বসন্ত স্মৃতি সংস্থানৰ উদ্যোগত কবি বসন্ত নেপালৰ ২৩ সংখ্যক স্মৃতিচাৰণ সভা আজি বিশ্বনাথৰ বুঢ়ীগাং বালিপুখুৰীস্থিত বসন্ত স্মৃতি সংস্থানৰ প্ৰেক্ষাগৃহত অনুষ্ঠিত হয়। সংস্থানৰ সম্পাদক নাৰায়ণ পৌৰেলে আঁত ধৰা এই অনুষ্ঠানত সভাপতিত্ব কৰে হৰি উপাধ্যায়ে। বিশিষ্ট শিক্ষাবিদ, সাহিত্যিক ডঃ ভক্ত প্ৰসাদ গৌতমে উদেশ্যে ব্যাখ্যা কৰাৰ পিচত ডঃ সঞ্জীব উপাধ্যাযয়ে বসন্ত স্মৃতি সংস্থানৰ চমু পৰিচয় দাঙি ধৰি সংস্থানৰ লক্ষ আৰু উদেশ্যে বিষয়ে অৱগত কৰাৰ লগতে বিগত সময়ত সম্পাদন কৰা সাহিত্যিক কাৰ্য্যৰ বিষয়ে বিস্তৃতভাবে অৱগত কৰে। এই অনুষ্ঠানত বিশিষ্ট লেখক পৰশুৰাম ছেত্ৰীৰ “জনকবি হৰিভক্ত কটুৱাল অনন্য সাহিত্য যাত্ৰা” উন্মোচন কৰে ২০২০ চনৰ সাহিত্য অকাডেমি পুৰষ্কাৰ পাবলৈ সক্ষম প্ৰবন্ধকাৰ অঞ্জন বাচকোটাই। ইয়াৰ লগতে “পূৰ্বোদয়” পত্রিকার প্ৰস্তাৱনা সংখ্যা উন্মোচন কৰে প্ৰবীণ সাহিত্যিক, কবি টিকাদান উপাধ্যায় নিৰ্ভীকে আৰু বিশিষ্ট সাহিত্যিক, গৱেষক ডঃ ক্ষেমানন্দ নেপাল বিৰচিত “শিলালিপিৰ পৰা ই-লিপিলৈ” গ্ৰন্থ উন্মোচন কৰে বিশিষ্ট সাহিত্যিক, শিক্ষাবিদ, অবিভক্ত শোণিতপুৰ জিলা সাহিত্য সভাৰ প্ৰাক্তন সভাপতি ইন্দ্ৰ প্ৰসাদ শইকীয়াই। এই অনুষ্ঠানত কণ্ঠশিল্পী মিলন অধিকাৰীয়ে গীত আৰু শিশু শিল্পী যশপাল পৌৰেলে নৃত্য,ডঃ তিলক শৰ্মা ই গীত, পৰিবেশন কৰাৰ উপৰিও ডঃ ভক্ত প্ৰসাদ গৌতমে কবিতা পাঠ কৰি অনুষ্ঠানৰ সৌষ্ঠৱ বৃদ্ধি কৰে। আজিৰ এই অনুষ্ঠানত ডঃ নাৰায়ণ উপাধ্যায়, কুমাৰ পোখ্ৰেল, জ্যেষ্ঠ সাংবাদিক ভূবন লুইটেল, জ্ঞান পাণ্ডে, দেবী প্ৰসাদ উপাধ্যায়, সেৱক শৰ্মা, বিশ্বনাথ জিলা নেপালী সাহিত্য সভাৰ নব নিৰ্বাচিত সভাপতি হেম কুমাৰ গৌতম, অধিবক্তা প্ৰাঞ্জল উপাধ্যায়, গোৰ্খা উন্নয়ন পৰিষদৰ প্ৰাক্তন সভাপতি লোকনাথ উপাধ্যায় প্ৰমুখ্যে কৰি বহুকেইজন বিশিষ্ট ব্যক্তি উপস্থিত থাকে। পুর্বোদয় পৰিয়ালৰ সন্পাদকদ্বয় কুমাৰ পোখ্রল,লক্ষীকান্ত শৰ্মা,অতিথি সম্পাদক ড.সণ্জীৱ উপাধ্যায়,আইন উপদেষ্টা প্রাণ্জন উপাধ্যায়,বিজ্ঞাপন সচিব ভুবন লুইটেল,প্রচলন সচিব গোপাল চেত্রী,মুখ্যউপদেষ্টা ড.ক্ষেমৰাজ নেপাল,উপদেষ্টা হৰি লুইটেল উপস্হিত থাকে !

 ডিব্ৰুগড় জিলাৰ টিংখাং আৰক্ষী থানাৰ অন্তৰ্গত এক নং সাপকাঁইট গাঁৱৰ প্ৰয়াত আনন্দ গগৈৰ পুত্ৰ অজয় গগৈ(৩৫) নামৰ এজন যুৱক দেওবাৰৰ পৰা সন্ধানহীন হৈ আছে।শাৰীৰিকভাৱে কিছু সক্ষম যুৱকজন মৰাণ নাহৰকটীয়া পথৰ পৰা সন্ধানহীন হোৱা বুলি পৰিয়ালৰ পৰা জানিব পৰা গৈছে।পৰিয়ালৰ লোকে বিভিন্ন ঠাইত থকা আত্মীয় স্বজনৰ ঘৰত বিচাৰ খোচাৰ কৰিও যুৱকজনৰ সন্ধান লাভ কৰিবলৈ সক্ষম হোৱা নাই।যাৰ ফলত যুৱকজনৰ পৰিয়ালটোৰ মাজত হাহাকাৰময় পৰিবেশ সৃষ্টি হৈছে।বিশেষকৈ যুৱকজনৰ বৃদ্ধা মাতৃয়ে সন্ধানহীন পুত্ৰক বিচাৰি ব্যাকুল হৈ পৰিছে।পৰিয়ালৰ লোকে  যুৱকজন সন্ধানহীন হোৱাৰ সন্দৰ্ভত স্থানীয় আৰক্ষী থানাত অৱগত কৰিছে।তদুপৰি কোনোলোকে যুৱকজনৰ সন্ধান লাভ কৰিলে স্থানীয় আৰক্ষী থানা অথবা 9954087473,9957362900,9954801668,7086225932 ম’বাইল নম্বৰত যোগাযোগ কৰিবলৈ পৰিয়ালৰ লোকে অনুৰোধ কৰিছে।

 কিয় আজিলৈকে মেৰামতিৰ কাম আৰম্ভ হোৱা নাই বৰপেটা-দৌলাশাল-গুৱাহাটী পথটোৰ ভেল্লাৰ জৰাজীৰ্ণ অংশছোৱা? কেতিয়া মেৰামতি হব পথটোৰ ভেল্লাৰ জৰাজীৰ্ণ অংশছোৱা? ৰাইজে বাৰাম্বাৰ দাবী জনোৱাৰ পিছতো মেৰামতিৰ ক্ষেত্ৰত বিভাগীয় কৰ্তৃপক্ষই কিয় গুৰুত্ব দিয়া নাই? কাৰ হেমাহিৰ বাবে ৰাইজে এই গুৰুত্বপূৰ্ণ মুল পথটোৰ মাজেৰে যাতায়ত কৰি ভূগিব লগা হৈছে দূৰ্ভোগ ? এইদৰে প্ৰশ্ন উত্থাপন কৰিছে বৰপেটা-দৌলাশাল-গুৱাহাটী পথটোৰ মাজেৰে অহা যোৱা লোকে। বিগত দুটা বছৰে পথটো অতি ভয়াবহ ৰূপ লৈছে। যাৰ ফলত পথটোৰ অংশছোৱাত দৈনিক ঘটি আছে  ভয়াবহ দূৰ্ঘটনা। বৰপেটাৰ ভেল্লাৰ দ্বৰ্গাহপুৰৰ মাজেৰে বিগত দুই বছৰে ভয়াবহ অৱস্থাৰ মাজেৰে যাতায়ত কৰি ৰাইজে যমৰ যাতনা ভূগি কৰিব লগা হৈছে । মুল পথটোৰ এই শোচনীয় অৱস্থাৰ বাবে ইতিমধ্যে বহুত লোক দূৰ্ঘটনাত পতিত হৈ গুৰুতৰভাৱে আঘাতপ্ৰাপ্ত হৈছে। পথটোৰ ওপৰত অতি দ’ খালৰ সৃষ্টি হৈছে। দৈনিক গুৱাহাটী-বৰপেটালৈ হাজাৰ হাজাৰ যান বাহন অহা যোৱা কৰে পথটোৰ এই জৰাজীৰ্ণ অৱস্থাৰ মাজেৰে। এজাক বৰষুণতে একাঁঠুলৈকে পানী জমা হয় এই জৰাজীৰ্ণ অংশছোৱাত। ফলত গাত চিনি নোপোৱা হয় ৰাইজে। যাৰ বাবে ৰাইজে অতি ভয় আৰু শংকাৰ মাজেৰে যাতায়ত কৰিব লগা হয়। সকলো পক্ষই দেখে কিন্তু কোনোৱে কামটো মেৰামতি নতুবা নিৰ্মাণ কৰাৰ বাবে নিদিয়ে গুৰুত্ব। ৰাইজে বাৰাম্বাৰ দাবী জনাইছে যদিও ৰাইজৰ দাবীক সহাৰি নিদিয়ে বিভাগে। অতি শীঘ্ৰেই মেৰামতিৰ কাম কৰাৰ বাবে দাবী জনাইছে ৰাইজে।অন্যথা ৰাজপথত আন্দোলন কৰিব বুলি সকিয়াই দিছে।

এন ডি এফ বিয়ে চাৰি লাখৰ বাবে সংগ্ৰাম কৰা বুলি কালি তামোলপুৰ বিধানসভাৰ উপ নিৰ্বাচনী সভাত প্ৰচাৰ চলাবলৈ আহি বিটিচি ৰ উপমুখ্য কাৰ্যবাহী তথা ওদালগুৰিৰ বিধায়ক গোবিন্দ চন্দ্ৰ বসুমতাৰীয়ে কৰা বিৰূপ মন্তব্যৰ প্ৰতিবাদত ওদালগুৰিৰ দুৰ্গাপূজা মণ্ডপ প্ৰাঙ্গনত আজি দিনৰ ১১ বজাত প্ৰাক্তন এন বি এফ বিৰ শতাধিক সদস্যই অৱস্থান ধৰ্মঘট কাৰ্যসূচীৰে প্ৰতিবাদ সাব্যস্ত কৰাৰ লগতে তেওঁৰ পূত্ৰলিকা দাহ কৰে।এনডিএফৰিৰ প্ৰাক্তন নেতৃবৃন্দই তীব্ৰ ক্ষোভ প্ৰকাশ কৰি কয়- এন ডি এফ বি সকলে কেতিয়াও মাথো চাৰিলাখ টকাৰ বাবে আন্দোলন কৰা নাছিল।সংগঠনৰ কেডাৰ সকলে ২০২০ৰ ২৭ জানুৱাৰীত চুক্তি হোৱাৰ পিছত আত্মসমৰ্পনকাৰী কেডাৰ সকলৰ  পুনৰ সংস্থাপনৰ বাবে দিয়া চাৰিলাখ টকাৰ বেংকতহে জমা হৈ আছে।এই ধন এতিয়াও কেডাৰ সকলে পোৱা নাই।তেনে ক্ষেত্ৰত গোবিন্দ চন্দ্ৰ বসুমতাৰীয়ে কি যুক্তিত চাৰিলাখ টকাৰ দিয়াৰ কথা ক’লে।টকা নোপোৱাকৈ সৎকামত ব্যৱহাৰ কৰা নাই বুলি কোৱাৰ অৰ্থ কি? একালৰ নিজৰ সতীৰ্থ সকলকে এই তীৰ্য্যক মন্তব্য কৰা  বিটিচিৰ উপমূখ্য কাৰ্যবাহী সদস্য গোবিন্দ বসুমতাৰীয়ে পদত্যাগ কৰা উচিত বুলি আজিৰ এই প্ৰতিবাদ কাৰ্যসূচীত উল্লেখ কৰে প্ৰাক্তন নেতৃবৃন্দই।স্বাধীনতা বড়োলেণ্ডৰ সপোন দেখুৱা প্ৰাক্তন সংগ্ৰামী নেতা বসুমতাৰীয়ে নিজৰ সতীৰ্থ সকলক লৈ কৰা এই মন্তব্যত জাঙুৰ খাই উঠিছে প্ৰাক্তন এন বি এফ বি সকল।তেওঁলোক ইমানেই ক্ষোভিত আৰু খঙাল হৈ পৰিছিল যে, পূত্তলিকা জ্বলোৱাৰ পূৰ্বে পূত্তলিকাৰ ওপৰত লাঠি,গোৰ,চৰ আদি সোধোৱা দেখা গৈছিল।এনডিএফবিৰ সংবিধান ৰচনা কৰা  নেতা বসুমতাৰীৰ   মুখত এনে মন্তব্য দুৰ্ভাগ্যজনক। এনডিএফবিৰ কেদাৰ সকলৰ সংস্থাপন, আদালতত চলি থকা কেচৰ ক্ষেত্ৰত বিটিআৰ চৰকাৰ খনে কোনো গুৰুত্ব দিয়া নাই বুলিও অভিযোগ তোলে।অচিৰে গোবিন্দ চন্দ্ৰ বসুমতাৰীয়ে এনে আপত্তি জনক মন্তব্য উঠাই নললে তেওঁৰ বিৰুদ্ধে  আন্দোলনৰ কাৰ্য্যসূচী চলি থাকিব বুলি লগতে উল্লেখ কৰে।বিটিচি ৰ উপমুখ্য কাৰ্যবাহী তথা বিধায়ক গোবিন্দ চন্দ্ৰ বসুমতাৰীৰ বিৰুদ্ধে সোচ্ছাৰ প্ৰাক্তন এন ডি এফ বিৰ নেতৃবৃন্দই আৰু কেদাৰ সকলে ওদালগুৰিৰ চুদেমপুৰীত নিৰ্মান কৰি থকা তিনিখলপীয়া বিল্ডিং কেনেকৈ বনাব পাৰো বুলি প্ৰশ্ন তোলে।কেডাৰ সকলে  গোবিন্দ বুঢ়া মূৰ্দাবাদ, বিটিচি চৰকাৰ হায়,হায়, উপমুখ্য কাৰ্যবাহী আৰু বিধায়ক পদ খাৰিজ কৰক,ডেপুটি চীফ মূৰ্দাবাদ, গোবিন্দ বসুমতাৰী গো বেক’ আদি বিভিন্ন ধ্বনিৰে উত্তাল কৰি তোলে ওদালগুৰি নগৰ।

শিলচৰ ৰেল ষ্টেচনত  ১৭ আৰু ১৮ অক্টোবৰত  বৰাকৰ একাংশ বাঙালী সম্প্ৰদায়ৰ দষ্কৃতিকাৰীয়ে অসমীয়াৰ স্বাভিমানত গুৰুতৰভাৱে আঘাত হানিছে । অসমতে অসমীয়াৰ ভাষা ধ্বংস কৰাৰ  বাবে একাংশলোকৰ চলি আছে ব্যাপক গতিত ষড়যন্ত্ৰ । কাৰণ বৰাকত মুকলিকৈ  অসমীয়া ভাষাৰ ওপৰত চলা আক্ৰমণেই তাৰ প্ৰমাণ । অসমক কোনো কাৰণতেই ত্ৰিপুৰা বা কাশ্মীৰ হ’বলৈ দিয়া নহ’ব । ৰাজ্যখনত ৰাজ্য ভাষা আইনমতে অসমীয়া । তেনেস্হলত শিলচৰ ৰেল ষ্টেচনত এখন জল জীৱন মিছনৰ  চৰকাৰী ভাষাৰ ফলকত ক’লা ৰং সানি ‘ বাংলা লিখুন ‘ বুলি একাংশ দুস্কৃতিকাৰীয়ে  অসমীয়া ভাষাক অপমান কৰি অসমীয়া আৰু বাঙালী  সম্প্ৰদায় লোকৰ মাজত সাম্প্ৰদায়িক সংঘৰ্ষ ঘটাবহে বিচাৰিছে  । গতিকে সাম্প্ৰদায়িক সংঘৰ্ষ ঘটাব বিচৰা অথবা ভাতৃত্বভাৱে থকা দুয়োটা  সম্প্ৰদায়ক সমাজত বিভাজনৰ সৃষ্টি ৰাজনীতি কৰিব বিচৰা  এনে  লোকৰ বিৰুদ্ধে শীঘ্ৰে দৃষ্টান্তমূলক শাস্তিৰ দাবী তুলি সদৌ অসম ছাত্ৰ সন্থাৰ ওদালগুৰি জিলা সমিতিৰ এলেকাস্হ মাজবাট আঞ্চলিক ছাত্ৰ সন্থাই আজি মাজবাট আৰক্ষী থানাত এখন এজাহাৰ দাখিল কৰে । আজি মাজবাট থানাত এই এজাহাৰ দাখিল কৰাৰ সময়ত মাজবাট শাখা সাহিত্য সভা আৰু মাজবাট আঞ্চলিক  জাতীয়তাবাদী যুৱ- ছাত্ৰ পৰিষদৰ বিষয়ববীয়া সকলো উপস্থিত আছিল বুলি মাজবাট আঞ্চলিক ছাত্ৰ সন্থাৰ  সম্পাদক হিমাংশু কলিতাই আজি এক প্ৰেছ বিবৃতি যোগে জনোৱাৰ লগতে  ৰাজ্যখনত  দুয়োটা সম্প্ৰদায়ৰ লোককে   শান্তি শৃংখলা বজাই ৰাখিবলৈ আহ্বান জনাইছে  । 

নলবাৰী জিলাৰ ঘগ্ৰাপাৰ ৰাজহ চক্ৰৰ অন্তৰ্গত বিলপাৰ গাঁৱস্থিত প্ৰায় ১০০ বছৰ গৰকা ঐতিহ্যমণ্ডিত শ্ৰীশ্ৰী বাসুদেৱ গোঁসাই ঘৰত অতীতৰ পৰা একাদিক্ৰমে উদ্ যাপন কৰি অহা শ্ৰীশ্ৰী লক্ষ্মীখনি এইবেলিও বাসুদেৱ গোসাঁই ঘৰ পৰিচালনা সমিতিৰ সহযোগত আজিৰে পৰা  দুদিনীয়াকৈ  বৰ্ণিল কাৰ্য্যসূচীৰে আৰম্ভ হয়।এই অনুসৰি প্ৰথমদিনা অৰ্থাৎ ২০ অক্টোবৰৰ ৰাতিপুৱা শ্ৰীশ্ৰী বাসুদেৱ গোসাঁই ঘৰৰ বন্তি প্ৰজ্বলনে কাৰ্য্যসূচী পাতনি মেলে দেউৰী দ্বীপেন ডেকাই।ইয়াৰ পিছতে –ধৰ্মীয় পতাকা উত্তোলন কৰে- গোসাঁই ঘৰ পৰিচালনা সমিতিৰ সভাপতি প্ৰতাপ দত্ত চৌধুৰীয়ে।ৰাতিপুৱা ৭-৩০ বজাত শ্বহীদ বেদীত বন্তি প্ৰজ্বলন ও মাল‍্যাৰ্পণ কৰিব ১৮/৩ নং ঘগ্ৰাপাৰ জিলা পৰিষদৰ সদস্য পংকজ ডেকাই।ৰাতিপুৱা ৮ বজাত স্মৃতি সৌধত বন্তি প্ৰজ্বলন ও মাল‍্যাৰ্পণ কৰে –পূৱ-বনভাগ মৌজাৰ মৌজাদাৰ প্ৰশান্ত দত্ত চৌধুৰীয়ে। ৰাতিপুৱা ৮:৩০ বজাত বৃক্ষৰোপন কৰে ক্ৰমে– বিশিষ্ট ব‍্যৱসায়ী প্ৰাণশক্তি ডেকা,সাংবাদিক দ্বীজেন ডেকা,ফাইজুল হক চৌধুৰী,বিলপাৰ গাঁওৰ গাঁও সভাৰ সদস্য মনোৰঞ্জন ডেকা আদিয়ে।ইয়াৰ পিছতে স্থানীয় মহিলা আইতীসকলে নাম কীৰ্ত্তন পৰিৱেশন কৰে।সন্ধিয়া ভাগত মুল মন্দিৰৰ বন্তি প্ৰজ্বলন,মুখ্য দ্বাৰ উন্মোচন,প্ৰতিমা স্থাপন কৰিব ঘগ্ৰাপাৰ গাঁও পঞ্চায়তৰ সভাপতি ৰাতুল শৰ্মাই। পূজা মণ্ডপত বিশিষ্ট ব‍্যক্তিয়ে বন্তি প্ৰজ্বলন কৰে।সন্ধিয়া পুনৰ  স্থানীয় আয়তীৰ নাম পৰিৱেশন।সন্ধিয়া ৬-৩০ বজাত পূজা আৰম্ভ।নিশা ন বজাত মহাভোগ বিতৰণ।দ্বিতীয় দিনা অৰ্থাৎ ২১ অক্টোবৰৰ ৰাতিপুৱা শ্ৰীশ্ৰী বাসুদেৱ গোসাঁই ঘৰত বন্তি প্ৰজ্বলন,সমুহীয়া চাফাই অভিযান।সন্ধিয়া গাঁৱৰ জ‍্যেষ্ঠ নাগৰিকৰ সম্বৰ্ধনা অনুষ্ঠানত অংশগ্ৰহণ কৰিব বনভাগ মহাবিদ্যালয়ৰ অধ‍্যক্ষ যোগেন্দ্ৰ কলিতা আৰু বড়িগোগ বনভাগ মণ্ডল বিজেপিৰ সভাপতি ডিম্বেশ্বৰ বেজবৰুৱাই।সন্ধিয়া ৫ বজাত মহিলা দলৰ নাম পৰিৱেশনেৰে অনুষ্ঠান সামৰণি পৰিব।