কোকৰাঝাৰ জিলাৰ অন্তৰ্গত ফকিৰাগ্ৰমত ষট্ পূজা উপলক্ষে  দৰিদ্ৰ মহিলাসখলৰ মাজত সোমবাৰে শাৰি কাপোৰ বিতৰণ কৰে বিটিআৰ চৰকাৰৰ কাৰ্যবাহী সদস্য তথা ফকিৰাগ্ৰামৰ পৰিষদীয় সমষ্টিৰ বিজেপি দলৰ পৰা নিৰ্বাচিত প্ৰতিনিধি অৰূপ কুমাৰ দেৰ সহধৰ্মিণী অত্ৰেয়ী দাস দেই।জনিবলৈ দিয়া মতে, কালি এক গাম্ভীৰ্য্যপূৰ্ণ পৰিবেশত ফকিৰাগ্ৰাম চহৰত অবস্থিত হিন্দী স্কুল প্ৰংগণত অঞ্চলটোৰ চাৰিশ গৰাকী মহিলাক ষট্ পূজাৰ উপহাৰ হিচাপে এই শাৰি কাপোৰসমুহ বিটিআৰৰ কাৰ্যবাহী সদস্য অৰূপ কুমাৰ দেৰ সহধৰ্মিণী অত্ৰেয়ী দাস দেই বিতৰণ কৰাৰ লগতে হবলগীয়া ষঠ পূজাৰ শুভেচ্ছা জ্ঞাপন কৰে । এই অনুষ্ঠানত অঞ্চলটোৰ বিজেপি দলৰ কৰ্মকৰ্তাসকলে উপস্থিত থকি ষট্ পূজাৰ জৰিয়তে সকলোৰে মাজত ভাতৃত্ববোধ অটুট ৰখাৰ লগতে মঙ্গল কমনি কৰে।

ওৰাং আৰক্ষী থানাৰ অন্তৰ্গত ১৫ নং ৰাষ্ট্ৰীয় ঘাই পথৰ ধনশ্ৰীঘাটত  ৮ নবেম্বৰৰ  বিয়লি ৫ মান বজাত বিদ্যুৎ বিভাগৰ কৰ্মচাৰী এজনৰ বাইক এখন চুৰি হৈছে ।জানিব পৰা মতে মাজবাট গ্ৰাম্য বৈদ্যুতিক উপসংমন্ডলৰ কৰ্মচাৰী দৈমাগুৰী গাওঁৰ ৰখেশ্বৰ দৈমাৰীৰ AS -12 L -5052 নম্বৰৰ গ্লেমাৰ মটৰ চাইকেল পথৰ দাঁতিত ৰখাই থোৱা অবস্তাতে চোৰে লৈ যায় । উল্লেখ যে বিদ্যুত কৰ্মচাৰী জনে মটৰ চাইকেল খন ৰখাই  বিদ্যুতৰ খুটা এটাত উঠি কাম কৰি আছিল ।তেনে সময়তে মটৰ চাইকেল খন চোৰে লৈ যায় ।এই সংক্ৰান্তত কৰ্মচাৰী জনে আজি ৯নবেম্বৰত ওৰাং আৰক্ষী থানাত এখন এজাহাৰ দাখিল কৰিছে ।

আৰ্থিক দুৰৱস্থাৰ বাবে বহু শিশুৱে শিশু শ্ৰমিক হিচাবে কাম কৰাটো নতুন কথা নহয় । কেতিয়াবা নিষ্ঠুৰ পিতৃ – মাতৃৰ বাবেও বহু শিশুৱে ঘৰ বাৰী এৰি এই পন্থা বাচি লব লগা হয় । আজিও তেনে এক কাহিনী পোহৰলৈ আহিছে ।    নগাঁও চহৰৰ খুটিকটীয়াৰ এটা পেট্ৰল পাম্পৰ ওচৰত এটা ৯ বছৰীয়া শিশু উদ্ধাৰ হোৱা ঘটনাই চাঞ্চল্যৰ সৃষ্টি কৰিছে । কালি পুৱাৰ ভাগত পেট্ৰল পাম্পটোৰ ওচৰত শিশুটিক অনাই বনাই ঘূৰি ফুৰা দেখি স্থানীয় এজন লোকে প্ৰত্যক্ষ কৰি হয়বৰগাও আৰক্ষীক চমজাই দিয়ে । পিছত নিশা আৰক্ষীয়ে শিশুটিক চাইল্ড লাইনক চমজাই দিয়ে । বাতৰি লিখা সময়লৈ চাইল্ড লাইনে শিশুটিক পৰিচৰ্যা কৰি আছে । চাইল্ড লাইনৰ সুত্ৰে জনোৱা মতে উদ্ধাৰ হোৱা শিশুটিৰ ঘৰ মৰিগাঁও জিলাৰ হিদাবাৰীত।শিশুটিৰ নাম দেৱ নাথ (৯) । সুত্ৰটোৱে জনোৱা মতে শিশুটিৰ মাক জুন দেবীয়ে শিশুটিৰ লগতে শিশুটিৰ তিনি বছৰীয়া  ভনীয়েকক এৰি কেইবা মাহ মানৰ পূৰ্বে এৰি গুচি যায় । তেতিয়াৰ পৰাই শিশুটি সহ ভনীয়েকক আইতাকে লালন পালন কৰিছিল । সুত্ৰটোৱে জনোৱা মতে শিশু দুটিৰ পিতৃ বাবুল নাথে শিশু দুটিক ভালদৰে চোৱা চিতা নকৰাৰ লগতে নিজৰ মাক তথা শিশু দুটিৰ আইতাকক নিৰ্যাতন কৰিছিল । যাৰ বাবে শিশু দুটিৰ আইতাক শিশু দুটিক লৈ বেলেগে আছিল । আৰ্থিক দুৰৱস্থাৰ বাবে শিশুটিক নগাঁও চহৰৰ এঘৰ মানুহৰ ঘৰত বন কৰা লৰা হিচাবে পৰহি দি গৈছিল আইতাকে । পৰহি নিশাটো মানুহজনৰ ঘৰত থকাৰ পিছত কালি পুৱা শিশুটি মানুহ ঘৰৰ পৰা ওলাই আহি পেট্ৰল পাম্পটোৰ ওচৰত অনাই বনাই ঘূৰি ফুৰিছিল  । আজি শিশুটিৰ আইতাকে শিশুটিক নিবৰ বাবে আহিছিল যদিও যাবতীয় তথ্যপাতি দিব নোৱাৰাৰ বাবে নিব নোৱাৰিলে । অৱশ্যে আইতাক কাইলৈ পুনৰ আহিব বুলি সুত্ৰটোৱে জানিবলৈ দিয়ে । নগাঁও চহৰৰ কোন ঘৰ মানুহৰ ঘৰত দিছিল সেই বিষয়ে শিশুটিয়ে একো কথা অৱগত কৰিব পৰা নাই । চাইল্ড লাইনৰ সঠিক তদন্তইহে এই কথা পোহৰলৈ আনিব । শিশুটিক এনে দৰে বন কৰা হিচাপে দিয়া কাৰ্যই সকলোৰে অন্তৰ চুই গৈছে ।