✍ ৰাজীৱ কমল শইকীয়া
আজি প্ৰায় চাৰিমাহ আমি কেৱল মৃত্যুৰ ধাৰাভাষ্য শুনি আছোঁ। উপায়ো নাই। অনুজীৱৰ ত্ৰাসত নিৰূপায় মানৱ কুল। দেশ-বিদেশৰ চিকিৎসা বিজ্ঞানী ব্যস্ত গৱেষণাগাৰত, যিমান পাৰি সোনকালে ৰোগটো নিৰ্মূল কৰি দিব পৰা ভেকচিন উদ্ভাৱনৰ, গৱেষণাত। চৰকাৰ-প্ৰশাসন নিৰবিচ্ছিন্নভাৱে ব্ৰতী দৰৱ নহালৈকে কভিড-১৯ৰ অতি দ্ৰুত সংক্ৰমণক, কি উপায়েৰে ৰোধ কৰিব পৰা যায় তাৰ কামত, তাৰ বাবে বিভিন্ন কৌশল প্ৰস্তুত, ৰূপায়ণ কৰাত। অৰ্থনীতিক গতি দিবলৈ লকডাউন ক্ৰমাৎ ঠাই বিশেষে শিথিল কৰা হৈছে। বেছিকৈ মানুহ আক্ৰান্ত হোৱা ঠাই সমূহত লকডাউন কঠোৰ কৰাও হৈছে। দেশো চলিব লাগিব, মানুহো বাচিব লাগিব।
