অসমীয়াৰ অন্যতম শ্রেষ্ঠ ধর্মীয় উৎসৱ দুর্গাপূজাৰ পিছতেই অনুষ্ঠিত হোৱা ধর্মীয় উৎসৱ ভাগ হ’ল শ্রীশ্রীলক্ষ্মীপূজা ৷ স্বচ্ছ শৰৎৰ প্রস্ফুটিত শুভ্ৰ শেৱালী আৰু নিয়ৰসনা দুৱৰি গচকি পিতৃলায়ে গমন কৰা “মা দুর্গাক”ষোড়শপচাৰে পূজা কৰাৰ পিছতেই অসমীয়া সাজু হৈ ঘৰৰ “শ্রী” ক আদৰিবলৈ ৷
চান্দ্ৰমাস অনুযায়ী আহিন মাহৰ পূর্ণিমা তিথিত স্নিগ্ধ শৰৎ কালৰ চন্দ্ৰাৱলী ৰাতিত চন্দ্ৰ সম্পূর্ণ ষোল্লকলাৰে পৰিপূর্ণ হৈ থাকে উক্তদিনা অসম তথা বংগৰ মানুহে বিশেষভাৱে ধন-সম্পদ ,সুখ-শান্তি,যশ-প্রশস্তিৰ অধিষ্ঠাত্ৰী বিষ্ণুপত্নী দেৱী লক্ষ্মীৰ আৰাধনা কৰে ৷ শাৰদীয় মহোৎসৱ শ্রীশ্রীদুর্গাপূজাৰ পাচদিন পিছতেই অসমীৰ বুকুত উদযাপিত হয় মা লক্ষ্মীৰ পূজা ৷ শক্তি-সামর্থ্য অনুযায়ী ভক্তই দেৱীৰ পূজাৰ আয়োজন কৰে ৷
শুদ্ধ সনাতনী অথবা হিন্দু ধর্মৰ অন্তর্গত লোকসকলে বছৰত কেইবাবাৰো লক্ষ্মীপূজাৰ আয়োজন কৰে ৷ অসমীয়া বহাগ মাহৰ প্রথম দিনটোতে গণেশপূজাৰ লগতে লক্ষ্মীপূজাৰো আয়োজন হয় ৷ অক্ষয় তৃতীয়াত লক্ষ্মীপূজা কৰা হয় ৷ তাৰোপৰি বহুতে প্রত্যেক পূর্ণিমা অথবা বৃহস্পতিবাৰেও লক্ষ্মীপূজাৰ আয়োজন কৰে তদুপৰি সমগ্র ভাৰততে লক্ষ্মীপূজাৰ বিশেষ আয়োজন হয় দিপন্বিতা অমাৱস্যা বা দেৱালীৰ দিনা ৷ অৱশ্যে সেইদিনা অসমীয়া পৰম্পৰা অনুসৰি শ্যামাপূজা বা কালীপূজাৰহে আয়োজন কৰা হয় ৷ অসম তথা বংগৰ পটভূমিত আটাইতকৈ উৎকৃষ্ট লক্ষ্মীপূজাৰ আয়োজন হয় কোজাগৰী লক্ষ্মী পূর্ণিমা বা শৰৎ পূর্ণিমাৰ দিনা ৷
আহিন মাহৰ পূর্ণিমা তিথিৰ লক্ষ্মীপূজাক সাধাৰণতে কোজাগৰী লক্ষ্মীপূজা বুলি কোৱা হয় ৷ কোজাগৰী শব্দৰ সাধাৰন অর্থ হ’ল “কো” “জাগর্তি”অর্থাৎ কোনোবা জাগি আছা নেকি ? উক্তদিনা সন্ধ্যাকালত মহালক্ষ্মী দেৱীক পূজা অর্চনা কৰি ৰাত্ৰি জাগৰণৰ নিয়ম আছে , বিশ্বাস কৰা হয় যে উক্ত দিনা বৈকুণ্ঠৰ পৰা মা লক্ষ্মী পৃচ্ছক বা ফেচাৰ ওপৰত বহি মর্ত্য ভ্ৰমণৰ উদ্দেশ্যে আহে যিহেতু ৰাত্ৰিৰ সময়ত আহে সেই হেতু দেৱীৰ বাহন ফেচা বুলি ক’ব পাৰি , কাৰণ ফেচা নিশাচৰ প্রাণী ৷লোকআস্হা অনুসৰি উক্তদিনা দেৱী সকলোৰে গৃহে গৃহে পদার্পন কৰে সেয়ে দেৱীৰ উদ্দেশ্যে ঘৰৰ বাহিৰে ভিতৰে ,চোতাল অথবা পদূলিমুখত চাকি – বন্তিৰে আলোকিত কৰি ৰাখে ৷যাতে দেৱীয়ে অতি সহজে তেওৰ উপাসনা হৈ থকা গৃহলৈ যাব পাৰে ৷ অসমীয়া সমাজত লক্ষ্মীপূজাৰ মহাত্ম্য যথেষ্ট সাত্বিক দেখা পোৱা যায় ৷ মাহ-প্রসাদ ,লাড়ু , খিচিৰি ,লক্ষ্মীনাম আদিৰে পৰিপূর্ণ হৈ পৰে দেৱীৰ পূজাৰ বিশেষ দিনটো সেয়ে লক্ষ্মীপূজা অসমৰ পটভূমিত অন্যতম বিশেষ ধর্মীয় উৎসৱ ৷ চঞ্চলা কমলা বা লক্ষ্মীক অচল কৰিবলৈ তেওৰ আৰাধনা খুবেই গুৰুত্বপূর্ণ ৷
লক্ষ্মীপূজাৰ দিনা চন্দ্ৰই অমৃতবর্ষন কৰে বুলি বিশ্বাস কৰা হয় ,সেয়ে বহুতো ঠাইত সেইদিনা পায়স বনাই সম্পূর্ণ নিশাটো চন্দ্ৰৰ পোহৰ পৰা ঠাইত ৰখা হয় যাতে চন্দ্ৰৰ সকাৰাত্মক উর্জাই পায়সৰ লগত মিশ্রিত হয় পৰে তথা পায়সখিনি অমৃততুল্য হৈ যায় ৷ অন্য কিছুমান ঠাইত আকৌ নাৰিকলৰ পানীও চকুত লয় যাতে চকুৰ ৰশ্মি আৰু সৌন্দর্য্য দুয়োটাই বৃদ্ধি হয় ৷
অসমীয়া কৃষিপ্রধান জাতি ৷ সেয়ে আই লক্ষ্মীৰ লগত অসমীয়াৰ বিশেষ সম্পর্ক আছে সেয়া কাতিবিহুৱে হওক অথবা লক্ষ্মীপূজাই হওক দুয়োটাৰ জৰিয়তে জনা যায় ৷ ঘট , পট, প্রতিমা ,ধান ,চাউল ,পইচা আদি যিকোনো সাংকেতিক লক্ষ্মীবস্তুৰ আগত পূজা জাগৰণ কৰে তথা আজিও অসমীয়া মানুহে পূর্বৰ পৰা চলি অহা পৰম্পৰা অনুসৰি একেই উদ্যম আৰু সৎভাৱনাৰে লক্ষ্মীপূজা অনুষ্ঠিত কৰে ৷ সেয়ে মা লক্ষ্মীৰ শ্রীচৰণত প্রার্থনা জনাও যাতে অসম আৰু অসমীয়াৰ ভেটি মজবুত হয় তথা শ্রীপূর্ণ হয় ৷
ওজন বৃদ্ধি কৰাটো কোনো কঠিন কাম নহয়। আপোনাৰ জীৱনশৈলীৰ কিছু পৰিৱৰ্তন আনিলে আপোনাৰ স্বাস্থ্যকৰ ওজন বৃদ্ধি কৰাৰ প্ৰক্ৰিয়াত আপোনাক সহায় কৰিব পাৰে। অৱশ্যে, ওপৰত উল্লেখ কৰা দৰে বর্তমান বজাৰত ওজন বৃদ্ধি কৰিবলৈ কেইবাটাও ঔষধ বা পাউদাৰ উপলব্ধ হৈছে কিন্তু সেইবোৰৰ পাৰ্শ্বক্ৰিয়াৰ সম্ভাৱনাও অধিক। গতিকে আজি আমি কেনেকৈ বিভিন্ন প্ৰাকৃতিক(Naturally) উপায়ৰে স্বাস্থ্যসন্মত ভাৱে ওজন বৃদ্ধি কৰিব পাৰোঁ, তাৰ বিষয়ে কিছু আলোচনা কৰিম।
আপুনি ব্যয় কৰাতকৈ অধিক কেলৰি গ্ৰহণ কৰক। তাৰ বাবে আপুনি খাদ্যৰ পৰিমাণ বৃদ্ধি কৰিব লাগিব। আপুনি দিনত 3-4 বাৰলৈকে আহাৰ গ্রহণ কৰিব পাৰে। ইয়াৰ লগতে কেঁচা ফল-মূল বেছি খাব। অধিক উচ্চ মানদণ্ডৰ প্ৰ’টিন আৰু কেলৰিযুক্ত খাদ্য গ্রহণ কৰক লগতে তৃষ্ণা নিবাৰণ কৰিবলৈ আপুনি গাখীৰ খাব লাগিব। আহাৰৰ আগতে পানী নাখাব। ই আপোনাৰ পেট ভৰ্তি কৰিব পাৰে আৰু পৰ্যাপ্ত কেলৰি লাভ কৰা কঠিন কৰি তুলিব পাৰে।
তলত কিছুমান খাদ্য তালিকা দিয়া আছে যিয়ে আপোনাক দ্ৰুতগতিত ওজন বৃদ্ধি কৰাত সহায় কৰিব। অৱশ্যে, এনে খাদ্য আহাৰত অন্তৰ্ভুক্ত কৰাৰ আগতে চিকিৎসক বা ডায়েটিচিয়ানৰ পৰামৰ্শ ল’ব পাৰে। নিম্নলিখিত খাদ্যবোৰে কেৱল পেশীই বৃদ্ধি নকৰে, লগতে সামগ্ৰিক স্বাস্থ্যৰ স্থিতিও উন্নত কৰে।
মাংস: ৰঙা মাংসত প্ৰ’টিন আৰু চৰ্বি দুয়োটা থাকে, যি ওজন বৃদ্ধি আৰু পেশীৰ ভৰ বৃদ্ধি কৰাত গুৰুত্বপূৰ্ণ ভূমিকা পালন কৰে। ৰঙা মাংস হৃদযন্ত্ৰৰ বাবে অধিক স্বাস্থ্যকৰ।
চাউলৰ পিঠা: চাউলৰ পিঠাত প্রচুৰ কাৰ্বোহাইড্ৰেট আৰু ভিটামিন-D থাকে যি ওজন বৃদ্ধি কৰিব পাৰে, আৰু ইয়াৰ কিছুমান অতিৰিক্ত লাভালাভো আছে।
মাছ: মাছ হৈছে ওজন বৃদ্ধি কৰিব বিচৰা সকলৰ বাবে এক ভাল বিকল্প কিয়নো ই স্বাস্থ্যকৰ চৰ্বিৰে সমৃদ্ধ আৰু ইয়াত পুষ্টি থাকে, যাৰ ভিতৰত আছে অমেগা-3 আৰু প্ৰ’টিন প্রধান।
আভাকাডো: আভাকাডোত যথেষ্ট সংখ্যক কেলৰি আৰু চৰ্বি থাকে, লগতে কিছুমান ভিটামিন আৰু খনিজ থাকে।
কণী: কণীত প্ৰ’টিন, স্বাস্থ্যকৰ চৰ্বি আৰু অন্যান্য পুষ্টি থাকে।
শুকান খাদ্য: শুকান খাদ্য যেনে- খেজুৰ, বাদাম, খিচমিচ, আখৰোট আদি ভিটামিন আৰু খনিজ উপাদানৰ এক ভাল উৎস।
দৈ আৰু পনিৰ: প্ৰ’টিন আৰু পুষ্টিৰ বাবে সম্পূৰ্ণ চৰ্বিযুক্ত দৈ আৰু পনিৰ এক ভাল বিকল্প। আপুনি ফল বা বাদামৰ সৈতে ইয়াক যোগ দি খাব পাৰে।
শেহতীয়াকৈ, বোম্বাই উচ্চ ন্যায়ালয়ৰ এটা গোচৰত প্ৰশ্ন কৰা হৈছিল যে এগৰাকী মহিলাই তেওঁৰ স্বামীৰ অনুমতি অবিহনে গৰ্ভপাত কৰাটো হিন্দু বিবাহ আইনৰ অধীনত হিংসাত্মক ঘটনা হ’ব নেকি।
শেহতীয়াকৈ, বোম্বাই উচ্চ ন্যায়ালয়ৰ এটা গোচৰত প্ৰশ্ন কৰা হৈছিল যে এগৰাকী মহিলাই তেওঁৰ স্বামীৰ অনুমতি অবিহনে গৰ্ভপাত কৰাটো হিন্দু বিবাহ আইনৰ অধীনত হিংসাত্মক ঘটনা হ’ব নেকি। ন্যায়াধীশ অতুল চাণ্ডুৰকাৰ আৰু উৰ্মিলা যোশী-ফালকেৰ এটা খণ্ড বিচাৰপীঠে কৈছিল যে এগৰাকী মহিলাক সন্তান জন্ম দিবলৈ বাধ্য কৰিব নোৱাৰি।
এই ক্ষেত্ৰত, আদালতে লক্ষ্য কৰিছিল যে মহিলাগৰাকীৰ স্বামীৰ আবেদন আদালতত গ্ৰহণ কৰা হ’লেও সন্তান জন্ম দিয়াৰ বিষয়ত সিদ্ধান্ত লোৱাৰ অধিকাৰ এগৰাকী মহিলাৰ আছে। সংবিধানৰ অনুচ্ছেদ 21 অনুসৰি, এই বিষয়টো মহিলাৰ ব্যক্তিগত স্বাধীনতাত অন্তৰ্ভুক্ত কৰা হৈছে। আদালতে লগতে কয় যে যদি এগৰাকী মহিলাই বিবাহৰ পিছত কৰ্মক্ষেত্ৰত জড়িত হ’ব বিচাৰে, ইয়াক কেতিয়াও হিংসা বুলি গণ্য কৰিব নোৱাৰি।
