দৈনন্দিন বাৰ্তা ডেস্ক :
চীনৰ অতর্কিত আক্ৰমণত শ্বহীদ হয় ২০জন ভাৰতীয় জোৱান৷ চীনৰ আগ্রাসনৰ বিৰুদ্ধে প্ৰত্যুত্তৰ দিবলৈ প্ৰস্তুত ভাৰত৷ সেয়ে ভাাত-চীন সীমান্ত তথা প্ৰকৃত নিয়ন্ত্ৰণ ৰেখাত কৰ্মৰত ভাৰতীয় জোৱানৰ ক্ষেত্ৰত কিছু নিয়ম সলনি কৰিছে কেন্দ্ৰীয় চৰকাৰে৷ সলনি কৰা হৈছে ‘ৰুলছ অব এনগেজমেণ্ট’৷ প্ৰাপ্ত তথ্য মতে নতুন নিয়মত চূড়ান্ত পৰিস্থিতিত আগ্নেয়াস্ত্র ব্যৱহাৰ কৰাৰ ক্ষেত্ৰত কোনো বাধা নাথাকে সেনাবাহিনীৰ ওপৰত৷ প্ৰতিৰক্ষা মন্ত্ৰালয়ে ইতিমধ্যে এই নীতিক ইতিবাচক কৰি দিছে৷ ইমান দিনে প্ৰকৃত নিয়ন্ত্ৰণ ৰেখাত ভাৰত-চীন মুখামুখি হ’লেও আগ্নেয়াস্ত্র ব্যৱহাৰ কৰা নাছিল ভাৰতীয় সেনাবাহিনীয়ে৷ এইবাৰ সেই নিয়ম সম্পূৰ্ণ সলনি কৰিছে কেন্দ্ৰই৷ এতিয়াৰ পৰা প্ৰকৃত নিয়ন্ত্ৰণ ৰেখাত ভাৰতীয় সেনাক পূর্ণ স্বাধীনতা দিয়া হৈছে৷ ফলত চূড়ান্ত পৰিস্থিতিৰ সৃষ্টি হ’লে সেই পৰিস্থিতি নিয়ন্ত্ৰণ কৰিবলৈ স্বাধীনভাৱে সিদ্ধান্ত ল’ব পাৰিব৷
