হোজাইত দলীয় সভাৰ অন্তত বদৰুদ্দিন আজমলৰ মন্তব্য কংগ্ৰেছৰ সৈতে AIUDFৰ মহাজোঁটবন্ধন হোৱাটো প্ৰায় নিশ্চিত হৈছে ৷ আজি হোজাইত দলৰ জিলা সমিতিৰ কাৰ্যালয়ত বিশেষকৈ আগন্তক নিৰ্বাচনী ৰণনীতি যুগুত কৰা সন্দৰ্ভত যমুনামুখ সমষ্টিৰ দলৰ বিষয়ববীয়া, দলৰ সাধাৰণ কৰ্মী সকলৰ সৈতে ভাগে ভাগে বৈঠকত মিলিত হয় দলৰ সভাপতি তথা সাংসদ বদৰুদ্দিন আজমল ৷ ইপিনে, যোৱা কালি দুই এটা চেনেলে আজমলে ৰাষ্ট্ৰীয় সংগীতক অপমান কৰা বুলি অপপ্ৰচাৰ চলোৱা বুলি অভিযোগ কৰি কয় এনে কৰিব নালাগিছিল বুলি হোজাইত বিয়লি মৌলানা বদৰুদ্দিন আজমলে এখন সংবাদ মেল যোগে এই কথা সদৰি কৰে। এআইইউডিএফৰ সভাপতি তথা সাংসদ মৌলানা বদৰুদ্দিন আজমলে হোজাইত দলৰ জিলা সমিতিৰ কাৰ্যালয়ত দলীৰ উচ্চ পৰ্যায়ৰ বিষয়ববীয়া আৰু সমষ্টি পৰ্যায়ৰ নেতা কৰ্মী সকলৰ সৈতে মত বিনিময় কৰে ৷ লগতে যমুনামুখত অহা নিৰ্বাচনত কাক প্ৰাৰ্থিত্ব প্ৰদান কৰিলে জয় নিশ্চিত হব সেই সন্দৰ্ভত মতামত গ্ৰহণ কৰে ৷ আগন্তক ২০২১ৰ বিধানসভা নিৰ্বাচনত সন্দৰ্ভত দলীয় কৰ্মকৰ্তা সকলৰ সৈতে ভাগে ভাগে সভাত মিলিত হৈ আজমলে নিৰ্বাচনী কুট কৌশল যুগুত কৰাৰ নিৰ্দেশ দিয়ে ৷ লগতে আগন্তক পঞ্চায়ত নিৰ্বাচনত AIUDF দলে অধিক আসনত যাতে জয়লাভ কৰিবলৈ কিদৰে নিৰ্বাচনী প্ৰচাৰ অভিযান চলাব সেই সন্দৰ্ভত আজি আজমলে পুৰুষ-মহিলা কৰ্মী আৰু পঞ্চায়ত পৰ্যায়ত যোৱা নিৰ্বাচনত অৱতীৰ্ণ হোৱা ব্যক্তি সকলৰ সৈতে ভাগে ভাগে সভাত মিলিত হৈ নিৰ্বাচনী প্ৰচাৰ অভিযান তুংগত কৰি তুলিবলৈ সকলোকে আহ্বান জনায়। দলীয় কৰ্মীৰ সৈতে মত-বিনিময় কৰাৰ পিছত আয়োজিত সংবাদ মেলত বদৰুদ্দিন আজমলে কংগ্ৰেছ-এআইইউডিএফৰ মাজত মহাজোঁটবন্ধন হোৱাটো প্ৰায় নিশ্চিত বুলি মন্তব্য কৰে।ইপিনে, দুপৰীয়া যুমামুখত বিধায়ক পুত্ৰ আব্দুৰ ৰহিম আজমল, ভাতৃ ছিৰাজুদ্দিন আজমলৰ লগতে অন্যান্য সকল থকাৰ কাৰণে এখন গৃহৰ আধাৰশিলা স্থাপন কৰি আজমলে কয়- ইয়াত কাৰ্যালয় হিচাপে উক্ত গৃহত আমি সমষ্টিৰ ৰাইজৰ মাজত থাকিম আৰু অতি সহজতে ৰাইজে বিধায়কৰ লগত মিলিত পাৰিব বুলি মন্তব্য কৰে ৷ লগতে আজমলে নাম নোলোৱাকৈ কয় – ডাঙৰ ডাঙৰ দলৰ নেতা সকলে জোনে যিমানেই যি নকৰক কিয় আমাৰ মিত্ৰতা সন্দৰ্ভত অসম কংগ্ৰেছ নেতৃত্বৰ লগতে দিল্লীত কংগ্ৰেছ হাইকামাণ্ডৰ সৈতে আলোচনা অব্যাহত আছে ৷ ২০২১ ত আমি চৰকাৰৰ অংশীদাৰ হ’ম ৷ বিজেপিয়ে কোনো কাৰণতেই অসমত চৰকাৰ গঠন কৰিব নোৱাৰে বুলি আজমলে মন্তব্য কৰে৷

 বিধায়কৰ কাৰ্য্যকাল ২৫টা বছৰ সম্পূৰ্ণ হ’বলৈ মাত্ৰ দুই তিনিমাহ বাকী থকাৰ সময়ত তেজপুৰৰ বিধায়ক বৃন্দাৱন গোস্বামীয়ে নতুন দল খোলাৰ কুচ কাৱাজ কৰি নতুনকৈ সংকল্প লৈছে। সংকল্প স্হলীতে বিধায়ক গৰাকীৰ সন্মুখত তেজপুৰৰ উন্নয়নকলৈ সমালোচনা সাংস্কৃতিক কৰ্মীৰ।সংকল্প অসম স্বেচ্ছাসেৱী সংগঠনৰ জৰিয়তে তেজপুৰৰ বিধায়ক বিধায়ক বৃন্দাবন গোস্বামীৰ শক্তি প্ৰদৰ্শন।  দলীয় টিকত লাভ কৰা  নকৰা  তথা পুৰ্বতে অগপৰ পৰা গৈ ন অগপ কৰি মুখথেকেঁচা খোৱা আৰু নতুন দলত যোগদানৰ চৰ্চা চলি থকাৰ সময়তে  অগপৰ এই গৰাকী জ্যেষ্ঠ  বিধায়কে নতুন দল গঠনৰো কুচ কাৱাজ অব্যাহত ৰাখিছে। বিধায়কৰ  পাঁচটাকৈ কাৰ্য্য কালৰ ৰূপালী জয়ন্তীৰ অন্তত স্বনিৰ্ভৰশীল ব্যক্তি,স্বনিৰ্ভৰশীল পৰিয়াল আৰু স্বনিৰ্ভৰশীল অসম গঢ়াৰ  নতুনকৈ সংকল্প লোৱাৰ সময় পালে তেজপুৰীয়া বিধায়ক বৃন্দাবন গোস্বামীয়ে। আচলতে বিধায়ক গৰাকীয়ে নিৰ্বাচনৰ আগমুহুৰ্তত গণসেৱক অসম স্বেচ্ছাসেৱী এক সংগঠনৰ পিছত সংকল্প অসমৰ জৰিয়তে নিজৰ শক্তি প্ৰদৰ্শনৰ চেষ্টা চলাইছে। সংকল্প অসমৰ ষষ্ঠ বাৰ্ষিক প্ৰতিষ্ঠা দিবসত বিধায়ক গৰাকীয়ে স্বনিৰ্ভৰশীল অসম গঢ়াৰ সংকল্প ললে।বৃন্দাৱন গোস্বামীয়ে স্বনিৰ্ভৰশীল অসম গঢ়াৰ সংকল্প লোৱা এই অনুষ্ঠানতে সাংস্কৃতিক কৰ্মী শান্তনু বৰুৱাই তেজপুৰৰ উন্নয়নৰ প্ৰসঙ্গকলৈ কঠোৰ সমালোচনা কৰা বিষয়টোৱে অসমৰতো বাদেই গোস্বামী বিধায়কহৈ থকা তেজপুৰৰে ফোপোলা স্বৰূপটো উদঙাই দিয়ে।