দৰং, ২৫ ছেপ্টেম্বৰ: দৰঙৰ মহলীয়াপাৰা পদুমপুখুৰী উচ্ছ মাধ্যমিক বিদ্যালয়ত এগৰাকী ছাত্ৰৰ মৃত্যুৰ দুৰ্ভাগ্যজনক ঘটনা(Death of class IX student) সংঘটিত হৈ যোৱাৰ তিনিদিনৰ পাছতো দৰং জিলা বিদ্যালয়সমূহৰ পৰিদৰ্শকগৰাকীয়ে বিদ্যালয়খনত উপস্থিত নহ’ল । পৰিদৰ্শকগৰাকীয়ে বিদ্যালয়খনৰ পৰিস্থিতিৰ বুজ লোৱা বা পৰিয়ালটোৰ ওচৰত এবাৰো উপস্থিত নোহোৱাত খৰ্গহস্ত হৈ পৰে আছুৰ (All Assam Students Union)লগতে বিভিন্ন দল-সংগঠন ৷
বিষয়াগৰাকী বিদ্যালয়খনত উপস্থিত হৈ ঘটনাৰ কোনো ধৰণৰ খবৰ নকৰাৰ লগতে শিক্ষকসকলক আজি তিনিদিন ধৰি ঘটনা সংক্ৰান্তত কোনো ধৰণৰ জাননী পৰ্যন্ত জাৰী নকৰাৰ অভিযোগ উত্থাপন কৰে সদৌ অসম ছাত্ৰ সন্থাৰ কেন্দ্ৰীয় কাৰ্যনিৰ্বাহক সদস্য তথা দৰং আছুৰ প্ৰাক্তন সভাপতি পৰাগ চহৰীয়াই ৷ পৰিদৰ্শকগৰাকীয়ে কেৱল অফিচৰ এচি ৰুমত বহিয়ে দায়িত্ব পালন কৰাৰ অভিযোগ কৰে পৰাগ চহৰীয়াই ৷
আছু নেতাগৰাকীয়ে কয়, কাৰ্যালয়লৈ খুব কমেই অহা বিষয়াগৰাকীয়ে ময়মতালিৰে নিজৰ ভাড়া ঘৰতে কাৰ্যালয়ৰ কাম চলাই থকাৰ লগতে পৰিদৰ্শকৰ কাৰ্যালয়লৈ অহা বিদ্যালয়ৰ শিক্ষক-কৰ্মচাৰী বা ৰাইজক হাৰাশাস্তি কৰি আহিছে বুলি গুৰুতৰ অভিযোগ কৰে ৷লগতে জিলাখনৰ বিদ্যালয়সমূহৰ পৰিদৰ্শকৰ দৰে এটি গুৰুত্বপূৰ্ণ পদবীত থাকি শিক্ষা বিষয়াগৰাকীয়ে পদুম পুখুৰী উচ্ছ মাধ্যমিক বিদ্যালয়ৰ মৰ্মান্তিক ঘটনাটোৰ বিষয়ে নিজাববীয়াকৈ কোনো ধৰণৰ ব্যৱস্থা গ্ৰহণ কৰাটো বাদেই, এবাৰো ঘটনাস্থলীত উপস্থিত হৈ খবৰ নোলোৱাত ক্ষোভ প্ৰকাশ কৰিছে সদৌ অসম ছাত্ৰ সন্থাৰ কেন্দ্ৰীয় কাৰ্যনিৰ্বাহক সদস্যগৰাকীয়ে ৷
প্ৰধান শিক্ষয়িত্ৰীয়ে সংবাদ মাধ্যমত বিভ্ৰান্তিকৰ মন্তব্য দিয়াৰ অভিযোগ
দশম শ্ৰেণীৰ ছাত্ৰৰ হাতত নৱম শ্ৰেণীৰ ছাত্ৰ ভবেশ ডেকাই প্ৰাণ হেৰুওৱাৰ পিছত বিদ্যালয়খনৰ প্ৰধান শিক্ষয়িত্ৰীগৰাকীয়ে সংবাদ মাধ্যমত নিহত ভবেশ ডেকা পূৰ্বৰে পৰা অসুস্থ হৈ থকাৰ কথা উল্লেখ কৰি এক বিভ্ৰান্তিকৰ মন্তব্যৰে ঘটনাটোক অন্য এক ৰূপ দিবলৈ চেষ্টা কৰাৰ অভিযোগেৰে অঞ্চলটোৰ ৰাইজ ক্ষোভিত হৈ পৰে(Controversial Statement of Principal) ৷ শোভিত ৰাইজে বুধবাৰে বিদ্যালয়খনত উপস্থিত হৈ নিহত ভৱেশ ডেকা পূৰ্বৰে পৰা অসুস্থ হৈ থকা বুলি সংবাদ মাধ্যমৰ আগত কিয় বিভ্ৰান্তিকৰ ভাষ্য প্ৰদান কৰিছিল বুলি প্ৰশ্ন কৰি পৰিস্থিতি উত্তপ্ত কৰি তোলে ৷ৰাইজৰ ৰুদ্ৰমূৰ্তি দেখি প্ৰধান শিক্ষয়িত্ৰীগৰাকীয়ে ক্ষমা বিচৰাতহে পৰিস্থিতি কিছু ক্ষান্ত হয় ৷স্থানীয় ৰাইজে ঘটনাত জড়িত ছাত্ৰ কেইগৰাকীৰ লগতে প্ৰধান শিক্ষয়িত্ৰীগৰাকীও সমানে জগৰীয়া বুলি দাবী কৰে ৷ কিয়নো প্ৰধান শিক্ষয়িত্ৰীগৰাকীয়ে বিদ্যালয়খনত যিধৰণে দায়িত্ব ল’ব লাগিছিল সেই ধৰণে দায়িত্ব আৰু কৰ্তব্য পালন নকৰাৰ বাবেই বিদ্যালয়খনত এনে মৰ্মান্তিক ঘটনা সংঘটিত হ’বলৈ পালে বুলি অভিযোগ কৰে ৷
ভবেশৰ পিতৃ- মাতৃ আৰু বায়েকক চিকিৎসালয়ত ভৰ্তি
ইফালে ২৪ ছেপ্টেম্বৰত আবেলি মৰণোত্তৰ পৰীক্ষাৰ অন্তত ভবেশৰ নিথৰ দেহ ঘৰলৈ আনি এক শোকাকুল পৰিৱেশৰ মাজত শেষকৃত সম্পৰ্ণ কৰাৰ পাছতে ভবেশৰ পিতৃ-মাতৃ আৰু বায়েককো চিকিৎসালয়ত ভত্তিৰ্ কৰাবলগীয়া হয় ৷ নিশাই ভবেশৰ পিতৃ হেমচন্দ্ৰ ডেকাৰ লগতে মাতৃ ধনমণি ডেকা আৰু বায়েকৰ লগতে একেলগে পঢ়া এগৰাকী সহপাঠীকো দেওমৰনৈ সামূহিক স্বাস্থ্য কেন্দ্ৰত ভৰ্তি কৰি চিকিৎসা প্ৰদান কৰি থকা হৈছে(Deomornoi Community Health Centre) ৷
লগতে পঢ়ক: দশম শ্ৰেণীৰ ছাত্ৰৰ প্ৰহাৰত প্ৰাণ গ’ল নৱম শ্ৰেণীৰ ছাত্ৰৰ
