নলবাৰী চহৰৰ সমীপতে থকা বৰকুৰা নিৰ্মীয়মান দলংৰ সমীপৰ ৩১ নং ৰাষ্ট্ৰীয় ঘাইপথত এজন অচিনাকী ব্যক্তিৰ মৃতদেহ উদ্ধাৰকলৈ তীব্ৰ চাঞ্চল্যৰ সৃষ্টি হয়।
স্থানীয়লোকে প্ৰকাশ কৰা অনুসৰি মৃতদেহটো প্ৰায় ২৫/২৬ বছৰীয়া যুৱকৰ।লগতে যুৱকজনক কোনো-কোনোৱে মানসিকভাৱে বিকাৰগ্ৰস্থ বুলিও সন্দেহ কৰে যদিও আন এচামে কোনো লোকে হত্যা কৰি যুৱকজনক উক্ত স্থানত পেলাই যোৱা বুলিও সন্দেহ ব্যক্ত কৰে ।পিছত ঘটনাস্থলীত নলবাৰী আৰক্ষী উপস্থিত হৈ মৃতদেহটো মৰণোত্তৰ পৰীক্ষাৰ বাবে শ্বহীদ মুকুন্দ কাকতি অসামৰিক চিকিৎসালয়লৈ প্ৰেৰণ কৰে ।