ব্রিটেইনত জন্মগ্রহণ কৰা শিখ সম্প্রদায়ৰ যুৱতী প্রীত চান্দিয়ে পৃথিৱীৰ দক্ষিণ মেৰুত গৈ অকলশৰে উপস্থিত হৈ অভিলেখ সৃষ্টি কৰিবলৈ সক্ষম হৈছে ৷ পেছাত এগৰাকী সেনা বিষয়া প্রীত চান্দিয়ে দক্ষিণ মেৰুৰ তুষাৰাবৃত অঞ্চলত গৈ উপস্থিত হোৱাৰ লগে লগে এক নতুন ইতিহাসৰ সৃষ্টি হয় ৷ স্মর্তব্য যে দক্ষিণ মেৰুলৈ অকলশৰীয়া অভিযান চলোৱা প্রথমগৰাকী মহিলা হৈছে প্রীত চান্দি ৷
যোৱা নৱেম্বৰ মাহত এই দুর্গম তথা দুঃসাহসিক যাত্রা আৰম্ভ কৰিছিল প্রীত চান্দিয়ে ৷ সংবাদ সংস্থা চি এন এনৰ প্রতিবেদন অনুসৰি এণ্টার্কটিকাৰ হাৰকিউলছ ইনলেটে এই যাত্রাত প্রীত চান্দিক কোনো ধৰণৰ সমর্থন জনোৱা নাছিল ৷ স্মর্তব্য যে কেইবাসপ্তাহ ধৰি এণ্টার্কটিকাৰ তুষাৰাবৃত অঞ্চল প্রীত চান্দিয়ে কেৱল স্কিয়িং কৰি অতিক্রম কৰিছিল ৷ চল্লিশদিনীয়া দুঃসাহসিক অভিযানত প্রীত চান্দিয়ে অতিক্রম কৰে ৭০০ মাইল দূৰত্ব৷
অ’মিক্ৰণৰ পিছত এইবাৰ IHU! সমগ্ৰ বিশ্বতে অ’মিক্ৰণ ইতিমধ্যে এক গুৰুত্বপূৰ্ণ চিন্তাৰ বিষয় হৈ পৰাৰ সমসাময়িকভাৱে পুনৰ ভূমুকি মাৰিছে ক’ভিদৰ আন এটা প্ৰজাতিয়ে।
ফ্ৰান্সৰ বিজ্ঞানীসকলে ক’ভিদৰ এই নতুন প্ৰজাতিটো চিনাক্ত কৰিছে। ইতিমধ্যে এই নতুন প্ৰজাতিটোক IHU নামেৰে নামাঙ্কন কৰা হৈছে।
গৱেষকসকলৰ মতে IHU ত ৪৬ টা পৰিৱৰ্তন থাকে। এইফালৰ পৰা IHU ৰ পৰিৱৰ্তনৰ হাৰ অ’মিক্ৰনতকৈও অধিক। নতুন প্ৰজাতিটোক অধিক সংক্ৰামক বুলিও কোৱা হৈছে।
প্ৰতিবেদন অনুসৰি মাৰ্চেইলৰ ওচৰত এতিয়ালৈকে ১২ টা IHU সম্বন্ধীয় ঘটনা দেখা গৈছে। আফ্ৰিকান দেশ কেমেৰুন ভ্ৰমণকাৰী ব্যক্তি এজনৰ শৰীৰত প্ৰথম এই প্ৰজাতিটোৰ উপস্থিতি ধৰা পৰে বুলি জানিব পৰা গৈছে।
