিলে বা ক্লোমৰস বা ইনচুলিন নিৰ্গত কৰিবলৈ সক্ষম নহ’লে শৰীৰৰ তন্তু বা কোষকলাৰ ভিতৰত শৰ্কৰা দগ্ধ বা দাহিত নহয়। এনে অৱস্থাত তেজৰ লগত শৰ্কৰা বিজাতীয় পদাৰ্থৰূপে সঞ্চিত হ’বলৈ ধৰে আৰু শৰীৰত নানা উপসৰ্গই দেখা দিয়াৰ ফলতে ডায়েবেটিছ ৰোগৰ উৎপত্তি হয়।
আমেৰিকা যুক্তৰাষ্ট্ৰৰ ৰাষ্ট্ৰপতি জো বিডেনে মাস্কৰ এনে ধৰণৰ কাণ্ড কাৰখানাবোৰ ভালদৰে গ্ৰহণ নাই। তেওঁৰ মতে, টুইটাৰে সমগ্ৰ বিশ্বতে মিছা কথা বিয়পাই আছে।
“এতিয়া আমি সকলোৱে দেখিছোঁ যে এলন মাস্কে এটা সঁজুলি কিনিছে; যিটোৱে গোটেই পৃথিৱীতে মিছাকথা বিয়পাই আছে। আমি সকলোৱে ইয়াত শংকিত; কাৰণ আমেৰিকাত এতিয়া আৰু কোনো সম্পাদক নাই… কোনো সম্পাদক নাই।‘’
আনহাতে, টুইটাৰক “মত প্ৰকাশৰ স্বাধীনতা স্বৰ্গ” হিচাপে গঢ়ি তোলাৰ বাবে এলন মাস্কে যি ঘোষণা কৰিছে সেই সন্দৰ্ভত বিডেনে কয়, “আমাৰ সন্তানসকল এতিয়া বিপদাশংকাত আছে। তেওঁলোকে যে বিষয়টো (টুইটাৰৰ মত প্ৰকাশৰ স্বাধীনতা) বুজিব সেইটো আমি কেনেকৈ আশা কৰিম?”
ইয়াৰ প্ৰত্যুত্তৰত দক্ষিণ আফ্ৰিকা মাত্ৰ ১৪৫ ৰাণত স্তব্ধ হৈ পৰে। চাপৰ সন্মুখীন হৈ, কোনো এগৰাকী বেটছমেনে মূৰ দাঙি উঠিব নোৱাৰিলে। দক্ষিণ আফ্ৰিকা ১৩ ৰাণত পৰাজিত হয়।
যদি দক্ষিণ আফ্ৰিকা জিকিলেহেঁতেন তেওঁলোকে ছেমি ফাইনেললৈ গ’লহেঁতেন। তেনে ক্ষেত্ৰত ভাৰতে আজি জিম্বাবোৱেৰ বিৰুদ্ধে জয়ী হ’বই লাগিলেহেঁতেন। আকৌ, পাকিস্তান আৰু বাংলাদেশ বিশ্বকাপৰ পৰা প্ৰায় বাহিৰ হৈ গ’লহেঁতেন। কিন্তু দক্ষিণ আফ্ৰিকা নেডাৰলেণ্ডৰ হাতত পৰাজিত হৈ সকলো সমীকৰণ সলনি কৰি দিলে। তেওঁলোক ৫ খন খেলত ৫ পইণ্টত আবদ্ধ হৈ ৰ’ল। ফলস্বৰূপে যদি বৰষুণৰ বাবে বাংলাদেশ বনাম পাকিস্তানৰ খেলখন বাতিল নহয়, তেন্তে দক্ষিণ আফ্ৰিকাৰ ছেমি ফাইনেলত খেলাৰ কোনো সম্ভাৱনা নাথাকিব।
ইপিনে, দক্ষিণ আফ্ৰিকাৰ পৰাজয়ে ভাৰতৰ ছেমি ফাইনেল নিশ্চিত কৰে। ৪ খন খেলত ভাৰতৰ সংগ্ৰহ ৬পইণ্ট। ভাৰতে শেষ মেচখনত জিম্বাবোৱেৰ হাতত পৰাজিত হ’লেও গ্ৰুপ-২ত কমেও দ্বিতীয় স্থান লাভ কৰি ছেমি ফাইনেললৈ যাব। আনহাতে, পাকিস্তান আৰু বাংলাদেশে বিশ্বকাপৰ ছেমি ফাইনেলত খেলাৰ পথ মুকলি হৈছে। ইয়াৰে যিটো দলে এই মেচখন জিকিব তেওঁলোকে ৫খন মেচৰ পৰা ৬ পইণ্ট লৈ ছেমি ফাইনেললৈ যাব।
শিল্পী ড০ ভূপেন হাজৰিকাৰ একাদশ মৃত্যু বাৰ্ষিকী শনিবাৰে বাংলাদেশৰ ঢাকাৰ শিল্পকলা একাডেমী আৰু ব্যতিক্ৰম মাছডোৰ যৌথ উদ্যোগত দেশখনত পালন কৰা হয়
শিল্পকলা একাডেমীৰ সঞ্চালকপ্ৰধান লিয়াকত আলী লাকীয়ে সভাপতিত্ব কৰা অনুষ্ঠানত মুখ্য অতিথি হিচাপে উপস্থিত থাকে সাংস্কৃতিক মন্ত্ৰালয়ৰ ৰাজ্যিক মন্ত্ৰী কে এম খালিদ। বিশেষ অতিথি হিচাপে সাংস্কৃতিক মন্ত্ৰালয়ৰ সংসদীয় স্থায়ী সমিতিৰ সদস্য অসীম কুমাৰ উকিল, সাংস্কৃতিক মন্ত্ৰালয়ৰ সম্পাদক আবুল মনছুৰ, বিশিষ্ট সংগীত শিল্পী মনীষা হাজৰিকা আৰু ড০ সৌমেন ভাৰতীয়।
সাংস্কৃতিক পৰিক্ৰমা ৰাজ্যিক মন্ত্ৰী কে এম খালিদে ভূপেন হাজৰিকাৰ গানে কেৱল সংগীতপ্ৰেমীকে নহয়, সামাজিক কৰ্মী আৰু ৰাজনৈতিক কৰ্মীসকলকো আলোড়িত কৰে। বঞ্চনাৰ পৰা মুক্তিৰ পথৰ অংকন কৰা হাজৰিকাৰ গীতত মানৱতা, প্ৰকৃতি, সমাজবাদ, জীৱনধৰ্মী শব্দৰ প্ৰতি প্ৰেম বিশেষভাৱে লক্ষণীয়।
বাংলাদেশ শিল্পকলা একাডেমীৰ সঞ্চালক প্ৰধান লিয়াকট আলী লাকীয়ে কয় যে ভূপেন হাজৰিকা বাংলাদেশৰ সংস্কৃতিৰ অংশ। গতিকে বাংলাদেশৰ ৰাইজেও এই শিল্পীগৰাকীক স্মৰণ কৰে।
ড০ সৌমেন ভাৰতীয়ই কয় যে ভূপেন হাজৰিকাৰ গীতৰ কথা, সুৰ আৰু শব্দৰ প্ৰেৰণা এতিয়াও বাংলাদেশৰ মানুহৰ মাজত বাঙালীৰ হৃদয়ত শিপাই আছে। তেওঁক শ্ৰদ্ধা জনোৱাৰ উপৰিও অসম আৰু বংগৰ সম্পৰ্ক গঢ়ি তোলা আৰু দলং নিৰ্মাণৰ বাবে এই অনুষ্ঠানৰ আয়োজন কৰা হৈছিল।
আলোচনা সভাৰ অন্তত ময়ূখ হাজৰিকাৰ নেতৃত্বত অসমৰ এদল শিল্পীয়ে সুধাকণ্ঠৰ বাংলা আৰু অসমীয়া গীত পৰিৱেশন কৰে। উল্লেখ্য, ভাৰতৰ অসম ৰাজ্যৰ পৰা ২০ জনীয়া এটা প্ৰতিনিধি দল চৰকাৰৰ আমন্ত্ৰণত ঢাকালৈ আহিছিল। প্ৰতিনিধি দলটোত ভূপেন হাজৰিকাৰ পৰিয়ালৰ সদস্য আৰু বিশিষ্ট ভাৰতীয় সংগীত শিল্পী মনীষা হাজৰিকা, ময়ূখ হাজৰিকা, অসমীয়া জনপ্ৰিয় কণ্ঠশিল্পী গীতাঞ্জলি কট্টি, মিশ্মী বসু, দীপশিখা ভৰালী আদি শিল্পীসকল আছিল।
