ধুবুৰী জিলা কংগ্রেছৰ উদ্যোগত আজি মূল্য বৃদ্ধিৰ বিৰুদ্ধে বিভিন্ন শ্লোগানেৰে ৰাজীৱ ভৱনৰ সন্মুখত উত্তাল প্ৰতিবাদ  সাব্যস্ত কৰে ৷ পেট্ৰল,ডিজেল ৰন্ধন গেছকে ধৰি নিত্য ব্যৱহাৰ্য্য সামগ্ৰীৰ আকাশলংঘী মুল্যবৃদ্ধি হ্ৰাস কৰাৰ দাবীত ৰাজ্যৰ বিভিন্ন প্ৰান্তৰ লগতে ধুবুৰীত প্ৰদেশ কংগ্ৰেছৰ সাধাৰণ সম্পাদক তথা ধুবুৰী জিলা তত্ত্বাৱধায়ক ৰাজেশ কুমাৰ যোশীৰ উপস্থিতিত কংগ্ৰেছে মুল্যবৃদ্ধিৰ বিৰুদ্ধে প্ৰতিবাদ সাব্যস্ত কৰা হয়।

উক্ত প্ৰতিবাদী কাৰ্য্যসুচিত অৰ্ধ শতাধিক কংগ্রেস সদস্য অংশগ্ৰহন কৰে। 

কালিৰে পৰা চিলাপথাৰৰ খনামুখ যুৱক সংঘৰ প্ৰাঙ্গনত চিলাপথাৰ আঞ্চলিক ছাত্ৰ সন্থাৰ উদ্যোগত আৰম্ভ  হৈছে দহদিনীয়া বিহু কৰ্মশালা । অহা ১২ এপ্ৰিললৈকে চলিৱ লগীয়া বিহু নাচ, বিহুনাম আৰু ঢোল, পেঁপা বাদনৰ কৰ্মশালাখনত বিভিন্ন স্থানৰ প্ৰায় দুই শতাধিক প্ৰশিক্ষাৰ্থীয়ে অংশগ্ৰহণ কৰিছে। কৰ্মশালাখনত বিহুনাচৰ প্ৰশিক্ষক হিচাপে ২০১২ বর্ষৰ dy বিহুৰাণী মণিকাঞ্চন কোঁৱৰ , ঢোলৰ প্ৰশিক্ষক হিচাপে বিশিষ্ট ঢুলীয়া দীপক গগৈ , ভবেশ গগৈ আৰু পেঁপা বাদনৰ প্ৰশিক্ষক হিচাপে সঞ্জীৱ ৰাজকোঁৱৰে অংশগ্ৰহণ কৰিছে ।

কৰ্মশালাখন উদ্বোধন কৰে চিলাপথাৰৰ বিশিষ্ট সাংস্কৃতিক কৰ্মী তথা প্ৰজ্ঞাজ্যোতি সংগীত মহাবিদ্যালয়ৰ অধ্যক্ষ বিপিন ৰাজখোৱাই । অনুষ্ঠানত অসম কবি সমাজৰ সহকাৰী সম্পাদক ভুৱন দাস, সাংস্কৃতিক কৰ্মী নৃপেন বৰঠাকুৰ, অধ্যাপিকা ৰেণু বৰাকে ধৰি বহুতো গণ্যমান্য ব্যক্তিয়ে অংশগ্ৰহণ কৰে । 

“ফুলতকৈও কোমল মোৰ হৃদয় , কিন্তু বজ্ৰতকৈও কঠিন মোৰ হৃদয় ।  যেতিয়া সমাজৰ দুস্কৃতিকাৰীৰ কথা আমি পাতো , যেতিয়া সমাজ খন ভিন্ন ভিন্ন কৰিবলৈ সজু হোৱা মানুহৰ কথা আমি পাতো , যেতিয়া আমি ড্ৰাগছ বা মাদক দ্ৰব্য আদিৰ অৰ্থাৎ যাৰ দ্বাৰা এটা প্ৰজন্ম শেষ হ’বলৈ আগ বাঢ়ে তেনেকুৱা কামত লিপ্ত হোৱা বা কাম কৰা সকলৰ বাবে আমি বজ্ৰতকৈও কঠিন হও । মহিলাক নিস্পেষন কৰা, সৰু ল’ৰা ছোৱালীক অত্যাচাৰ কৰা আদি এনেকুৱা ধৰণৰ প্ৰবনতাক আমি কঠোৰ হাতেৰে মষিমূৰ কৰিবলৈ চেষ্টা কৰিম । গতিকে এই ক্ষেত্ৰত আমি আইনৰ গান্দিত থাকি আমি যিমান ষ্ট্ৰোং ব্যৱস্থা লব লাগে আমি লম । আমি সাধাৰন মানুহৰ বাবে , মহিলাৰ বাবে, শিশুৰ বাবে আমি ফুলতকৈও কোমল ।আমি তেওঁলোকক আকোঁৱালি লৈ যিমান ভালদৰে ৰাখিবলৈ পাৰি সিমান ভালকৈ ৰাখিবলৈ চেষ্টা কৰিম ।”” আজি লক্ষীপুৰত উপস্থিত হৈ অসম আৰক্ষীৰ সঞ্চালক প্ৰধান ভাস্কৰ জ্যোতি মহন্তই লক্ষীপুৰ আৰক্ষী থানাৰ নৱ নিৰ্মিত ভৱনটো আনুষ্ঠানিক ভাৱে উদ্বোধন কৰি এই মন্তব্যৰে অসম আৰক্ষী   অপৰাধাৰ ক্ষেত্ৰত আপোচ নকৰে বুলি  অনুষ্টুপীয়াকৈ অনুষ্ঠিত সভাত  দৃঢ় ভাবে ব্যক্ত কৰে  ।      

উল্লেখ্য যে  মৈত্রী আঁচনিৰ জৰিয়তে ১ কোটি ৫৮ লাখ উনচল্লিছ হাজাৰ ৬১৬ টকা ব্যয়ৰে নিৰ্মাণ কৰা হৈছিল নৱ নিৰ্মিত ভৱনটো। আজি এই নৱনিৰ্মিত ভৱনটো উল্লিখিত সঞ্চালক প্ৰধান গৰাকীয়ে আনুষ্ঠানিক ভাৱে উদ্বোধন কৰে । এই উদ্বোধনী অনুষ্ঠানৰ প্ৰাক্ মূহূর্তত সঞ্চালক প্ৰধান গৰাকীক উষ্ম সম্ভাষণ জনােৱা হয় । শুভ উদ্বোধনী অনুষ্ঠানত পশ্চিম সংমণ্ডলৰ আৰক্ষী মহা পৰিদৰ্শক দিলীপ কুমাৰ দে,  পদ্মশ্ৰী বীৰু বালা ৰাভা,এ পি ডি চি এল ৰ সঞ্চালক ডঃ প্ৰকাশ কাশ্যপ, জিলা আৰক্ষী অধীক্ষক ৰাকেশ ৰেড্ডী  উপস্থিত থাকে। ইপিনে বৃহত্তৰ লক্ষীপুৰৰ ভৌগোলিক পৰিবেশৰ প্ৰতি লক্ষ্য কৰি মহকুমা আৰক্ষী থানা লৈ উন্নীত কৰাৰ পোষকতা কৰে সঞ্চালক প্ৰধান ভাস্কৰ জ্যোতি মহন্তই । এই অনুষ্ঠানৰ শলাগৰ সৰাই আগবঢ়ায় অতিৰিক্ত আৰক্ষী অধীক্ষক মৃণাল ডেকাই । অনুষ্ঠানত উপ আৰক্ষী অধীক্ষক অনুৰাগ শৰ্মা , লক্ষীপুৰ আৰক্ষী থানাৰ ভাৰপ্ৰাপ্ত বিষয়া ভীম কান্ত পেগুকে ধৰি ভালেমান বিশিষ্ট আৰক্ষী বিষয়াকে লোক উপস্থিত থাকে । উল্লেখ্য যে সঞ্চালক প্ৰধান গৰাকীয়ে গোৱালপাৰা আৰক্ষীৰ কাম কাজত সন্তুষ্টি প্ৰকাশ কৰে তেওঁৰ ভাষন প্ৰসঙ্গৰে ।