” সাম্প্ৰতিক সময়ত অসমীয়া ভাষা , সাহিত্য – সংস্কৃতি ৰক্ষা কৰিব নোৱাৰিলে জাতিৰ অস্তিত্বলৈ সংকট আহিব ” ড০ জীৱন কলিতাদিলীপ হাজৰিকা : নাজিৰা : ৩০ ডিচেম্বৰ : –  অসমীয়া জাতীয় জীৱনৰ প্ৰাণৰ স্পন্দন ” অসম সাহিত্য সভাৰ ” ১০৪ সংখ্যক প্ৰতিষ্ঠা দিৱসটি বিভিন্ন স্থানৰ লগতে শিৱসাগৰ জিলা সাহিত্য সভাৰ উদ্যোগত নাজিৰাৰ চণ্টক বিহুবৰ শাখা সভাৰ সহযোগত বিহুবৰ গাওঁ পঞ্চায়তৰ কাৰ্যালয় প্ৰেক্ষাগৃহত দিনযোৰা বৰ্ণাঢ্য কাৰ্যসুচীৰে উদযাপন কৰা হয় । পুৱা জিলা শাখাৰ সভাপতি যোগ গগৈয়ে পতাকা উত্তোলনেৰে কাৰ্যসূচী পাতনি মেলাৰ পিছতে বিশিষ্ট সমাজকৰ্মী অতুল চেতিয়াই স্মৃতি তৰ্পণ , ঘন বৰুৱাই বন্তি প্ৰজ্বলন আৰু বিহুবৰ গাওঁ পঞ্চায়তৰ প্ৰাক্তন আঞ্চলিক সদস্য আলহাজ আলিমুদ্দিন আহমেদে বৃক্ষ ৰোপণৰ শুভাৰম্ভণি কৰে । বিশিষ্ট চিত্ৰ শিল্পী আলী হাইদৰে চিত্ৰাংকণ প্ৰতিযোগিতা  উদ্বোধন কৰাৰ পিছতে জিলা সাহিত্য সভাৰ সভাপতি যোগ গগৈৰ সভাপতিত্বত অনুষ্ঠিত হোৱা মুকলি সভা উদ্বোধন কৰে সভাৰ কেন্দ্ৰীয় কাৰ্যনিৰ্বাহক বিনোৱা টায়ে । সভাত বিশিষ্ট গল্পকাৰ – জিলা সাহিত্য সভাৰ প্ৰাক্তন সম্পাদক তথা অধ্যাপক ডঃ জীৱন কলিতাই নিৰ্দিষ্ট বক্তাৰ ভাষণ প্ৰসংগত সাম্প্ৰতিক সময়ত অসম তথা অসমীয়া ভাষা , সাহিত্য , সংস্কৃতি আৰু জাতীয় জীৱনলৈ সংকট নমাই আনিছে জাতি , মাটি ,  ভেটি ৰক্ষাৰ জয়ঢোল বজোৱা সকলে । এনে সময়ত ভাষা , সাহিত্য , সংস্কৃতি সুৰক্ষিত নহ’লে জাতি , মাটি , ভেটি সুৰক্ষিত হোৱাটো নিশ্চিত নহয় । গতিকে  জাতি – জনগোষ্ঠী ঐক্যবদ্ধ হৈ মাৰবান্ধি ঠিয় হৈ ভাষা , সাহিত্য , সংস্কৃতি ৰক্ষা কৰিব নোৱাৰিলে জাতিৰ অস্তিত্বলৈ সংকট নামি অহাতো নিশ্চিত বুলি মত পোষণ কৰে ড: জীৱন কলিতাই । সভাত অসম চাহ জনজাতি সাহিত্য সভাৰ কেন্দ্ৰীয় সহকাৰী সম্মাদক বসন্ত ৰাজোৱাৰে বিশিষ্ট অতিথি হিচাপে অংশগ্ৰহণ কৰি চাহ জনগোষ্ঠী আৰু অসমীয়া সাহিত্যৰ বিভিন্ন দিশত আলোকপাত কৰি বক্তব্য দাঙি ধৰে । সভাত বিশিষ্ট সমাজকৰ্মী জগত চুৰী , আলহাজ আলিমুদ্দিন আহমেদ , ঘন বৰুৱা , অনিল লোহাৰ , আনাউৰ ইছলাম , নৱ পাংগিঙকে ধৰি ভালেকেইজন বিশিষ্ট ব্যক্তি উপস্থিত থকা সভাত স্থানীয় ছাত্র – ছাত্ৰীয়ে পৰিৱেশন কৰা নৃত্য – গীতেৰে অনুষ্ঠান জীপাল কৰি তোলে । 

ৰঙিয়া মহকুমাৰ অন্তৰ্গত কুমাৰপাটা গাওঁত দিন দুপৰতে মাতৃ-কন্যা সন্ধানহীন হোৱাৰ দৰে চাঞ্চল্যকৰ ঘটনা সংঘটিত হৈছেষ  । কেবাদিন ধৰি ৰঙিয়াৰ কুমাৰপাটাৰ পৰা সন্ধানহীন হৈ আছে জেৰিফা ওৱাহেদা (২১) আৰু কন্যা আলিফা জান্নাত (২) । যোৱা বুধবাৰ ২৩ তাৰিখ দুপৰীয়াৰে পৰা সন্ধানহীন হৈ আছে এজনী দুই বছৰীয়া কন্যসন্তানসহ মাতৃ । জানিবপৰা মতে ওচৰৰে দোকান এখনলৈ ঘৰুৱা বজাৰ আনিব গৈ নিখোজ হৈ আছে ওৱাহেদা আৰু তেওৰ কন্য সন্তানটি। পৰিয়ালৰ লোকে বহু বিচাৰ খোচাৰ কৰাৰ পিছতো কোনো সন্ধান উলিয়াব পৰা নাই । গাঁৱৰ পৰা এনেদৰে দিন দুপৰতে হঠাৎ মাতৃ-কন্যা  নিখোজ হোৱাত দুখত ভাগি পৰিছে স্বামী আৰু তেওৰ আত্মীয় সকল । উল্লেখ্যযে ৰঙিয়াত থকা ৰেল জংচনৰ সুযোগ লৈ একাংশ ব্যক্তিয়ে মানৱসৰবৰাহৰ দৰে দুস্কাৰ্য প্ৰায়ে সংঘটিত কৰি আহিছে। পৰিয়ালৰ লোকৰ সন্দেহ কোনো দুষ্ট চক্ৰই বহিঃৰাজ্যলৈ নি মানৱ সৰবৰাহকাৰীৰ ওচৰত বিক্ৰী কৰাৰ । ঘটনা সন্দৰ্ভত পৰিয়ালে ৰঙিয়া থানাত এখন এজাহাৰ দাখিল কৰিছে যদিও বৰ্তমানলৈকে আৰক্ষীয়ে কোনো সন্ধান লাভ কৰিব পৰা নাই । এই ঘটনাই অঞ্চলযুৰী তীব্ৰ চাঞ্চল্যৰ সৃষ্টি কৰিছে ।

টীয়ক, ২৯ ডিচেম্বৰ, নিজৰ একাগ্ৰতা আৰু কঠোৰ সাধনাৰ বলত সৰ্বভাৰতীয় পৰ্যায়ত উজ্বলিবলৈ সক্ষম হৈছে টীয়কৰ এজন মেধাবী ছাত্ৰ । খেলৰ জৰিয়তে ৰাজ্যলৈ গৌৰৱ কঢ়িয়াই আনিবলৈ সক্ষম হোৱা এই গৰাকী প্ৰতিভাৱান খেলুৱৈ হৈছে টীয়ক নগৰৰ 4 নং ৱাৰ্ড নিবাসী পদ্মনাভ বনিয়া ৷এক মিনিটত 269 টা বক্সিং মাৰি ইণ্ডিয়া বুক অফ ৰেকৰ্ডছত নাম লিখিবলৈ সক্ষম হৈছে পদ্মনাভে ৷ প্ৰয়াত দীপক দাস আৰু  মাতৃ মনোজা দাসৰ সৰু পুত্ৰ পদ্মনাভে শাৰীৰিক পৰিশ্ৰম তথা অধ্যৱসায়ৰ জড়িয়তে প্ৰদৰ্শন কৰা পাৰদৰ্শিতাই এতিয়া সমগ্ৰ ৰাজ্যবাসীকে গৌৰাম্বিত কৰিছে ।লক ডাউনৰ সময়ছোৱাত ঘৰৰ চোতালতে পেলনীয়া সামগ্ৰীৰে শৰীৰ চৰ্চাৰ বিভিন্ন সজুলি প্ৰস্তুত কৰি নিয়মীয়াকৈ ব্যায়ামৰ লগতে নিজৰ লক্ষ্যত উপনীত হ’বলৈ চেষ্টা অব্যাহত ৰাখিছিল পদ্মনাভে ৷ ভবিষ্যত দিনত “এছিয়ান বুকছ অব ৰেকৰ্ড” আৰু “গ্ৰিনিছ বুক অব ৰেকৰ্ড” ত নাম অন্তৰ্ভুক্তিৰ সপোন পুহি ৰখা প্ৰদ্মনাভ আমগুৰি স্থিত অৰুনোদই একাডেমীৰ নৱম শ্ৰেণীৰ ছাত্ৰ। এই খবৰ বিয়পি পৰাৰ লগে লগে আজি ছাত্ৰ জনৰ গৃহত বিভিন্ন অনুষ্ঠান প্ৰতিষ্ঠান, ব্যক্তিয়ে তেওঁক উষ্ণ আদৰণি জনায় । পঢ়াৰ সমান্তৰালভাৱে এনে কলাৰ লগত জড়িত হৈ নিজৰ যোগ্যতাৰ পৰিচয় দিয়া পদ্মনাভে সুযোগ আৰু সুবিধা পালে আৰু আগবাঢ়ি যাব বুলি আশা কৰিব পাৰি ।

আজি হোজাই জিলা কংগ্ৰেছৰ নেতৃত্বত  পেট্ৰল ডিজেল ,ৰন্ধনগেছ সামগ্ৰী আদিৰ মূল্য বৃদ্ধিৰ‌ প্ৰতিবাদত হোজাই জিলা উপায়ুক্তৰ কাৰ্য্যালয় ঘেৰাও কৰা হয়। উক্ত প্ৰতিবাদী কাৰ্যসূচীত উপস্থিত থাকে হোজাই জিলা কংগ্ৰেছৰ সভাপতি ড° অৰ্ধেন্দু কুমাৰ দে, হোজাই জিলা কংগ্ৰেছৰ সাধাৰণ সম্পাদক বিজয় চক্ৰৱৰ্তী,অসম প্ৰদেশ ভাষিক সংখ্যালঘু বিভাগৰ অধ্যক্ষ স্বপন কৰ, অসম প্ৰদেশ সংখ্যালঘু বিভাগৰ সাধাৰণ সম্পাদক নাসিৰ উদ্দিন ফাৰুকী, হোজাই জিলা মহিলা কংগ্ৰেছৰ সভানেত্ৰী ৰেজিয়া চুলতানা ,প্ৰাক্তন জিলা পৰিষদ নুৰ আহমেদৰ লগতে বিভিন্ন ব্লকৰ সভাপতি,যুৱ কংগ্ৰেছ,এন.এচ.ইউ.আই সদস্য সকল উপস্থিত আছিল৷

দক্ষিণ কামৰূপ জিলাৰ বকো বিধান সভা সমষ্টিৰ অন্তৰ্গত সোণতলীৰ কাছাৰীপাম গাঁৱৰ আলু খেতিয়ক সকলে আজি কৃষি মুন্ত্ৰী অতুল বৰাৰ বিৰুদ্ধে তীব্ৰ প্ৰতিবাদ সাৱ্যস্ত কৰে।খেতিয়ক সকলে আলু খেতিৰ পথাৰত গৈ অসম চৰকাৰ হায় হায়,অতুল বৰা মূৰ্দাবাদ,আমাৰ ক্ষতিপূৰণ লাগিবই আদি শ্লোগানেৰে কাছাৰীপাম পথাৰৰ আকাশ-বতাহ কপাই তোলে। উল্লেখ্য যে কাছাৰীপাম অঞ্চলৰ প্ৰায় চল্লিশ গৰাকী খেতিয়কে ১০০ বিঘা মাটিত আলু খেতি কৰিছিল। একাংশ খেতিয়কে বেংকৰ পৰা ঋণ লৈ অশেষ কষ্ট কৰি খেতি কৰাৰ পাছত মূৰে কপালে হাত দি বহি থাকিব লগীয়া হৈছে ৷ আলু লগোৱাৰ ২ মাহ পাৰ হোৱাৰ পিছতো গছত আলু নলগতা গছবোৰ মৰহি যাব ধৰিছে বুলি এজাহাৰত উল্লেখ কৰিছে৷ আলু খেতি নষ্ট হোৱাৰ ফলত প্ৰায় এক কোটি টকা লোকচানৰ সন্মুখীন হোৱা বুলি  খেতিয়ক সকলে অভিযোগ উত্থাপন কৰিছে৷ আলু খেতিয়ক সকলৰ অভিযোগ অনুসৰি সোণতলী কৃষি বিকাশ কেন্দ্ৰৰ স্বত্তাধিকাৰী মহিবুল হক, বৰ আৰিকাটিৰ স্বহিদুল ইছলাম, ছয়গাঁৱৰ মহাবীৰ পথাৰৰ ওমেদ আলীয়ে সোণতলী অঞ্চলৰ প্ৰায় ৪০ জনকৈ কৃষকক কুইন্টল প্ৰতি ৭ হাজাৰ টকাৰ পৰা ৮ হাজাৰ টকা পৰ্যন্ত লৈ আলুৰ বিধান যোগান ধৰিছিল। আলুৰ বিধান সমুহ বৈজ্ঞানিকসন্মত নোহোৱাৰ বাবে সোণতলী অঞ্চলৰ আলু খেতিয়কে লোকচানৰ সন্মুখীন হৈছে বুলি জানিব পৰা গৈছে ৷ ফলত কৃষক সকলে আলু খেতিত একত্ৰিত হৈ প্ৰতিবাদ সাব্যস্ত কৰে৷ প্ৰতিবাদত অতুল বৰা মুৰ্দাবাদ, অসম চৰকাৰ হায় হায়, আমাক ক্ষতিপুৰণ লাগিবই আদি শ্লগানেৰে উত্তাল কৰি তোলে৷ আনহাতে সোণতলী কৃষি বিকাশ কেন্দ্ৰৰ স্বত্তাধিকাৰী মহিবুল হক, স্বহিদুল ইছলাম আৰু ওমেদ আলীৰ বিৰুদ্ধে সোণতলী আৰক্ষী চকীত এখন এজাহাৰ দাখিল কৰাৰ উপৰিও কৃষক সকলে ৰাজ্য চৰকাৰৰ কৃষি বিভাগৰ ওচৰত ক্ষতিপুৰণ দিবলৈ দাবী জনাইছে ৷