দিল্লীৰ ৰেলসেৱাত নতুন অধ্যায়ৰ সূচনা কৰি প্ৰধানমন্ত্ৰী নৰেন্দ্ৰ মোদীয়ে আজি ভিডিঅ কনফাৰেন্সিং ব্যৱস্থাৰে দিল্লী মেট্ৰ’ৰ মেজেণ্টা লাইনত দেশৰ প্ৰথম চালকবিহীন মেট্ৰ’ৰেলসেৱা মুকলি কৰে।

মেজেণ্টা লাইনত পশ্চিম জনকপুৰীৰ পৰা ব’টানিকেল গাৰ্ডেনৰ মাজত এই মেট্ৰ’ৰেলগাড়ীখনে চলাচল কৰিব।

ৰাজ্যত পুনৰ নতুনকৈ ক’ৰোণা ভাইৰাছৰ পৰা মুক্ত হৈ উঠিল ৬০ জনকৈ ব্যক্তি ৷ টুইট যোগে এই কথা সদৰী কৰে ড° হিমন্ত বিশ্ব শৰ্মাই।

আনহাতে যোৱা ২৪ ঘন্টাত ৰাজ্যত ১০৩০৫ টা পৰীক্ষা সম্পাদন কৰাৰ পিছত নতুনকৈ ২৯ গৰাকী লোক কোভিড-১৯ত আক্ৰান্ত হোৱা বুলি পৰীক্ষাত ধৰা পৰিছে ৷ চিনাক্তসকলৰ ভিতৰৰ ৭ গৰাকী ৰোগী কামৰূপ(ম)ৰ৷ আক্ৰান্তৰ হাৰ ০.২৮ শতাংশ ৷

বৰ্তমানলৈ অসমত এই ভাইৰাছত আক্ৰান্ত লোকৰ সংখ্যা ২১৫৯৩৯ জনলৈ বৃদ্ধি পাইছে । ৰাজ্যত সম্প্ৰতি ৩৩৫৬গৰাকী চিকিত্সাধীন হৈ থকাৰ বিপৰীতে আৰোগ্য হৈ উঠিছে ২১১৫৪৩ গৰাকী ব্যক্তি।

সুস্থৰ হাৰ ৯৭.৯৬ শতাংশ ৷উল্লেখ্য যে ৰাজ্যত বিয়োগ হোৱা লোকৰ সংখ্যাও ১০৩৭ গৰাকীলৈ  বৃদ্ধি পালে।

অসমীয়া চলচিত্ৰ সমূহে ইটোৰ পিছত সিটোকৈ গৌৰৱ কঢ়িয়াবলৈ সক্ষম হৈছে ।  গোল্ডেন জুৰী আন্তঃৰাষ্ট্ৰীয় চলচিত্ৰ মহোৎসৱত সামাজিক বিষয়ৰ শ্ৰেষ্ঠ চিনেমাৰ সন্মান লাভ কৰিছে কৃপাল কলিতা পৰিচালিত ‘ব্ৰীজ’ নামৰ চিনেমাখনে ।

উল্লেখযোগ্য যে, অকলেণ্ড চলচিত্ৰ সমাৰোহত ছবিখনৰ প্ৰিমিয়াৰ হৈ গৈছে আৰু এই বছৰ ৫১তম ভাৰতীয় পেনোৰামালৈ একমাত্ৰ চিনেমা হিচাপে নিৰ্বাচিত হোৱা ‘ব্ৰীজ’ চিনেমাখনে বিশ্বৰ ১৬ খনকৈ অধিক চলচিত্ৰ সমাৰোহলৈ আমন্ত্ৰিত হৈছে ।

আনফালে, শেহতীয়াকৈ “লাইফ ইন এ পাপেট”  শীৰ্ষক ছবিখনে লাভ কৰিছে বহুল চৰ্চা। উক্ত ছবিখনে আন্তঃৰাষ্ট্ৰীয় পৰ্যায়ত প্ৰায় চাৰিটা শাখাত বঁটা লাভ কৰিবলৈ সক্ষম হৈছে । পর্ট ব্লেয়াৰ ইণ্টাৰনেচনেল ফিল্ম ফেষ্টিভেলত ৰাষ্ট্ৰীয় আৰু আন্তৰাষ্ট্ৰীয় শাখাত শ্ৰেষ্ঠ ছবিৰ লগতে শ্ৰেষ্ঠ পৰিচালকৰ বঁটা লাভ কৰিবলৈ সক্ষম হৈছে । কালদিয়া নদীৰ কাষত কেৱলমাত্ৰ কেনন ৫ ডি কেমেৰাৰে আগষ্ট মাহত শ্বুটিং সম্পন্ন কৰা এই ছবিখনে অসমৰ পুতলা নাচৰ ইতিহাসৰ লগতে ছবিখনত বৰ্ণোৱা হৈছিল ডাইন হত্যাৰ লগতে সম্প্ৰতি অসমৰ কিছু নিয়ম-নীতি । অসম তথা অসমীয়ালৈ বিভিন্ন সময়ত গৌৰৱ কঢ়িওৱাৰ ক্ষেত্ৰত সদায় আগৰণুৱা হৈ থকা অসমীয়া চলচিত্ৰ সমূহত একোটা বিষয়বস্তুৰ উচ্চ মানদণ্ডৰ উপস্থাপন দেখিবলৈ পোৱা যায় ।

লগতে পঢ়ক :

বিহাৰৰ মুখ্য মন্ত্ৰী নীতিশ কুমাৰে জনতা দল য়ুনাইটেড(জে ডি য়ু)ৰ সভাপতি পদৰ পৰা আতৰি অহাৰ সিদ্ধান্ত গ্ৰহণ কৰাৰ পাছতে দলটোৰ কাৰ্য্যনিৰ্বাহক সভাত বিহাৰৰ ৰাজ্যসভাৰ সাংসদ চি পি সিঙক জে ডি য়ুৰ নতুন  কৰা হয়।

কাৰ্য্যনিৰ্বাহক সভাত নীতিশ কুমাৰে বিহাৰৰ মুখ্য মন্ত্ৰী পদ আৰু জে ডি য়ুৰ সভাপতি দুয়োটা পদৰ একেলগে দায়িত্বভাৰ গ্ৰহণ কৰা কঠিন হৈ পৰা বুলি উল্লেখ কৰি জে ডি য়ুৰ সভাপতি পদৰ এৰাৰ সিদ্ধান্ত লৈছে বুলি উল্লেখ কৰে।

উল্লেখযোগ্য যে, বিহাৰৰ সদ্যসমাপ্ত নিৰ্বাচনত নীতিশ কুমাৰৰ নেতৃত্বত জে ডি য়ুয়ে আশাজনক ফলাফল দাঙি ধৰাত সফল হোৱা নাছিল।

জে ডি য়ুৰ মিত্ৰ দল ভাৰতীয় জনতা পাৰ্টিয়ে নিৰ্বাচনত ভাল ফলাফল কৰাৰ বাবেহে পুনৰ নীতিশ কুমাৰ মুখ্য মন্ত্ৰী হিচাপে অধিস্থিত হ’বলৈ সক্ষম হ’ল।

জে ডি য়ুৰ কাৰ্য্যনিৰ্বাহক সভাত চি পি সিঙৰ সবল নেতৃত্বত জে ডি য়ু দলে নতুন গতি লাভ কৰিবলৈ সক্ষম হ’ব বুলি নীতিশ কুমাৰ আশা ব্যক্ত কৰে।

লগতে পঢ়ক :