চিলাপথাৰ মাজগাওঁ হৰি মন্দিৰত আজি দিনযোৰা কাৰ্যসূচীৰে বাৰ্ষিক ভাওনা সবাহ ভাগী আধ্যাত্মিক ৰীতি – নীতিৰ মাজেৰে বেচ্ উলহ মালহেৰে অনুষ্ঠিত কৰে । পুৱা ৪ বজাত নামাচাৰ্য্য মণ্টু চেতিয়াই বন্তি প্ৰজ্বলেনেৰে প্ৰভাত ফেৰীৰে শুভাৰম্ভ কৰা কাৰ্যসূচী অনুসৰি ৫ বজাত পৰিবেশ নিকাকৰণ , ৬ বজাত ধৰ্ম্মধজ্বা উত্তোলনৰ পাছতেই ৭ বজাত স্মৃতি তৰ্পন কৰে নামঘৰ পৰিচালনা সমিতিৰ সভাপতি দেৱকান্ত বৰুৱাই । ইয়াৰ পিছতেই ভাগৱত বাহক ভবেন বৰুৱাৰ নেতৃত্বত সমবায় – মাজগাঁৱবাসীৰ সহযোগত ভাগৱত ভ্ৰমণৰ এক শোভাযাত্ৰা কাৰ্যসূচী ৰূপায়ন কৰে । ১০ বজাত নামাৰ্চায্য পূৰ্ণকান্ত মহন্তৰ নেতৃত্বত নাম প্ৰসঙ্গ আৰু কীৰ্ত্তন পাঠ কাৰ্যসূচী ৰূপায়ন কৰা হয় ।

এই ভাওনা উৎসৱ ভাগীত প্ৰভাত গগৈ ,‌পূৰ্ণকান্ত গগৈ , ফুনু গগৈ , প্ৰবীন গগৈ , ক্ষেত্ৰধৰ গগৈ , তৰুণ বৰুৱা, চিত্ৰ বৰগোহাঁই, প্ৰেমধৰ শইকীয়া, গকুল শইকীয়া, জিতেন ৰাজকোঁৱৰ, বিনোদ খনিকৰকে ধৰি বহুকেইজন সমল ব্যক্তি উপস্থিত থাকে।
উল্লেখযোগ্য যে , ৰাতিলৈ ‘সুদৰ্শন সাংস্কৃতিক নাট্যগোষ্ঠী নিলখ’ ৰ সৌজন্যত “বান পৰাজয় ” নামৰ ভাওনা ভাগী প্ৰদৰ্শন হ’ব বুলি চিলাপথাৰ মাজগাওঁ ভাওনা উৎসৱ উদ্‌যাপন সমিতিৰ সভাপতি ধৰ্ম্মেশ্বৰ চুতীয়া , কাৰ্যকৰী সভাপতি গণেশ মেচ আৰু যুটিয়া সম্পাদক ৰাতুল শইকীয়া , বিপুল দত্তই জানিবলৈ দিয়ে।

শিৱসাগৰত যৌথ সংগ্ৰামী মঞ্চৰ প্ৰতিবাদ।জাঁজীৰ পৰা ডিমৌলৈকে ৪৪ কিলোমিটাৰ পথ নিৰ্মাণ হৈ নুঠাক লৈ এই প্ৰতিবাদ।কেন্দ্ৰীয় চৰকাৰৰ NHIDCL বিভাগে এই পথচোৱা নিৰ্মাণৰ নামত কৰি অহা গাফিলতিৰ বাবে যোৱা পাঁচটা বছৰে চাৰিলেনযুক্ত ঘাইপথ নিৰ্মাণ নোহোৱাকৈ পৰি ৰোৱাৰ অভিযোগ আনিছে যৌথ সংগ্ৰামী মঞ্চে।আজি শিৱসাগৰ জিলা উপায়ুক্তৰ কাৰ্যালয়ৰ সন্মুখত এক অৱস্থান ধৰ্মঘট কাৰ্যসূচী ৰূপায়ণ কৰি যৌথ সংগ্ৰামী মঞ্চে এনে অনিয়মৰ তদন্ত দাবী কৰাৰ লগতে অনতিপলমে পথ নিৰ্মাণ সম্পূৰ্ণ কৰাৰ দাবী উত্থাপন কৰে।উল্লেখযোগ্য যে গেনন ডাংকাৰলী নামৰ এক প্ৰতিস্থানে পাঁচ বছৰৰ আগত এই পথচোৱা নিৰ্মাণৰ বাবে ৯০০ কোটি টকাৰ ঠিকা লৈছিল।

কিন্তু উক্ত প্ৰতিষ্ঠানে ভি এছ ডি ইনফ্ৰাকন নামৰ এক প্ৰতিষ্ঠানক উক্ত কামৰ উপঠিকা প্ৰদান কৰে।তেতিয়াৰ পৰা আজিলৈকে চাৰিলেনযুক্ত পথ নিৰ্মাণৰ নামত এক বৃহৎ দুৰ্নীতি সংঘটিত হয় আৰু ঘাইপথৰ নামত এক জৰাজীৰ্ণ পথত ৰাইজে যাতায়ত কৰিব লগা হৈছে।

সম্প্ৰতি পেট্ৰ’ল – ডিজেলকে ধৰি অত্যাৱশ্যকীয় সামগ্ৰীৰ চৰা দামে জনগণক ত্ৰাহীমধুসুধন সোধাই জুৰুলা কৰি তুলিছে । জনগণৰ লগতে বিভিন্ন দল – সংগঠনৰ ৰাজপথৰ প্ৰতিবাদেও জগাব পৰা নাই শাসক পক্ষক । তেনে পৰিপ্ৰেক্ষিত্বত সমগ্ৰ অসমতে অব্যাহত থকা ধাৰাবাহিক প্ৰতিবাদৰ অংশ স্বৰূপে আজি সদৌ শিৱসাগৰ জিলা ছাত্ৰ সন্থাৰ আহ্বান মৰ্মে নাজিৰা মহকুমাৰ বিভিন্ন প্ৰান্তত বিক্ষোভ – প্ৰতিবাদী কাৰ্যসূচী ৰূপায়ণ কৰে । মহকুমাটোৰ নাজিৰা , জোকতলি , নামতি , শিমলুগুৰি , গেলেকী আঞ্চলিক সমিতিৰ শ শ ছাত্ৰ – ছাত্ৰী সমবেত হৈ ৰাজপথ অৱৰোধৰ লগতে ” বজাৰত লাগিছে জুই – বি জে পি নেৰ্তৃত্বাধীন চৰকাৰ আছে শুই , যোগান মন্ত্ৰী মুৰ্দাবাদ , মুখ্যমন্ত্ৰী ডঃ হিমন্ত বিশ্ব শৰ্মা হাই হাই , বি জে পি গ’ বেক  , অত্যাৱশ্যকীয় সামগ্ৰীৰ মূল্যবৃদ্ধি ৰোধ কৰিব নোৱাৰা চৰকাৰৰ কাম নাই “আদি বিভিন্ন চৰকাৰ বিৰোধী ধ্বনীৰে উত্তাল কৰি তুলে নাজিৰা মহকুমাটোৰ বিভিন্ন প্ৰান্তৰ আকাশ – বতাহ ।

মূল্যবৃদ্ধি ৰোধ কৰিব নোৱাৰিলে অনাগত সময়ত বি জে পি নেৰ্তৃত্বাধীন চৰকাৰৰ বিৰোধী তীব্ৰ গণ প্ৰতিবাদী কাৰ্যসূচী ৰূপায়ণ কৰিবলৈ বাধ্য হ’ব বুলি সকিয়াই দিয়ে ছাত্ৰ সন্থাৰ বিষয় – ববীয়াই ।

হাজোত মাইক্ৰফাইনেন্স ঋণ ৰেহাইৰ চেক নিবলৈ হাজো উন্নয়ন খণ্ডৰ কাৰ্যালয়ত উবুৰি খাই পৰিছে হেজাৰ হেজাৰ মহিলা। অসম চৰকাৰৰ এটি দৰদী পদক্ষেপত উচাহৰ ঢল মহিলাৰ মাজত।কামৰূপ জিলাৰ হাজো ৰাজহ চক্ৰৰ অন্তৰ্গত হাজো উণ্ণয়ন খণ্ড কাৰ্যলয়ত অসম চৰকাৰৰ মাইক্ৰফাইনেন্স উদগনি ও সকাহ আঁচনিৰ অধীনত হাজো উণ্ণয়ন খণ্ডৰ উদ্যোগত মাইক্ৰফাইনেন্সৰ ঋণ ৰেহাইৰ চেক বিতৰণ কৰি থকা হৈছে। আজি ৰাতিপুৱাৰে পৰা হাজাৰ হাজাৰ মহিলাৰ দীঘলীয়া শাৰী দেখিবলৈ পোৱা যায়।

ই নিশ্চিতকৈ দুখীয়া মহিলাসকলৰ মাজত ইতিবাচক খবৰ ৰূপে বিবেচিত হৈছে। অসম চৰকাৰৰ নিৰ্বাচনী প্ৰতিশ্ৰুতি অনুসৰি এনে অভিলাষী পদক্ষেপৰে মাইক্ৰফাইনেন্সৰ ঋণ লোৱা মহিলা সকল নিশ্চয়কৈ উপকৃত হ’ব পাৰিব বুলি অাশা প্ৰকাশ কৰিছে হিতাধিকাৰী সকলে।