তামুলপুৰ, ২৫ ছেপ্টেম্বৰ: তামুলপুৰ জিলাৰ নাগ্ৰীজুলিৰ লগতে ভাৰত-ভূটান সীমান্তত বনৰীয়া হাতীৰ উপদ্ৰৱ অব্যাহত আছে(Wild elephant causes terror at Nagrijuli) ৷ বনাঞ্চল ধবংস হোৱাৰ ফলত খাদ্যৰ অভাৱ হোৱাত খাদ্যৰ সন্ধানত পাহাৰৰ পৰা নামি অহা বনৰীয়া হাতীৰ জাক এটা সোমবাৰে নিশা ভূটান সীমান্তৰ পাহাৰৰ পৰা নদীৰ বুকুৰে নামি আহি সিদ্ধিনাথপুৰ গাঁও হৈ বৃহত্তৰ নাগ্ৰীজুলি অঞ্চলত প্ৰৱেশ কৰে(Indo-Bhutan border) ৷
হাতীৰ জাকটোৱে ইক্ৰাবিল গাঁৱত প্ৰৱেশ কৰি গাঁওখনৰ মাণিক মণ্ডল নামৰ লোকজনৰ বাসগৃহ ভাঙি লণ্ড-ভণ্ড কৰাৰ লগতে ভঁৰালৰ ধান, চাউল খাই, বাচন-বৰ্তন ভাঙি পেলায়(Wild Elephant Rampage in Nagrijuli) ৷ হাতীৰ জাকৰ প্ৰৱেশৰ খবৰ পাই নিশা বগৰীখুঁটি বন বিভাগৰ লোকে জাকটোক খেদিবলৈ চেষ্টা অব্যাহত ৰাখে ৷
উল্লেখ যে, ইয়াৰ পূৰ্বে জাকটোৱে মটঙা নৈ(Motonga River)ৰ বুকুয়েদি দক্ষিণৰ জনাঞ্চলত প্ৰৱেশ কৰি তামোলৰ বৃহৎ বাগান অনিষ্ট কৰাৰ লগতে পথাৰৰ ধান খাই অনিষ্ট কৰে ৷নিশা বনৰীয়া হাতীৰ জাকটোৱে গণেশপুৰ গাঁৱত প্ৰৱেশ কৰি বহু বিঘা মাটিৰ ধান খাই তহিলং কৰাত কৃষকসকলৰ মাজত হাহাকাৰ অৱস্থাৰ সৃষ্টি হয় ৷
নিশা জুই জ্বলাই, টিন বজাই হাতীৰ জাকটোক খেদিবলৈ ৰাইজে চেষ্টা কৰিও বিফল হয় ৷ গোটেই নিশা হাতীৰ জাকটোৱে তাণ্ডৱ চলাই পুৱতি নিশা জাকটোৱে বৰনদীৰ দিশলৈ গতি কৰে ৷
বৰ্তমান জাকটো নাগ্ৰীজুলিৰ পূব দিশত অৱস্থান কৰি আছে বুলি জানিব পৰা গৈছে ৷ জাকটোত পোৱালি হাতীসহ ৭০ৰো অধিক হাতী থকাৰ বুলি জানিব পৰা গৈছে ৷