গুৱাহাটী, ২৪ ছেপ্টেম্বৰ, ২০২৪: মানুহৰ জীৱনত স্বাস্থ্য আৰু ফিটনেছৰ গুৰুত্বপূর্ণ প্রভাৱ বিবেচনা কৰি ২০২৪ চনৰ ৩১ আগষ্টত গুৱাহাটীত মুকলি কৰা হ’ল ‘দ্য ফিটনেছ ফর্মুলা’ৰ প্ৰথমটো ফিটনেছ কেন্দ্র। মহানগৰীৰ গীতানগৰৰ বি এছ এফ কেম্পৰ সমীপৰ গৃহ নং ২৭১ত এই ফিটনেছ কেন্দ্ৰটো মুকলি কৰা হয়।(Fitness Center)

৩২০০ বর্গফুট এলেকাত বিস্তৃত এই জিমটোত সকলো প্রয়োজনীয় সা-সুবিধাৰ সু-ব্যৱস্থাপনাৰ লগতে ইয়াত বিশ্বমানৰ ফিটনেছ আৰু জীৱনশৈলীৰ সৈতে জড়িত সেৱাসমূহো উপলব্ধ কৰা হৈছে। ব্যক্তিৰ সামগ্রিক সুস্থতাৰ ওপৰত গুৰুত্ব আৰোপ কৰি এই কেন্দ্ৰটোৱে শাৰীৰিক সুস্বাস্থ্যৰ সমান্তৰালকৈ পূর্ণ স্বাস্থ্য তথা পুষ্টিমুলক সমাধানো আগবঢ়ায়।

উল্লেখ্য যে, এই এই ফিটনেছ কেন্দ্ৰটো স্থাপন কৰা ব্যক্তিসকলৰ ভিতৰত আছে ৰিপুণজিৎ দাস, ৰোহিত ৰাউথ, আৰু পূজা শর্মা। ‘অসমৰ ৰিপুণ’ নামৰ এটা জনপ্রিয় ইউটিউব চেনেল চলাই থকা ৰিপুণজিৎ দাস হৈছে কম্পিউটাৰ বিজ্ঞানত স্নাতক আৰু এম বি এ ডিগ্রীধাৰী।(The Fit Formula launched in Guwahati)

ইফালে, নেশ্যনেল একাডেমী অৱ স্পার্টছ এণ্ড মেডিচিনে প্রদান কৰা ‘শ্বেৰু ক্লাছিক’ বঁটা লাভ কৰা প্ৰথমগৰাকী ব্যক্তি হিচাপে পৰিগণিত হোৱা বোহিত ৰাউথৰ ফিটনেছ উদ্যোগত আছে ষোল্ল বছৰীয়া অনন্য অভিজ্ঞতা। ফিটনেছ উদ্যোগৰ সৈতে জড়িত থাকি তেওঁ ইতিমধ্যে অসংখ্য পদক লাভ কৰিবলৈ সক্ষম হৈছে।(TFF Gym)

আনহাতে, ছমহীয়া গর্ভাৱস্থাতে প্রসিদ্ধ কেদাৰনাথ আৰোহণ কৰি ইতিহাস ৰচনা কৰিবলৈ সক্ষম হৈছিল পূজা শৰ্মাই। ইয়াৰ বাবে তেওঁ ইন্ডিয়া বুক অৱ ৰেকৰ্ডছতো নিজৰ নাম অন্তর্ভূক্ত কৰিবলৈ সক্ষম হৈছে। কম্পিউটাৰ এপ্লিকেচন আৰু বিজনেছ এডমিনিষ্ট্ৰেচনত স্নাতকোত্তৰ ডিগ্রী লাভ কৰা পূজা শৰ্মাৰো ফিটনেছ উদ্যোগত আছে কেইবাবছৰীয়া অভিজ্ঞতা।

লক্ষণীয় যে, এই জিমত প্রশিক্ষক হিচাপে আছে মেঘালয়ৰ ২৩ বছৰীয়া অশিত বৰুৱা। প্রণিধানযোগ্য যে, অশিত বৰুৱাই শেহতীয়াকৈ ৭০ কেজি- ওজন শাখাত জুনিয়ৰ পুৰুষ বডি বিল্ডিং বিভাগত আন্তঃৰাষ্ট্ৰীয় ফিটনেছ এণ্ড বডি বিল্ডিং ফেডাৰেচনে প্ৰদান কৰা ‘মিষ্টাৰ ইউনিভাৰ্ছ ২০২৪’ খিতাপ দখল কৰিছে। মুম্বাইত অনুষ্ঠিত এই প্রতিযোগিতাত বিভিন্ন দেশৰ প্ৰায় ১০০০ প্রতিযোগীয়ে অংশগ্রহণ কৰিছিল। অশিতক প্রশিক্ষণ প্রদান কৰিছিল তেওঁৰ পিতৃ আৰু ৰোহিত ৰাউথে। বর্তমান তেওঁ ‘দ্য ফিট ফর্মুলা’ জিমত ব্যক্তিগত প্রশিক্ষক হিচাপে নিযুক্ত হৈ আছে।

দ্য ফিট ফর্মুলাৰ উদ্বোধনী অনুষ্ঠানত ফিটনেছ কেন্দ্ৰটোৰ প্ৰতিষ্ঠাপকসকলে কয়, “আমাৰ সেৱাসমূহৰ ভিতৰত ব্যক্তিগত লক্ষ্য অনুসৰি বিশেষ খাদ্যৰ বিকল্প অন্তর্ভুক্ত কৰা হৈছে, যিয়ে গ্রাহকৰ ওজন হ্রাস বা বৃদ্ধিৰ লক্ষ্যত উপনীত হোৱাত সহায় কৰে। লগতে, যিসকলে পিঠিৰ সমস্যা, ডায়েবেটিছ, হার্নিয়া আদি ৰোগত ভুগি আছে, তেওঁলোকেও আমাৰ কাৰ্যসূচীত যোগদান কৰিব পাৰে। ইয়াত আমি তেওঁলোকৰ বাবে বিশেষভারে প্রস্তুত কৰা ব্যায়ামৰ ৰুটিন প্রদান কৰিম।”

স্বাস্থ্যই পৰম ধন- এই নীতিৰ ওপৰত বিশ্বাসী দ্য ফিট ফর্মুলাই সুস্থ জীৱনশৈলীৰ প্ৰসাৰৰ বাবে নিজৰ সমৰ্পণ ব্যক্ত কৰি আহিছে। গীতানগৰ, জু- নাৰেঙ্গী ৰোডৰ গৃহ নং ২৭১ত অৱস্থিত দ্য ফিট ফর্মুলা (টি এফ এফ) জিমৰ বিষয়ে অধিক তথ্য লাভ কৰিবলৈ ৭০৯৯০৭০১১১ নম্বৰত ফোন কৰক।