এইবেলি অত্যাধিক বৰষুণৰ ফলত পানীত ডুব গল ধীৰবিলৰ দাঁতিকাষৰীয়া সমস্ত খেতি পথাৰ।কি হ’ব এতিয়া এই অঞ্চলৰ মানুহৰ অৱস্তা। বুৰ গৈছে শ শ বিঘা ধাননি পথাৰ। ৰাজ্যৰ দৰিদ্ৰ কৃষকৰ সমুখত এতিয়া বিপৰ্যয়ে গা কৰি উঠিছে ।
পানীৰ তলত ডুৱ গল শ শ বিঘা ধাননি পথাৰ। আৱতৰীয়া বৰষুণত ডুৱ গ’ল চাপৰৰ ফলিমাৰী, বাঙালডোবা, কলোবাৰী, আলুবুই, টিনটিলা, মাৰোৱাৰ্টিলা আদি অঞ্চল।মানুহে ধীৰবিল আৰু ইয়াৰ দাতি কাষৰীয়া অঞ্চলত ধানৰ খেতি কৰি জীৱন নিৰ্বাহ কৰে। দৰিদ্ৰ কৃষকে অতি কষ্টৰে কৰা ধান খেতি হঠাৎ আৱতৰীয়া বানে বুৰাই পেলোৱাত এতিয়া হাহাকাৰময় অৱস্থাৰ সৃষ্টি হৈছে দৰিদ্ৰ কৃষকৰ মাজত।
একমাত্ৰ ইৰিধানৰ খেতিৰ ওপৰতে নিৰ্ভৰশীল এইসকল কৃষক এতিয়া পৰিয়াল পোহপাল কেনেকৈ দিব। সেই লৈ গভীৰ চিন্তাত পৰিছে কৃষকসকল ৷ সেয়ে উপায়বিহীন হৈ চৰকাৰ তথা ৰাজ্যৰ কৃষি বিভাগক সহায় কৰিবলৈ কাতৰ অনুৰোধ জনাই অঞ্চলটোৰ কৃষকসকলে।
