গোসাইগাঁও মহকুমাৰ অসম-বংগ সীমান্তৰ ১নং হাউৰীয়াপেটত যুৱকৰ আত্মহত্যা ৷আজি ৰাতিপূৱা ৯ বজাত নিজ গৃহতে অমৃত দাস (১৯) নামৰ যুৱকজনে চিপজৰীলৈ আত্মহত্যা কৰে ৷পৰিয়ালৰ লোকে খিৰকীৰে যুৱকজনক চিপজৰী লৈ থকা প্ৰত্যক্ষ কৰে তাৰ পিছতে পৰিয়ালৰ মাজত হূলস্থূল লাগে ৷পিছত ঘটনা সংক্ৰান্তত চৰকাৰী গাঁওবুঢ়াক অৱগত কৰে ৷গাঁওবুঢ়াই সাপকাটা আৰক্ষীক খবৰ দিয়ে ৷ঘটনাৰ খবৰ পাই সাপকাটা আৰক্ষী চকীৰ আৰক্ষী চকীৰ ভাৰপ্ৰাপ্ত বিষয়া শিৱ প্ৰসাদ কলিতাই ঘটনা স্হলীত উপস্থিত হৈ মৃতদেহ উদ্বাৰ কৰে আৰু মৰণোত্তৰ পৰীক্ষাৰ বাবে কোকৰাঝাৰলৈ প্ৰেৰণ কৰে ৷

যুৱকজনে কিয় আত্মহত্যাৰ পথ বাছি ললে সেয়া এতিয়া লৈকে জানিব পৰা হোৱা নাই ৷

মেৰাপানী সীমান্তত অব্যাহত আছে গো-ধনৰ ব্যৱসায়।অসম নগালেণ্ড সীমান্ত অঞ্চলটোত চোৰাং গৰু সৰবৰাহৰ লগতে গোপনে চলিছে পশুধনৰ বেহা। শেহতীয়াকৈ ৰাজ্য চৰকাৰে গো- সুৰক্ষাৰ ক্ষেত্ৰত কঠোৰ পদক্ষেপ গ্ৰহণ কৰিলেও ৰাজ্যৰ সীমান্তৱৰ্তী অঞ্চল সমূহত ধাৰাবাহিকভাৱে চলি আহিছে অবৈধ ব্যৱসায়। দেওবাৰে মেৰাপানী আৰক্ষীয়ে AS12AC 0457 নম্বৰৰ এখন বলেৰ’ পিকআপ বাহনৰ পৰা ১৫ টা গৰুসহ এজন লোকক আটক কৰিবলৈ সক্ষম হয়।

ইফালে গৰু সৰবৰাহৰ চিণ্ডিকেটৰ লগত জড়িত থকা কোনো লোককে আৰক্ষীয়ে আটক কৰিবলৈ সক্ষম হোৱা নাই। উল্লেখ্য যে, প্ৰশাসন আৰু সীমান্তত নিয়োজিত চি আৰ পি এফৰ চকুত ধূলি দি এটা অসাধু চক্ৰই সীমান্তত মেলিছে গৰু ব্যৱসায়ৰ মুকলি বেহা। এতিয়া প্ৰশ্ন হয়, ৰাজ্যৰ মুখ্যমন্ত্ৰী ড° হিমন্ত বিশ্ব শৰ্মাই গো-সুৰক্ষাৰ ক্ষেত্ৰত প্ৰণয়ন কৰা আইন সীমান্ত অঞ্চলসমূহত প্ৰযোজ্য নহয় নেকি ?

বৰপেটাত আটক ৬ টাকৈ জুৱাৰী।বৰপেটা চহৰৰ হোটেল প্লাজাৰ পৰা আটক এই জুৱাৰীকেইটা।ড্ৰাগছৰ লগতে জুৱাৰ বিৰুদ্ধেও সৰৱ হোৱা দেখা গৈছে বৰপেটা আৰক্ষীক।জুৱা খেলৰ বিৰুদ্ধে অভিযান চলাই বৰপেটা আৰক্ষীয়ে হোটেলখনৰ পৰা আটক কৰে আটাইকেইটা জুৱাৰীক।হোটেলৰ কোঠাত জুৱা খেলি থকা অৱস্থাত আটক কৰে জুৱাৰী কেইজনক ৷ধৃত জুৱাৰীকেইজন ৱাহিদ আলী, জেহেৰুল ইছলাম, তৈইবুৰ ৰহমান, আমিৰ আলী, ছইবুল ইছলাম আৰু কাজী ইমৰাণ হুছেইন বুলি জানিব পৰা গৈছে।জুৱাৰীকেইটাৰ পৰা নগদ প্ৰায় ২৩ হাজাৰ টকাসহ টাচপাত উদ্ধাৰ কৰিবলৈ সক্ষম হয় বৰপেটা আৰক্ষীয়ে।গোপন খবৰৰ ভিত্তিত অভিযান চলাই আৰক্ষীয়ে আটক কৰে জুৱাৰীকেইটাক ৷আটাইকেইটা জুৱাৰীৰ ঘৰ বৰপেটাৰ সমীপৱৰ্তী যতিগাঁও আৰু ভেৰাগাঁওত ৷

উল্লেখযোগ্য যে, জুৱা, এণ্ডিং, তীৰ, মদ, ড্ৰাগছৰ কবলত পৰি ইতিমধ্যে বহু পৰিয়াল ধংসৰ মূখলৈ গতি কৰিছে বৰপেটা জিলাত।অনেকৰ সুখৰ পৰিয়াল থানবান হৈছে এণ্ডিং, তীৰ,জুৱা, মদৰ কবলত পৰি।এণ্ডিং, তীৰ,জুৱা, মদ, ড্ৰাগছত আসক্ত হৈ বহু পৰিয়ালৰ লোকে অসৎ পন্থাও হাতত লোৱা সময়ে সময়ে অভিযোগ উঠিছে।চহৰাঞ্চলৰ লগতে গ্ৰাম্যাঞ্চলতো ভয়াবহ ৰূপত বৃদ্ধি পাইছে এণ্ডিং, তীৰ, জুৱা, মদ আৰু ড্ৰাগছ প্ৰকোপ।বহুতে সুবিধা ভোগ কৰি আহিছে এই এণ্ডিং, তীৰ তথা জুৱা খেল পাতি।
এই ক্ষেত্ৰত জিলা প্ৰশাসনক অধিক কঠোৰ হোৱাৰ দাবী জনাইছে সচেতন মহলে।

ধুবুৰী জিলাৰ বিলাসী পাৰা আৰক্ষী থানাৰ অন্তৰ্গত গুটিপাৰা মানিক বজাৰৰ পশ্চিম ফালে অৱস্থিত এখন সৰু গাঁও চৰ পাৰা তথা জেল টুৰ চৰ প্ৰথম খন্ট গাঁৱৰ এজনী বোৱাৰী বিষপাণ সেৱন কৰি মৃত্যু হয়।ঘটনাৰ বিৱৰণী অনুসৰি, চুৱৰীয়াৰ এজন লোকৰ পোহনীয়া কুকুৰৰ লগত সাইবুদ্দিনৰ পোহনীয়া কুকুৰৰ লগত কাজিয়াৰ সৃষ্টি হয়। সেই লৈ স্বামী য়ে তেওঁৰ পৰিৱাৰ মৰজিনা খাতুনক মাৰপিট কৰে।তাৰ পিছত মৰজিনা খাতুনে বিষ পান কৰি অচেতন হৈ পৰে।আৰু ততাতীয়াকৈ বিলাসী পাৰা অসামৰিক চিকিৎসা লয়লৈ যায় যদিও তাৰ খনতেক পিছতেই মৃত্যুক সাবটি লয়।

উক্ত মৰজিনা খাতুনৰ মৰণোত্তৰ পৰিক্ষাৰ বাবে ধুবুৰী অসামৰিক চিকিৎসালয়লৈ মৰোনোত্তৰ পৰিক্ষা কৰোৱাই আনি নায়েৰ আলগা আৰক্ষী চকীৰ ভাৰপ্ৰাপ্ত বিষয়া হবিবৰ ৰহমানে মৃত্যু হোৱা মহিলাক গৰাকীক ৬.৩০মিনিটত ছমজাই দিয়া হৈছে বুলি আৰক্ষী বিষয়া জনে জানিবলৈ দিছে।