ইৰাণৰ সৰ্বোচ্ছ নেতা আয়াতুল্লাহ আলী(Israel-Iran Conflict)খোমেইনিক হত্যা কৰিলেই যুদ্ধ বন্ধ হ’ব। ইজৰাইলৰ প্ৰধানমন্ত্ৰী বেঞ্জামিন নেতানিয়াহুৱে এনে এক চাঞ্চল্যকৰ দাবী উত্থাপন কৰিছে৷ অৱশ্যে ইজৰাইলৰ খোমেইনিক হত্যা কৰাৰ পৰিকল্পনা আছে নে নাই সেই বিষয়ে স্পষ্ট কৰা নাই নেতানিয়াহুৱে৷ শেহতীয়াকৈ আমেৰিকাৰ বিষয়াসকলে জনাইছে যে ইজৰাইলৰ ষড়যন্ত্ৰই ইৰাণৰ সৰ্বোচ্ছ নেতাক হত্যাৰ ষড়যন্ত্ৰ কৰিছে৷
কিন্তু আমেৰিকাৰ ৰাষ্ট্ৰপতি ড’নাল্ড ট্ৰাম্পে ইয়াৰ বিৰুদ্ধে আপত্তি কৰিছে৷ ইয়াৰ ফলত সংঘাত আৰু অধিক তীব্ৰতৰ হ’ব পাৰে বুলি দাবী কৰা হৈছিল৷ আমেৰিকাৰ সংবাদ মাধ্যম এবিচি নিউজৰ সৈতে হোৱা এক সাক্ষাৎকাৰত নেতানিয়াহুক এই বিষয়ে সোধা হৈছিল৷ ইয়াৰ উত্তৰত তেওঁ কয়, ‘‘তেনে ক্ষেত্ৰত সংঘাত বৃদ্ধি নহ’ব, বন্ধ হৈ যাব৷’’ সাক্ষাৎকাৰটোত তেওঁ বৰ্তমানৰ ইৰাণী শাসন ব্যৱস্থাক লক্ষ্য কৰি কয় যে, ‘‘তেওঁলোকে পশ্চিম এছিয়াৰ সকলোকে আতংকিত কৰি ৰাখিছে৷ প্ৰায় ৫০ বছৰ ধৰি উত্তেজনা বৃদ্ধি পাইছে৷ ছৌদি আৰৱৰ আৰামকো তৈলক্ষেত্ৰত বোমা বিস্ফোৰণ কৰিছে৷ সন্ত্ৰাসবাদ আৰু বিধবংসী কাৰ্য সকলোতে বিয়পি পৰিছে৷’’ ইজৰাইলৰ প্ৰধানমন্ত্ৰীয়ে দাবী কৰিছে যে ইৰানে ‘চিৰদিনৰ বাবে’ যুদ্ধ অব্যাহত ৰাখিব বিচাৰে।
নেতানিয়াহুৱেও সাক্ষাৎকাৰত দাবী কৰে যে তেহৰানে পৰিস্থিতি পাৰমাণৱিক যুদ্ধৰ সীমালৈ লৈ গৈছে৷ গতিকে ইৰাণৰ সৰ্বোচ্ছ ধৰ্মগুৰু খোমেইনিক হত্যা কৰাৰ পৰিকল্পনা কৰিছে নেকি ইজৰাইলে? সাক্ষাৎকাৰত এই সন্দৰ্ভত সোধাত নেতানিয়াহুৱে কোনো উত্তৰ নিদিলে৷ তেওঁ কয়, ‘‘ইজৰাইলে যি কৰিবলগীয়া আছে সেয়া কৰা হৈছে৷ মই এই বিষয়ে বিতংভাৱে ক’ব নিবিচাৰো৷’’ দৰাচলতে ইজৰাইলৰ ‘অপাৰেচন ৰাইজিং লায়ন’ৰ সময়ত জ্ঝ জন ইৰাণী পাৰমাণৱিক বিজ্ঞানী নিহত হোৱা বুলি দাবী কৰা হৈছে৷ নেতানিয়াহুৱেও সেই কথা সোঁৱৰাই দিয়ে৷ তেওঁ ক’লে, ‘‘আমি তেওঁলোকৰ শীৰ্ষ পাৰমাণৱিক বিজ্ঞানীসকলক হত্যা কৰিলোঁ৷’’
আমেৰিকাৰ বিষয়াসকলে দাবী কৰে যে ইজৰাইলে আমেৰিকাক জনাইছে যে তেওঁলোকে ইৰাণৰ সৰ্বোচ্ছ ধৰ্মীয় নেতাক হত্যা কৰাৰ সুযোগ পাইছে৷ অৱশ্যে ইয়াৰ পূৰ্বেনেতানিয়াহুৱে এই কথা অস্বীকাৰ কৰিছিল৷ যোৱা দেওবাৰে আমেৰিকাৰ বিষয়াসকলৰ এই দাবী ৰাজহুৱা হৈছিল৷ প্ৰসংগক্ৰমে সেইদিনা ইজৰাইলৰ প্ৰধানমন্ত্ৰীয়ে ‘ফ’ নিউজ’ সংবাদ মাধ্যমক সাক্ষাৎকাৰ দিছিল৷ তাত ইজৰাইল আৰু আমেৰিকাৰ মাজত এনে কোনো আলোচনা হোৱা নাই বুলি তেওঁ অস্বীকাৰ কৰে৷
