জ্ঞানোপল মহাথেৰায় জানিবলৈ দিয়ে যে ফানেং বোদ্ধ বিহাৰ অসম আৰু অৰুণাচলৰ মাজত অৱস্থিত যি তীৰ্থযাত্ৰাৰ কাৰণে আকৰ্ষণীয় কেন্দ্ৰ বিন্দু আৰু এই অঞ্চলত তাইফাকে সম্প্ৰদায়ৰ লোকজন বসবাস কৰে যি অসম আৰু উত্তৰ পূব ৰাজ্যৰ ভিতৰত অন্যতম। সেই কাৰণে অসমৰ মূখ্যমন্ত্ৰী হিমন্ত বিশ্ব শৰ্মাক অনুৰোধ জনায় যে এই ফানেং বুদ্ধ বিহাৰটো উন্নিতকৰণৰ ব্যবস্থা কৰে যাতে ইয়াত ৰাষ্ট্ৰীয় আৰু আন্তৰাষ্ট্ৰীয় পৰ্যটক তথা ভক্তৰ সংখ্যা বৃদ্ধি পায়।
হোজাই জিলাৰ মোৰাঝাৰ বজাৰত ড্ৰাগছৰ বিৰুদ্ধে আজি সন্ধিয়া আৰক্ষীয়ে এক অভিযান চলায়৷হোজাই জিলাৰ অতিৰিক্ত আৰক্ষী অধীক্ষক পণজিৎ দুৱৰাৰ নেতৃত্বত চলে এই অভিযান ৷ অভিযানকালত ৬ টা চাবুন কেচত বৃহৎ পৰিমানৰ হেৰইন জব্দ কৰা হয়৷ ঘটনাৰ লগত তিনিজন যুৱকক আটক কৰা হয়৷আটক কৰা যুৱক তিনিজন হৈছে ক্ৰমে–ৰুহেল আহমেদ, নাজিম উদ্দিন আৰু তৃতীয়জনৰ পৰিচয় এই বাতৰি লিখা লৈকে উদ্ধাৰ হোৱা নাই ৷
অতিৰিক্ত আৰক্ষী অধীক্ষকগৰাকীয়ে জনোৱা মতে, মোৰাঝাৰ অঞ্চলত ড্ৰাগছ ব্যৱসায়ীয়ে শেহতীয়াকৈ নিজৰ ঘাটি হিচাপে ব্যৱহাৰ কৰিছে৷এই খবৰ লাভ কৰি ডবকা থানাৰ অ’ চি’ অমৃৎ সিং সহ আৰক্ষী এটা বৃহৎ দলে দিনটো অভিযান চলাই এই সফলতা লাভ কৰিবলৈ সক্ষম হয়৷
বিশ্বৰ সুখী দেশৰ তালিকাত শেষত ভাৰতৰ স্থান। সুখী দেশৰ তালিকাত শেষৰ পৰা ১০ নম্বৰ স্থানত ভাৰত। ১৪৬ খন দেশক সামৰি যুগুত কৰা হৈছিল এক প্ৰতিবেদন। প্ৰতিবছৰে ৰাষ্ট্ৰসংঘই প্ৰস্তুত কৰে সৰ্বাধিক সুখী লোক থকা দেশৰ তালিকা। এই তালিকাত শীৰ্ষত আছে ফিনলেণ্ড। একেৰাহে পঞ্চমবাৰলৈ শীৰ্ষ স্থানত আছে দেশখন। বিগত বৰ্ষত ১৩৯ নম্বৰ স্থানত আছিল ভাৰত।
এই তালিকাত এইবাৰ ১৩৬ নম্বৰ স্থানত আছে ভাৰত। আনহাতে যুদ্ধত ব্যস্ত ৰাছিয়া আছে ৭৪ নম্বৰত। তালিকাৰ শেষত আছে আফগানিস্তান। বিশ্বৰ সুখী দেশৰ তালিকাত পাকিস্তান আছে ১০৩ নম্বৰত। ভাৰতৰ চুবুৰীয়া ৰাষ্ট্ৰ নেপাল এই তালিকাত আছে ৮৫ নম্বৰত।
