প্ৰায় এক মাহৰ ভিতৰত তেলৰ মূল্য যথেষ্ট বৃদ্ধি হৈছে। কিয়নো ৰাছিয়াত বৰ্তমান তেল নিষিদ্ধ কৰা হৈছে। অন্যান্য মুখ্য তেল উৎপাদক ইৰাণ আৰু ভেনিজুৱেলাইও পেট্ৰ’লিয়াম বিক্ৰীৰ ওপৰত নিষেধাজ্ঞাৰ সন্মুখীন হ’ব লগীয়া হৈছে। নেপাল চৰকাৰে ইন্ধনৰ ব্যৱহাৰ হ্ৰাস কৰিবৰ বাবে চলিত মাহত ৰাজহুৱা খণ্ডৰ কাৰ্যালয়সমূহ দুদিনৰ বাবে বন্ধ ঘোষণা কৰাৰ কথা বিবেচনা আলোচনা কৰি আছে। কিয়নো নেপালে বৰ্তমান সময়ত বৈদেশিক মুদ্ৰাৰ সংকটৰ লগতে পেট্ৰ’লিয়াম সামগ্ৰীৰ আকাশচুম্বী মূল্যৰ সৈতেও যুঁজি আছে।

নেপালৰ কেবিনেট সূত্ৰই জানিবলৈ দিয়া মতে নেপালৰ কেন্দ্ৰীয় বেংক আৰু নেপালৰ তেল নিগমে চৰকাৰক দুদিনৰ চৰকাৰী ছুটি দিবলৈ পৰামৰ্শ দিছে। কিয়নো প্ৰায় এমাহ জোৰা ৰাছিয়া-ইউক্ৰেইন যুদ্ধৰ ফলত সমগ্ৰ বিশ্বতে তেলৰ মূল্য যথেষ্ট বৃদ্ধি পোৱা দেখা গৈছে, কিয়নো ৰাছিয়াত বৰ্তমান তেল নিষিদ্ধ কৰা হৈছে। আৰু অন্যান্য মুখ্য তেল উৎপাদক ইৰাণ আৰু ভেনিজুৱেলাইও পেট্ৰ’লিয়াম বিক্ৰীৰ ওপৰতো নিষেধাজ্ঞাৰ সন্মুখীন হ’ব লগীয়া হৈছে।

ক’ভিড-১৯ মহামাৰীৰ ফলত আন্তৰ্জাতিক ভ্ৰমণ স্থবিৰ হোৱাৰ পিছৰে পৰা পৰ্যটনৰ ওপৰত নিৰ্ভৰশীল নেপালে ইয়াৰ বৈদেশিক ভাণ্ডাৰ হ্ৰাসৰ সন্মুখীন হ’ব লগীয়া হৈছে। বিষয়াসকলৰ মতে চৰকাৰে নেপাল অইল কৰ্পোৰেচনৰ বাবে এই পৰামৰ্শত গুৰুত্বপূৰ্ণ সঞ্চয় দেখিছে যিয়ে ৰাজসাহায্যযুক্ত হাৰত ইন্ধন বিক্ৰী কৰিছে আৰু বৰ্তমানৰ বিশ্বব্যাপী হাৰত বৃহৎ লোকচান বহন কৰিব লগীয়া হৈছে। নেপাল চৰকাৰৰ মুখপাত্ৰ জ্ঞানেন্দ্ৰ বাহাদুৰ কাৰ্কীয়ে সংবাদ মাধ্যমক জনোৱা অনুসৰি চৰকাৰে এতিয়ালৈকে এই সন্দৰ্ভত কোনো সিদ্ধান্ত লোৱা নাই। আৰু তেওঁ লগতে জনাই যে এই প্ৰস্তাৱটো আহিছে আৰু ইয়াক বিবেচনা কৰা হৈছে।

ৰুছ-ইউক্ৰেইনৰ ৰক্তাক্ত সংঘাটৰ মাজতেই দুদিনীয়া ভ্ৰমণসূচিৰে ভাৰতলৈ আহিব ইংলেণ্ডৰ প্ৰধানমন্ত্ৰী বৰিছ জনছন। বৰিছ জনছনে প্ৰধানমন্ত্ৰী নৰেন্দ্ৰ মোদীৰ সৈতে বাণিজ্য আৰু নিৰাপত্তা জনিত বিষয়সমূহৰ ওপৰত আলোচনা কৰিবৰ বাবে ভাৰতলৈ আহিব বুলি জানিব পৰা গৈছে। ইংলেণ্ডৰ প্ৰধানমন্ত্ৰীজনে ভ্ৰমণৰ পূৰ্বে এক বিবৃতিত কয় যে, “যিহেতু আমি স্বৈৰাচাৰী ৰাষ্ট্ৰসমূহৰ পৰা আমাৰ শান্তি আৰু সমৃদ্ধিৰ ক্ষত্ৰত ভাবুকিৰ সন্মুখীন হৈ আছো, সেয়েহে গণতান্ত্ৰিক পৰম্পৰা বিশ্বাসী বন্ধুবৰ্গ একেলগে থকাটো গুৰুত্বপূৰ্ণ।”

জনছন অহা এপ্ৰিল মাহৰ ২১ তাৰিখে ভাৰতলৈ আহিব। প্ৰধানমন্ত্ৰী জনে ভ্ৰমণৰ সময়ত চাকৰি সৃষ্টি আৰু অৰ্থনৈতিক বিকাশৰ পৰা শক্তি সুৰক্ষা আৰু প্ৰতিৰক্ষালৈকে বিভিন্ন বিষয়ৰ ওপৰত গুৰুত্ব দিব। জানিব পৰা মতে, ইংলেণ্ডৰ প্ৰধানমন্ত্ৰী জনে গুজৰাটত নতুন বিজ্ঞান, স্বাস্থ্য, আৰু প্ৰযুক্তি বিজ্ঞানৰ লগতে ভাৰতৰ মূখ্য উদ্যোগসমূহত বৃহৎ পৰিমাণে বিনিয়োগ কৰাৰ কথা ঘোষণা কৰাৰো সম্ভাৱনা আছে।