দলগাঁৱত সংগতি হৈছে এইটো অমানৱীয় কাণ্ড।নিজ সদ্যোজাত সন্তানক দলিয়াই থৈ যায় পৃতি-মাতৃয়ে।দৰঙৰ ধূলা আৰক্ষী থানাৰ অন্তৰ্গত খাৰুপেটীয়াৰ নিকটৱৰ্তী টাংনী দলঙৰ তলত নৱজাতক শিশুটিৰ মৃতদেহটো প্ৰত্যক্ষ কৰে স্থানীয় ৰাইজে।আৰু তাৰ পিছতেই হাহাকাৰ পৰিবেশৰ সৃষ্টি হয় ।ইতিমধ্যে আৰক্ষী শিশুটিৰ মৃতদেহ উদ্ধাৰ কৰি মাৰণোওৰ পৰীক্ষাৰ বাবে মঙ্গলদৈ অসামৰিক চিকিৎসালয়লৈ কৰিছে।কোনো পৃতি-মাতৃয়ে হয়তো নিজৰ কলংক ঢাকিবৰ বাবে সদ্যোজাত দেৱ শিশুটিক এনেদৰে পলাই থয় যোৱাৰ সন্দেহ স্থানীয় লোকৰ।শিশুটিৰ হাতত থকা এখন এখন কাজগৰ ভিত্তিত জানিব পৰা গৈছে শিশুটি এটি লৰা সন্তান।ফেব্ৰুৱাৰী 2 তাৰিখে জন্ম পাইছিল এই দুৰ্ভগীয়া শিশুটি।মানৱ সমাজক লজ্জানত কৰা উক্ত ঘটনাক কেন্দ্ৰ কৰি সমগ্ৰ অঞ্চলজুৰি এতিয়া তীব্ৰ চাঞ্চল্যই বিৰাজ কৰিছে।
ৰাষ্ট্ৰীয় পথ সুৰক্ষা মাহ উপলক্ষে আজি গুৱাহাটীত সজাগতা অনুষ্ঠান
কেন্দ্ৰীয় চৰকাৰৰ পথ পৰিবহন মন্ত্ৰণালয়ৰ নিৰ্দেশনা অনুসৰি দেশৰ আন ৰাজ্যৰ লগতে অসমতো পৰিবহন বিভাগৰ উদ্যোগত আৰু বিভিন্ন চৰকাৰী-বেচৰকাৰী অনুষ্ঠান-প্ৰতিষ্ঠানৰ সহযোগত ১৮ জানুৱাৰীৰ পৰা মাহযোৰা কাৰ্যসূচীৰে চলি আছে “ৰাষ্ট্ৰীয় পথ সুৰক্ষা মাহ ” । আনহাতে কামৰূপ মহানগৰ জিলা পথ সুৰক্ষা সমিতিৰ উদ্যোগত মহানগৰ জিলাৰ বিভিন্ন প্ৰান্তত চলি আছে ৰাষ্ট্ৰীয় পথ সুৰক্ষা মাহৰ সজাগতামূলক কাৰ্যসূচী । সমিতিৰ সদস্য-সচিব আৰু কামৰূপ মহানগৰ জিলাৰ জিলা পৰিবহন বিষয়া গৌতম দাসে জানিবলৈ দিয়া মতে মাহয়োৰা কাৰ্যসূচীৰ লগত সংগতি ৰাখি ৬ ফেব্ৰুৱাৰীত গুৱাহাটীত পথ সুৰক্ষা বিষয়ক এক সজাগতা মূলক ৱাকাথান অনুষ্ঠিত হব । পুৱা ৯ বজাৰ পাছতে সৰুসজাই ষ্টেডিয়ামৰ পৰা ৰাষ্ট্ৰীয় ঘাইপথৰ চাৰ্ভিছ ৰোডেৰে বেতকুছিস্থিত কামৰূপ মহানগৰ জিলা পৰিবহন বিষয়া কাৰ্যালয়লৈ আহিবলগীয়া ৱাকাথান পতাকা জোকাৰি শুভাৰম্ভ কৰিব মুখ্যমন্ত্ৰী সৰ্বানন্দ সোনোৱাল আৰু পৰিবহন মন্ত্ৰী চন্দ্ৰমোহন পাটোৱাৰীয়ে । তাৰ পাছত জিলা পৰিবহন কাৰ্যালয় চৌহদত হোণ্ডা মটৰ কোম্পানীৰ উদ্যোগত স্থাপন কৰিব লগীয়া দুচকীয়া বাহনৰ শিকাৰু চালকৰ সুৰক্ষামূলক প্ৰশিক্ষণ বিদ্যালয়ৰ মুকলি কৰিব পৰিবহন মন্ত্ৰী চন্দ্ৰমোহন পাটোৱাৰীয়ে । তাৰপাছত এখন পথ সুৰক্ষা সজাগতামূলক অনুষ্ঠান অনুষ্ঠিত হব । অনুষ্ঠানত পৰিবহন মন্ত্ৰীৰ উপৰিও পৰিবহন আয়ুক্তসহ উচ্চপদস্থ বিষয়া সকল উপস্থিত থাকিব ।
ডবকাত ৰাস্তা দখলৰ অভিযোগ নেতাৰ বিৰুদ্ধে। শীঘ্ৰে মুকলি কৰাৰ দাবী
হোজাই জিলাৰ ডবকাৰ এখন গাওঁ ,নাম ভেলৌগুৰি কচাৰী গাওঁ ৷ সহস্ৰাধিক লোকে বসবাস কৰা গাওঁখনৰ ৰাইজে যাতায়ত কৰোতে যমৰ যাতনা ভূগীব লগীয়া হৈছে ৷ কিয়নো গাওঁখনলৈ সোমোৱা মূল পথটো আজি কেইবা বছৰ ধৰি পানীৰে বুৰ গৈ আছে ৷ পথৰ ওপৰতে এক নৈ সাদৃস পৰিবেশ ৷ কাষত থকা পাহাৰৰ পৰা বৈ অহা এটি জুৰি গাওঁখনৰ কাষেৰে বৈ গৈছে যদিওঁ গাওঁখনৰেই একাংশ লোকে নিজৰ ব্যক্তিগত লাভালাভৰ বাবে জুৰিটো বন্ধ কৰি দিয়ে ৷ যাৰ ফলত জুৰিৰ পানীয়ে পথৰ ওপৰেদিয়েই গতি কৰিবলৈ আৰম্ভ কৰিছে ৷ আজি বহু বছৰ ধৰি গাওঁখনৰ ৰাইজ,ছাত্ৰ-ছাত্ৰীয়ে এই পানী খচকিয়েই চলাচল কৰিব লগা হৈছে ৷ ৰাইজে সম্পূৰ্ণ বিষয়টো কেইবাবাৰো প্ৰশাসন তথা স্থানীয় জনপ্ৰতিনিধিক অৱগত কৰাইছে যদিওঁ কোনো সুফল নাপালে ৷ জুৰিৰ মাটি বেদখল কৰা জনৈক অনিল,ললিত আৰু সত্যনাৰায়ন শাসকীয় বি,জে,পি দলৰ কৰ্মকৰ্তা হোৱাৰ হেতুকে হোজাই জিলা প্ৰশাসনে তেওঁলোকৰ বিৰুদ্ধে ব্যৱস্থা গ্ৰহণ নকৰাৰো এক গুৰুতৰ অভিযোগ উত্থাপিত কৰিছে গাওঁখনৰ ৰাইজে ৷
উইপ্ৰ আৰ্থিয়ান এৱাৰ্ড প্ৰগেমত নাজিৰাৰ মহকুমাৰ তিনি বিদ্যালয়ৰ ছাত্ৰ-ছাত্ৰীৰ স্হান দখল
উইপ্ৰ ইণ্ডিয়া আৰ্থিয়ান এৱাৰ্ড প্ৰগেমত নাজিৰা মহকুমাৰ তিনিখন বিদ্যালয়ে প্ৰথম,দ্বিতীয় আৰু তৃতীয় স্হান দখলৰে নাজিৰা মহকুমা লৈ গৌৰৱ কঢ়িয়াই আনিছে৷ উল্লেখযোগ্য যে দেশৰ অগ্ৰনী কম্পিউটাৰ প্ৰতিষ্ঠান উইপ্ৰ ইণ্ডিয়া লিমিটেডে প্ৰতিবছৰে বিদ্যালয় আৰু মহাবিদ্যালয় পৰ্য্যায়ত ছাত্ৰ-ছাত্ৰী সকলৰ মাজত অনুষ্ঠিত কৰি আহিছে উইপ্ৰ আৰ্থিয়ান এৱাৰ্ড প্ৰগেম।দলগতভাবে ছাত্ৰ-ছাত্ৰীসকলে পানী, জৈৱ বৈচিত্ৰতা, আৱৰ্জনা এই বিষয়বস্তকেটাৰ ওপৰত বিজ্ঞান ভিত্তিক প্ৰকল্প প্ৰস্তুত কৰি কোম্পানীৰ ওচৰত দাখিল কৰিব লাগে।২০২০বৰ্ষৰ কোম্পানীটোৰ এই সৰ্বভাৰতীয় প্ৰতিযোগিতাত নাজিৰা মহকুমাৰ তিনি বিদ্যালয় ক্ৰমে গেলেকী জাতীয় বিদ্যালয়,জভিয়েলভেলী বিদ্যালয় নাজিৰা আৰু বাউলী মৈদাম উঃমাঃবিদ্যালয়ৰ ছাত্ৰ-ছাত্ৰী ৰ এটাকৈ দলে অংশ গ্ৰহণ কৰি অসমৰ ভিতৰত ক্ৰমে প্ৰথম,দ্বিতীয় আৰু তৃতীয় স্হান দখল কৰি নাজিৰা মহকুমালৈ গৌৰৱ কঢ়িয়াই আনিছে৷ গেলেকী জাতীয় বিদ্যালয়ৰ নৱম শ্ৰেণীৰ বাৰ্লিন বৰুৱা,হেমাংগ গগৈ,স্নেহা হাতীমূৰীয়া,গাৰ্গী হাজৰিকা আৰু বিকাশ ফুকন ৰ ওপৰত প্ৰকল্প প্ৰস্তুত কৰি দলগতভাবে প্ৰথম স্হান দখল কৰাৰ বিপৰীতে জভিয়েলভেলী বিদ্যালয় ৰ সপ্তম শ্ৰেণীৰ ছাত্ৰ ফাহিম ইৰফান আহমেদে এককভাবে পানী ৰ ওপৰত প্ৰকল্প প্ৰস্তুত কৰি দ্বিতীয় স্হান দখল কৰে।আনহাতে বাউলী মৈদাম উঃমাঃবিদ্যালয়ৰ ছাত্ৰ বনদ্বীপ সন্দিকৈ আৰু তপোব্ৰত সন্দিকৈ য়ে জৈৱ বৈচিত্ৰ্যৰ ওপৰত প্ৰকল্প প্ৰস্তুত কৰি তৃতীয় স্হান দখল কৰিবলৈ সক্ষম হয় ।উল্লেখ্য যে অসমত উইপ্ৰৰ এই প্ৰতিযোগিতা বিজ্ঞান আৰু প্ৰযুক্তি বিদ্যা বিভাগৰ পৰিবেশ পৰিষদে সমন্বয়ক হিচাপে কাম কৰি আহিছে।মহকুমাটোৰ তিনি বিদ্যালয়ৰ ছাত্ৰ ছাত্ৰীৰ এই কৃতিত্ব ত ৰাইজে সন্তুষ্টি প্ৰকাশ কৰিছে।
বিলাসীপাৰাৰ পশ্চিম সমষ্টিৰ বোৱাল কামৰী গাওঁত দুই শতাধিক পুৰুষ – মহিলা বিজেপিত যোগদান
পশ্চিম অসমৰ ধুবুৰী জিলাৰ ২৬ নং বিলাসীপাৰা পশ্চিম বিধান সভা সমষ্টি খনত ভাৰতীয় জনতা পাৰ্টিৰ মেডিকেল বিভাগৰ ৰাজ্যিক সদস্য তথা ধুবুৰী পূৱ জিলা কমিটিৰ প্ৰভাৰী ডঃ ছাইফুৰ ৰহমানৰ নেতৃত্বত বৃহস্পতিবাৰে বৰকান্দা গাওঁ পঞ্চায়তৰ বোৱাল কামৰী গাওঁত এখন জনসভাত চি,পি,আই,কংগ্ৰেছ,এ আই ইউ ডি এফ দলৰ প্ৰায় দুই শতাধিক পুৰুষ- মহিলাই ভাৰতীয় জনতা পাৰ্টিত যোগদান কৰে । উল্লেখ্যোগ্য যে উক্ত জনসভা খনত উপস্থিত থাকে,ভাৰতীয় জনতা পাৰ্টিৰ সংখ্যালঘু মৰ্চাৰ ৰাজ্যিক সদস্য আশ্ৰাৱ আলী আদিকে ধৰি লগতে কেইবা গৰাকী দলীয় সতীৰ্থ বৃন্দ উপস্থিত থাকে।
একোৱা মুণ্ডাই এৰিলে কংগ্ৰেছৰ দায়িত্ব ।দলো এৰিব নেকি প্ৰাক্তন মন্ত্ৰী গৰাকীয়ে
নিৰ্বাচন সমাগত ,এই সময়ছোৱাত সলনি হৈছে একাংশৰ নিৰ্বাচনী ৰণ কৌশল ।দল সলনি কৰিছে একাংশ প্ৰতাপী নেতাই।আজি ডিব্ৰুগড় ৰাজীৱ ভৱনত অনুষ্ঠিত এখনি গুৰুত্বপূৰ্ণ সভাত আনুষ্ঠানিকভাৱে তেওঁ দায়িত্ব এৰি জ্যেষ্ঠ নেতা দেৱৰঞ্জন গগৈক তেওঁ দায়িত্ব অৰ্পণ কৰে।আৰু ভাষণ প্ৰসংগত তেওঁ কয় বিধানসভাৰ নিৰ্বাচনৰ বাবে এই দায়িত্ব এৰি নিৰ্বাচনত প্ৰতিদ্বন্দিতা কৰিব ।ইফালে এই অনুষ্ঠানতে কৃষক মুক্তি সংগ্ৰাম সমিতি মৰাণ সমষ্টিৰ সভাপতি তথা কা-বিৰোধী মঞ্চৰ উপ-সভাপতি নীলমণি পানীফুকনে কংগ্ৰেছ দলৰ প্ৰতি আকৰ্ষণ হৈ বহু সংখ্যক সতীৰ্থ সহ এই সভাতে কংগ্ৰেছত যোগদান কৰে।
সৰ্ববৃহৎ নিযুক্তি ! অভিলেখ সৃষ্টিৰে সৰুসজাইত ২৯,৭০১ গৰাকী শিক্ষক-শিক্ষয়ত্ৰীক নিযুক্তি
ৰাজ্যৰ শিক্ষাখণ্ডত সৰ্ববৃহৎ নিযুক্তি। আজি সৰুসজাইত অনুষ্ঠিত হয় ৰাজ্যৰ শিক্ষা বিভাগৰ সৰ্ববৃহৎ নিযুক্তি প্ৰদান প্ৰক্ৰিয়া ।
মুখ্যমন্ত্ৰী সৰ্বানন্দ সোণোৱালৰ লগতে শিক্ষামন্ত্ৰী হিমন্ত বিশ্ব শৰ্মাৰ উপস্থিতিত ২৯,৭০১ গৰাকী শিক্ষকক নিযুক্তি পত্ৰ প্ৰদান কৰা হয়। নিযুক্তি পত্ৰ গ্ৰহণৰ বাবে সৰুসজাইত সমাবেত হয় ৰাজ্যৰ বিভিন্ন প্ৰান্তৰ হাজাৰ হাজাৰ শিক্ষক-শিক্ষয়ত্ৰী ।
উল্লেখ্য যে, আজি নিযুক্তি লাভ কৰা শিক্ষক-শিক্ষয়িত্ৰী সকলৰ আগন্তুক ১২ বছৰলৈ বদলি নহ’ব ।
তিনিদিনীয়া কাৰ্যসূচীৰে আঞ্চলিক শ্ৰীমন্ত শংকৰদেৱ কলামঞ্চৰ ৰূপালী জয়ন্তী মহোৎসৱৰ আয়োজন
বাক্সা জিলাৰ বৰমা ৰাজহ চক্ৰৰ অন্তৰ্গত আনন্দপুৰ চ’কত মহাপুৰুষ শ্ৰীমন্ত শংকৰদেৱৰ নীতি আদৰ্শৰ ওপৰত প্ৰতিষ্ঠিত আঞ্চলিক শ্ৰীমন্ত শংকৰদেৱ কলামঞ্চই ইতিমধ্যে অতিক্ৰম কৰিলে পচিশটা বৰ্ষ ৷ এই উপলক্ষে অহা ১২, ১৩ আৰু ১৪ ফেব্ৰুৱাৰীত তিনি দিনীয়া বৰ্ণাঢ্য কাৰ্যসূচীৰে অনুষ্ঠানটিয়ে পালন কৰিব ৰূপালী জয়ন্তী মহোৎসৱ ৷ সেই উপলক্ষে প্ৰথম দিনা পুৱা আঞ্চলিক শ্ৰীমন্তশংকৰদেৱ কলামঞ্চ নামঘৰ পুৱা শৰাই স্থাপনেৰে কাৰ্যসূচীৰ শুভাৰম্ভ হব ৷ ইয়াৰ পিচত নাম প্ৰসংগ, বৃক্ষৰোপন আৰু সম্বৰ্ধনা সভাৰ উপৰিও প্ৰতিনিধি সভা অনুষ্ঠিত হ’ব ৷ নিশা নাগাৰা নাম প্ৰদৰ্শন ৷ সেইদৰে দ্বিতীয় দিনা পুৱা নাম প্ৰসংগেৰে দিনটোৰ কাৰ্যসূচী আৰম্ভ হ’ব ৷ ইয়াৰ পিচতে বাক্সা জিলা ভিত্তিত বৈকুন্ঠগামী কাহিৰাম কুমাৰ সোৱৰণী দিহা নাম প্ৰতিযোগিতা অনুষ্ঠিত হব ৷ নিশা অনুষ্ঠিত হ’ব সাংস্কৃতিক সমাৰোহ ৷ উদ্বোধন কৰিব বিজেপিৰ ৰাজ্যিক সদস্য কুমুদ দাসে ৷ শেষৰ দিনা পুৱা নাম প্ৰসংগৰ পিচতে পতাকা উত্তোলন কৰিব আঞ্চলিক শ্ৰীমন্ত শংকৰদেৱ কলামঞ্চৰ সভাপতি বাসৱ চন্দ্ৰ ঠাকুৰীয়াই ৷ ইয়াৰ পিচতে অনুষ্ঠিত হ’ব বাপেৰহনীয়া সাংস্কৃতিক শোভাযাত্ৰা ৷ উদ্বোধন কৰিব শ্ৰীমন্ত শংকৰদেৱ সংঘৰ শৰণ সদস্য ভূমিধৰ পাঠকে ৷ দিনৰ এঘাৰ বজাত বাসৱ চন্দ্ৰ ঠাকুৰীয়াৰ সভাপতিত্বত অনুষ্ঠিত হ’ব মুকলি সভা ৷ শ্ৰীমন্ত শংকৰদেৱ সংঘ বাক্সা জিলা সমিতিৰ সাহিত্য শাখাৰ সম্পাদক ডাঃ সমৰ তালুকদাৰে উদ্বোধন কৰিবলগীয়া মুকলি সভাত মুখ্য অতিথি হিচাপে উপস্থিত থাকিব বিটিচিৰ মুখ্য কাৰ্যবাহী সদস্য প্ৰমোদ বড়ো ৷ বিশিষ্ট অতিথি হিচাপে উপস্থিত থাকিব বিটিচিৰ অধ্যক্ষ কাতিৰাম বড়ো, লোকসভাৰ সাংসদ নৱ কুমাৰ শৰণীয়া, জিলা উপায়ুক্ত ৰঞ্জন শৰ্মা, বিটিচিৰ কাৰ্যবাহী সদস্য ঘনশ্যাম দাস প্ৰমুখ্যে কেবাজনো বিশিষ্ট ব্যক্তি ৷ সেইদৰে সভাত নিৰ্দিষ্ট বক্তা হিচাপে উপস্থিত থাকিব শ্ৰীমন্ত শংকৰদেৱ সংঘৰ প্ৰধান সম্পাদক বাবুল বৰা আৰু শিক্ষা শাখাৰ সম্পাদক মৃনাল কুমাৰ বৰা ৷ নিশা দৰদী কন্ঠ বিদ্যাসাগৰৰ সাংস্কৃতিক অনুষ্ঠান ৷ সাংস্কৃতিক সন্ধিয়া উদ্বোধন কৰিব ধমধমাৰ লুইত একাডেমীৰ সঞ্চালক মনোৰঞ্জন ভাগৱতীয়ে ৷ অনুষ্ঠানটোৰ সকলো কাৰ্যসূচী সফল ৰূপায়ণৰ বাবে সকলোৰে সহযোগিতা কামনা কৰিছে কলামঞ্চৰ সম্পাদক গোকুল ৰাজবংশী আৰু আদৰণি সমিতিৰ সম্পাদক গদাধৰ ৰাজবংশীয়ে ৷
ভাৰত আৰু ইংলেণ্ডৰ মাজৰ চাৰিখনীয়া টেষ্ট ক্রিকেট শৃংখলাৰ আজি প্ৰথমখন খেল
চেন্নাইৰ ঐতিহাসিক এম এ চিদাম্বৰম ষ্টেডিয়ামত আজি অনুষ্ঠিত হৈছে ভাৰত আৰু ইংলেণ্ডৰ মাজৰ চাৰিখনীয়া টেষ্ট ক্রিকেট শৃংখলাৰ প্ৰথমখন খেল ।
খেলখন পুৱা চাৰে ৯ বজাত আৰম্ভ হৈছে । এইখন খেল হৈছে কৰোনা মহামাৰীৰ বাবে প্রায় এবছৰৰ ব্যৱধানত ভাৰতত অনুষ্ঠিত প্ৰথমখন আন্তঃৰাষ্ট্ৰীয় ক্রিকেট খেল।
ফিল’বাৰী কনিষ্ঠ মহাবিদ্যালয়ৰ ৰূপালী জয়ন্তীৰ সামৰণি অনুষ্ঠান
অসম অৰুণাচল সীমান্তৱৰ্তী তিনিচুকীয়া জিলাৰ বৃহত্তৰ ফিল’বাৰী অঞ্চলৰ শিক্ষাৰ পোহৰ বিলাই আলোকিত কৰা ফিল’বাৰী কণিষ্ঠ মহাবিদ্যালয়ে গৌৰৱোজ্জ্বল ২৫ বছৰ সম্পূৰ্ণ কৰিলে । এই উপলক্ষে বছৰজোৰা কাৰ্যসূচীৰে অনুষ্ঠিত হোৱা ৰূপালী জয়ন্তী সমাৰোহৰ সামৰণি অনুষ্ঠান আগন্তুক ৬ আৰু ৭ ফেব্ৰুৱাৰীত অনুষ্ঠিত হ’ব । ৰূপালী জয়ন্তী সামৰণি অনুষ্ঠানটি সফল ৰূপায়ণৰ বাবে প্ৰস্তুতি সম্পূৰ্ণ হৈ উঠিছে । কাৰ্যসূচী অনুসৰি প্ৰথম দিনা পুৱা ২৫ খন পতাকা উত্তোলনেৰে ৰূপালী জয়ন্তী অনুষ্ঠান আৰম্ভ হ’ব । তাৰ পিছত স্মৃতি তৰ্পণ আৰু সুধাকণ্ঠৰ প্ৰতিমূৰ্তিত বন্তি প্ৰজ্জলন কৰিব ক্ৰমে মহাবিদ্যালয় খনৰ অধ্যক্ষ তথা উদযাপন সমিতিৰ সম্পাদক তুলসী উপাধ্যায় আৰু বিশিষ্ট নাট্যকৰ্মী ৰাজীৱ লোচন বৰাই । পুৱা ১০ বজাত গ্রন্থমেলাৰ দ্বাৰ উন্মোচন কৰিব ফিল’বাৰী আৰক্ষী থানাৰ ভাৰপ্ৰাপ্ত বিষয়া পুহেশ্বৰ দাসে । অনুষ্ঠানৰ লগত সংগতি ৰাখি ‘নতুন শিক্ষা নীতি’ ২০২০’ শীৰ্ষক এক আলোচনা চক্ৰ অনুষ্ঠিত হ’ব । ডুমডুমা মহাবিদ্যালয়ৰ অধ্যক্ষ ডঃ প্ৰকাশ জ্যোতি বৰঠাকুৰৰ সঞ্চালনাত অনুষ্ঠিত হ’বলগীয়া এই আলোচনাচক্ৰ উদ্বোধন কৰিব তিনিচুকীয়া জিলা সংমণ্ডলৰ বিদ্যালয়সমূহৰ পৰিদৰ্শক বিতোপন হাজৰিকাই । অনুষ্ঠানত তেজপুৰ বিশ্ববিদ্যালয়ৰ অৱসৰ প্ৰাপ্ত অধ্যাপক ডঃ মদন শৰ্মা, তিনিচুকীয়া মহিলা মহাবিদ্যালয়ৰ অৱসৰপ্ৰাপ্ত অধ্যাপক উত্তম দুৱৰাৰ উপৰিও ভালেকেইগৰাকী বিশিষ্ট ব্যক্তিয়ে অংশগ্ৰহণ কৰিব । উল্লেখযোগ্য যে ৰূপালী জয়ন্তীৰ লগত সংগতি ৰাখি মহাবিদ্যালয়ৰ অসমীয়া বিষয়ৰ বিষয় শিক্ষয়িত্ৰী নিৰদা বৰাৰ সম্পাদনাত প্ৰকাশ হ’বলগীয়া স্মৃতিগ্ৰন্থ ” ৰূপালী কিৰণ”ৰ উন্মোচন কৰিব তিনিচুকীয়া জিলা সাহিত্য সভাৰ সভাপতি অৰ্জুন বৰুৱাই । তাৰ পিছত ন-পুৰণি ছাত্ৰ-ছাত্ৰী সমাৰোহ অনুষ্ঠিত হ’ব । দ্বিতীয় দিনাখন বাৰেৰহনীয়া সাংস্কৃতিক শোভাযাত্ৰাৰে কাৰ্যসূচী আৰম্ভ হ’ব । উদ্ধোধন কৰিব ডুমডুমা আৰক্ষী চক্ৰৰ আৰক্ষী পৰিদৰ্শক মনিমোহন কোঁচে। বিয়লি শিক্ষাবিদ দ্ৰোণ চাৰিংগীয়া ফুকনৰ সঞ্চালনাত মুকলি সভা অনুষ্ঠিত হ’ব । এই সভাত ডিব্ৰুগড় বিশ্ববিদ্যালয়ৰ সহকাৰী অধ্যাপক ডঃ অমৰ উপাধ্যায়, ডুমডুমা মহাবিদ্যালয়ৰ সহকাৰী অধ্যাপক ডঃ প্ৰাণজিত শইকীয়া, অসম চৰকাৰৰ শ্ৰম আৰু নিয়োগ মন্ত্ৰী সঞ্জয় কিশান, সাংসদ প্ৰদান বৰুৱা, বিধায়কত্ৰয় ক্ৰমে দুৰ্গা ভূমিজ, সুৰেন ফুকন আৰু ভাস্কৰ শৰ্মা উপস্থিত থাকিব । সন্ধিয়া বিশিষ্ট শিল্পী বসন্ত দুৱৰাই সাংস্কৃতিক অনুষ্ঠান উদ্ধোধন কৰিব ।