প্ৰণৱ নাৰায়ন দেৱ নেতৃত্বাধীন কুৰিজনীয়া কোচ ৰাজবংশী উন্নয়ন পৰিষদখনে আজি শপত গ্ৰহণ কৰি জনগোষ্ঠীটোৰ সামগ্ৰিক বিকাশৰ স্বাৰ্থত কাম কৰি যোৱাৰ বাবে অঙ্গীকাৰ কৰে৷ দিছপুৰৰ ভৈয়াম জনজাতি আৰু অন্যান্য পিছপৰা শ্ৰেণী উন্নয়ন সঞ্চালকালয়ত আজি পৰিষদৰ অধ্যক্ষ প্ৰণৱ নাৰায়ন দেৱ, উপাধ্যক্ষ ভিক্টৰ দাস আৰু কেইবাগৰাকীও সদস্যই শপত গ্ৰহণ কৰে৷ ভৈয়াম জনজাতি আৰু অন্যান্য পিছপৰা শ্ৰেণী উন্নয়ন বিভাগৰ  সঞ্চালক ভৱানী প্ৰসাদ শৰ্মা, উপ সঞ্চালক যাদৱ পেগু এই অনুষ্ঠানত উপস্থিত থাকে৷ শপত গ্ৰহণ কৰি অনাগত দিনত জনগোষ্ঠীটোৰ উন্নয়নৰ কাৰণে ঐক্যবদ্ধভাৱে সততা, নিষ্ঠা আৰু একাগ্ৰতাৰে উন্নয়ন পৰিষদৰ প্ৰতিগৰাকীয়েই দায়িত্ব পালন কৰি যাব মন্তব্য কৰে অধ্যক্ষ গৰাকীয়ে৷ ইফালে পূৰ্বৰ সৰ্বানন্দ সোণোৱাল চৰকাৰে ঘোষণা কৰা মুখ্যমন্ত্ৰীৰ এককালীন বিশেষ আৰ্থিক পেকেজৰ ১২৫ কোটি টকা কেৱল টাই আহোম জনগোষ্ঠীয়েহে লাভ কৰিলে যদিও কোচ ৰাজবংশী জনগোষ্ঠী লগতে আন চাৰি জনগোষ্ঠীয়ে লাভ নকৰা বুলি সদৰি কৰি বাকী কেইটা জনগোষ্ঠীৰ লগতে কোচ ৰাজবংশী সকলৰ সামগ্ৰিক বিকাশৰ স্বাৰ্থত শীঘ্ৰেই কোচ ৰাজবংশী উন্নয়ন পৰিষদক ১২৫ কোটিৰ বিশেষ পুঁজি মুকলি কৰি দিয়াৰো দাবী জনাইছে অধ্যক্ষ প্ৰণৱ নাৰায়ণ দেৱে৷ আনহাতে উন্নয়ন পৰিষদৰ হাতত বৰ্তমান ৩৬.৬৮ লাখ টকা জমা থকাৰ কথা সদৰি কৰি এইখিনি পুঁজি কোচ ৰাজবংশী জনগোষ্ঠীৰ সাংস্কৃতিক উন্নয়নৰ বাবে খৰছ কৰিব বুলিও সদৰি কৰিছে৷

জনপ্ৰিয় কণ্ঠশিল্পী নীল আকাশৰ পত্নী এতিয়া কৃষি কৰ্মত ব্যস্ত। পথাৰৰ বোকা খচকি গুটি সিঁচিছে নেনচি ফুকনে। ছচিয়েল মিডিয়াতো শ্বেয়াৰ কৰিছে ফটো।কোৰোণা ভাইৰাছৰ আতংকৰ বাবে এতিয়া সকলো ঘৰতে আবদ্ধ। তাৰ মাজতে জনপ্ৰিয় কণ্ঠশিল্পীগৰাকীৰ পত্নীয়ে পৰিয়ালৰে একাংশ মহিলাৰ সৈতে লগ হৈ পথাৰত শস্যৰ গুটি সিঁচিলে। বৃহস্পতিবাৰে বাবে নেনচি ফুকনে ছচিয়েল মিডিয়াত শ্বেয়াৰ কৰে এই ফটো। নেনচি ছচিয়েল মিডিয়াতো অত্যন্ত সক্ৰিয়। প্ৰায়ে বিভিন্ন মুহূৰ্তৰ ফটো শ্বেয়াৰ কৰে ছচিয়েল মিডিয়াত।পেছাত অধিবক্তা নেনচিৰ এই ফটো এতিয়া ব্যাপক ভাবে চৰ্চিত হৈছে ছচিয়েল মিডিয়াত।উল্লেখ্য যে, চলিত বছৰৰ ফেব্ৰুৱাৰী মাহৰ ২৮ তাৰিখে সম্পন্ন হৈছিল নীল আকাশ আৰু নেনচি ফুকনৰ বিবাহ।

দক্ষিণ শালমাৰা আৰু ফকিৰগঞ্জ আৰক্ষীৰ যৌথ যৌথ ভাবে ফকিৰগঞ্জ বজাৰত অভিযান চলাই বৃহৎ পৰিমানৰ নিচাজাতীয় টেবলেট জব্দ কৰিবলৈ সক্ষম হয়৷ আৰক্ষীয়ে জব্দ কৰা নিচাজাতীয় টেবলেটৰ পৰিমাণ ৫৭৬ টা৷ এই নিচাজাতীয় টেবলেট খিনি বিক্ৰী কৰি থকা সময়তে আৰক্ষীয়ে হাতেলোটে জব্দ কৰিবলৈ সক্ষম হয় লগতে আৰক্ষীয়ে ৰাজিব হোচেইন (২৫) আৰু আবেদ আলী (২৭) নামৰ দুজন ব্যক্তিক কৰায়ত্ত কৰে৷ উক্ত ঘটনাক কেন্দ্ৰ কৰি অঞ্চল জুৰি তীব্ৰ চাঞ্চল্যৰ সৃষ্টি হোৱা পৰিলক্ষিত হয়৷

বৰপেটা জিলাৰ সাৰৰ খুচুৰা বিক্ৰেতা সকলক নিজৰ অনুজ্ঞাপত্ৰ নবীকৰণ কৰাৰ লগতে ডিজিটেল লেনদেনৰ বাবে পোছ মেচিন অনিৰ্বায্যভাবে ব্যৱহাৰ কৰিবলৈ আহ্বান জনাইছে জিলা উপায়ুক্ত তেজ প্ৰসাদ ভূচালে। আজি বৰপেটাৰ জিলা গ্ৰামীণ বিকাশ অভিকৰণৰ সভাকক্ষত অনুষ্ঠিত সাৰ বিক্ৰেতা সকলৰ এখন সভাত অংশগ্ৰহন কৰি উপায়ুক্ত গৰাকীয়ে এইদৰে কয়। তেওঁ কয় যে সাৰ, কীটনাশক দ্ৰব্য, বীজ আদিৰ  ব্যৱসায়টো হৈছে আমাৰ দেশৰ খাতিখোৱা কৃষক আৰু কৃষি অৰ্থনীতিৰ সৈতে উত:প্ৰোত ভাবে জড়িত। সেয়ে এই ব্যৱসায়  বৈধভাবে নীতি-নিয়মৰ মাজেৰে কৰিবলৈ তেওঁ আহ্বান জনায়। সভাত অতিৰিক্ত উপায়ুক্ত নৱজিৎ পাঠক, জিলা কৃষি বিষয়া অৰুণ চন্দ্ৰ হাজৰিকা আৰু মহকুমা কৃষি বিষয়া পৰীক্ষিত বায়নে বিক্ৰেতা সকলক পালন কৰিব লগীয়া নীতি-নিয়ম সমূহৰ বিষয়ে বুজাই কয়। জিলা তথ্য আৰু জনসংযোগ বিষয়া বিকাশ শৰ্মাই জনোৱা মতে, বৰপেটা জিলাত সাৰ, কীটনাশক দ্ৰব্য আৰু বীজৰ ১৭২ জন খুচুৰা বিক্ৰেতা আৰু ১৬ জন পাইকাৰী বিক্ৰেতা আছে। তেওঁলোকৰ মাজৰ  ১৬ খন খুচুৰা বিক্ৰেতাৰ দোকান অনুজ্ঞাপত্ৰ নবীকৰণ নকৰা আৰু  পোছ মেচিনৰ জৰিয়তে লেন-দেন নকৰাৰ অভিযোগত উপায়ুক্তৰ নিৰ্দেশত অলপতে বন্ধ কৰি দিয়া হয়। সেয়েহে বাকী সকলকৰ মাজতো সজাগতা সৃষ্টিৰ উদ্যেশ্যে জিলা উপায়ুক্তৰ পৰামৰ্শক্ৰমে আজি এই সভাখন অনুষ্ঠিত কৰা হয় বুলি জনসংযোগ বিষয়াই জনাইছে। সভাত জিলাখনৰ প্ৰায় সকলো সাৰ-কীটনাশক বিক্ৰেতাই অংশগ্ৰহণ কৰে। সকলোকে অহা চাৰি সপ্তাহৰ ভিতৰত অনুজ্ঞাপত্ৰ নবীকৰণ, মেচিন সংস্থাপন, পৰিচয় নম্বৰ সংগ্ৰহ আদি বিভাগীয় সকলো নিৰ্দেশনা কাৰ্য ৰূপায়ন কৰিবলৈ নিৰ্দেশ দিয়া হয়।

ওদালগুৰি জিলাৰ  মাজবাট বিধানসভা সমষ্টিৰ ওৰাং খণ্ড প্ৰাথমিক স্বাস্থ্য কেন্দ্ৰ আৰু ওৰাং সামূহিক স্বাস্থ্য কেন্দ্ৰৰ উদ্যোগত এই কেন্দ্ৰ দুয়োটাৰ  স্বাস্থ্য কৰ্মী সকলে  ১৮জুনত ওৰাং স্বাস্থ্য কেন্দ্ৰৰ চৌহদত এক প্ৰতিবাদী কাৰ্য্যসূচী ৰূপায়ন কৰে । স্বাস্থ্য কৰ্মী সকলে সমগ্ৰ অসমত স্বাস্থ্য কৰ্মী সকলৰ ওপৰত চলি অহা বৰ্বৰ অত্যাচাৰ , মাৰ ধৰ ,নানান ধৰণৰ গালি গালাজ কৰাৰ লোকৰ সংখ্যা দিনক দিনে বাঢ়ি অহাৰ বাবে দেশজুৰি প্ৰতিবাদত কৰাৰ অংশীদাৰ হৈছে । প্ৰতিবাদ সাব্যস্ত কৰা স্বাস্থ্য কৰ্মী সকলে ব্যক্ত কৰা মতে তেওঁলোকে নিষ্ঠাৰে জনগণৰ স্বাৰ্থত দিন ৰাত একাকাৰ কৰি নিজৰ জীৱনৰ মূল্যৰ কথা  কোনো চিন্তা নকৰি ,ঘৰ পৰিয়াল এৰি দৈনিক এই মাৰাত্মক কৰুণা কালত সেৱা আগবঢ়াই অহাৰ পিছতো স্বাস্থ্য কৰ্মী সকলৰ ওপৰত একাংশ দুস্কৃকাৰীয়ে এইদৰে এইদৰে মাৰ পিট কৰা অতি লজ্জাজনক বুলি অতি  দুখমনে  সদৰী কৰে । কোভিডত সমগ্ৰ দেশ অসুস্থ হৈ থকা সময়ত চিকিৎসক আৰু স্বাস্থ্য কৰ্মি সকলৰ নিৰাপত্তা বিচাৰি ওৰাঙত তীব্ৰ প্ৰতিবাদ চিকিৎসা কৰ্মী সকলৰ। চিকিৎসালয়ত চিকিৎসক আৰু স্বাস্থ্য কৰ্মী সকলে ক’লা বেজ পৰিধান কৰি চিকিৎসালয়ৰ চৌহদত প্ৰতিবাদ সাব্যস্ত কৰে ৰাতিপুৱা ১০ বজাৰ  ১০-৩০ বজালৈ 
চিকিৎসক আৰু স্বাস্থ্য কৰ্মীৰ নিৰাপত্তা নিশ্চিত কৰা, চিকিৎসা কৰ্মীক আক্ৰমণ কৰা বন্ধ কৰা আদি‌ বিভিন্ন দাবীৰে হাতত প্লেকাৰ্ড লৈ চিকিৎসা কৰ্মী সকলে ক’লা বেজ পৰিধান কৰে । চিকিৎসা চৌহদত  প্ৰতিবাদ  সাব্যস্ত কৰে চিকিৎসা কৰ্মী সকলে।

দেশৰ অন্যতম ৰাজহুৱা খণ্ডৰ লাভজনক তৈল উদ্যোগ প্ৰতিষ্ঠান অইল ইণ্ডিয়া লিমিটেডৰ ঠিকাভিত্তিত চলাচল কৰা যানবাহন নিবিদা আৰু চালক-সহযোগী নিযুক্তিৰ ক্ষেত্ৰত ব্যাপক অনিয়ম সংঘটিত হোৱা বুলি অভিযোগ উত্থাপন কৰিছে সদৌ টাই আহোম ছাত্ৰ সন্থা চমুকৈ ‘আটাছু’ৱে । দুলীয়াজানৰ পুৰণি বাছ আস্থানত অৱস্থিত ‘মিডিয়া চেণ্টাৰ’ত আহ্বান কৰা এখন সংবাদ মেলত টাই আহোম ছাত্ৰ সন্থাৰ ডিব্ৰুগড় জিলা সমিতি আৰু দুলীয়াজান আঞ্চলিক সমিতিয়ে অইল ইণ্ডিয়া লিমিটেড কৰ্তৃপক্ষই ঠিকাভিত্তিত চলাচল কৰা বাহন আৰু চালক-সহযোগীৰ নিযুক্তিৰ ক্ষেত্ৰত স্থানীয় নিবনুৱাৰ স্বাৰ্থৰ পৰিপন্থী নীতি গ্ৰহণ কৰা বুলি অভিযোগ উত্থাপন কৰে । উক্ত সংবাদমেলত অইল ইণ্ডিয়া লিমিটেড কৰ্তৃপক্ষই স্থানীয় নিৱনুৱা সংস্থাপনৰ বাবে লঘু আৰু গধুৰ যানবাহনৰ নিবিদা আহ্বান কৰি আহিছে । এইক্ষেত্ৰত এক বাহন এক ব্যক্তি নীতি অনুসৰি নিবিদা লাভ কৰা নিবনুৱা সকলে নিজে বাহনৰ চালক হিচাপে কৰ্ম সংস্থাপন লাভ কৰি আহিছে বুলি আটাছুৰ ডিব্ৰুগড় জিলা সমিতিৰ সাধাৰণ সম্পাদক ৰূপম গগৈয়ে সংবাদমেলত মন্তব্য কৰে ।
তেওঁ লগতে জানিবলৈ দিয়ামতে কিছু ক্ষেত্ৰত নিজা পৰিয়াল তথা নিকট আত্মীয় চালক আৰু সহযোগী ৰূপে দায়িত্ব প্ৰদান কৰিব পাৰে । তদুপৰি টেংকাৰ বা অন্য গধুৰ বাহনৰ নিবিদাৰ জাননী (এন আই টি)ত চালক আৰু সহযোগীক নিয়োগৰ ক্ষেত্ৰত সম্পূৰ্ণ দায়িত্ব ঠিকাদাৰ সকলৰ নিজৰ বুলি উল্লেখ কৰা থাকে । কিন্তু এনে বাহন সমূহৰ চালক আৰু সহযোগী নিযুক্তিৰ পৰা অইল কৰ্তৃপক্ষই উদ্যোগ প্ৰতিষ্ঠানটোৰ অধ্যুষিত অঞ্চলৰ নিৱনুৱা সকলক বিভিন্ন কৌশলেৰে বঞ্চিত কৰি এক বিশেষ চক্ৰক দিবৰ বাবে অহৰহ চেষ্টা কৰি অহা বুলিও আটাছুৱে গুৰুত্বৰ অভিযোগ উত্থাপন কৰে । লগতে সংবাদমেলাত জানিবলৈ দিয়ামতে মটৰ শ্ৰমিক ইউনিয়নৰ বিষয়-ববীয়া তথা সদস্য ন’হলে নিজে লাভ কৰা লঘু বাহন অথবা ঠিকাদাৰে নিযুক্তি লাভ কৰাত খোদ অইলৰ বিষয়াই বাধা প্ৰদান কৰি আহিছে বুলি অভিযোগ কৰে । এইক্ষেত্ৰত বিশেষ এটা চক্ৰক লাভাম্বিত কৰাৰ বাবে নিবিদা লাভ কৰাৰ পিচতো বাহন নিযুক্ত নকৰি অইলৰ বিভাগীয় বিষয়াই নিজে প্ৰস্তুত কৰা নীতি নিজে ভংগ কৰি স্থানীয় নিবনুৱাৰ ভাত মৰাৰ ষড়যন্ত্ৰ কৰা বুলিও আটাছুৱে সংবাদমেলত অভিযোগ কৰে । শেহতীয়াকৈ অইলে ঘোষণা কৰা টেংকাৰ নিবিদাৰ ক্ষেত্ৰত ব্যাপক অনিয়ম সংঘটিত হোৱা বুলিও সংবাদমেলাত অভিযোগ কৰে । ছাত্ৰ সংগঠনটোৱে এই সৰ্ন্দভত মুখ্যমন্ত্ৰীক এখন স্মাৰকপত্ৰ প্ৰদান কৰিব বুলিও সংবাদমেলত জানিবলৈ দিয়ে । লগতে উল্লেখিত বিষয় সমূহৰ সমাধানৰ বাবে আটাছুৰ সংবাদমেলৰ যোগেদি অইল কৰ্তৃপক্ষক সাতদিনৰ সময়সীমা বান্ধি দিছে । অন্যথা পৰৱৰ্তী সময়ত সৰ্বাত্মক অইল অৱৰোধ কৰাৰ লগতে জংগী আন্দোলন কাৰ্যসূচী গ্ৰহণ কৰিব বুলিও হুংকাৰ প্ৰদান কৰে ।

ড্ৰাগছৰে জড়িত চতিয়াৰ ইটাখোলাৰ যুৱকৰ হত্যাকাণ্ডই অঞ্চলজুৰি শোকৰ ছাঁ‌ পেলোৱা ঘটনাৰ মূল অভিযুক্তক আজি আৰক্ষীয়ে আটক কৰিবলৈ সক্ষম হয় । যোৱা ১৫ জুনত ইটাখোলাৰ মনাইত উদ্ধাৰ হোৱা  দেহৰ বহু অংশত চোকা অস্ত্ৰৰ আঘাতৰ চিন থকা ২ নং ইটাখোলাৰ সঞ্জীৱ শইকীয়া (23) নামৰ যুৱক জনৰ মৃতদেহ ৷ ইয়াৰ পিছতে চতিয়া চক্ৰ আৰক্ষী বিষয়া দীলিপ বনিয়াৰ নেতৃত্বত চতিয়া আৰু ইটাখোলাৰ আৰক্ষীয়ে চলাইছিল ঘটনাৰ তদন্ত ৷ আজি পুৱতি নিশা ঘটনাৰ মূল অভিযুক্তক গ্ৰেপ্তাৰ কৰিবলৈ সক্ষম হয় আৰক্ষীয়ে ৷ ধৃত হত্যাকাৰীৰ নাম নিৰ্মল কুৰ্মী ৷ আৰক্ষীৰ জেৰাত হত্যাকাণ্ড সংঘটিত কৰাৰ কথা স্বীকাৰ কৰিছে নিৰ্মলে ৷ উল্লেখ্য যে আৰক্ষীয়ে সন্দেহ কৰা অনুসৰি উক্ত হত্যাকাণ্ড বৰ্তমান ৰাজ্যজুৰি প্ৰশাসনে চলাই অহা ড্ৰাগছ বিৰোধী অভিযানৰ লগত নিশ্চিত ভাবে জড়িত । সেয়েহে আৰক্ষীয়ে উক্ত হত্যাকাণ্ডৰ জোৰদাৰ তদন্ত  আৰম্ভ  কৰিছিল ।   হত্যাকাণ্ডটি সংঘটিত কৰা হত্যাকাৰীয়ে আগধন লৈ মৃত সঞ্জীৱক ড্ৰাগছ যোগান ধৰিব  নোৱৰাৰ বাবেই সংঘটিত কৰা বুলি উল্লেখ কৰে। আৰক্ষীয়ে হত্যাকাৰী নিৰ্মলৰ পৰা হত্যাকাণ্ডত ব্যৱহাৰ কৰা এখন দা উদ্ধাৰ কৰে।