ৰাজ্যৰ ৮০ খন পৌৰসভাৰ বাবে অনুষ্ঠিত হোৱা পৌৰসভা নিৰ্বাচনত গোলাঘাট জিলাৰ সৰুপথাৰ বিধানসভা সমষ্টিত শাসকীয় বিজেপি আৰু মিত্ৰ দল অগপই লাভ কৰিছে বৃহৎ সাফল্য। সমষ্টিটোৰ অন্তৰ্গত বৰপথাৰ আৰু সৰুপথাৰ দুয়োখন পৌৰসভাৰ আটাইকেইটা ৱাৰ্ডতে বিজেপি অগপ মিত্ৰজোটে জয়লাভ কৰিবলৈ সক্ষম হৈছে। উল্লেখ্য যে ৬ মাৰ্চত অনুষ্ঠিত হৈছিল বৰপথাৰ পৌৰসভাৰ দহ টা ৱাৰ্ড আৰু সৰুপথাৰ পৌৰসভাৰ দহ টা ৱাৰ্ডৰ বাবে ভোটগ্ৰহণ প্ৰক্ৰিয়া। বৰপথাৰ পৌৰসভাৰ দহ টা ৱাৰ্ডৰ ভিতৰত ৮ টা ৱাৰ্ডত বি জে পি আৰু 2 টা ৱাৰ্ডত মিত্ৰদল অগপই নিজৰ দখললৈ আনিবলৈ সক্ষম হয়।ইপিনে সৰুপথাৰ পৌৰসভাতো ৮ টা ৱাৰ্ডত বি জে পি আৰু ২ টা ৱাৰ্ডত মিত্ৰদল অগপৰ প্ৰাৰ্থীয়ে জয়লাভ কৰিছে।

স্থানীয় বিধায়ক বিশ্বজিৎ ফুকনৰ নেতৃত্বত আগবাঢ়ি যোৱা সমষ্টিটোৰ উন্নয়নৰ কাম কাজৰ বাবেই দুয়োখন পৌৰসভাই শাসকীয় দলে নিজৰ দখললৈ আনিবলৈ সক্ষম হোৱাৰ পাছতেই আজি সৰুপথাৰ মহাবিদ্যালয়ৰ ভোটগণনা কেন্দ্ৰত বিজেপি অগপ মিত্ৰজোটৰ দলীয় কৰ্মীসকলৰ মাজত দেখা যায় ব্যাপক আনন্দ উল্লাস।ইপিনে বৰপথাৰ পৌৰসভাৰ চাৰি নং ৱাৰ্ডৰ পৰা জয়লাভ কৰা মিত্ৰদলৰ প্ৰাৰ্থী ৰূপম গগৈয়ে বৰপথাৰত দীৰ্ঘদিনৰ পৰা চলি অহা সিং ৰাজৰ কুটিল ৰাজনীতিৰ অৱসান ঘটিল বুলি তাৎপয্যপূৰ্ণ মন্তব্য কৰে।

সৱকা সাথ সৱকা বিকাশ কিমান হ’ল ধৰ্মপুৰ সমষ্টিত? আজি আমি আপোনালোকক দেখুৱাম এনে এটা পথ আৰু এনে এখন দলং যিখন দেখিলেই চকু কপালত উঠিব আপোনালোকৰ।মন্ত্ৰী চন্দ্ৰমোহন পাটোৱাৰী আৰু বলোৱা গাঁও পঞ্চায়তৰ বিৰুদ্ধে ক্ষোভ উজাৰিছে স্থনীয় একাংশ সচেতন মহলে । উল্লেখ্য যে সকলো সময়তে উন্নয়নৰ ফটা ঢোল বজোৱা বিজেপি নেতৃত্বাধীন চৰকাৰখনে প্ৰকৃততে কাৰ কিমান উন্নয়ন সাধন কৰিলে তাৰ ছবি ভাহি উঠে ধৰ্মপুৰ সমষ্টিৰ অন্তৰ্গত এই জৰাজীৰ্ণ দলংখন দেখিলে।

এই দলংখনৰ বাবেই বিদ্যালয় মহাবিদ্যালয় সমূহৰ ছাত্ৰ ছাত্ৰীয়ে যাব নোৱাৰে বিদ্যালয়লৈ। আনহে নালাগে এম্বুলেঞ্চ এখনো আহিব নোৱাৰে দলংখনৰ দুৰৱস্থাৰ বাবে।কুটনিকুচি হৈ চাউলখোৱা নলবাৰী সংযোগী এই অঞ্চলটোৰ ৰাস্তা-ঘাটৰ শোচনীয় অৱস্থাৰ বাবেই বাৰিষা হলেই বিদ্যালয়লৈ যাব নোৱাৰে সমগ্ৰ অঞ্চলটোৰ ছাত্র-ছাত্ৰীসকলে।অসম চৰকাৰৰ বিয়াগোম মন্ত্ৰী চন্দ্রমোহন পাটোৱাৰী আৰু মুখ্যমন্ত্ৰী হিমন্ত বিশ্ব শৰ্মাই জৰাজীৰ্ণ পথ আৰু দলংখনৰ মেৰামতিৰ বাবে কি ব্যবস্থা গ্ৰহণ কৰে সেয়া লক্ষণীয় হ’ব।