Home Blog Page 529

Pappu Yadav Attacks Himanta Biswa Sarma: দেওঘৰত হিমন্ত বিশ্ব শৰ্মাক এইয়া কি কলে পাপ্পু যাদৱে ?

By
দৈনন্দিন বাৰ্তা
-
0
pappu-yadav-attacks-himanta-biswa-sarma-deoghar-jharkhand
Pappu Yadav Attacks Himanta Biswa Sarma: দেওঘৰত হিমন্ত বিশ্ব শৰ্মাক এইয়া কি কলে পাপ্পু যাদৱে ?

দেওঘৰ, ২২অক্টোবৰ: সমাগত ঝাৰখণ্ড বিধানসভা নিৰ্বাচন (Jharkhand Assembly elections)। অহা ১৩ আৰু ২০ নবেম্বৰত দুটা পৰ্যায়ত অনুষ্ঠিত হ’ব ৰাজ্যখনৰ নিৰ্বাচন । তাৰ পূৰ্বে শাসক-বিৰোধী দুয়োটা শিবিৰেই বৃদ্ধি কৰিছে ৰাজনৈতিক তৎপৰতা । ইফালে ঝাৰখণ্ডৰ ৰাজনীতিত এইসময়ত চৰ্চিত এটা নাম হৈছে ড৹ হিমন্ত বিশ্ব শৰ্মা(Himanta Biswa Sarma) । ঝাৰখণ্ড নিৰ্বাচনৰ বাবে বিজেপিৰ সহ-ভাৰপ্ৰাপ্ত বিষয়া হিচাপে দ্বায়িত্ব দিয়া হৈছে অসমৰ মুখ্যমন্ত্ৰী হিমন্ত বিশ্ব শৰ্মাক । সেয়েহে ৰাজ্যখনৰ বিধানসভা নিৰ্বাচনৰ বাবে বিজেপিৰ ৰণনীতি তৈয়াৰ কৰাত ব্যস্ত অসমৰ মুখ্যমন্ত্ৰীগৰাকী ।

ৰাজ্যখনত শাসক বিৰোধী প্ৰতিটো ৰাজনৈতিক দলৰ নিৰ্বাচনী তৎপৰতাৰ মাজতে বিহাৰৰ পূৰ্ণিয়াৰ সাংসদ পাপ্পু যাদৱে অসমৰ মুখ্যমন্ত্ৰী হিমন্ত বিশ্ব শৰ্মাক উদ্দেশ্যি কৰিলে আক্ৰমণ (Pappu Yadav Attacks Himanta Biswa Sarma)। হিমন্ত বিশ্ব শৰ্মাক গুণ্ডা বুলি অভিহিত কৰি পাপ্পু যাদৱে কলে, হিমন্তই ঝাৰখণ্ডলৈ আহি গুণ্ডাগিৰি কৰিছে । দেওবাৰে সন্ধিয়া ঋাৰখণ্ডৰ দেওঘৰত উপস্থিত হোৱা পাপ্পু যাদৱে বিজেপিক আক্ৰমণ কৰি বহুকেইটা গুৰুত্বপূৰ্ণ ৰাজনৈতিক মন্তব্য কৰা পৰিলক্ষিত হ’ল ।

পাপ্পু যাদৱে বিজেপিক আক্ৰমণ কৰি কয় যে ঝাৰখণ্ডত ঝাৰখণ্ডৰ চৰকাৰ গঠন হ’লেহে ইয়াৰ জনসাধাৰণৰ বিকাশ সম্ভৱ হ’ব, দিল্লী আৰু অসমৰ মানুহে ইয়াৰ স্থানীয় ৰাইজৰ সমস্যা কেতিয়াও বুজিব নোৱাৰে । অসমৰ মুখ্যমন্ত্ৰী হিমন্ত বিশ্ব শৰ্মাক লক্ষ্য কৰি তেওঁ ইয়ালৈ আহি গুণ্ডাগিৰি কৰিছে বুলিও উল্লেখ কৰে । অসমৰ মুখ্যমন্ত্ৰীগৰাকীক তীব্ৰ সমালোচনা কৰি কলে, তেওঁ নিজৰ গুণ্ডাবোৰৰ জৰিয়তে ঝাৰখণ্ডত যিধৰণে চৰকাৰ গঠন কৰিব বিচাৰিছে, সেইয়া কেতিয়াও সম্ভৱ নহয়।

দেওঘৰত উপস্থিত হৈ পাপ্পু যাদৱে প্ৰথমে বাবা মন্দিৰত পূজা অৰ্চনা কৰাৰ পিছতে জেএমএমৰ কৰ্মীসকলৰ সৈতে এক বৈঠকত মিলিত হয় । বৈঠকৰ অন্তত সংবাদ মাধ্যমক সম্বোধন কৰি তেওঁ কয় যে এইবাৰ ঝাৰখণ্ডত হেমন্ত সোৰেনৰ(Hemant Soren) চৰকাৰ গঠন হোৱাটো নিশ্চিত । কাৰণ ঝাৰখণ্ডৰ ৰাইজে উপলব্ধি কৰিছে, যদি কোনোবাই ঝাৰখণ্ডৰ কল্যাণৰ হকে কাম কৰিব পাৰে, তেন্তে সেয়া কেৱল হেমন্ত সোৰেনেহে পাৰিব ।

Guwahati News: অন্ধকাৰ কোঠাত মাতৃৰ কংকালৰ সৈতে ৩ মাহ কি কৰিছিল পুত্ৰই?

By
দৈনন্দিন বাৰ্তা
-
0
Son Lives With Mother's Skeleton, Offers Food Daily Believing She Will Return to Life
Guwahati skeleton incident: মাতৃৰ কংকালৰ সৈতে দিনৰ পিছত দিন অতিবাহিত পুত্ৰৰ; কাষত শিৱৰ ফটো ৰাখি মৃত মাতৃক নিতৌ খাবলৈ দিছিল ৰুটি!

গুৱাহাটী, ২১ অক্টোবৰ: গুৱাহাটী মহানগৰীত শিহৰণকাৰী ঘটনা। ঠিক চিনেমাৰ শিহৰণকাৰী ঘটনাৰ দৰেই গুৱাহাটী মহানগৰীৰ জ্যোতিকুচিত এগৰাকী মাতৃৰ কংকালৰ সৈতে মানসিকভাবে অস্থিৰ পু্ত্ৰই মাহৰ পিছত মাহ কটোৱাৰ কথাই বহুতৰে হৃদয় কঁপাই তুলিছে(Guwahati News)। জ্যোতিকুচিৰ বাসিন্দা ৬৫ বছৰীয়া পূৰ্ণিমা দেৰ কংকাল দেওবাৰে আৰক্ষীয়ে উদ্ধাৰ কৰিবলৈ সক্ষম হয়(shocking news Guwahati)। সন্দেহ কৰা অনুসৰি প্ৰায় ২-৩ মাহ পূৰ্বেই মহিলাগৰাকীৰ মৃত্যু ঘটিছিল আৰু তেওঁৰ মানসিৰভাবে অস্তিৰ পুত্ৰই মাতৃৰ মৃতদেহৰ কাষতে দিনৰ পিছত দিন ধৰি কটাইছিল(Guwahati man lives with skeleton)।

ওচৰ- চুবুৰীয়াই জানিবলৈ দিয়া অনুসৰি জয়দ্বীপৰ আক্ৰমণাত্মক আচৰণৰ বাবে তেওঁলোকৰ ঘৰলৈ নগৈছিল কোনো লোক। তাৰোপৰি তেওঁলোকৰ আত্মীয়- স্বজ্বনেই ঘৰখনলৈ অহা বন্ধ কৰিছিল। সেয়েহে ঘৰৰ ভিতৰত কি ঘটি আছে সেয়া জানিবলৈকো আগ্ৰহী নাছিল ওচৰ- চুবুৰীয়া কিম্বা আত্মীয়- স্বজ্বন । অৱশ্যে তাৰ মাজতে ওচৰ- চুবুৰীয়াই জয়দ্বীপক দেখিলে তেওঁৰ মাতৃৰ খা খবৰ লৈছিল। তেনে প্ৰশ্নৰ মুখামুখী হ’লে জয়দ্বীপেও তেওঁৰ মাতৃ ভালে থকা বুলিয়ে কৈ আহে যদিও যোৱা কিছুদিন ধৰি ওচৰ- চুবুৰীয়া লোকসকলৰ মনতো কিছু সন্দেহৰ সৃষ্টি হৈছিল । কিয়নো বিগত প্ৰায় ৩-৪ মাহে মহিলাগৰাকীক কোনোৱে প্ৰত্যক্ষ কৰা নাছিল আৰু তেওঁলোকৰ ঘৰৰ চৌপাশটোও জংঘলেৰে আঁৱৰি ধৰিছিল।

মাজতে ঘৰখনৰ কাষৰে এজন লোকে জয়দ্বীপক তেওঁলোকৰ ঘৰখনৰ চৌপাশটো পৰিস্কাৰ কৰাৰ কথা কৈছিল যদিও তেওঁঅকলে চাফা কৰিবলৈ অপাৰগ বুলি কয়। সেই সময়তে লোকজনে জয়দ্বীপৰ মাতৃৰ বিষয়ে সোধাত তেওঁৰ মাতৃ দেউতাকৰ ওচৰলৈ যোৱা বুলি লোকজনক জনাইছিল । কিন্তু কেইবছৰমানৰ পূৰ্বেই জয়দ্বীপৰ পিতৃৰ মৃত্যু হৈছিল। জয়দ্বীপৰ এই ভাষ্যৰ পাছতেই তেওঁৰ ওপৰত ওচৰ- চুবুৰীয়াৰ অধিক সন্দেহ ঘনীভূত হ’ল(Jyotikuchi Guwahati incident)।

দেওবাৰে ওচৰ চুবুৰীয়াৰ একাংশ লোকে পূৰ্ণিমা দে’ৰ খবৰ লোৱাৰ উদ্দেশ্যে ঘৰটোত বলপূৰ্বকভাৱে সোমাব বিচাৰিছিল যদিও জয়দ্বীপে ঘৰটোত সোমোৱাত বাধা দিয়ে(Mental illness and crime ) । ইয়াৰ পাছতে ওচৰ-চুবুৰীয়া লোকসকলে সমগ্ৰ ঘটনা সন্দৰ্ভত ফটাশিল আৰক্ষীক অৱগত কৰে । ঘটনাৰ খবৰ পাই সেই স্থানত আৰক্ষী উপস্থিত হৈ কোঠাটোত প্ৰবেশ কৰি নৰকংকালটো প্ৰত্যক্ষ কৰে(Jyotikuchi woman found dead) । লগে লগে সমগ্ৰ ঘটনাক লৈ অঞ্চলটোত তীব্ৰ চাঞ্চল্যৰ সৃষ্টি হয় ।

ইয়াৰ পাছতে ঘটনাস্থলীত মহানগৰ আৰক্ষীৰ শীৰ্ষ বিষয়া, CID দলৰ উপৰিও ফৰেন্সিকৰ এটা দল উপস্থিত হৈ নৰকংকালটো পৰীক্ষা কৰে । লগতে মানসিকভাৱে বিকাৰগ্ৰস্ত পুত্ৰ জয়দ্বীপক আৰক্ষীয়ে আটক কৰি সোধা-পোছাৰ বাবে থানলৈ লৈ যায় ।

ইফালে মাতৃৰ কংকালৰ সৈতে একেলগে বাস কৰা পুত্ৰৰ কথা বতৰাক লৈ এতিয়া বহুতৰে সন্দেহ হৈছে। বহুতে সন্দেহ কৰা অনুসৰি কোনো দুষ্ট চক্ৰই হয়তো সম্পত্তিৰ লোভতে মানসিকভাবে অস্থিৰ পুত্ৰৰ(mentally unstable son) হতুৱাই মহিলাগৰাকীক হত্যা কৰিছে। ইপিনে মৃত মহিলাগৰাকীৰ পুত্ৰ জয়দ্বীপে আৰক্ষীৰ ওচৰত কৰিছে কেতবোৰ চাঞ্চল্যকৰ মন্তব্য। দেওবাৰে আৰক্ষীয়ে কংকালটো উদ্ধাৰ হোৱাৰ সময়ত কংকালৰ কাষতে উদ্ধাৰ হৈছিল এখন শিৱৰ ফটো, কিছু পূজাৰ সামগ্ৰী আৰু ৰুটিৰ টুকুৰা। আৰক্ষীৰ জেৰাত পূৰ্ণিমা দে’ৰ মানসিকভাৱে অস্থিৰ পুত্ৰই দিছে কেতবোৰ চাঞ্চল্যকৰ স্বীকাৰোক্তি। মাকৰ কংকালৰ সন্মুখত সদায়ে পূজা কৰিছিল জয়দ্বীপে। মাক জীয়াই উঠিব বুলি মৃতা মাকক ৰুটিও দিছিল পুত্ৰই। ইতিমধ্যে গড়চুক আৰক্ষীয়ে বিভিন্ন দিশৰ পৰা ঘটনাটোৰ তদন্ত কৰি আছে। তদন্তৰ পিছতহে স্পষ্ট হ’ব ঘটনাৰ প্ৰকৃত ৰহস্য কি।

Behali Congress । বিহালীত কংগ্ৰেছ দলত সংঘাত :: জয়ন্ত বৰাক কংগ্ৰেছ দলীয় টিকট নিদিবলৈ আহ্বান তৃণমুল কংগ্ৰেছৰ প্ৰতিবাদ…

By
দৈনন্দিন বাৰ্তা
-
0
Behali Congress । বিহালীত কংগ্ৰেছ দলত সংঘাত :: জয়ন্ত বৰাক কংগ্ৰেছ দলীয় টিকট নিদিবলৈ আহ্বান তৃণমুল কংগ্ৰেছৰ প্ৰতিবাদ...
Behali Congress । বিহালীত কংগ্ৰেছ দলত সংঘাত :: জয়ন্ত বৰাক কংগ্ৰেছ দলীয় টিকট নিদিবলৈ আহ্বান তৃণমুল কংগ্ৰেছৰ প্ৰতিবাদ...


গুৱাহাটী, ২১ অক্টোবৰ:  প্ৰাৰ্থীত্ব কেন্দ্ৰিক সংঘাত অব্যাহত আছে বিহালীত, কোনোৱে বিচাৰে জয়ন্ত বৰাক আন কোনোৱে বিচাৰে চি পি আই এম এলৰ প্ৰাৰ্থীক । বিহালী সমষ্টিত প্ৰাৰ্থীত্ব দিয়াৰ ক্ষেত্ৰত বিপাঙত পৰিছে কংগ্ৰেছ দল। (Behali Congress)

ইফালে ১৩ নৱেম্বৰ অনুষ্ঠিত হ’বলগীয়া উপনিৰ্বাচনৰ বাবে শাসকীয় দল বিজেপিয়ে পঞ্চায়তে পঞ্চায়তে চলাই আছে মাৰাথান প্ৰচাৰ । ইফালে, বিৰোধী অসম সন্মিলিত মঞ্চৰ মিত্ৰদল সমুহৰ মাজত দেখা গৈছে প্ৰাৰ্থীত্বকেন্দ্ৰীক টনা আজোৰা । এফালে, চি.পি.আই.এম.এল দলে আসন এৰি দিয়াৰ বাবে হেচা প্ৰয়োগ কৰিছে আনফালে একাংশ কংগ্ৰেছ কৰ্মীয়ে সমষ্টিটো আন দলক নিদি নিজা প্ৰাৰ্থী প্ৰদান কৰিবলৈ দাবী কৰিছে ।

শেহতীয়াকৈ কংগ্ৰেছ দলে সদ্য বিজেপি ত্যাগী নেতা জয়ন্ত বৰাক টিকট প্ৰদান কৰাৰ চৰ্চা চলাৰ লগে লগে বিশ্বনাথ জিলা কংগ্ৰেছত দেখা গৈচে তীব্ৰ বিসম্বাদ।জিলা কংগ্ৰেছৰ সভাপতি দিলীপ বৰুৱাই জয়ন্ত বৰাক টিকট প্ৰদান কৰিলে মুণ্ডন প্ৰতিবাদ কৰাৰ হুংকাৰ দিয়াৰ বিপৰীতে বিহালী সমষ্টিৰ তৃণমুল পৰ্যায়ৰ কংগ্ৰেছ কৰ্মী সকলে জয়ন্ত বৰাক মুকলি সমৰ্থন আগবঢ়াই জিলা কংগ্ৰেছৰ সভাপতি গৰাকীক ভৱিষ্যতে বিহালীত প্ৰৱেশ নিষিদ্ধ ঘোষণা কৰিছে।

ইফালে, তৃণমুল পৰ্যায়ৰ কৰ্মী সকলে জিলা সভাপতি গৰাকীৰ নিজৰ মূৰতে চুলি নাই তেওঁ কি মুণ্ডন প্ৰতিবাদ কৰিব বুলি কটাক্ষ কৰে। আনহাতে, জয়ন্ত বৰাক যদিহে টিকট প্ৰদান নকৰে তেন্তে সমষ্টিৰ সকলো সংখ্যালঘু লোকে আগন্তুক উপ নিৰ্বাচনত ক‌ংগ্ৰেছ দলক প্ৰত্যাখ্যান কৰাৰ হুংকাৰ দিয়ে। সদ্য বিজেপি ত্যাগী নেতা জয়ন্ত বৰাক কংগ্ৰেছ দলে প্ৰাৰ্থীত্ব প্ৰদান কৰাৰ চৰ্চা চলাৰ লগে লগে আজি বিয়লি ৪ মান বজাত বিহালী বিধানসভা সমষ্টিৰ ব্ৰহ্মপুত্ৰ চাপৰিত একাংশ কংগ্ৰেছ কৰ্মীয়ে জয়ন্ত বৰাক প্ৰাৰ্থীত্ব প্ৰদান নকৰিবলৈ তীব্ৰ প্ৰতিবাদ সাব্যস্ত কৰে।

Bhaona Performance: কলাক্ষেŽত্ৰত ‘কুৰ্ম অৱতাৰ’ ভাওনা প্ৰদৰ্শন

By
দৈনন্দিন বাৰ্তা
-
0
Bhaona Performance: কলাক্ষেŽত্ৰত ‘কুৰ্ম অৱতাৰ’ ভাওনা প্ৰদৰ্শন
যুৱ-অভিনেতা ৰূপজিৎ কলিতাক লক্ষেশ্বৰ হাজৰিকা যুৱ অনুপ্ৰেৰণা বঁটা’ ›প্ৰদান

গুৱাহাটী, ২১ অক্টোবৰ: দেৱবাদ্যৰ শব্দ, দোহাৰ, ভাওনাৰ বচনৰে মুখৰিত হৈ পৰিল শ্ৰীমন্ত শংকৰদেৱ কলাক্ষেত্ৰৰ শ্ৰীশ্ৰী মাধৱদেৱ আন্তৰ্জাতিক প্ৰেক্ষাগৃহ। শনিবাৰে মঞ্চস্থ হয় কুৰ্ম অৱতাৰ(Kurma Avatar) শীৰ্ষক এখন ভাওনা(Bhaona Performance)।সমাজ সচেতক এগৰাকী ব্যক্তি তথা সাংস্কৃতিক কৰ্মী প্ৰয়াত লক্ষেশ্বৰ হাজৰিকাৰ সোঁৱৰণত তেওঁৰ পৰিবাৰ নিবেদিতা হাজৰিকা আৰু পৰিয়ালবৰ্গৰ লগতে বেচৰকাৰী স্বেচ্ছাসেৱী অনুষ্ঠান ‘স্পন্দন… শব্দৰ পৰা হৃদয়লৈ’-এ(Spandan… Shabdar Para Hridaylai) এইভাগ ভাওনা আগবঢ়াইছে বুলি উদ্যোক্তাসকলে জানিবলৈ দিছে।

শ্ৰীমন্ত শংকৰদেৱ কলাক্ষেŽত্ৰত যোৰহাটৰ ‘পাঞ্চজন্য নাট্যগোষ্ঠী’ৰ ‘‘কুৰ্ম অৱতাৰ’’ ভাওনা ›প্ৰদৰ্শন

১৯ অক্টোবৰত শ্ৰীমন্ত শংকৰদেৰ কলাক্ষেত্ৰৰ মাধৱদেৱ প্ৰেক্ষাগৃহৰ মঞ্চত সম্পূৰ্ণ মহাপুৰুষীয়া নীতি-নিয়মেৰে প্ৰদৰ্শন কৰা হ’ল ‘কুৰ্ম অৱতাৰ’ শীৰ্ষক ভাওনাভাগি। ‘লক্ষেশ্বৰ হাজৰিকা সোঁৱৰণী মঞ্চ’ৰ উদ্যোগত আৰু ‘স্পন্দন… শব্দৰ পৰা হৃদয়লৈ’ৰ সহযোগত আয়োজিত ভাওনা পৰিৱেশনৰ অনুষ্ঠানটোত সাংস্কৃতিক নগৰী যোৰহাটৰ মাজ-মজিয়াৰ মালৌআলি, কমলাবৰীয়াৰ ‘পাঞ্চজন্য নাট্যগোষ্ঠী’য়ে সুন্দৰকৈ পৰিবেশন কৰিলে ‘কুৰ্ম অৱতাৰ’ শীৰ্ষক ভাওনাভাগি।

ভাওনাভাগৰ পৰিচালনা পূৰ্ণানন্দ দত্তৰ। দোহাৰ মনোৰঞ্জন বৰা, ৰক্তিম শংকু বৰা আৰু সংগীবৃন্দৰ। ২০০৪তে প্ৰতিষ্ঠা হোৱা যোৰহাটৰ পাঞ্চজন্য নাট্যগোষ্ঠী অসমৰ বিভিন্ন স্থানত ভাওনা প্ৰদৰ্শন কৰি সমাদৃত হোৱাৰ লগতে প্ৰতিযোগিতামূলক ভাওনাত বহুবাৰ শ্ৰেষ্ঠ আসন লাভ কৰিবলৈ সক্ষম হৈছে।

মাজুলীৰ আউনীআটী সত্ৰৰ ভাওনা সমাৰোহতো দুবাৰকৈ শ্ৰেষ্ঠ দলৰ সন্মান লাভ কৰি ৰাইজৰ দৃষ্টি আকৰ্ষণ কৰিবলৈ সক্ষম হৈছে। আধ্যাত্মিক আৰু সাত্ত্বিক ভাবাদৰ্শৰে সংস্কৃতিৰ প্ৰচাৰ তথা প্ৰসাৰ কৰি সমাজত এক সুস্থ সাংস্কৃতিক পৰিবেশ সূচনাৰ ক্ষেত্ৰত দলটোৱে উল্লেখযোগ্য ভূমিকা লৈ আহিছে।

জন্ম লগ্নৰে পৰা দলটিৰ শিল্পীসকলে শ্ৰীমন্ত শংকৰদেৱৰ সৃষ্টিৰাজিৰ অনুশীলন অব্যাহত ৰাখি প্ৰজন্মৰ পৰা প্ৰজন্মলৈ আগুৱাই গৈছে। শিল্পীসকলৰ অভিনয়ৰ লগতে মুখা, সাজ-সজ্জা আদি ‘গুৱাহাটীবাসীৰ বাবে আছিল আকৰ্ষণৰ কেন্দ্ৰবিন্দু। ১৯ অক্টোবৰে পুৱা ভকতসকলৰ দ্বাৰা মাহ-প্ৰসাদ আগবঢ়াই নাম-প্ৰসংগৰে মঞ্চত অস্থায়ীভাবে প্ৰতিষ্ঠা কৰা হয় গুৰুআসন।

দুপৰীয়া নাট তথা ভাওনাৰ মুখা আদৰণি। ‘স্পন্দন… শব্দৰ পৰা হৃদয়লৈ’ৰ সভাপতি ময়ূৰী দত্তই আঁত ধৰা অনুষ্ঠানটিত সন্ধিয়া প্ৰদৰ্শিত হোৱা ‘কুৰ্ম অৱতাৰ’ ভাওনা উদ্বোধন কৰে মুখ্য অতিথি হিচাপে উপস্থিত থকা জ্যেষ্ঠ সাংবাদিক নিতুমণি শইকীয়া আৰু বিশিষ্ট অভিনেত্ৰী সাগৰিকা গোস্বামীয়ে। ভাওনা ভাগ উপভোগ কৰি উপস্থিত দৰ্শক ৰাইজ আপ্লুত হৈ পৰে।

ভাওনা পৰিৱেশনৰ আগতে এই অনুষ্ঠানতে যোৰহাটৰ যুৱ-অভিনেতা ৰূপজিৎ কলিতাক প্ৰদান কৰা হয় ‘লক্ষেশ্বৰ হাজৰিকা যুৱ অনুপ্ৰেৰণা বঁটা ২০২৪’। লগতে যোৰহাটৰে জ্যেষ্ঠ লোকশিল্পী উজ্জ্বল কুমাৰ দত্তক বিশেষ সম্বৰ্ধনা জ্ঞাপন কৰা হয়। বঁটাসমূহ প্ৰদান কৰে জ্যেষ্ঠ সাংবাদিক নিতুমণি শইকীয়া আৰু অভিনেত্ৰী সাগৰিকা গোস্বামীয়ে।

Guwahati City Chess Championship 2024: গুৱাহাটী চিটি দবা শ্বেম্পিয়নশ্বিপতভৌমিক, আমেয়া, সাৰস্বত আৰু চাৰ্ভীশ্ৰী বৰ্মন চেম্পিয়ন

By
দৈনন্দিন বাৰ্তা
-
0
Guwahati City Chess Championship 2024: গুৱাহাটী চিটি দবা শ্বেম্পিয়নশ্বিপতভৌমিক, আমেয়া, সাৰস্বত আৰু চাৰ্ভীশ্ৰী বৰ্মন চেম্পিয়ন
Guwahati City Chess Championship 2024: গুৱাহাটী চিটি দবা শ্বেম্পিয়নশ্বিপতভৌমিক, আমেয়া, সাৰস্বত আৰু চাৰ্ভীশ্ৰী বৰ্মন চেম্পিয়ন

গুৱাহাটী, ২১ অক্টোবৰ: গুৱাহাটী চিটি দবা সন্থাৰ উদ্যোগত ১৯-২০ অক্টোবৰত গুৱাহাটী-২১ৰ আৰজি বৰুৱা পথত অৱস্থিত শিক্ষক ভৱনত অনুষ্ঠিত হোৱা অনুৰ্দ্ধ ৯ বছৰ আৰু অনুৰ্দ্ধ বছৰ ১৩ বছৰ শাখাৰ গুৱাহাটী চিটি দবা শ্বেম্পিয়নশ্বিপৰ(Guwahati City Chess Championship 2024) সামৰণি পৰে শ্ৰেণী। ১৩ বছৰ অনুৰ্দ্ধ ল’ৰা শাখাত ভৌমিক কিশোৰ দাস, ১৩ বছৰ অনুৰ্দ্ধৰ ছোৱালী শাখাত আমেয়া গুপ্তা, ৯ বছৰ অনুৰ্দ্ধৰ ল’ৰা শাখাত সৰস্বত ডেকা আৰু ৯ বছৰ অনুৰ্দ্ধৰ ছোৱালীৰ শাখাত চাৰ্ভি বৰ্মন চেম্পিয়ন হয়।


১৩ বছৰ অনুৰ্দ্ধ শাখাত ভৌমিক কিশোৰ ডেকাই ৬ ৰাউণ্ডৰ পৰা ৬ পইণ্ট লাভ কৰি চেম্পিয়ন হয়। সম সংখ্যক ৰাউণ্ডৰ পৰা ৫ পইণ্ট লাভ কৰি আনিশ গোস্বামীয়ে দ্বিতীয় স্থান লাভ কৰে। হৰ্ষ দীপ ডেকা আৰু আৰহান ৰহমান বৰাইও ৫ পইণ্টকৈ লাভ কৰি টাই ব্ৰেক স্ক’ৰৰ ভিত্তিত ক্ৰমে তৃতীয় আৰু চতুৰ্থ স্থান ঘোষণা কৰে। নীহাৰ দাসে ৪.৫ পইণ্ট লাভ কৰি ১১ বছৰ অনুৰ্দ্ধ শাখাত প্ৰথম স্থান লাভ কৰে আৰু চাণক্য মেধিয়ে ১১ বছৰ অনুৰ্ধ শাখাত ৪ পইণ্ট লাভ কৰি দ্বিতীয় স্থান লাভ কৰে।


৫ ৰাউণ্ডৰ পৰা ৫ পইণ্ট সংগ্ৰহ কৰি ১৩ বছৰ অনুৰ্ধৰ ছোৱালী শাখাত খিতাপ দখল কৰিবলৈ সক্ষম হয় আমেয়া গুপ্তাই। ঋতিশা মায়ৰা ৰাজবংশীয়ে ৪ পইণ্ট লাভ কৰি দ্বিতীয় স্থান লাভ কৰে। নিষ্ঠা শইকীয়াইও ৪ পইণ্ট লাভ কৰিছিল যদিও টাই ব্ৰেক স্ক’ৰৰ ভিত্তিত তৃতীয় স্থানত ঘোষণা কৰে। প্ৰতিধ্বনি সন্দিকৈ ৩ পইণ্ট সংগ্ৰহ কৰি চতুৰ্থ স্থান লাভ কৰে। ১১ বছৰ অনুৰ্ধৰ ছোৱালীৰ শাখাত ৩ আৰু ২.৫ পইণ্ট লাভ কৰি প্ৰথম আৰু দ্বিতীয় স্থান লাভ কৰে আৰিয়ানা কাশ্যপ আৰু হৰিপ্ৰিয়া বৰাই।


অনূৰ্ধ্ব-৯ বছৰ লৰা শাখাত সৰস্বত ডেকাই অপৰাজিত হৈ থাকি ৬ ৰাউণ্ডৰ পৰা ৬ পইণ্ট লাভ কৰি চেম্পিয়ন হয়। ৫ পইণ্ট লাভ কৰি দ্বিতীয় স্থান লাভ কৰে প্ৰাচুৰ্য্য চাংমাই। মাহিৰ জৈন আৰু হ্ৰেয়াশ ডেকাইও ৫ পইণ্টকৈ লাভ কৰে যদিও টাই ব্ৰেক স্ক’ৰৰ ভিত্তিত ক্ৰমে তৃতীয় আৰু চতুৰ্থ স্থান ঘোষণা কৰে। ৭ বছৰ অনুৰ্ধৰ শাখাত ৪ পইণ্টকৈ লাভ কৰি ৰেয়ান নোবিছ আৰু সূৰ্য্যংশু শইকীয়াই প্ৰথম আৰু দ্বিতীয় স্থান লাভ কৰে।


৯ বছৰ অনুৰ্ধ ছোৱালী শাখাত ৫ ৰাউণ্ডৰ পৰা ৪.৫ পইণ্ট লাভ কৰি চেম্পিয়ন হয় চাৰ্ভি শ্ৰী বৰ্মন। ধান্যতা গোস্বামী আৰু ধানীক্ষা দাস দুয়োজনে ৪ পইণ্ট লাভ কৰি ক্ৰমে দ্বিতীয় আৰু তৃতীয় স্থান লাভ কৰে। আব্ৰি নাইলা বৰাই ৩.৫ পইণ্ট সংগ্ৰহ কৰি চতুৰ্থ স্থান লাভ কৰে।
চানভি কাশ্যপ আৰু ধান্যতা শৰ্মাই ৩ পইণ্টকৈ লাভ কৰি ৭ বছৰ অনুৰ্ধৰ ছোৱালী শাখাত প্ৰথম আৰু দ্বিতীয় স্থান লাভ কৰে।


মুঠ ১২১গৰাকী খেলুৱৈয়ে এই চেম্পিয়নশ্বিপত অংশগ্ৰহণ কৰে। ল’ৰা আৰু ছোৱালী উভয় শাখাৰ ১৩ বছৰ অনুৰ্ধ আৰু ৯ বছৰ অনুৰ্ধ শাখাৰ শীৰ্ষ চাৰিগৰাকী খেলুৱৈক আগন্তুক সদৌ অসম আন্তঃজিলা দবা চেম্পিয়নশ্বিপত ১৩ বছৰ অনুৰ্ধ আৰু ৯ বছৰ অনুৰ্ধ শাখাত গুৱাহাটীক প্ৰতিনিধিত্ব কৰিবলৈ নিৰ্বাচিত কৰা হৈছে।(World Chess Champion)

ফিডে আৰ্বিটাৰ প্ৰণৱ কুমাৰ নাথে মুখ্য আৰ্বিটাৰ হিচাপে পৰিচালনা কৰা প্ৰতিযোগিতাখনত তেওঁক সহায় কৰে আন্তঃৰাষ্ট্ৰীয় আৰ্বিটাৰ মনিমালা সিনহা, জ্যেষ্ঠ ৰাষ্ট্ৰীয় আৰ্বিটাৰ খনিন্দ্ৰ বৰ্মন, ৰাষ্ট্ৰীয় আৰ্বিটাৰ শংকৰ বৰুৱা আৰু প্ৰয়াগ হাজৰিকাই। (Grandmaster)
কামৰূপ মেট্ৰ’ৰ জিলা ক্ৰীড়া বিষয়া পুষ্পন্দু দাসে মুখ্য অতিথি হিচাপে পুৰস্কাৰ বিতৰণ অনুষ্ঠানত অংশগ্ৰহণ কৰে।

পুৰস্কাৰ বিতৰণ কৰে জিএমডিএৰ উপাধ্যক্ষ তথা গুৱাহাটী চিটি দবা সন্থাৰ সভাপতি মুকুটা ডেকা, গুৱাহাটী চিটি দবা সন্থাৰ কাৰ্যকৰী সভাপতি ড০ শিবেন দত্ত, অনন্ত গোস্বামী আৰু ড০ দেৱজিৎ শৰ্মা, গুৱাহাটী চিটি দবা সন্থাৰ উপ-সভাপতি আৰু সুজা উল ইছলাম হাজৰিকা, গুৱাহাটী চিটি দবা সন্থাৰ কোষাধ্যক্ষ।(Singapore Chess Federation)

Dholai । ধলাই বিধানসভাৰ উপ-নিৰ্বাচনত নিৰ্দলীয় প্ৰাৰ্থী হিচাপে প্ৰতিদ্বন্দ্বিতা কৰিব বিজেপি দলত্যাগী অমিয় কান্তি দাসে

By
দৈনন্দিন বাৰ্তা
-
0
Dholai । ধলাই বিধানসভাৰ উপ-নিৰ্বাচনত নিৰ্দলীয় প্ৰাৰ্থী হিচাপে প্ৰতিদ্বন্দ্বিতা কৰিব বিজেপি দলত্যাগী অমিয় কান্তি দাসে
Dholai । ধলাই বিধানসভাৰ উপ-নিৰ্বাচনত নিৰ্দলীয় প্ৰাৰ্থী হিচাপে প্ৰতিদ্বন্দ্বিতা কৰিব বিজেপি দলত্যাগী অমিয় কান্তি দাসে

দৈনন্দিন বাৰ্তাৰ সেৱা,শিলচৰ, ২১ অক্টোবৰ : ধলাই বিধানসভা সমষ্টিৰ উপ নিৰ্বাচনত টিকিক নেপাই শেহতীয়াকৈ বিজেপিৰ পৰা পদত্যাগ কৰা অমিয় কান্তি দাসে ধলাই বিধানসভাৰ উপ-নিৰ্বাচনত নিৰ্দলীয় প্ৰাৰ্থী হিচাপে প্ৰতিদ্বন্দ্বিতা কৰাৰ কথা ঘোষণা কৰিছে।(Dholai)

নিশা ধলাইৰ নৰসিংপুৰত অনুষ্ঠিত হোৱা বৈঠকত তেওঁ এই কথা ঘোষণা কৰে । অমিয় কান্তি দাসে কয়, “মই দীৰ্ঘদিন ধৰি মানুহৰ বাবে কাম কৰি আহিছো। দলটোৰ বাবে কাম কৰাৰ পিছতো দলটোৱে মোৰ অৱদানক উপযুক্ত স্বীকৃতি নিদিলে। গতিকে দল এৰি নিৰ্দলীয় প্ৰাৰ্থী হিচাপে নিৰ্বাচনত অৱতীৰ্ণ হোৱাৰ সিদ্ধান্ত লৈছি। মোৰ উদ্দেশ্য ধলাইবাসীৰ সেৱা কৰা আৰু তেওঁলোকৰ উন্নয়নৰ বাবে কাম কৰা।” তেওঁ কয়, সাম্প্ৰতিক ৰাজনৈতিক পৰিস্থিতিত দলৰ শীৰ্ষ নেতৃত্বৰ সিদ্ধান্তৰ সৈতে একমত নহয় । সেই কাৰণেই তেওঁ দলৰ সকলো পদ আৰু সদস্যপদৰ পৰা পদত্যাগ কৰে। অমিয় কান্তি দাসৰ এই সিদ্ধান্তই ধলাই সমষ্টিত ৰাজনৈতিক উত্তেজনা বৃদ্ধি কৰিছে।

ৰাজনৈতিক বিশ্লেষকসকলৰ মতে , বিজেপিৰ প্ৰাক্তন নেতাগৰাকীৰ এই পদক্ষেপে উপ-নিৰ্বাচনত নতুন সমীকৰণৰ সৃষ্টি কৰিব পাৰে। ধলাইৰ সাধাৰণ ৰাইজেও এই বিষয়ত বিভিন্ন প্ৰতিক্ৰিয়া প্ৰকাশ কৰে। কোনো কোনোৱে অমিয় কান্তি দাসৰ এই সাহসী পদক্ষেপক সমৰ্থন কৰাৰ বিপৰীতে আন কোনোৱে তেওঁৰ সিদ্ধান্তক সমালোচনা কৰে। তেওঁৰ এই নতুন ভূমিকাই আগন্তুক উপ-নিৰ্বাচনত কি প্ৰভাৱ পেলাব সেয়া হ’ব লক্ষ্যণীয়।

Side Effects Of Newspaper: সাৱধান! বাতৰি কাকতত পকৰি খাই নেকি? ডাক্তৰে দিলে সতৰ্কবাণী

By
দৈনন্দিন বাৰ্তা
-
0
Side Effects Of Newspaper: সাৱধান! বাতৰি কাকতত পকৰি খাই নেকি
Side Effects Of Newspaper: সাৱধান! বাতৰি কাকতত পকৰি খাই নেকি

বাতৰি কাকতত ৰখা গৰম পকৰি খোৱাৰ আনন্দই সুকীয়া। কিন্তু এটা কথা জানেনে বাতৰি কাকতত পকৰি খাই আপুনি আপোনাৰ স্বাস্থ্যৰ ক্ষতি কৰিছে।(Side Effects Of Newspaper)

(Health Tips)আমি প্ৰায়ে গৰম খাদ্য প্লাষ্টিকৰ বেগত ৰখাৰ পৰা বিৰত থাকোঁ কাৰণ ইয়াৰ মাজেৰে মেক্ৰ’প্লাষ্টিক আমাৰ পেটত প্ৰৱেশ কৰি কেন্সাৰৰ দৰে বিপজ্জনক ৰোগৰ সৃষ্টি কৰে। (can be a cause of cancer)বেছিভাগ মানুহেই পলিথিনতকৈ বাতৰি কাকতক ভাল বুলি গণ্য কৰে, কিন্তু আপুনি জানি আচৰিত হ’ব যে বাতৰি কাকতত মেৰিয়াই থোৱা খাদ্যই স্বাস্থ্য যথেষ্ট ক্ষতি কৰে। বাতৰি কাকতে বহু ৰোগক আমন্ত্ৰণ জনায়। ইয়াৰ কাৰণ কি সেয়া জানো আহক।(Food Packing Tips)

(side effects of food packing in newspaper)বাতৰি কাকতত মেৰিয়াই থোৱা খাদ্য খোৱাৰ অসুবিধা-

হেমেট’লজিষ্ট তথা অংক’লজিষ্ট ডাঃ ৰবি কে গুপ্তাই নিজৰ ইনষ্টাগ্ৰাম একাউণ্টত এটা চকু মুদা কুলিৰ ভাও ধৰা ভিডিঅ’ শ্বেয়াৰ কৰি কয় যে “ৰাস্তাত বাতৰি কাকতত মেৰিয়াই থোৱা ভজা পকৰিত উপস্থিত ৰাসায়নিক পদাৰ্থ।

এই বাতৰি কাকতবোৰত অস্বাভাৱিক জৈৱ যৌগ থাকে, যিয়ে আপোনাৰ বহু ক্ষতি কৰিব পাৰে। আৰু আপুনি কেতিয়াবা ভাবিছেনে বাতৰি কাকত কেনেকৈ তৈয়াৰ কৰা হয়? ইয়াত ধূলি, বেক্টেৰিয়া আৰু অন্যান্য মলি থাকিব পাৰে, যাৰ ফলত খাদ্যজনিত ৰোগৰ সম্ভাৱনা বৃদ্ধি পায়।

ডাঃ ৰবি কে গুপ্তাই কয়, “কাকত কাকতৰ সলনি আপুনি আপোনাৰ খাদ্য টিছু পেপাৰত পেক কৰি ল’ব পাৰে, বৰ্তমান টিছু পেপাৰ সকলোতে উপলব্ধ। এনে সৰু সৰু বস্তু গ্ৰহণ কৰিলে আপুনি ১০০ বছৰ জীয়াই থাকিব পাৰে। আপুনি নিজকে আৰু আপোনাৰ পৰিয়ালক সুৰক্ষিত কৰিব পাৰে।” নিজৰ যত্ন লোৱা লগতে ঘৰখনকো বচাই ৰাখক।

আমি বহুতেই আমাৰ খাদ্য আৰু স্বাস্থ্য প্ৰতি গুৰুত্ব নিদিও। যিটো অতি বেয়া কথা। আমি সকলোৱে আমাৰ স্বাস্থ্যৰ প্ৰতি গুৰুত্ব দিব লাগে। খাদ্যৰ প্ৰতি গুৰুত্ব দিলেহে আমাৰ স্বাস্থ্য ভালে থাকিব।

Bangagaon AGP By Election 2024: অগপৰ দুৰ্গখ্যাত বঙাইগাঁৱত দিপ্তীময়ী চৌধুৰীক টিকট

By
দৈনন্দিন বাৰ্তা
-
0
Bangagaon AGP By Election 2024: অগপৰ দুৰ্গখ্যাত বঙাইগাঁৱত দিপ্তীময়ী চৌধুৰীক টিকট
যিমানে ধুমুহা নাহক কিয় এনডিএৰ প্ৰাৰ্থীগৰাকী জয়ী হ'বই

বঙাইগাঁও, ২১ অক্টোবৰঃ অগপই সোমবাৰে বঙাইগাঁও বিধানসভা সমষ্টিৰ উপ-নিৰ্বাচনৰ(Bangagaon AGP By Election 2024) বাবে প্ৰাৰ্থীৰ নাম ঘোষণা কৰে। সাংসদ ফনীভূষণ চৌধুৰীৰ পত্নী দিপ্তীময়ী চৌধুৰীক(Candidate Diptimoy Chowdhury) টিকট প্ৰদান কৰা হয়। দলৰ কৰ্মীৰ মাজত বিৰূপ ভাব সৃষ্টি হৈছিল যদিও ইমান দিনে বিধায়ক হৈ থকা সমষ্টিটো পুনৰ নিজৰ পৰিয়ালৰ সদস্যৰ হাততেই সুৰক্ষিত হৈ থাকিব।

ইতিমধ্যেই আন তিনিটা সমষ্টিৰ প্ৰাৰ্থিত্বৰ বাবে নাম ঘোষণা কৰিছে। বঙাইগাঁও বিধানসভা সমষ্টিৰ উপ-নিৰ্বাচনৰ বাবে প্ৰাৰ্থীৰ নাম ঘোষণা কৰাৰ পূৰ্বে সাংসদপত্নীক উপ-নিৰ্বাচনত প্ৰাৰ্থী হিচাপে প্ৰক্ষেপৰ বিৰোধিতা কৰি জিলা সমিতিৰ সভাপতি-সম্পাদককে ধৰি বহু নেতা-কৰ্মীয়ে দলত্যাগ কৰে। এতিয়া দুৰ্গখ্যাত বঙাইগাঁও অগপ দলত ফাঁট মেলা পৰিলক্ষিত হৈছে। অৱশেষত, আঞ্চলিক ৰাজনীতিৰ অন্যতম দুৰ্গখ্যাত বঙাইগাঁৱত দলটোত মেলেলে ফাঁট৷ বঙাইগাঁও বিধানসভা সমষ্টিৰ উপ-নিৰ্বাচনৰ বাবে আঞ্চলিক দল অগপৰ ভিতৰ চৰাত চলি থকা প্ৰাৰ্থিত্বকেন্দ্ৰিক আভ্যন্তৰীণ সংঘাতে লৈছিল চূড়ান্ত ৰূপ৷

প্ৰাক্তন বিধায়ক তথা বৰ্তমানৰ বৰপেটা লোকসভা সমষ্টিৰ সাংসদ ফনীভূষণ চৌধুৰীৰপত্নী দীপ্তিময়ী চৌধুৰীৰ নাম আগন্তুক উপ-নিৰ্বাচনৰ প্ৰাৰ্থী হিচাপে নিশ্চিত হোৱাৰ সম্ভেদ পাই অগপৰ বঙাইগাঁও জিলা সমিতিৰ সভাপতি বিজয় সিংহ আৰু সম্পাদক তথা সমষ্টিটোৰ পৰা এই বাৰ উপ-নিৰ্বাচনত প্ৰাৰ্থিত্বৰ প্ৰৱল দাবীদাৰ শৈলেন্দ্ৰ সৰকাৰৰ লগতে বহু নেতা তথা বিষয়ববীয়াই দলীয় পদবী আৰু প্ৰাথমিক সদস্য পদৰ পৰা পদত্যাগ কৰি আনুষ্ঠানিকভাৱে শনিবাৰে দলত্যাগ কৰিছিল৷ জিলা সমিতিৰ সভাপতি আৰু খোদ সম্পাদকে পদৰ পৰা পদত্যাগ কৰাৰ লগতে দলত্যাগ কৰাত ভংগ হৈছিল অগপৰ বঙাইগাঁও জিলা সমিতি।

অগপৰ দুৰ্গ বুলি খ্যাত বঙাইগাঁৱত উপ-নিৰ্বাচনৰ পূৰ্বে দলটোৰ বাবে এয়া এক মোক্ষম আঘাত হিচাপে পৰিগণিত হৈছে৷ লগতে এয়া অগপ দলৰ বাবে এক অহনি সংকেট আৰু আগলৈ যে দলটোৰ সাংগঠনিক ভেঁটি দুৰ্বল হৈ পৰিব তাৰ আৰম্ভণি বুলি একাংশ দলীয় নেতা-কৰ্মী আৰু শুভাকাংক্ষীয়ে মন্তব্য কৰিছে৷ উল্লেখ্য, বঙাইগাঁও বিধানসভা সমষ্টিৰ উপ-নিৰ্বাচনৰ বাবে জিলা অগপৰ সম্পাদক তথা বঙাইগাঁও পৌৰসভাৰ উপ পৌৰপতি শৈলেন্দ্ৰ সৰকাৰ এইবাৰ প্ৰথমৰ পৰাই প্ৰাৰ্থিত্বৰ দাবীদাৰ আছিল৷

সমষ্টিবাসীৰ মাজতো পৰিচিত শৈলেন্দ্ৰ সৰকাৰক দলটোৰ বহু নেতা-কৰ্মীয়ে প্ৰাক্তন বিধায়ক ফনীভূষণ চৌধুৰীৰ বিকল্প প্ৰাৰ্থী হিচাপে বিচাৰিছিল৷ কিন্তু তেওঁক মনে প্ৰাণে প্ৰাৰ্থিত্ব প্ৰদানৰ সপক্ষে নাছিল প্ৰাক্তন বিধায়ক তথা সাংসদ চৌধুৰী৷ এই কথা শৈলেন্দ্ৰ সৰকাৰে নিজেই সংবাদ মাধ্যমৰ আগত প্ৰকাশ কৰিছিল৷

অগপৰ জ্যেষ্ঠ নেতা চৌধুৰীৰ বিৰুদ্ধে দীৰ্ঘদিনীয়া অভিযোগ আছে যে দলটোত তেওঁৰ সমকক্ষ হ’বলৈ কোনো নেতা-কৰ্মীকে সুবিধা নিদিয়ে৷ যাৰ বাবে এটা সময়ত দলটোৰ লগত জড়িত তথা অগপ নেতাগৰাকীৰ বিশ্বস্ত বুলি পৰিচিত প্ৰভাত বৈষ্ণৱেও দল ত্যাগ কৰিবলগীয়া হৈছিল৷ তাৰ পিছত দল ত্যাগ কৰিছিল আন এগৰাকী অগপ নেতা তথা প্ৰাক্তন পৌৰপতি দীপু চৌধুৰীয়ে৷ দলত যাৰ প্ৰভাৱ ক্ৰমাৎ শক্তিশালী হৈ উঠে তেওঁকেই যেন দল ত্যাগ কৰিবলৈ কূট কৌশল ৰচনা কৰা হয় আৰু এটা সময়ত লাঞ্চনা, বঞ্চনা সহিব নোৱাৰি দল ত্যাগ কৰিবলৈ বাথ্য হৈ পৰে তেওঁলোক৷

পিছে এইবাৰ প্ৰাক্তন বিধাকগৰাকীয়ে সাংসদ নিৰ্বাচিত হোৱাৰ পিছত বঙাইগাঁও অগপৰ লগতে সমষ্টিবাসীয়ে এগৰাকী বিকল্প নেতাক বিধায়ক হিচাপে পাব বুলি তথা একঘেমিয়া পৰিৱেশৰ অন্ত পৰিব বুলি আশা কৰিছিল৷ অন্তত নতুন মুখৰ ব্যক্তিক তথা পৰিয়ালৰ বাহিৰৰ লোকক অগপ দলে প্ৰাৰ্থিত্ব প্ৰদান কৰিব বুলিয়ে ভাবিছিল৷ পিছে বিধায়ক পদ যোৱাৰ পিছতো পদটো যেন প্ৰাক্তন বিধায়কগৰাকীয়ে নিজৰ ঘৰতে ৰাখিব বিচাৰিলে৷ বিধায়কৰ ক্ষমতাৰ লোভ পোৱা অগপ নেতা চৌধুৰীয়ে সাংসদৰ পদ লাভ কৰাৰ পিছতো যেন সন্তুষ্ট নহ’ল আৰু অধিক ক্ষমতা ধৰি ৰখাৰ চেষ্টাত এইবাৰ নিজৰ পত্নীকে উপ-নিৰ্বাচনৰ প্ৰাৰ্থিত্বৰ দাবীদাৰ হিচাপে আগবঢ়াই দিলে৷ নিজে আন্ধাৰত থাকি আনৰ দ্বাৰা নিজ পত্নীৰ নাম প্ৰাৰ্থিত্বৰ দাবীদাৰ হিচাপে আগবঢ়াই দিলে যদিও সততে সকলোৰে আগত তথা সংবাদ মাধ্যমৰ আগত প্ৰাৰ্থিত্ব প্ৰদান আৰু প্ৰাৰ্থী নিৰ্বাচনৰ বিষয়ত তেওঁ জড়িত নহয় বুলি মন্তব্য কৰি আহিছে৷

ইপিনে প্ৰাৰ্থিত্বক লৈ বঙাইগাঁও অগপ দুটা ভাগত বিভক্ত হৈ পৰে৷ এটা ভাগে সাংসদ পত্নীক সমৰ্থন কৰাৰ বিপৰীতে আনটো ভাগে জিলা অগপৰ সম্পাদক শৈলেন্দ্ৰ সৰকাৰৰ পক্ষত ঠিয় দিয়ে৷ লগতে পৰিয়ালকেন্দ্ৰিক ৰাজনীতিক কোনো পধ্যে সমৰ্থন কৰে বুলি ৰাজহুৱাভাৱে শৈলেন্দ্ৰ সৰকাৰে মন্তব্য কৰে৷ আনকি সাংসদ চৌধুৰীয়ে নিজ পত্নীক প্ৰাৰ্থিত্ব প্ৰদান কৰাৰ বাবে ভিতৰেদি উঠি পৰি লগাৰ অভিযোগ কৰি তেওঁক যদি প্ৰাৰ্থিত্ব প্ৰদান কৰা নহয় তেতিয়া হ’লে নিৰ্দলীয় প্ৰাৰ্থী হিচাপে নিৰ্বাচনত প্ৰতিদ্বন্দ্বিতা আগবঢ়াব বুলি ঘোষণা কৰাত বঙাইগাঁও জিলা অগপৰ লগতে কেন্দ্ৰীয় নেতৃত্বৰ মাজতো হাহাকাৰ লাগে৷ যাৰ বাবে অগপ দলত সৃষ্টি হোৱা প্ৰাৰ্থিত্বকেন্দ্ৰিক সংঘাতৰ মষিমূৰ কৰাৰ লগতে দলটোৰ নেতা-কৰ্মীসকলৰ বিসম্বাদৰ পৰিসমাপ্তিৰ বাবে কেন্দ্ৰীয় নেতৃত্বই চেষ্টা চলায়৷

প্ৰাৰ্থিত্বকেন্দ্ৰিক সংঘাত আঁতৰাই দুয়োটা গোটক একত্ৰিত কৰি দলটোক শক্তিশালী ৰূপত ৰখাৰ বাবে যোৱা বুধবাৰে বঙাইগাঁৱত কেন্দ্ৰীয় সভাপতি অতুল বৰা আৰু কাৰ্যকৰী সভাপতি কেশৱ মহন্তসহ কেইগৰাকীও নেতা উপস্থিত হৈ দুয়ো পক্ষৰ সৈতে আলোচাত মিলিত হৈ সংঘাতৰ অৱসানৰ চেষ্টা চলায়৷ লগতে অগপত কোনো বিসম্বাদ নাই বুলি কৈ সকলো ঠিক হৈ যাব বুলি সংবাদ মাধ্যমৰ আগত মন্তব্য কৰিছিল৷ কিন্তু সেই প্ৰচেষ্টা যে কোনো কামত নাহিল তাৰ শেহতীয়া প্ৰমাণ জিলা সমিতিৰ সভাপতি- সম্পাদককে আদি কৰি দলটোৰ বিভিন্ন পৰ্যায়ৰ ৩৬গৰাকী বিষয়ববীয়াই নিজ পদবী তথা প্ৰাথমিক সদস্য পদৰ পৰা কৰা পদত্যাগ৷ জিলা অগপৰ সভাপতি আৰু সম্পাদক শৈলেন্দ্ৰ সৰকাৰে কেন্দ্ৰীয় সমিতিলৈ প্ৰেৰণ কৰা নিজৰ পদত্যাগ পত্ৰত বঙাইগাঁও বিধানসভা সমষ্টিৰ উপ-নিৰ্বাচনৰ বাবে সাংসদ ফনীভূষণ চৌধুৰীৰ পত্নী দীপ্তিময়ী চৌধুৰীক প্ৰাৰ্থী হিচাপে প্ৰক্ষেপ কৰাৰ বিৰোধিতা কৰি দলীয় পদবী তথা প্ৰাথমিক সদস্য পদৰ পৰা পদত্যাগ কৰা বুলি উল্লেখ কৰে৷ সেইদৰে পদত্যাগ কৰা দলৰ বিভিন্ন পৰ্যায়ৰ আন ‌‌৩৪গৰাকী দলীয় নেতা-কৰ্মীয়েও একেই কাৰণ উল্লেখ কৰিছে৷ পদত্যাগ কৰাসকলৰ মাজত অগপৰ বঙাইগাঁও আঞ্চলিক সমিতিৰ সভাপতি তিলক নাৰায়ণ দেৱ, বঙাইগাঁও টাউন (দক্ষিণফাল) সমিতিৰ সভাপতি খৰ্গেশ্বৰ ৰায়, সম্পাদক মতীন সৰকাৰ, ঢালিগাঁও আঞ্চলিক সমিতিৰ সভাপতি গৌৰীশংকৰ বৰ্মন, ছিপছিলা আঞ্চলিক সমিতিৰ সভাপতি বিষ্ণু ৰাম মেধি, সম্পাদক বিষ্টু ৰাম নাৰ্জাৰী, চোকাপাৰা আঞ্চলিক সমিতিৰ সম্পাদক বিনয় ৰায়, কান্দুলিমাৰী সমিতিৰ সম্পাদক তৰণী কান্ত ৰায়, ২৪নং ৱাৰ্ডৰ হীৰু বাগদী আদি আছে৷

ইপিনে এই পদত্যাগ সন্দৰ্ভত শনিবাৰে বঙাইগাঁও অগপ কৰ্য্যালয়ত সাংসদ ফণীভূষণ চৌধুৰীয়ে(MP Phani Bhushan Choudhary) নিজৰ প্ৰতিক্ৰিয়া প্ৰকাশ কৰি সংবাদমাধ্যমৰ আগত কৈছিল যে, এয়া প্ৰাৰ্থিত্বকেন্দ্ৰিক সংঘাত বুলি মই নকওঁ৷ কাৰণ এতিয়ালৈকে আমাৰ দলে প্ৰাৰ্থী ঘোষণা কৰা নাই৷ আজিও তেৰজনীয়া প্ৰাৰ্থী নিৰ্বাচন সমিতিয়ে আঞ্চলিক সমিতিসমূহক তথা তৃণমূল কৰ্মীসকলক মাতি আনি মতামত লৈছে৷ দেওবাৰে সমিতিখনে প্ৰতিবেদন কেন্দ্ৰীয় সমিতিলৈ প্ৰেৰণ কৰিব৷ গতিতে কোনে প্ৰাৰ্থিত্ব পায় বা নাপায় আৰু আঞ্চলিক সমিতিসমূহে কাক সমৰ্থন কৰিছে সেই বিষয়ে আমি জ্ঞাত নহয়৷ আনহাতে, যিজনে প্ৰাৰ্থিত্ব বিচাৰিছে তেওঁ হয়তো নিজে প্ৰাৰ্থিত্ব নেপাব বুলি পতিয়ন গৈছে আৰু তৃণমূল পৰ্যায়ৰ কৰ্মীসকলৰ যিটো মনোভাব সেইটো অনুভৱ কৰিছে আৰু সেয়ে হয়তো তেওঁলোকে আগতিয়াকৈ প্ৰাৰ্থিত্ব নাপাব বুলি অনুভৱ কৰিয়ে পদত্যাগ কৰিছে৷

সাংসদ চৌধুৰীয়ে লগতে কয় যে দলৰ জন্মলগ্নৰ পৰা জড়িত বহুত মানহ আহিছে আৰু গুচি গৈছে৷ প্ৰতিটো দলতে নিৰ্বাচনৰ সময়ত এনে ধৰণৰ ঘটনাবিলাক হয়৷ তেওঁ পদত্যাগ কৰাসকলৰ ভিতৰত কিছুমান ব্যক্তি যে দলৰ কৰ্মী তেওঁ সেই কথা জ্ঞাত নহয় বুলিও কয়৷ সম্পাদক শৈলেন্দ্ৰ সৰকাৰৰ সন্দৰ্ভত কয় যে সম্পাদকজনৰ মানুহৰ লগত সম্পৰ্ক আছিল আৰু মোৰ লগত কমেও বিশ বছৰ ঘূৰিছে৷ কিন্তু তেওঁ প্ৰাৰ্থিত্ব বিচৰাৰ পিছত তেওঁ যিখিনি মানুহক লগ পাইছিল সেই মানুহখিনিক পতিয়ন নিয়াব পাৰিব লাগিছিল৷ কাৰণ ইয়াত কাক প্ৰাৰ্থিত্ব প্ৰদান কৰা হ’ব সেইটো কেন্দ্ৰিয় সমিতিয়ে সিদ্ধান্ত ল’ব ঠিকেই কিন্তু ইয়াত এটা সিদ্ধান্ত হৈছে যে তৃণমূল কৰ্মীসকলৰ মতামত লৈহে প্ৰাৰ্থী বাছনি কৰা হ’ব৷ ইপিনে যদি শৈলেন্দ্ৰ সৰকাৰে নিৰ্দলীয় প্ৰাৰ্থী হিচাপে প্ৰতিদ্বন্দ্বিতা কৰে তেতিয়াহ’লে তেওঁৰ প্ৰতি শুভকামনা আছে বুলিও কয়৷ লগতে কয় মই নিজে নিজিকো৷ ভোটাৰ ৰাইজেহে জিকায়৷ যদি শৈলেন্দ্ৰ সৰকাৰৰ ভোটাৰ ৰাইজৰ মাজত গণভিত্তি আছে জিকিব৷ সাংসদ চৌধুৰীয়ে কয় যে ‘৮৫ চনত বঙাইগাঁৱৰ ৰাইজে মোক বিধায়ক বনাইছে৷ শৈলেন্দ্ৰ সৰকাৰে বিধায়ক বনাব নোৱাৰে৷ এইবাৰৰ নিৰ্বাচনো আমি অগপ দল হিচাপে নেখেলো৷

এইবাৰ আমি এনডিএ হিচাপে নিৰ্বাচনটো ইয়াত খেলা হ’ব৷ গতিকে ইয়াত যিমানে ধুমুহা নাহক কিয়, লাগিলে কাইলৈ যদি ফনীভূষণ চৌধুৰীয়েও পদত্যাগ কৰি ওলাই যায় থাপিতো ইয়াত এনডিএৰ প্ৰাৰ্থীগৰাকী জিকিবই৷ এনডিএৰ প্ৰাৰ্থীগৰাকী লাগিলে ফনীভূষণ চৌধুৰীৰ পত্নীয়ে হওক কিম্বা শৈলেন্দ্ৰ সৰকাৰেই হওক বা কোনোবা বিকাশ ঘোষ হওক যিয়ে হওক জিকিবই৷ ইয়াত যুদ্ধখন এনডিএ আৰু ইণ্ডিয়াৰ মাজত হ’ব৷ সেয়ে প্ৰাৰ্থিত্বকেন্দ্ৰিক সংঘাতটো গ্ৰাম্যাঞ্চলত নাই৷ সেয়ে ২৩ তাৰিখে গম পাব এওঁলোক দলৰ পৰা যোৱাৰ পিছত আমাৰ কিমান ক্ষতি হ’ল৷ ইয়াৰ পূৰ্বেও জিলা অগপৰ সভাপতি এগৰাকী দলত্যাগ কৰি গৈছিল৷ সেইবাৰো ফনীভূষণ চৌধুৰী পৰাস্ত হ’ব বুলি কৈছিল৷ কিন্তু বঙাইগাঁও সমষ্টিবাসী ৰাইজ ধন্যবাদৰ পাত্ৰ যে তেওঁলোকে প্ৰকৃত সত্যটো অনুধাৱন কৰে৷ ইপিনে এওঁলোকক দলৰ পৰা পদত্যাগ কৰাৰ বাবে পৰিৱেশৰ সৃষ্টি কৰা হ’ল নেকি বুলি সাংবাদিকে সাংসদগৰাকীক সোধাত কয় যে পৰিৱেশ কেনেকৈ সৃষ্টি হ’ল ? যোৱা দুদিন পূৰ্বে দলৰ সভাপতি-কাৰ্যকৰী সভাপতি আহিছিল৷

আমাৰ মাজত আলোচনা হৈছিল আৰু মোৰ লগতে ভূপেন ৰায়, বিজয় সিংহ, শৈলেন্দ্ৰ সৰকাৰসহ সাতজনক দায়িত্ব দি গৈছিল যে আমি বহি সিদ্ধান্ত লম৷ ইয়াৰ পিছত আহ্বায়ক ভূপেন ৰায়ে বৃহস্পতিবাৰে সন্ধিয়া এখন সভালৈ তেওঁলোকক মাতে যদিও তেওঁলোক নাহিলে৷ তেওঁলোকে ভিতৰত থাকি যুদ্ধ কৰিব লাগিছিল৷ বাহিৰত থাকি যুদ্ধ কৰিলে কেনেকৈ হ’ব৷ তেওঁলোকৰ জনপ্ৰিয়তা, গণভিত্তি, নাৰ্য্যতা তথা দাবী দলৰ ভিতৰত থাকি দেখুৱাই দিব লাগিছিল৷ তেতিয়া নিশ্চয় হ’লহেতেন৷ প্ৰাৰ্থী সন্দৰ্ভত কোনো হস্তক্ষেপ হোৱা নাই আৰু তৃণমূল পৰ্যায়ৰ কৰ্মীসকলৰ আবেগ-অনুভূতিক গুৰুত্ব আৰোপ কৰি নিৰ্বাচন পৰিচালনা সমিতিখনে সিদ্ধান্ত গ্ৰহণ কৰিব আৰু তাক কেন্দ্ৰীয় সমিতিলৈ অনুমোদনৰ বাবে প্ৰেৰণ কৰিব৷

তাৰ পিছত কেন্দ্ৰীয় সমিতিয়ে কি সিদ্ধান্ত লয় ল’ব বুলিও সাংসদগৰাকীয়ে কৈছিল৷ ইপিনে পদত্যাগী জিলা অগপৰ সভাপতি বিজয় সিংহই সংবাদ মাধ্যমৰ আগত কয় যে সাংসদ ফনীভূষণ চৌধুৰীয়ে তেওঁৰ পত্নীক উপ-নিৰ্বাচনৰ প্ৰাৰ্থী হিচাপে প্ৰক্ষেপ কৰিছিল৷ আনহাতে, আমি জিলা অগপৰ সম্পাদক শৈলেন্দ্ৰ সৰকাৰক প্ৰাৰ্থী হিচাপে প্ৰক্ষেপ কৰিছিলো৷ আমি আশা কৰিলো আমি পাম বুলি৷ আমি তেওঁলোকক সন্মত কৰাব বিচাৰিছিলো যে দিপ্তীময়ী চৌধুৰী প্ৰাৰ্থী নহওক৷ ৩২ বছৰ ধৰি শৈলেন্দ্ৰ সৰকাৰে দলৰ হৈ কাম কৰি আহিছে৷ মইও পুৰণি৷ কিন্তু দিপ্তীময়ী চৌধুৰী যে আগে পিছে দলৰ কৰ্মী আছিল তেনে নহয়৷ গতিকে তেওঁৰ নামটো কিয় আহিব প্ৰাৰ্থীৰ তালিকাত৷ দলীয় কৰ্ম-কৰ্তা হিচাপে পদবী নাই৷ সেয়ে আমি প্ৰাৰ্থিত্বৰ বিৰোধিতা কৰিছিলো৷ প্ৰাৰ্থী ঘোষণা কৰা নাই যদিও ইতিমধ্যে চূড়ান্ত হৈছে৷ ইয়াৰ পৰা বাছনি কৰি প্ৰেৰণ কৰা মানে কেন্দ্ৰীয় সমিতিয়ে অনুমোদ জনাবই৷

আনহাতে, পদত্যাগ কৰাৰ পিছত তেওঁলৈ বিভিন্ন দলৰ পৰা ফোন অহা বুলি কৈ শুভাকাংশী তথা বাকী পদত্যাগীসকলৰ সৈতে আলোচনা কৰিহে সিদ্ধান্ত ল’ব বুলিও কয়৷ লগতে কয় যে ৰাজনীতিত থাকিম নে নেথাকিম তাৰো কথা আছে বুলিও কয়৷ উল্লেখ্য, সাংসদগৰাকীয়ে দলৰ এইসকল নেতা-কৰ্মীয়ে পদত্যাগ কৰিলে দলৰ কোনো ক্ষতি নহয় বুলি মন্তব্য কৰিলেও দলটো যে বঙাইগাঁৱত এটা সময়ত থৰক বৰক হৈ পৰিব সেয়া ক্ৰমাৎ সময় সমাগত৷

কাৰণ বঙাইগাঁও সমষ্টিকলৈ চকু বিজেপি দলৰো৷ কংগ্ৰেছ দলেও নিজৰ দখললৈ নিবলৈ চেষ্টা চলাই আছে যদিও সফল হোৱা নাই৷ কিন্তু সাংসদ নিৰ্বাচিত হোৱাৰ পিছত ফনীভূষণ চৌধুৰীয়ে পৰিয়ালকেন্দ্ৰিক ৰাজনীতি আৰম্ভ কৰি নিজৰ পত্নীক বিধায়ক বনোৱাৰ চেষ্টা কৰাত অগপৰ নেতা-কৰ্মীসকল ক্ষুদ্ধ হৈ পৰিছে। যদি অগপৰ নেতৃত্বই প্ৰাৰ্থী সলনি নকৰে তেন্তে অগপৰ বিসম্বাদী গোটে বিকল্প প্ৰাৰ্থী প্ৰক্ষেপ কৰিব বুলিও এক সূত্রই প্রকাশ কৰিছে। কিন্তু সেয়া জানিব পৰা যাব কিছুদিন পিছতহে৷

Agricultural Land of Indigenous Peoples: খিলঞ্জীয়া মানুহৰ কৃষিভূমি সুৰক্ষিত কৰাৰ দাবীত টাঙোনমাৰীত আছু উত্তাল প্ৰতিবাদ

By
দৈনন্দিন বাৰ্তা
-
0
Agricultural Land of Indigenous Peoples: খিলঞ্জীয়া মানুহৰ কৃষিভূমি সুৰক্ষিত কৰাৰ দাবীত টাঙোনমাৰীত আছু উত্তাল প্ৰতিবাদ
টাঙোনমাৰীত আছু উত্তাল প্ৰতিবাদ

গুৱাহাটী, ২১ অক্টোবৰঃ কামৰূপ জিলাৰ হাজো ৰাজহ চক্ৰৰ পশ্চিম বংশৰ মৌজাৰ অন্তৰ্গত দোকনীয়, গাওঁবুঢ়াৰ পাম, টাঙোনমাৰী আদি ঠাইত খিলঞ্জীয়া কৃষকে কৃষিৰ জৰিয়তেই নিজৰ লগতে পৰিয়ালৰ পোহপাল দি আহিছে। কিন্তু আজিৰ পৰা দুই তিনিবছৰ ভিতৰত হঠাতেই অখিলঞ্জীয়া লোকৰ অবৈধ আগ্ৰাসনত শংকিত হৈ পৰিছে অঞ্চলটোৰ কৃষক সকল।

তাৎপৰ্যপূৰ্ণ কথাটো হ’ল যে এই অখিলঞ্জীয়া লোকসকলে(Agricultural Land of Indigenous Peoples) খিলঞ্জীয়া মানুহৰ কৃষিভূমি ভয় ভাবুকিৰে দখল কৰাত খিলঞ্জীয়া লোকসকল প্ৰাণৰ শংকাত কৃষি ভূমি এৰি থৈ আহিবলগীয়া পৰিৱেশ সৃষ্টি হৈছে।

আৰু এই খিলঞ্জীয়া লোকসকলৰ কৃষিভূমি অখিলঞ্জীয়া লোকৰ হাতৰ পৰা উদ্ধাৰ কৰি, খিলঞ্জীয়া কৃষকক সুৰক্ষা প্ৰদান কৰাৰ দাবীত সোমবাৰে পশ্চিম বংশৰ আঞ্চলিক ছাত্ৰ সন্থাই(ASSU) টাঙোনমাৰী মথাউৰিৰ ওপৰত বিক্ষোভ কাৰ্যসূচী ৰুপায়ন কৰে। প্ৰতিবাদকাৰীসকলে হাতে হাতে প্লে’ কাৰ্ড লৈ, খিলঞ্জীয়া কৃষকক সুৰক্ষা প্ৰদান কৰক।

খিলঞ্জীয়া কৃষকৰ কৃষি ভূমি উদ্ধাৰ কৰক। হাজো ৰাজহ চক্ৰ বিষয়া হুচিয়াৰ, অসম চৰকাৰ(Assam Government) হায় হায় আদি ধ্বনিৰে আকাশ-বতাহ উত্তাল কৰি তোলে। শতাধিক প্ৰতিবাদকাৰী উপস্হিত থকা কাৰ্যসূচীটোত সদৌ অসম ছাত্ৰ সন্থাৰ সাংগঠনিক সম্পাদক পংকজ কলিতা উপস্হিত থাকি, চৰকাৰে খিলঞ্জীয়া লোকসকলক সুৰক্ষা প্ৰদান কৰা শ্লোগান এতিয়া ধোৱা চাঙত বুলি কৈ অসম চৰকাৰক তীব্ৰ সমোলোচনা কৰি কয় যে খিলঞ্জীয়া লোকসকলক সুৰক্ষা প্ৰদান কৰাত চৰকাৰ সম্পূৰ্ণৰূপে ব্যৰ্থ হৈছে।

আৰু হাজো ৰাজহ চক্ৰ বিষয়া কাৰ্যালয়ৰ(Revenue Circle Officer’s Office) এচাম মণ্ডল-কাননগো হেমাহিৰ কাৰণে কাৰ্যালয়টোত দিনক দিনে মাটিৰ দালালৰ সংখ্যা বৃদ্ধি হৈছে। ফলত এই দালল বিলাকৰ জৰিয়তেই মণ্ডল বিলাকক মেনেজ কৰি লৈ খিলঞ্জীয়া লোকৰ কৃষিভূমি অখিলঞ্জীয়া কিছুমান মানুহৰ নামত মাটিৰ নাম জাৰি কৰি দিয়া কাম আৰম্ভ হৈছে।

আৰু এই ক্ষেত্ৰ খিলঞ্জীয়া কৃষকৰ(Farmers) কৃষিভুমি সুৰক্ষিত কৰাৰ কাৰণে অনতিপলমে পদক্ষেপ গ্ৰহণ কৰা উচিত বুলি মন্তব্য কৰে। কাৰ্যসূচীটোত হাজো ৰাজহ চক্ৰ বিষয়া আফ্ৰিন হুছেইন উপস্হিত হৈ প্ৰতিবাদকাৰী সকলক উক্ত বিষয়টো গুৰুত্বসহকাৰে লৈ পদক্ষেপ গ্ৰহণ কৰিম বুলি আশ্বাস প্ৰদান কৰে।

আৰু প্ৰতিবাদকাৰীসকলে খিলঞ্জীয়া কৃষকৰ সমস্যা সমাধান কৰাৰ কাৰণে দাবী উত্থাপন কৰি পশ্চিম বংশৰ আঞ্চলিক ছাত্ৰ সন্থাৰ সভাপতি প্ৰাঞ্জল কলিতা আৰু সাধাৰণ সম্পাদক নিকু কুমাৰ বৈশ্য স্বাক্ষৰিত এখন ষ্মাৰক-পত্র চক্র বিষয়াগৰাকীক প্ৰদান কৰে।

কাৰ্যসূচীটোত আছু নেতা নৱজ্যোতি দাস, সুৰজিত কলিতা, ধনজিত কুমাৰ নাথ, ৰুবুল কলিতা, প্ৰাণজিত দেওৰীয়াৰ লগতে অঞ্চলটোৰ কেইবাজনো সচেতন ব্যক্তি উপস্হিত থাকে।

Famous Play Abhijnana-Shakuntalam: মহাকবি কালিদাসৰ বিশ্ববিশ্রুত নাট ‘অভিজ্ঞান-শাকুন্তলম’ সংস্কৃততে মঞ্চস্থ

By
দৈনন্দিন বাৰ্তা
-
0
Famous Play Abhijnana-Shakuntalam: মহাকবি কালিদাসৰ বিশ্ববিশ্রুত নাট 'অভিজ্ঞান-শাকুন্তলম' সংস্কৃততে মঞ্চস্থ

নগাঁও, ২১ অক্টোবৰ : নগাঁও জিলা সংস্কৃত ভাষা বিকাশ মঞ্চই ২৫ বছৰ সম্পূৰ্ণ কৰা উপলক্ষে শনিবাৰে সন্ধিয়া নগাঁও জিলা পুথিভঁৰাল প্রেক্ষাগৃহত মহাকবি কালিদাসৰ বিশ্ববিশ্রুত নাট ‘অভিজ্ঞান-শাকুন্তলম'(Famous Play Abhijnana-Shakuntalam) মঞ্চস্থ কৰে। নাটখনৰ মূল কাঠামোত আঘাত নকৰাকৈ নগাঁও মহাবিদ্যালয়ৰ অৱসৰপ্ৰাপ্ত অধ্যাপক গুণ শইকীয়াই সম্পাদনা আৰু অভিযোজনা কৰা নাটখন সংস্কৃত ভাষাত উপস্থাপন কৰা হয়।

সন্ধিয়া নগাঁও জিলা পুথিভঁৰালত গাম্ভীর্যপূর্ণ পৰিৱেশত ‘অভিজ্ঞান-শাকুন্তলম’ নাটখন উদ্বোধন কৰে প্ৰাক্তন মন্ত্ৰী তথা শিক্ষাবিদ গিৰীন্দ্ৰ কুমাৰ বৰুৱাই।

নাটখন উদ্বোধন কৰি দিয়া ভাষণত বৰুৱাই সংস্কৃত ভাষাৰ প্ৰচাৰ আৰু প্ৰসাৰৰ ওপৰত গুৰুত্ব আৰোপ কৰি সংস্কৃত ভাষাৰ গৰিমাৰ বিষয়ে উল্লেখ কৰে। আনহাতে, সংস্কৃত ভাষাত এখনি পূৰ্ণাংগ নাট মঞ্চায়ন কৰাৰ বাবে তেওঁ নগাঁও জিলা সংস্কৃত ভাষা বিকাশ মঞ্চৰ শলাগ লয়।(Indian Poet Kālidāsa)

উদ্বোধনী অনুষ্ঠানত বন্তি প্ৰজ্বলন কৰে ক্ৰমে বৰ্ষীয়ান সংস্কৃত পণ্ডিত যজ্ঞপতি শৰ্মা শাস্ত্ৰী, সাহিত্যিক উপেন্দ্ৰ বৰকটকী, সমাজসেৱক মুকুল শর্মা, শিক্ষাবিদ বিপুল কটকী আৰু গিৰীন্দ্ৰ কুমাৰ বৰুৱাই।

নগাঁও জিলা সংস্কৃত ভাষা বিকাশ মঞ্চৰ সাধাৰণ সম্পাদক ড: ধৰ্মেশ্বৰ গোস্বামীয়ে আঁত ধৰা অনুষ্ঠানৰ আৰম্ভনিতে নগাঁও জিলা সংস্কৃত ভাষা(Sanskrit Language) বিকাশ মঞ্চৰ সভাপতি গুণ শইকীয়াই ‘অভিজ্ঞান-শাকুন্তলম’ নাটখনৰ সন্দৰ্ভত চমু আভাস দাঙি ধৰে।(Nagaon District Library)

উল্লেখ্য, অধ্যাপক গুণ শইকীয়াই সম্পাদনা আৰু মঞ্চ অভিযোজনা কৰা ‘অভিজ্ঞান-শাকুন্তলম’ নাটখনৰ পৰিচালক ৰাজেন ফুকন আৰু সহযোগী পৰিচালক ড° দ্বিজেন শৰ্মা৷ সংগীত দীপক কুমাৰ শৰ্মাৰ। মঞ্চ সজ্জা আৰু বেশভূষাত মৃদু মৌচম বৰা, কলা নিৰ্দেশনা জ্যোতি গগনৰ৷ অংগ সজ্জাত প্ৰকাশ বৰা৷ পোহৰ-শব্দ ব্যৱস্থাপনাত ৰাজেন ফুকন আৰু উৎপল বৰা৷

নাটখনৰ সামগ্ৰীক ব্যৱস্থাপনা ড: ধৰ্মেশ্বৰ গোস্বামীৰ। সংগীত সহযোগীসকল হৈছে ক্ৰমে অতুল মহন্ত,অভিষেক ধৰ, গুণকান্ত দাস। নান্দীশ্লোক-সংলাপৰ নেপথ্যৰ শিল্পী ৰঞ্জন বেজবৰুৱাৰ আৰু গীতত ইন্দ্ৰাণী বৰা।

নাটখনৰ বিভিন্ন চৰিত্ৰত অভিনয় কৰা শিল্পীসকল হৈছে ক্ৰমে ৰুবুল মহন্ত, নিৰ্মান মুক্তিয়াৰ, তন্মী ফুকন, নিবেদিতা গৌতম,চিংকী কলিতা বৰা, ড: দ্বিজেন শর্মা, বৰ্ণালী পৰাশৰ, পুতুল শর্মা, বিকাশ বৰা, নৱজ্যোতি গোস্বামী, লক্ষ্যজ্যোতি শইকীয়া, প্রকাশ শইকীয়া, যুগল হাজৰিকা, প্রশান্ত গোস্বামী, সত্যপ্রসাদ শর্মা, বর্ণম গোস্বামী, জিষ্ণু বেজবৰুৱা, উজ্বলমনি বৰা, কমলেশ শইকীয়া, পূর্ণিমা গোস্বামী, খ্যাতি প্রিয়ম বৰা, ময়ুখী বেজবৰুৱা, মানসী দেৱী, উজ্বলমনি বৰা আৰু যোষিতা শর্মা।

সংস্কৃত ভাষাৰ পূৰ্ণাংগ নাট ‘অভিজ্ঞানম-শাকুন্তলম্'(Abhijñānam-śākuntalam) মঞ্চায়নৰ বাবে নগাঁও জিলা সংস্কৃত ভাষা বিকাশ মঞ্চই প্ৰায় তিনি মাহ ধৰি প্ৰস্তুতি চলায়। আনহাতে, নগাঁও জিলাৰ লগতে ৰাজ্যখনৰ আন কেইবাখনো জিলাৰ পৰা অহা দৰ্শকে নাটখনৰ প্ৰতি বিপুল সঁহাৰি জনোৱাৰ লগতে সংস্কৃত ভাষা বিকাশ মঞ্চৰ এনে প্ৰচেষ্টাৰ শলাগ লয়।

1...528529530...3,516Page 529 of 3,516

© 2024, All Rights Reserved. Powered By Aviyantrik

Privacy Policy    Contact Us