দৈনন্দিন বাৰ্তা ডিজিটেল ডেস্কঃ

কৰোনা মহামাৰীৰ সময়ত শৰীৰৰ ৰোগ প্ৰতিৰোধক ক্ষমতা বঢ়াবলৈ বহু স্বাস্থ্য বিশেষজ্ঞই বিভিন্ন ধৰণৰ সামগ্রী ব্যবহাৰৰ বিষয়ে উল্লেখ কৰাৰ সময়ত ছচিয়েল মিডিয়াত শগুণী লতাই ওপৰত বিশেষ চৰ্চা লাভ কৰিছে।কৰ’না ভাইৰাছৰ ঘৰুৱা প্ৰতিষেধক হিচাপে শগুণী লতাক ব্যৱহাৰ কৰিব পৰা যায় বুলি এচামে উল্লেখ কৰিছে যদিও কিন্তু কোন সময়ত আৰু কেনেকৈ শগুণী লতাক ব্যৱহাৰ কৰিলে আমাৰ শৰীৰৰ ৰোগ প্ৰতিষেধক ক্ষমতা বৃদ্ধি হ’ব সেয়া জানি লোৱা দৰকাৰ।
কৰ’না নিয়ন্ত্ৰণত সহায়ক হ’ব পাৰে শগুণী লতা !
বৰ্তমান সময়ত মহামাৰীৰ দৰে ভয়াৱহ পৰিস্থিতিত বহুেত শগুণী লতাক প্ৰতিষেধক হিচাপে ব্যাপকভাৱে ব্যৱহাৰ কৰা দেখা গৈছে৷ নামৰ দৰে শগুণী লতাৰ আছে শতাধিক গুণ, যিকোনো জ্বৰৰ বাবে ই এক মহৌষধ। মেলেৰিয়া, টাইফয়েড, চিকুনগুনিয়া, এনকেফেলাটিছ আদিত ইয়াক ব্যৱহাৰ কৰিব পৰা যায়। গতিকে কেতিয়া কিমান পৰিমাণে শগুণী লতাক  খালে আমাৰ অপকাৰ নহৈ ৰোগ ভাল হ’ব সেই বিষয়ে চিকিৎসকৰ পৰামৰ্শ লোৱা উচিত৷
কেনেকৈ ব্যৱহাৰ কৰিবঃ
শগুণী লতাই একমাত্র বনৌষধী যি বহুতো ৰোগ নিৰাময়ৰ ক্ষমতা ৰাখে। ইয়াৰ বৈজ্ঞানিক নাম Tinospora cordifolia। শগুণী লতা আয়ুৰ্বেদৰ আটাইতকৈ মহত্বপূৰ্ণ বনদৰব। প্ৰাপ্ত বয়স্ক লোকে ৬ ইঞ্চি দীঘল শগুণী লতাৰ ঠাৰি এডাল ৰাতি পানীত তীয়াই থৈ ৰাতিপুৱা সেই পানী খাব পাৰে নাইবা ইয়াক থেতেলি লৈ ৰস উলিয়াই খালে সুষম পোৱা যায় বুলি চৰ্চা হৈছে। যদিহে আপোনাৰ ঘৰৰ ওচৰে পাজৰে শগুণী লতাৰ গছ দেখিছে তেন্তে আজিয়েই ঘৰত আনি লগাওঁক আৰু ইয়াক সংৰক্ষণ কৰাৰ লগতে নিজৰ লগতে পৰিয়ালৰ স্বাস্থ্য ৰক্ষা কৰক।

দৈনন্দিন বাৰ্তা ডেস্ক :

প্ৰতিপক্ষ যিমানেই শক্তিশালী হওক কিয় ভাৰতৰ এক ইঞ্চি মাটি কোনেও কাঢ়ি নিব নোৱাৰে৷ লাডাখ সীমান্তত চীনৰ সৈতে সংঘাতক লৈ এইবাৰ এনেদৰে বাৰ্তা দিলে প্ৰতিৰক্ষা মন্ত্ৰী ৰাজনাথ সিঙে ৷ দুদিনীয়া লাডাখ আৰু জম্মু-কাশ্মীৰ ভ্ৰমণত গৈছিল প্ৰতিৰক্ষা মন্ত্ৰী ৷ শুকুৰবাৰে ভ্ৰমণৰ প্ৰথম দিনা লেহত উপস্থিত হয়৷ তাতে ভাৰতীয় জোৱানৰ উদ্দেশ্যি ভাষণ আগবঢ়াই এনেদৰে চীনক কঠোৰ বাৰ্তা দিয়ে ৷ মন্ত্ৰী সিঙে কয়, আলাপ আলোচনাৰ মাজেৰে সীমান্তৰ বিৰোধ মীমাংসা কৰা যাব ৷ সেই বিষয়ে নিশ্চিত কৰি একো ক’ব পৰা নাযাব৷ এটা কথা নিশ্চিতভাৱে ক’ব পাৰি, পৃথিৱীৰ কোনো শক্তিশালী দেশে আমাৰ এক ইঞ্চি মাটি কাঢ়ি নিব নোৱাৰে ৷ আলোচনাৰ মাধ্যমেৰে সমস্যা সমাধান হৈ গ’লে তাতকৈ একো ভাল নাই৷ যোৱা মাহত চীনৰ সৈতে সংঘৰ্ষত গালৱানত ২০ জন ভাৰতীয় সেনাই প্ৰাণ হেৰুৱাইছিল ৷ সেই জোৱানসকলৰ প্ৰতি গভীৰ শ্ৰদ্ধা জনায় মন্ত্ৰী সিঙে কয়, সম্প্ৰতি পিপি ১৪-এ ভাৰতীয় জোৱান আৰু চীনা সেনাৰ মাজত যি ঘটিছে, তাত সীমান্ত ৰক্ষা কৰোতে প্ৰাণ হেৰুৱাইছিল আমাৰ বহু কেইজন সেনাই ৷ আজি ইয়ালৈ আহি ভাল লাগিলেও তেওঁলোকৰ মৃত্যুত আমি শোকত বিহ্বল ৷ তেওঁলোকৰ প্ৰতি শ্ৰদ্ধা জনাইছো ৷ সেনাৰ কমাণ্ডাৰ পৰ্যায়ৰ বৈঠক শেষ হ’লেও সেনা আঁতৰোৱাৰ প্ৰশ্নত সকলো ঠাইত এতিয়াও একমত হ’ব পৰা নাই ভাৰত আৰু চীন ৷ সেই পৰিস্থিতিত শুকুৰবাৰে লাডাখত উপস্থিত হ’ল প্ৰতিৰক্ষা মন্ত্ৰী ৰাজনাথ সিং ৷ তাতে সেনা বিষয়াসকলক তেওঁ সাক্ষাৎ কৰে ৷ সীমান্তৱৰ্তী প্যাংগং হ্ৰদ সংলগ্ন সেনা বাহিনীৰ স্তাকনা আৰু লুকুং প’ষ্টলৈ তেওঁ যোৱাৰ কথা৷ প্যাংগং হ্ৰদৰ উত্তৰ-পশ্চিম দিশত লুকুং প’ষ্ট ৷ ফিংগাৰ-৪ৰ পৰা পথেৰে দূৰত্ব ৪৩ কিলোমিটাৰ ৷ এই ফিংগাৰ-৪ এলেকাৰ পৰা এই মুহূৰ্তত সেনা আঁতৰাব ভাৰত-চীনে ৷ লুকুঙত ভাৰতীয় সেনা আৰু ইন্দো-তিব্বত সীমান্ত আৰক্ষী (আইটিবিটি) যৌথভাৱে মোতায়েন কৰা হৈছে ৷ উল্লেখ্য যে মন্ত্ৰী ৰাজনাথ সিঙৰ লগত লেহত উপস্থিত হৈছিল সেনা প্ৰধান এম এম নৰবনে আৰু সেনা বাহিনীৰ চিফ অব ষ্টাফ জেনেৰেল বিপিন ৰাৱাট৷ তাতে সেনা বাহিনীৰ অনুশীলনত মন্ত্ৰী সিঙে ভাগ লয় ৷ লাডাখ ভ্ৰমণৰ পাছত মন্ত্ৰীসহ দলটো জম্মু-কাশ্মীৰৰ উদ্দেশ্যে ৰাওনা হয়৷ তাতে নিৰাপত্তা ব্যৱস্থাৰ পৰ্যালোচনা কৰে ৷ উল্লেখ্য যে যোৱা ৩ জুলাইত লাডাখত আকস্মিকভাৱে প্ৰধানমন্ত্ৰী নৰেন্দ্ৰ মোডী উপস্থিত হৈছিল ৷

দৈনন্দিন বাৰ্তা ডেস্ক :

মঙলবাৰ পৰ্যন্ত শচীন পাইলট আৰু তেওঁৰ অনুগামীৰ বিৰুদ্ধে কোনো ব্যৱস্থা লোৱা নহ’ব ৷ এই কথা শুকুৰবাৰে জনালে ৰাজস্থান উচ্চ ন্যায়ালয়ে৷ ‘‌দলবিৰোধী কাম’‌ৰ অভিযোগত পাইলট আৰু তেওঁৰ সংগীৰ বিধায়ক পদ খাৰিজ কৰাক লৈ কংগ্ৰেছ আৰু পাইলট শিবিৰৰ মাজত আইনি যুদ্ধ তুংগত উঠিছে৷ শচীন পাইলট আৰু তেওঁৰ অনুগামীসকলক বিধানসভা সদস্য পদ খাৰিজৰ জাননী দিছিল অধ্যক্ষই ৷ সেই জাননীৰ বিৰুদ্ধে আদালতত আবেদন দাখিল কৰে শচীন পাইলটে ৷ আবেদনখন লৰালৰিকৈ লিখাত বহু ভুলভ্ৰান্তি আছিল৷ হৰিশ ছালভেৰ আৰ্জিৰ ভিত্তিত বৃহস্পতিবাৰৰ ৰায়ত পাইলট শিবিৰক নতুন আবেদন জমা দিবলৈ সময় দিয়ে উচ্চ ন্যায়ালয়ে ৷ তাৎপর্যপূর্ণ যে পাইলট শিবিৰৰ পক্ষে গোচৰ চলাইছে বিজেপিৰ দুই ঘনিষ্ঠ অধিবক্তা মুকুল ৰোহতগি আৰু হৰিশ ছালভেয়ে৷ দুয়োজন বিজেপি আমোলাৰ অধিবক্তা আছিল ৷ ইয়াৰ বিপৰীতে কংগ্ৰেছৰ পক্ষত গোচৰটো চলাইছে কংগ্ৰেছ নেতা মন সিংভিয়ে ৷ শুকুৰবাৰে অধিবক্তা হৰিশ ছালভেয়ে কয় যে এজন বিধায়ক যিজনে তেওঁৰ মুখ্যমন্ত্ৰীৰ দুৰ্নীতিৰ বিৰুদ্ধে মুখ খুলিছে আৰু হাইকমাণ্ডক বিষয়টো জনাবলৈ চেষ্টা কৰিছে, সেইটো তেওঁৰ বাক স্বাধীনতা৷ বিদ্ৰোহ নহয় ৷ যদি চৰকাৰ পতন নিয়াবলৈ চেষ্টা কৰিছে তেনেহ’লে সেইটো দোষ হ’ব, কিন্তু দলৰ মাজত এজন দুৰ্নীতিগ্ৰস্থ মুখ্যমন্ত্ৰীক বিৰোধিতা কৰাৰ স্বাধীনতা অৱশ্যে আছে৷ বিধানসভাৰ সদস্য পদ খাৰিজ কৰা জাননী সম্পূৰ্ণ বেআইনী৷ নিজৰ বক্তব্য দিবৰ বাবে তেওঁক তিনিদিন সময় দিছে কংগ্ৰেছ শিবিৰে ৷ সিই অনুমতি দিছে আদালতে৷ সেয়ে এই তিনিদিন শচীন পাইলট আৰু তেওঁৰ অনুগামীৰ বিৰুদ্ধে কোনো ব্যৱস্থা লোৱা নাযাব৷ এই কথা আদালতে পৰিষ্কাৰ কৰি দিছে ৷