গুৱাহাটী: ঘোষণা কৰা হ’ল উচ্চতৰ মাধ্যমিক (HS) চূড়ান্ত পৰীক্ষা ২০২৫ৰ ফলাফল। অসম ৰাজ্যিক বিদ্যালয় শিক্ষা পৰিষদে (AHSEC) বুধবাৰে এক সংবাদমেলৰ জৰিয়তে এই ফলাফল ঘোষণা কৰে। এইবাৰ প্ৰথমবাৰৰ বাবে কেৱল ৪৪ দিনৰ ভিতৰত ফলাফল ঘোষণা কৰা হৈছে, যি এক নতুন ৰেকৰ্ড বুলি পৰিষদে জানিবলৈ দিয়ে।
শিক্ষা পৰিষদে জাননী দিয়ে যে এইবাৰ ছাত্ৰ-ছাত্ৰীসকলক এখনেই মাৰ্কশ্বীট আৰু চাৰ্টিফিকেট প্ৰদান কৰা হ’ব যাতে তেওঁলোকে ৰাজ্যৰ বাহিৰত নামভৰ্তিৰ সুবিধা সহজে লাভ কৰিব পাৰে।
HS Exam Results 2025 । ব্যক্তিগত খণ্ডৰ বিদ্যালয়ৰ লগত উচ্চতৰ মাধ্যমিক চুড়ান্ত পৰীক্ষাৰ ফলাফলত ফেৰ মাৰিবলৈ সক্ষম এখন চৰকাৰী উচ্চতৰ মাধ্যমিক বিদ্যালয় ।কৌপাটি বল্লভভাই পেটেল উচ্চতৰ মাধ্যমিক বিদ্যালয়ত উচ্চতৰ মাধ্যমিক চুড়ান্ত পৰীক্ষাত ৭০ জন প্রথম বিভাগ ৪০জন দ্বিতীয় বিভাগ আৰু মাত্ৰ ১ জন তৃতীয় বিভাগ লাভ কৰি উৰ্ত্তীণ ।
ৰাজ্যত আজি ৰাতিপুৱা ৯ বজাত ঘোষণা হৈছে উচ্চতৰ মাধ্যমিক চুড়ান্ত পৰীক্ষাৰ ফলাফল।যি সময় বিভিন্ন ব্যক্তিগত খণ্ডৰ বিদ্যালয়ৰ জয় জয় কাৰ তেনে সময়ত এখন চৰকাৰী উচ্চতৰ মাধ্যমিক বিদ্যালয়ে ১০০% ফলাফলেৰে ব্যক্তিগত খণ্ডৰ বিদ্যালয়ৰ লগত ফেৰ মাৰিবলৈ সক্ষম হৈছে।
এই বৰ্ষত দৰং জিলাৰ বল্লভভাই পেটেল উচ্চতৰ মাধ্যমিক বিদ্যালয় কৌপাটিত উচ্চতৰ মাধ্যমিক চুড়ান্ত পৰীক্ষাত অৱতীৰ্ণ হৈছিল ১১১ গৰাকী ছাত্ৰ-ছাত্ৰী।তাৰে ভিতৰত ৭০ গৰাকী ছাত্ৰ-ছাত্ৰীয়ে প্ৰথম বিভাগত লগতে ১১ গৰাকী ষ্টাৰ মাৰ্ক ৪০ গৰাকী ছাত্ৰ-ছাত্ৰীয়ে দ্বিতীয় বিভাগ আৰু মাত্ৰ ১ গৰাকী ছাত্ৰ ই তৃতীয় বিভাগ লাভ কৰি উৰ্ত্তীণ হবলৈ সক্ষম হৈছে। উল্লেখযোগ্য যে বিগত তিনিটা বছৰ ধৰি ১০০% ফলাফলৰে উজলি উঠিছে এই বল্লভভাই পেটেল উচ্চতৰ মাধ্যমিক বিদ্যালয় খনে। বিদ্যালয় কতৃপক্ষই এই ফলাফলক লৈ বহু আশাবাদী হৈ পৰিছে লগতে শিক্ষক তথা ছাত্ৰ ছাত্ৰীক আন্তৰিক শুভেচ্ছা জনায়…
বিজ্ঞান শাখাত ৰাজ্যৰ শীৰ্ষত পশ্চিম কাৰ্বি আংলঙৰ হামৰেণ গাৰ্লছ উচ্চতৰ মাধ্যমিক বিদ্যালয়: প্ৰথমবাৰৰ বাবে ১০০% সাফল্য । HS Results 2025
পশ্চিম কাৰ্বি আংলং, ৩০ এপ্ৰিল: HS Results 2025 অসমৰ পাৰ্বত্য অঞ্চলৰ পৰা অহা এটি গৌৰৱৰ খবৰ। এইবাৰ ২০২৫ চনৰ উচ্চতৰ মাধ্যমিক চূড়ান্ত পৰীক্ষাত বিজ্ঞান শাখাত পশ্চিম কাৰ্বি আংলঙৰ সদৰ হামৰেণস্থিত হামৰেণ গাৰ্লছ উচ্চতৰ মাধ্যমিক বিদ্যালয়ে এক নতুন ইতিহাস গঢ়িছে।
বিদ্যালয় খনৰ অধ্যক্ষ দধিৰাম শৰ্মায়ে জনোৱা অনুসৰি, এইবাৰ প্ৰথমবাৰৰ বাবে বিজ্ঞান শাখাৰ ছাত্ৰ-ছাত্ৰীয়ে পৰীক্ষাত অৱতীৰ্ণ হৈ ১০০ শতাংশ সাফল্য অৰ্জন কৰিবলৈ সক্ষম হৈছে। মুঠ ৮ জন ছাত্ৰ-ছাত্ৰীয়ে পৰীক্ষা দিছিল, যাৰ ভিতৰত ৪ গৰাকী ছাত্ৰীয়ে প্ৰথম বিভাগত লেটাৰ মাৰ্কসহ উত্তীৰ্ণ হৈছে আৰু বাকী ৪ গৰাকীয়ে দ্বিতীয় বিভাগত উত্তীৰ্ণ হৈছে।
প্ৰথম বিভাগত উত্তীৰ্ণ ছাত্ৰ-ছাত্ৰী:
প্ৰিটি টেৰনপী
ৰোমেলিন হানচেপী
ৰোপজেলি হানচেপী
ৰোপথাৰলিন টেৰনপী
দ্বিতীয় বিভাগত উত্তীৰ্ণ ছাত্ৰ-ছাত্ৰী:
বিৰটিচৈ ইংতিপি
অমৰিত চিং তিমুং
লাৰটা বেপী
মেৰিনা টিচ্চপি
বিদ্যালয়খনৰ এই অভূতপূর্ব সফলতাৰ খবৰ পোৱাৰ পাছত সমগ্ৰ অঞ্চলজুৰি আনন্দ আৰু গৌৰৱৰ বতৰা ছটিয়াই পৰিছে। অভিভাৱক, শিক্ষক আৰু স্থানীয় বাসিন্দাসকলৰ মাজত আনন্দৰ বন্যা পৰিছে।
অধ্যক্ষ শৰ্মাই কয়, “এই সফলতা বিদ্যালয়খনৰ বাবে এক গৌৰৱৰ খনৰ ৰূপ লৈ আহিছে। ছাত্ৰ-ছাত্ৰীৰ কঠোৰ পৰিশ্ৰম আৰু শিক্ষকৰ নিঃস্বাৰ্থ সেৱাৰ ফলত এই ফলাফল সম্ভব হৈছে।”
উল্লেখযোগ্য যে, এইবাৰ প্রথমবাৰৰ বাবে হামৰেণ গাৰ্লছ উঃমাঃবিঃৰ বিজ্ঞান শাখাৰ ছাত্ৰ-ছাত্ৰীয়ে উচ্চতৰ মাধ্যমিক পৰীক্ষাত অৱতীৰ্ণ হৈছিল।
গুৱাহাটী, ৩০ এপ্ৰিল: HS Results 2025 । অসম ৰাজ্যিক বিদ্যালয় শিক্ষা পৰিষদে (AHSEC) আজি পুৱা ৯ বজাত উচ্চতৰ মাধ্যমিক (HS) চূড়ান্ত পৰীক্ষাৰ ফলাফল ঘোষণা কৰে। কলা, বিজ্ঞান, বাণিজ্য আৰু বৃত্তিমূলক (ভোকেচনেল) শাখাৰ পৰীক্ষাৰ্থীৰ ফলাফল একেলগে প্ৰকাশ কৰা হয়।
এইবাৰ মুঠ ৩,০২,৪২০ জন পৰীক্ষাৰ্থীয়ে এই পৰীক্ষাত অংশগ্ৰহণ কৰিছিল। ফলাফল অনুসৰি, কলা শাখাত উত্তীৰ্ণৰ হাৰ ৮১.০৩ শতাংশ, বিজ্ঞান শাখাত ৮৪.৮৮ শতাংশ, বাণিজ্য শাখাত ৮২.১৮ শতাংশ আৰু বৃত্তিমূলক শাখাত উত্তীৰ্ণৰ হাৰ ৬৮.৫৫ শতাংশ হিচাপে ৰিপোর্ট কৰা হৈছে। পৰিষদে উল্লেখ কৰে যে, যোৱা বৰ্ষতকৈ এইবাৰ সামান্য হ্ৰাস পাইছে উত্তীৰ্ণৰ হাৰ।
এই বছৰৰ পৰা পৰিষদে নতুন ব্যৱস্থা হিচাপে ঘোষণা কৰে যে, পৰীক্ষাত উত্তীৰ্ণ ছাত্ৰ-ছাত্ৰীয়ে এবাৰতে মাৰ্কশ্বীট আৰু চাৰ্টিফিকেট লাভ কৰিব। এই পদক্ষেপৰ মূল উদ্দেশ্য হ’ল ছাত্ৰ-ছাত্ৰীৰ সুবিধাৰ বাবে আৰু বিশেষকৈ ৰাজ্যৰ বাহিৰৰ শিক্ষা প্ৰতিষ্ঠানত নামভৰ্তিৰ ক্ষেত্ৰত সময় বচোৱা।
