কোকৰাঝাৰ জিলাৰ গোসাইগাঁও চহৰত দেওবাৰৰ পৰা অহা ৩১ মাৰ্চ লৈকে বিহু নাচৰ পাঁচ দিনীয়া কৰ্মশালাৰ আয়োজন কৰা হয় ৷ গোসাইগাঁও কেন্দ্ৰীয় ৰঙালী বিহু উদযাপন সমিতিৰ উদ্যোগত সদৰ চহৰ স্থিত কমল নাথ ক্লাব কাম লাইব্ৰেৰীৰ উদ্যোগত আয়োজিত কৰ্মশালাৰ শুভ উদ্বোধন কৰে গোসাইগাঁও সদৰ থানাৰ ভাৰপ্ৰাপ্ত বিষয়া অমৰজ্যোতি বাইলুঙে আৰু বন্তি প্ৰজ্বলন কৰে শাখা সাহিত্য সভাৰ সাধাৰন সম্পাদক খনীন্দ্ৰ নাথ দাসে ৷ কৰ্মশালাত গোসাইগাঁও এলেকাৰ ষাঠিৰ অধিক লৰা-ছোৱালীয়ে অংশগ্ৰহন কৰি প্ৰশিক্ষণ লয় ৷ পোন প্ৰথম বাৰৰ বাবে গোসাইগাৱঁত অনুষ্ঠিত বিহু নাচৰ কৰ্মশালাত সকলো জাতি-জনগোষ্টীৰ লৰা-ছোৱালীৰ অংশগ্ৰহন তথা ৰাইজৰ উপস্থিতি লক্ষ্য কৰি যথেষ্ঠ আনন্দিত হৈছে বুলি কৰ্মশালাৰ আহ্বায়ক গোসাইগাঁও কলেজৰ অধ্যাপিকা ড° মিনাক্ষী পাঠকে প্ৰকাশ কৰে ৷

উল্লেখ্য যে গোসাইগাঁও কেন্দ্ৰীয় ৰঙালী বিহু উদযাপন সমিতিৰ উদ্যোগত অহা ২৫ আৰু ২৬ এপ্ৰিলত দুদিনীয়া কাৰ্য্যসুচীৰে বিহুৰ আয়োজন কৰিছে আৰু উক্ত অনুষ্ঠানত জাতি,ধৰ্ম বৰ্ণ ভাষা নিৰ্বিশেষে সকলোকে অংশগ্ৰহণ কৰিবলৈ আয়োজক সমিতিয়ে আহ্বান জনাইছে ৷

ৰাজ্যত অস্বাভাৱিক বাবে অত্যাৱশকীয় খাদ্য সামগ্ৰীৰ মূল্য বৃদ্ধিৰ বিৰুদ্ধে আজি চিলাপথাৰ আঞ্চলিক ছাত্ৰ সন্থাই নগৰৰ মাজমজিয়াৰে বিভিন্ন শ্ল’গানেৰে এক প্ৰতিবাদী কাৰ্যসূচী ৰূপায়ন কৰে । চিলাপথাৰ শ্বহীদ ভৱনৰ পৰা এক প্ৰতিবাদী সমদল বাহিৰ কৰি যোগানমন্ত্ৰী ৰনজিৎ দাসৰ পুত্তালিকা দাহ কৰি শতাধিক আছু কৰ্মীয়ে ৰূপায়ন কৰে এই বিক্ষোভ কাৰ্যসূচী । প্ৰতিবাদীসকলে মুখ্যমন্ত্ৰী হিমন্ত বিশ্ব শৰ্মা হাই-হাই ,হাই-হাই , যোগান মন্ত্ৰী ৰঞ্জিত দাস লেই-লেই , চেই-চেই ,কেন্দ্ৰীয় পেট্ৰোলিয়াম মন্ত্ৰী হুঁচিয়াৰ , আছু জিন্দাবাদ, পেট্ৰল ডিজেলৰ মূল্যবৃদ্ধি ৰোধ কৰক, ‌গেছৰ মূল্য বৃদ্ধি ৰোধ কৰক, যোগান বিভাগ কাম নাই , কাম নাই আদি শ্লোগানেৰে উত্তাল কৰি তোলে পৰিবেশ।

প্ৰতিবাদস্থলীত মূল্যবৃদ্ধি ৰোধত ব্যৰ্থ মুখ্যমন্ত্ৰী হিমন্ত বিশ্ব শৰ্মা আৰু যোগান মন্ত্ৰী ৰনজিৎ দাসক ক্ষুৰধাৰ সমালোচনা কৰে চিলাপথাৰ আঞ্চলিকৰ আছুৰ কৰ্মকৰ্তা সকলে । আজিৰ প্ৰতিবাদী কাৰ্যসূচীৰ মাজতেই সাংবাদিকে সোধা এক প্ৰশ্নৰ উত্তৰত – অৰুণাচলত চিত্ৰ আঁকিৱলৈ গৈ গ্ৰেপ্তাৰ হোৱা চিত্ৰশিল্পী নীলিম মহন্তক বিনাস্বত্তে মুক্তি দিৱলৈ দাবী জনায় প্ৰতিক্ৰিয়া প্ৰকাশ কৰে আছুৰ কৰ্মীসকলে ।

বৰপেটাৰ মৌটুপুৰীত অৱস্থিত সৰ্বশিক্ষা অভিযান মিছনৰ জৰিয়তে অধীনত পৰিচালিত কস্তুৰবা গান্ধী আৱাসিক বালিকা বিদ্যালয় পৰিদৰ্শন লখিমী দত্তৰ ৷ বৰপেটাৰ শিক্ষা বিভাগৰ দায়িত্বত থকা অতিৰিক্ত উপায়ুক্ত লখিমী দত্তই বিদ্যালয়খন পৰিদৰ্শন কৰি সন্তুষ্টি প্ৰকাশ কৰে ৷ বিশেষকৈ বিদ্যালয়খন চাফ চিকুনকৈ ৰখাৰ বাবে বিদ্যালয়খনৰ ছাত্ৰী আৰু শিক্ষক শিক্ষয়ত্ৰীসকলক প্ৰশংসা কৰে বিষয়াগৰাকীয়ে ৷ ইপিনে কস্তুৰবা গান্ধী বালিকা বিদ্যালয়ৰ ছাত্ৰীসকলক সকলো বিষয়তে পাৰদৰ্শী কৰি তোলাৰ ওপৰতো গুৰুত্ব প্ৰদান কৰাৰ কথা উল্লেখ কৰে শিক্ষা বিষয়া লখিমী দত্তই ৷

বিশেষকৈ ছাত্ৰীসকলক তাঁত শালত কাপোৰ বোৱা, মেচিনত কাপোৰ চিলোৱাৰ লগতে সংগীত, নৃত্য আৰু সমৰ কলাৰো শিক্ষাও প্ৰদান কৰা হয় ৷ ছাত্ৰীসকলে প্ৰদৰ্শন কৰ নৃত্য আৰু সমৰ কলাৰ প্ৰদৰ্শন চাই অতিকে সন্তোষ প্ৰকাশ কৰে লখিমী দত্তই ৷