নোৰা ফাতেহী বৰ্তমান বহুতৰে ক্ৰাছ । সামাজিক মাধ্যমত বহুতে তেওঁক ফ্ল কৰে ।
ইনষ্টাগ্ৰাম ফেচবুকত লাখ লাখ অনুৰাগী।
কিন্তু হঠাৎ নোৰা ফাতেহীৰ পুৰণি ফটো সমূহ ভাইৰেল হোৱাত সকলোৱে আচৰিত হৈ গ’ল ।
বহুতে কমেণ্ট কৰিলে এই গৰাকী মোৰ ক্ৰাছ হ’ব নোৱাৰে । ইমান ক্ষীণ ।
অলপো মিল নাই বৰ্তমানৰ নোৰাৰ চেহেৰাৰ লগত ।
বন বিভাগৰ অভিযানত গ্ৰেপ্তাৰ ৩ দুৰ্ধৰ্ষ চোৰাং চিকাৰী।ৰায়মনাত গ্ৰেপ্তাৰ ৩ চোৰাং চিকাৰী।কোকৰাঝাৰ জিলাৰ গোসাঁই গাঁও মহকুমাৰ ভূটান সীমান্ত এলেকাৰ ৰায়মনা ৰাষ্ট্ৰীয় উদ্যানত বন্যপ্রাণী চিকাৰ কৰি থকা অৱস্থাতে বন সুৰক্ষা বাহিনীয়ে তিনিজন চোৰাং চিকাৰীক আটক কৰিবলৈ সক্ষম হয়।অভিযানকাৰী দলটোৱে চোৰাং চিকাৰীৰ পৰা এটি মৃত হৰিণা পহুসহ চিকাৰীয়ে ব্যৱহাৰ কৰা ৭খন জাল আৰু জোং জব্দ কৰিছে।কচুগাঁও বনাঞ্চলৰ ছয় নম্বৰ ৰাইটত চোৰাং চিকাৰীৰ এটা বৃহৎ দলে বন্যপ্রাণী চিকাৰ কৰি থকা অৱস্থাত বন বিভাগে অভিযান চলাই তিনিজনক আটক কৰিবলৈ সক্ষম হয়।ধৃত তিনিজন হৈছে- কুসুমবিল গাঁৱৰ বাসিন্দা জীৱন টুডু, গুনুবি সৰেণ আৰু বল্লমঝোৰা গাঁৱৰ ইথোয়া বেক।ৰাষ্ট্ৰীয় উদ্যানত চোৰাং চিকাৰীৰ এটি বৃহৎ দলে প্ৰৱেশ কৰা বুলি পোৱা গোপন তথ্যৰ ভিত্তিত বন অভিযান চলাই তিনিজন চোৰাং চিকাৰীক আটক কৰে যদিও বাকীসকলে পলাই যাবলৈ সক্ষম হয়।সম্প্রতি পলাতক চোৰাং চিকাৰীসকলৰ বিৰুদ্ধে বন বিভাগৰ অভিযান অব্যাহত আছে।
বহু প্ৰতিক্ষাৰ অন্ত পেলাই অৱশেষত ঘোষণা কৰা হ’ল ৰাজ্য চৰকাৰৰ চতুৰ্থ বৰ্গৰ পৰীক্ষা। পৰীক্ষাৰ ফলাফল ঘোষণা কৰাৰ পিছতে পুনৰ চৰ্চালৈ আহিছে ভিক্টৰ দাস।
চতুৰ্থ বৰ্গৰ পৰীক্ষাত ভিক্টৰ দাসৰ ইনষ্টিটিউটৰ পৰা এহেজাৰতকৈও অধিক পৰীক্ষাৰ্থী উত্তীৰ্ণ হৈছে। যাক এতিয়া আনন্দ অনুভৱ কৰিছে ভিক্টৰ দাসে। মঙলবাৰে নিশা কামৰূপৰ দদৰাৰ বাসগৃহত উপস্থিত হৈ এই সন্দৰ্ভত সাংবাদিকৰ সন্মুখত ভিক্টৰে প্ৰকাশ কৰিলে প্ৰতিক্ৰিয়া। ভিক্টৰ দাসে ক’লে, ‘মই জেনুইন মানুহ, মই ভাগৰা নাই।
উল্লেখ্য যে, ২৬ হাজাৰ পদৰ বাবে অনুষ্ঠিত হোৱা তৃতীয় আৰু চতুৰ্থ বৰ্গৰ নিযুক্তিৰ নামত ধনৰ লেনদেন হোৱাৰ অভিযোগ তুলি গ্ৰেপ্তাৰ হৈছিল ভিক্টৰ দাস। অৱশ্যে পিছত জামিনত মুক্তি পাইছিল ভিক্টৰ দাসে। জামিন মুক্তিলাভ কৰাৰ পিছতে ভিক্টৰে পুনৰ আৰম্ভ কৰিছে ছাত্ৰ–ছাত্ৰীক পাঠদানৰ কাম।
কােকৰাঝাৰৰ ডিটিঅ’ সােমেশ্বৰ ব্ৰহ্ম মুছাহাৰীৰ গ্ৰেপ্তাৰৰ ঘটনাই পৰিবহন বিভাগৰ ভিতৰচ’ৰাত তীব্ৰ খলকনিৰ সৃষ্টি কৰাৰ সময়তে এইবাৰ ডিব্ৰুগড় জিলাৰ পৰিবহন বিষয়াৰ কাৰ্যালয়ত চলিল দুৰ্নীতি নিবাৰক শাখাৰ অভিযান।
এগৰাকী গাড়ীৰ মালিকৰ পৰা পথ কৰ অফলাইনত পৰিশোধ কৰাত সহায় কৰাৰ বিনিময়ত উৎকােচ লৈ ভিজিলেন্সৰ হাতত ধৰা পৰিল এজন দালালসহ ডিটিঅ’ কাৰ্যালয়ৰ নিম্ন বৰ্গৰ সহায়ক। ধৃত দালাজনৰ নাম পংকজ গগৈ আৰু নিম্ন বৰ্গৰ সহায়িকা গৰাকীৰ হৈছে দীতিমনি গগৈ।
এই কথা টুইট কৰি প্ৰকাশ কৰিছে ভিজিলেন্সৰ মুৰব্বী, অসম আৰক্ষীৰ বিশেষ সঞ্চালক প্ৰধান জিপি সিঙে। সম্প্ৰতি ডিব্ৰুগড় জিলা পৰিবহন বিষয়াৰ কাৰ্যালয়ৰ চৌহদতে ধৃত দুয়ােজনকে জেৰা চলাইছে ভিজিলেন্সৰ অভিযানকাৰী দলে।
মহানগৰীৰ বিদ্যালয়ত পুনৰ অঘটন। প্ৰাৰ্থনা সভাৰ মাজতে ঢলি পৰি এগৰাকী ছাত্ৰীৰ মৃত্যু। নাৰেঙ্গীৰ বিদ্যমন্দিৰ স্কুলৰ তৃতীয় শ্ৰেণীৰ ছাত্ৰীৰ মৃত্যু। মৃত ছাত্ৰীগৰাকী গীতা মন্দিৰৰ তৃষা আৰ. কলিতা বুলি জানিব পৰ গৈছে। বিদ্যালয়ৰ প্ৰাৰ্থনা সভাৰ মাজতে ঢলি পৰি অচেতন হৈ পৰিছিল ছাত্ৰী গৰাকী। লগে লগে ছাত্ৰী গৰাকীক সমীপৱৰ্তী ইজী হাস্পতাললৈ হােমলৈ নিয়া হয় যদিও শিশু আইচিইউ নথকা বাবে প্ৰতীক্ষা হাস্পতাললৈ লৈ যোৱা হয়। কিন্তু দুৰ্ভাগ্যজনকভাৱে চিকিৎসকে ছাত্ৰীগৰাকীৰ মৃত বুলি ঘােষণা কৰে।
উল্লেখ্য যে কিছুদিন পূৰ্বেও মহানগৰীৰ ছাত্ৰীবাৰী স্থিত এখন ব্যক্তিগত খণ্ডৰ বিদ্যালয়ত অনুৰূপ ধৰণে এগৰাকী ছাত্ৰীয়ে মৃত্যুবৰণ কৰিছিল।
পুনৰ বিতৰ্কত মাজুলীৰ পীতাম্বৰ দেৱগোস্বামী জিলা অসামৰিক চিকিৎসালয় (Majuli civil hospital controversy)। তেজস্বিতাৰ মৃত্যুৰ (Tejaswita death controversy) পাছত এইবাৰ আন এগৰাকী ৩৫ বছৰীয়া লোকৰ মৃত্যুক লৈ উত্তাল মাজুলী । হাস্পতালখনত চিকিৎসাধীন অৱস্থাত মৃত্যু আদিত্য পায়েং নামৰ লোকজনৰ (Aditya Payeng dead case)। তেওঁৰ মৃত্যুৰ লগে লগে বিভিন্ন মহলত তীব্ৰ প্ৰতিক্ৰিয়াৰ সৃষ্টি হৈছে । শোকত ভাগি পৰিছে লোকজনৰ পৰিয়াল তথা আত্মীয় । জানিব পৰা মতে হঠাৎ সামান্য বুকুখন বিষাইছে বুলি কোৱাত গড়মূৰৰ পীতাম্বৰ দেৱগোস্বামী জিলা চিকিৎসালয় অনা হৈছিল কাৰ্কিচুকৰ আদিত্যক । কিন্তু চিকিৎসালয়তে মৃত্যু হয় আদিত্যৰ । আদিত্যৰ পৰিয়ালৰ অভিযোগ অনুসৰি উপযুক্ত চিকিৎসা নোপোৱাৰ বাবেই মৃত্যু হৈছে আদিত্যৰ (One dead due to negligence of hospital authorities)। ইফালে তেজস্বিতাৰ পাছত পুনৰ হাস্পতালখনত এনেদৰে লোকজনে অকাল মৃত্যুক সাৱটিব লগীয়া হোৱাত তীব্ৰ চাঞ্চল্যৰ সৃষ্টি হৈছে । বহুতে হাস্পতাল কৰ্তৃপক্ষ আৰু চৰকাৰৰ বিৰুদ্ধে ক্ষোভ প্ৰকাশ কৰিছে ।
অসম প্ৰকাশন পৰিষদ আৰু সদৌ অসম পুথি প্ৰকাশক আৰু বিক্ৰেতা সংস্থাৰ উদ্যোগত ধেমাজিত প্ৰথম বাৰৰ বাবে আয়োজিত অসম গ্ৰন্থমেলা ধেমাজি -২০২২ ৰ লাইখুটা আজি ধেমাজিৰ কাছাৰী ময়দানত স্থাপন কৰা হয় ৷ বিশিষ্ট লেখক,প্ৰবীন সাংবাদিক, সমাজকৰ্মী উমেশ চেতিয়া, বিশিষ্ট লেখক ,শিল্পী ড° পুষ্প গগৈ, আৰু মিচিং সাহিত্য সভাৰ সভাপতি গোবিন্দ টাইদে এক গাম্ভীৰ্যপূৰ্ণ পৰিৱেশত আজি এই শুভ কাৰ্য সম্পন্ন কৰে ৷
ধেমাজি চহৰৰ আগশাৰীৰ ব্যক্তি, বিভিন্ন অনুষ্ঠান প্ৰতিষ্ঠানৰ প্ৰতিনিধি তথা সদাশয় লোকৰ উপস্থিতিত গ্ৰন্থমেলাৰ লাইখুটা স্থাপন কৰি লৃখক উমেশ চেতিয়াই কয় যে ধেমাজি চহৰত গ্ৰন্থমেলাৰ আয়োজন কৰি অসম প্ৰকাশন পৰিষদ আৰু সদৌ অসম পুথি প্ৰকাশক আৰু বিক্ৰেতা সংস্থাই এক নতুন যাত্ৰাৰ শুভাৰম্ভ কৰিছে ৷ ধেমাজি চহৰত গ্ৰন্থমেলাৰ এই বৃহৎ পৰিসৰৰ আয়োজনে কেৱল গ্ৰন্থ জগতলৈকে যে শুভ বাৰ্তা কঢ়িয়াই আনিব এনে নহয় সমগ্ৰ জিলাখনতে নতুন উদ্দীপনাৰ সৃষ্টি কৰিব ৷
আজিৰ অনুষ্ঠানৰ আন এগৰাকী বিশিষ্ট অতিথি ড° পুষ্প গগৈয়ে অসম গ্ৰন্থমেলা, ধেমাজিয়ে ধেমাজিবাসীৰ মনত নতুন প্ৰেৰণা সৃষ্টি কৰিব বুলি মন্তব্য প্ৰকাশ কৰে ৷ গ্ৰন্থমেলাৰ লাইখুটা স্থাপনৰ আন এগৰাকী অতিথি মিচিং সাহিত্য সভাৰ সভাপতি গোবিন্দ টাইদে অসম প্ৰকাশন পৰিষদ আৰু সদৌ অসম পুথি প্ৰকাশক আৰু বিক্ৰেতা সংস্থাই ধেমাজিত গ্ৰন্থমেলা আয়োজন কৰি সমগ্ৰ জিলাখনকে নতুন চিন্তাৰে উদ্বুদ্ধ হ’বলৈ অনুপ্ৰাণিত কৰিছে ৷ বানে গৰকা বিভিন্ন সমস্যাৰে আক্ৰান্ত এই জিলাখনত মহা পয়োভৰৰে গ্ৰন্থমেলা আয়োজন কৰিবলৈ লোৱা অসম প্ৰকাশন পৰিষদ আৰু সদৌ অসম পুথি প্ৰকাশক আৰু বিক্ৰেতা সংস্থা সকলোৰে কৃতজ্ঞতাৰ পাত্ৰ হৈছে ৷
মুকুতা’ৰ সহযোগী সম্পাদক দেৱজিৎ বৰাই আঁত ধৰা অনুষ্ঠানৰ প্ৰাৰম্ভতে অসম প্ৰকাশন পৰিষদৰ সচিব প্ৰমোদ কলিতাই আজিৰ লাইখুটা স্থাপন অনুষ্ঠানত উপস্থিত থকা গ্ৰন্থপ্ৰেমী ৰাইজক সম্বোধন কৰি ধেমাজিত অসম গ্ৰন্থমেলা আয়োজনৰ উদ্দেশ্য ব্যাখ্যা কৰি আদৰণি ভাষণ প্ৰদান কৰে ৷ কলিতাই অসম প্ৰকাশন পৰিষদ আৰু সদৌ অসম পুথি প্ৰকাশক আৰু বিক্ৰেতা সংস্থাই যুটীয়াভাৱে গ্ৰন্থমেলা আয়োজন সন্দৰ্ভত সবিশেষ ব্যক্ত কৰি কয় যে কেবল গুৱাহাটীতেই গ্ৰন্থমেলা আৱদ্ধ নাৰাখি ৰাজ্যখনৰ ভিন্ন প্ৰান্তলৈ বিস্তাৰ কৰাৰ চৰকাৰৰ যি প্ৰয়াস তাক সফল ৰূপায়ণৰ চেষ্টা কৰা হৈছে ৷ শলাগ জ্ঞাপন কৰে সদৌ অসম পুথি প্ৰকাশক আৰু বিক্ৰেতাসংস্থাৰ উপ সভাপতি বাহাৰুল ইছলাম৷ চৌধুৰীে
ভাৰতীয় ক্ৰিকেট নিয়ন্ত্ৰণ বোৰ্ড (BCCI)ৰ যুটীয়া সম্পাদক ৰূপে নিৰ্বাচিত অসম ক্ৰিকেট সন্থাৰ সম্পাদক দেৱজিৎ শইকীয়া। আজি ১৮ অক্টোবৰত অনুষ্ঠিত BCCIৰ নতুন সমিতিৰ নিৰ্বাচনত যুটীয়া সম্পাদক ৰূপে মনোনীত হয় শৰ্মা।
প্ৰাক্তন ৰঞ্জি ক্ৰিকেটাৰ দেৱজিৎ শইকীয়াৰ লগতে BCCIৰ নিৰ্বাচনত সভাপতি পদত ৰ’জাৰ বিন্নী, সম্পাদক পদত জয় শ্বাহ নিৰ্বাচিত হৈছে। মুম্বাইৰ হোটেল তাজত অনুষ্ঠিত হোৱা বাৰ্ষিক সাধাৰণ সভাত দেৱজিৎ শইকীয়াক যুটীয়া সম্পাদক হিচাপে নিৰ্বাচিত কৰা হয়।
আৰক্ষীৰ নিযুক্তিত ভুৱা কম্পিউটাৰৰ প্ৰমাণপত্ৰ দাখিলৰ অভিযোগত মঙলবাৰে ৮জন প্ৰাৰ্থীক গ্ৰেপ্তাৰ কৰা হৈছিল।
১১জনলৈ বৃদ্ধি ভুৱা কম্পিউটাৰ চাৰ্টিফিকেট কেলেংকাৰীত গ্ৰেপ্তাৰৰ সংখ্যা। মঙলবাৰে ৮জনক গ্ৰেপ্তাৰ কৰাৰ পিছত আজি পুনৰ গ্ৰেপ্তাৰ কৰা হয় তিনিজনক। নতুনকৈ গ্ৰেপ্তাৰ মুছস্তাফিজুৰ ৰহমান, আতিকুৰ ৰহমান আৰু অলিউল্লাহ। কিছু সময়ৰ পিছতে স্বাস্থ্য পৰীক্ষাৰ বাবে তিনিওজনকে লৈ যোৱা হ’ব।
উল্লেখযোগ্য যে আৰক্ষীৰ নিযুক্তিত ভুৱা কম্পিউটাৰৰ প্ৰমাণপত্ৰ দাখিলৰ অভিযোগত মঙলবাৰে ৮জন প্ৰাৰ্থীক গ্ৰেপ্তাৰ কৰা হৈছিল। সোমবাৰে সোধা–পোছাৰ অন্তত চিআইডিয়ে গ্ৰেপ্তাৰ কৰে ৮ অভিযুক্তক। শেহতীয়াকৈ অসম আৰক্ষীত বহু পৰিমাণৰ পদত নিযুক্তি দিছিল ৰাজ্য চৰকাৰে। এই পৰীক্ষাত একাংশ প্ৰাৰ্থীয়ে ভুৱা কম্পিউটাৰৰ প্ৰমাণপত্ৰ দাখিল কৰাৰ অভিযোগ উত্থাপিত হৈছিল।
হস্ত ৰেখা অনুসৰি, এজন ব্যক্তিৰ ভাগ্য হাতৰ ৰেখাত লুকাই আছে বুলি বিশ্বাস কৰা হয়। এজন ব্যক্তিয়ে জীৱনত কি কৰিব, তেওঁৰ প্ৰকৃতি কি হ’ব। তেওঁৰ পত্নী কেনে হ’ব, তেওঁ তেওঁৰ সৈতে কেনেদৰে মিলা-মিছা কৰিব? কিয়নো বিবাহ এক মূল্যৱান বন্ধন। একে সময়তে, এজন ব্যক্তিয়ে জীৱনত স্থিৰতা বিচাৰি বিবাহৰ ফলাফলৰ সূত্ৰটো বান্ধি ৰাখে। য’ত দুজন মানুহ কেৱল গোটেই জীৱনৰ বাবে ইজনে সিজনৰ হয়। গোটেই জীৱন ইজনে সিজনক সমৰ্থন কৰিবলৈ এজন ভাল পত্নী থকাটো অতি গুৰুত্বপূৰ্ণ।
হস্তৰেখা পণ্ডিতসকলে বিশ্বাস কৰে যে হাতৰ ৰেখাই নিৰ্ধাৰণ কৰিব পাৰে যে পতি/পত্নীৰ প্ৰকৃতি কেনেকুৱা হ’ব আৰু ই কি ট্ৰেক ল’ব। আপুনি উপযুক্ত জীৱন সংগী বিচাৰি পাবনে জনাও আহক…
গুৰু পৰ্বতত আছে এনে চিহ্ন:
হস্তৰেখা অনুসৰি, যদি ছোৱালী এজনীৰ হাতৰ তলুৱাত গুৰু পৰ্বতৰ ফৰ্ক থাকে আৰু শাখাৰ সৈতে থকা হৃদয়ৰ ৰেখা দীঘল থাকে, তেন্তে তেওঁ এজন উপযুক্ত আৰু ধুনীয়া দৰা পায়। আনহাতে, যদি গুৰু পৰ্বতটো পুৰুষৰ হাতৰ তলুৱাত ভাল হয় আৰু দীঘলীয়া শাৰী চলি আছে, তেনে পুৰুষে এগৰাকী গুণী আৰু আকৰ্ষণীয় কইনা পায়।
পত্নী ধুনীয়া হ’ব:
জ্যোতিষশাস্ত্ৰঅনুসৰি, যদি ছোৱালী এজনীৰ মূৰৰ ৰেখা অতি সূক্ষ্ম, গভীৰ আৰু পোন হৈ আছে, তেওঁলোকৰ বৈবাহিক সুখত কোনো সমস্যা নাই আৰু তেওঁলোকৰ বিবাহিত জীৱন মনোৰম। আনহাতে, মানুহজনৰ হাতৰ বুঢ়া আঙুলিৰ ওচৰৰ আঙুলিটো দীঘল হ’লে এনে পুৰুষে ৰূপৱতী পত্নী পায়।
