শিৱসাগৰ সমষ্টিৰ বৰ্তমানৰ বিধায়ক তথা একালৰ ৰাজপথৰ আন্দোলনকাৰী নেতা অখিল গগৈৰ(Akhil Gogoi) বৰ্তমান কণ্ঠৰুদ্ধ নেকি?(Saffron politics) জিএমচিএমৰ পেইং কেবিনৰ পৰা এখনো নিৰ্বাচনী সভাত অংশ নোলোৱাকৈ দিছপুৰৰ এমএলএ হোষ্টেলৰ বাসিন্দা হোৱা নেতাজন আচলতে কাৰ আশীষধন্য।
একালৰ কৃষক মুক্তি সংগ্ৰাম সমিতিৰ one man army হিচাপে পৰিচিত বৰ্তমানৰ ৰাজনীতিক জনে হেৰুৱাইছে নেকি পূৰ্বৰ সংগ্ৰামী সত্তা।(Paying Cabin) বিভিন্ন সময়ত বিভিন্ন বিতৰ্কৰ ধুমুহাত পৰিবেষ্টিত হৈ থকা একালৰ ৰাজপথৰ নেতাগৰাকী বিজেপি দলৰ undercover সদস্য নেকি?
শিৱসাগৰ সমষ্টিৰ নিৰ্বাচনত এখনো জনসভাত অংশগ্ৰহণ নকৰা অখিল গগৈক ভাৰতীয় জনতা পাৰ্টিৰ নেতৃত্বই সহায় কৰিছিল নেকি ধনে জনে? এসময়ত মুখ্যমন্ত্ৰী ড০ হিমন্ত বিশ্ব শৰ্মাক ক্ষুৰধাৰ সমালোচনা কৰি বাতৰিৰ শিৰোনাম দখল কৰা ৰাজনীতিকজনে বৰ্তমান যেন আওপকীয়াকৈ বিজেপিৰ এজন সমৰ্থক।
বিগত উপ-নিৰ্বাচনৰ সময়ত কংগ্ৰেছ দলক নস্যাৎ কৰাত কোনোধৰণৰ কৃপনালী নকৰা নেতাজনে বৰ্তমান সংখ্যালঘু প্ৰধান অঞ্চলসমূহত বিৰোধীৰ ভোট বিভাজন আৰু গেৰুৱা দলটোৰ প্ৰতি ভোটাৰৰ আকৃষ্ট কৰাত সফল কাম হৈছে।
কৃষক মুক্তি সংগ্ৰাম সমিতিৰ একালৰ এজেণ্ডাসমূহ সমূলি আওকান ৰাইজৰ দলৰ সভাপতিগৰাকী ব্যস্ত গেৰুৱা বাহিনীৰ undercover সদস্য হিচাপে।
কাজিৰঙাৰ অৰ্কিড গাৰ্ডেন আৰু ধাবাৰ মালিক একালৰ ৰাজপথৰ বিল্পৱীগৰাকীয়ে বহুলাংশে হেৰুওৱাই পেলাইছে ৰাইজৰ আস্থা আৰু বিশ্বাস। সততে মুখ্যমন্ত্ৰীক সমালোচনা, শীৰ্ষ বিষয়াক কটূ মন্তব্য কৰা অখিল গগৈৰ মন্তব্যসমূহত ৰাইজে বিচাৰি পাইছে ৰাজনৈতিক কালাৰ।
অসম সন্মিলিত মঞ্চৰ স্থিতি থৰক-বৰক কৰি উপ-নিৰ্বাচনত বিজেপিৰ ৰেড কাৰ্পেট পাৰি দিয়াটো ৰাজনৈতিকভাৱে সফল হ’ল অখিল গগৈ। প্ৰচুৰ মেধাসম্পন্ন আৰু অধ্যয়নশীল অখিল গগৈৰ এনে ৰাজনৈতিক কাৰ্যকলাপে স্বাভাৱিকতেই চিন্তিত কৰিছে এসময়ৰ অখিল গগৈৰ সমৰ্থকসকলক।
জিএমচিএইচৰ পৰা এমএলএ কোৱাৰ্টাৰলৈ অহা আন্দোলনকাৰী নেতাজনৰ কাৰ্যকলাপে তেওঁ যে বিজেপিৰ সমৰ্থক হিচাপে ৰাজনীতি কৰি আছে সেয়া সূৰ্যৰ পোহৰৰ দৰে স্পষ্ট।(Nationalism is Yellow)
লোখকঃ শান্তনু ভূঞা (Shantanu Bhuyan)
