বিচ্ছিন্নতাবাদীসকলৰ সৈতে ইউক্ৰেইনৰ পূব ফ্ৰণ্টলাইনত প্ৰচণ্ড গুলীবৰ্ষণৰ প্ৰাদুৰ্ভাৱৰ পিছত শেহতীয়া ভাৱে উত্তেজনা বৃদ্ধি পাবলৈ লৈছে। যেতিয়া ৰাছিয়াই পূৱ ইউক্ৰেইনৰ দুটা বিচ্ছিন্নতাবাদী অঞ্চলৰ স্বাধীনতাক স্বীকৃতি দিছিল তেতিয়া ইউক্ৰেইন আক্ৰমণ প্ৰতিহত কৰাৰ প্ৰচেষ্টাক আঘাত কৰা হৈছিল। আমেৰিকাই বিদ্ৰোহী অঞ্চলসমূহৰ বিৰুদ্ধে বিত্তীয় নিষেধাজ্ঞা ঘোষণা কৰিছিল আৰু ৰাছিয়াৰ ওপৰত নতুন নিষেধাজ্ঞা আৰোপ কৰিব।ৰাছিয়াৰ ৰাষ্ট্ৰপতি ভ্লাদিমিৰ পুটিনে সোমবাৰে ক্ৰেমলিনত বিদ্ৰোহী নেতাসকলৰ সৈতে পাৰস্পৰিক সাহায্য আৰু বন্ধুত্ব চুক্তি স্বাক্ষৰ কৰে। তেওঁ কয়, “মই বিশ্বাস কৰোঁ যে দীৰ্ঘম্যাদী সিদ্ধান্ত লোৱা, ডনেটস্ক পিপলছ ৰিপাব্লিক আৰু লুগানস্ক পিপলছ ৰিপাব্লিকৰ স্বাধীনতা আৰু সাৰ্বভৌমত্বক তৎক্ষণাৎ স্বীকৃতি দিয়াটো প্ৰয়োজনীয়।”আনহাতে পশ্চিমে ৰাছিয়াক ইউক্ৰেইনৰ বিদ্ৰোহীসকলক স্বীকৃতি দিয়াৰ বিৰুদ্ধে বাৰে বাৰে সতৰ্ক কৰি দিছিল। কিন্তু ৰাছিয়াৰ শেহতীয়া আদেশ সমূহে সংঘৰ্ষ নিয়ন্ত্ৰণ কৰা এক ভঙ্গুৰ শান্তি চুক্তিক কাৰ্যকৰী ভাৱে সমাধিস্থ কৰিছে।

ইউক্ৰেইন, আমেৰিকা যুক্তৰাষ্ট্ৰ, ৫ খন ইউৰোপীয় ৰাষ্ট্ৰ আৰু মেক্সিকোৰ অনুৰোধত ৰাষ্ট্ৰসংঘৰ নিৰাপত্তা পৰিষদে সোমবাৰে এক জৰুৰী বৈঠক অনুষ্ঠিত কৰে।এই বৈঠকত ভাৰতে সংকট হ্ৰাস কৰিবলৈ আহ্বান জনায়। “আমি সামৰিক বৃদ্ধি বহন কৰিব নোৱাৰো। আমি সকলো ফালৰ পৰা সংযম ৰখাৰ আহ্বান জনাইছো। আমি নিশ্চিত যে এই সমস্যাটো কেৱল কূটনৈতিক আলোচনাৰ জৰিয়তে হে সমাধান কৰিব পাৰি,” ভাৰতৰ প্ৰতিনিধিজনে ইউক্ৰেইনৰ সংকট সন্দৰ্ভত ইউএনএছচিৰ বৈঠকত এইদৰে কয়।ৰাষ্ট্ৰসংঘত ৰাছিয়াৰ দূত ভাচিলি নেবেঞ্জিয়াই সোমবাৰে কৈছিল যে মস্কো “কূটনীতিৰ বাবে মুক্ত” হৈ আছে কিন্তু তেওঁ ইউক্ৰেইনৰ এগ্চিচন বুলি অভিহিত কৰাৰ পৰা বিচ্ছিন্নতাবাদী অঞ্চলসমূহক ৰক্ষা কৰাৰ প্ৰয়োজনীয়তাৰ ওপৰত গুৰুত্ব আৰোপ কৰিছে। “আমি কূটনৈতিক সমাধানৰ বাবে কূটনীতিৰ বাবে মুক্ত হৈ আছো। অৱশ্যে, ডনবাছত নতুন ৰক্তপাতৰ অনুমতি দিয়াটো আমি কৰিব বিচৰা নাই,” ৰাষ্ট্ৰসংঘৰ নিৰাপত্তা পৰিষদৰ এক জৰুৰী বৈঠকত তেওঁ এইদৰে মন্তব্য কৰে।আনহাতে ৰাছিয়াৰ সেনা বাহিনী ইউক্ৰেইনৰ সীমান্তৰ পৰা মাত্ৰ কেই কিলোমিটাৰ দূৰত, যুঁজাৰু বিমান, টেংক, হেলিকপ্টাৰ আৰু গধুৰ অস্ত্ৰ-শস্ত্ৰৰ সৈতে নিয়োজিত হৈ আছে। এই সকলোবোৰে ৰাছিয়াৰ অঞ্চলটোত সম্পূৰ্ণ যুদ্ধ আৰম্ভ কৰাৰ অভিপ্ৰায়ৰ ফালে আঙুলিয়াই দিয়ে, এইদৰে পশ্চিমীয়া ৰাষ্ট্ৰ সমূহে দাবী কৰিছে।