ডিৰাক সীমান্ত, ১৪ নৱেম্বৰ : ১১নবেম্বৰ তাৰিখে এক ৰহস্য জনক পথ দূৰ্ঘটনাত আহতহৈ পাছত মৃত্যুক আকোৱালি লোৱা কাকপথাৰৰ সাংবাদিক পৰাগ ভূঞাৰ আজি তিনি দিন হৈ যায় ৷ ধৰ্মীয় আৰু সামাজিক ৰীতি-নীতি অনুসৰি এক শোকাকুল পৰিবেশৰ মাজেৰে সকলোবোৰ সুকলমে সামৰণি পৰে ৷ আজিৰ তিলনিৰ দিনা ভূঞাৰ ঘৰত আত্মীয় কুটুম, দল-সংগঠন, সাংবাদিক আৰু বিভিন্ন জন গুণমূগ্ধই উপস্থিত থাকে ৷ তদুপৰি অসমৰ মূখ্যমন্ত্ৰীৰ প্ৰেছ উপদেষ্টা ঋষিকেশ গোস্বামী উপস্থিত থাকে ৷ তেখেতে প্ৰয়াত সাংবাদিক গৰাকীৰ প্ৰতিচ্ছবিত মাল্যাৰ্পণ কৰাৰ লগতে পৰিয়ালবৰ্গক সমবেদনা জ্ঞাপন কৰি কয় যে, ঘটনাটো চি আই ডিক তদন্ত দায়িত্ব দিয়া হৈছে আৰু তেওঁলোকে ১৩ নবেম্বৰৰ পৰা তিনিচুকীয়া জিলাত খোপনিলৈ কামত নামিছে ৷ গতিকে তদন্তৰ অন্তত প্ৰকৃত ঘটনা পোহৰলৈ আহিব আৰু যি দুখি বুলি প্ৰমাণিত হ’ব তেওঁ নিঞ্চয়কৈ দৃষ্টান্তমুলক শাস্তি পাব ৷ ইয়াৰ লগতে তেওঁ জানিবলৈ দিয়ে যে, পৰাগ ভূঞা আৰু জগদীশ ভূঞাৰ ঘৰৰ লগত পূৰ্বৰে পৰা তেখেতৰ ব্যক্তিগতভাবে এক মধুৰ সম্পৰ্ক আছে ৷ পৰাগ ভূঞাৰ তিলনিৰ দিনাখনেই দিনৰ দুই বজাৰ পৰা কাকপথাৰৰ সমূহ সাংবাদিকে একে লগ হৈ কাকপথাৰ হিন্দী বিদ্যালয় সন্মুখত জাষ্টিজ ফৰ পৰাগ লিখা পষ্টাৰ হাতে হাতে লৈ এক প্ৰতিবাদি সভা অনুস্থিত কৰে ৷ সভাত কাকপথাৰ প্ৰেছ ক্লাৱ, আসাম প্ৰেছ ক’ৰেছপ’ণ্ডেণ্টছ্ ইউনিয়ন(আপকু), তিনিচুকীয়া জিলা সমিতি, বৃহত্বৰ কাকপথাৰ সাংবাদিক সন্থা, ডুমডুমা প্ৰেছ ক্লাৱ আদিৰ সাংবাদিক সকল উপস্থিত থাকি পৰাগ হত্যাৰ ন্যায় দাবী কৰে ৷

গেলেকী, ১৪নৱেম্বৰঃ আজি শিশু দিৱস । সমগ্ৰ দেশ, ৰাজ্য তথা নাজিৰাতো নেহৰুক স্মৰণ । ভাৰতৰ প্ৰথমগৰাকী প্ৰধানমন্ত্ৰী পণ্ডিত জৱাহৰলাল নেহৰুৰ জন্মদিনটো প্ৰতিবছৰে দেশবাসীয়ে পালন কৰি আহিছে শিশু দিৱস হিচাপে । পণ্ডিত নেহৰুৱে শিশু সকলক বৰ ভাল পাইছিল । সেয়েহে তেওঁৰ ওপজা দিনটোক শিশু দিৱস হিচাপে উদযাপন কৰা হয় । সম্প্ৰতি নাজিৰা, নামতি, শিমলুগুৰি আৰু গেলেকীৰ বিভিন্ন ৰাজহুৱা প্ৰেক্ষাগৃহত আজি শিশু সকলক লৈ বিভিন্ন প্ৰতিযোগিতাৰ আয়োজন কৰা দেখা গৈছে । য’ত সমাজকৰ্মী, শিক্ষক-শিক্ষয়িত্ৰী, শিল্পী, সাংবাদিক আৰু স্থানীয় ৰাইজ সকলে ভাগ লয় । জৱাহৰলাল নেহৰুৰ জন্ম হৈছিল ১৮৮৯ চনৰ ১৪ নৱেম্বৰত । ওপজা দিনত দেশৰ প্ৰথম প্ৰধানমন্ত্ৰীগৰাকীক স্মৰণ প্ৰধানমন্ত্ৰী নৰেন্দ্ৰ মোডীৰ । দেশৰ আন প্ৰান্তৰ লগতে অসমতো শিশু দিৱসত স্মৰণ কৰা হৈছে দেশৰ প্ৰথমগৰাকী প্ৰধানমন্ত্ৰীক । দেশজুৰি জৱাহৰলাল নেহৰুক স্মৰণৰ উদ্দেশ্যে বিভিন্ন কাৰ্যসূচীৰ আয়োজন কৰা হৈছে ।

ইটাখোলা ১৩ নবেম্বৰঃ বিশ্বনাথ জিলাৰ নদুৱাৰ অঞ্চলৰ ইটাখোলা কেন্দ্ৰত এখন পূৰ্নাংগ আৰক্ষী চকী স্থাপনৰ কথা ঘোষনা অসাৰ প্ৰতিপন্ন হল বুলি ইটাখোলা অঞ্চলৰ ৰাইজে অভিযোগ কৰিছে। অঞ্চলটোৰ লাখৰো অধিক জনসাধাৰণৰ জীৱণ আৰু সম্পত্তিৰ নিৰাপত্তাৰ স্বাৰ্থত ইটাখোলাত এখন আৰক্ষী চকী স্থাপনৰ বাবে অঞ্চলটোৰ ৰাইজ তথা আটছা, আছু, যুৱছাত্ৰ পৰিষদ আৰু আছা আদিকে ধৰি বিভিন্ন দল সংগঠনে দীৰ্ঘদিনে দাবী জনায় আহিছে। উল্লেখ্য যে চতিয়া সমষ্টিৰ অন্তৰ্গত অতি স্পৰ্শকাতৰ অঞ্চল হিচাপে চিহ্নিত তথা অসম অৰুনাচল প্ৰদেশ সীমান্তৱৰ্তীৰ বিভিন্ন অসামাজিক কাৰ্যকলাপৰ ঘাটি হৈ পৰা চিজুছা, বালিজুৰি, জয়সিদ্ধি, মনাই, খেৰবাৰী, ইটাখোলা, নগদা, বালিডোঙা, টেঙাবস্তী আদি শতাধিক গাঁও সামৰি ইটাখোলা কেন্দ্ৰত এখন আৰক্ষী থানা স্থাপনৰ বাবে স্বাধীনোত্তৰ কালৰ পৰাই ৰাইজে দাবী উত্থাপন কৰি আহিছে। প্ৰায় একলাখ বিভিন্ন জাতি জনগোষ্ঠীৰ লোক তথা চাহ জনগোষ্ঠী, বিহাৰী, বেংগলী, বড়ো, কছাৰী, ৰাভা, মিচিং, গোৰ্খা, ইছলাম আৰু ভাষিক অসমীয়া লোকেৰে পৰিপূৰ্ণ বৃহৎৰ অঞ্চলটোত নিতৌ নানা ধৰণৰ কূটাঘাতমূলক কাৰ্য সংগঠিত হোৱাৰ উপৰিও চুৰি-ডকাইতি, হত্যা-হিংসা আদিকে ধৰি বিভিন্ন অপৰাধমূলক কাৰ্য সংগঠিত হৈ আহিছে। অপৰাধীৰ ৰম্যভুমি হিচাপে পৰিচিত বৃহৎৰ অঞ্চলটোৰ জনসাধাৰণৰ জীৱণ আৰু সম্পত্তিৰ নিৰাপত্তাৰ স্বাৰ্থত ইটাখোলাৰ আৰক্ষী উপ চকীটোও কেৱল ঢাল তৰুৱাল বিহীন নিধিৰাম চৰ্দাৰ হৈ প্ৰায় ২৫ বৰ্গ কিলোমিটাৰ বৃহৎ এলেকাজোৰা অঞ্চলটোৰ জনসাধাৰণৰ বাবে এই আৰক্ষী নিৰিক্ষণ চকীটো পৰ্যাপ্ত নহয় বুলি মন্তব্য কৰিছে বৃহৎৰ নদুৱাৰ অঞ্চলৰ সচেতন নাগৰিক মহলে। প্ৰনিধান যোগ্য যে অঞ্চলটোৰ মূল থানাখন চতিয়াত থকা বাবেই চিজুছা, বালিজুৰি, জয়সিদ্ধিকে ধৰি অৰুনাচল সীমান্তৰ গাঁও সমুহত সংগঠিত যিকোনো অপৰাধমূলক কাৰ্যকলাপৰ ক্ষেত্ৰত চতিয়াৰ পৰা প্ৰায় ৪০ কিলোমিটাৰ দূৰত্ব অতিক্ৰম কৰি আৰক্ষীৰ লোকসকল গৈ পৰিস্থিতি নিয়ন্ত্ৰণ কৰা অথবা ঘটনাৰ তদন্ত কৰাৰ ক্ষেত্ৰত ব্যাপক সমস্যাৰ সৃষ্টি হয়। আনহাতে আৰক্ষীৰ দূৰ্বলতা তথা নিস্ক্ৰীয়তাৰ সুযোগ গ্ৰহণ কৰিয়েই বৃহতৰ ইটাখোলা অঞ্চলটো সম্প্ৰতি অসামাজিক কাৰ্যকলাপৰ ঘাটিত পৰিনত হোৱাৰ লগতে বিভিন্ন ধৰণৰ চোৰাং সামগ্ৰী আমদানি-ৰপ্তানি কৰাত উপযুক্ত এলেকাত পৰিনত হৈছে। উল্লেখযোগ্য যে, বিগত কংগ্ৰেছ চৰকাৰৰ দিনত শেষৰটো কাৰ্যকালত মানৱ অধিকাৰ সংস্থা হিউমেন ৰাইটচ একশ্যন কাউঞ্চিলৰ এটি সজাতি দলে সেই সময়ৰ গৃহবিভাগৰ দ্বায়িত্বত থকা মুখ্যমন্ত্ৰী তৰুন গগৈক সাক্ষাৎ কৰি এক স্মাৰক পত্ৰ যোগে ইটাখোলাত এটি পূৰ্ণাংগ আৰক্ষী থানা স্থাপনৰ দাবী জনোৱাত মুখ্যমন্ত্ৰী গৰাকীয়ে ছমাহৰ ভিতৰত ইটাখোলাত থানা স্থাপন কৰা হব বুলি প্ৰতিশ্ৰুতি প্ৰদান কৰিছিল আৰু পৰৱৰ্তী দিনত চৰকাৰী পক্ষৰ দ্বাৰা স্থান নিৰ্ণয় আৰু প্ৰয়োজনীয় ভূমি আৱন্টন কৰিবলৈকো জিলা উপায়ুক্ত আৰু আৰক্ষী অধীক্ষকক নিৰ্দেশ প্ৰদান কৰিছিল আৰু পিছত ভূমিও আবণ্টনো হৈছিল যদিও আজি পৰ্যন্ত বৃহৎৰ ইটাখোলা কেন্দ্ৰত আৰক্ষী থানা স্থাপন নহ’ল।