ওৰাং ৰাষ্ট্রীয় উদ্যানত অঘটন। বাঘে আক্ৰমণ কৰি চুচৰাই ঘন জংঘললৈ লৈ গ’ল গৃহৰক্ষী জোৱানক। প্ৰাপ্ত খবৰ অনুসৰি বুধবাৰে সন্ধিয়া প্ৰায় ৫.৩০ বজাত আন এজন বনকৰ্মীৰ সৈতে উদ্যানখনত কাহীবাৰী বনশিবিৰৰ ওচৰত টহল দি থকা অৱস্থাত বাঘে আক্ৰমণ কৰি চুচৰাই ঘন জংঘললৈ লৈ গ’ল গৃহৰক্ষী জোৱানক।
প্ৰায় ২ ঘন্টা ধৰি বন বিভাগে অভিজান চলাই অৱশেষত ধনমনি ডেকাৰ মৃত দেহ উদ্ধাৰ কৰিছে। জানিব পৰা মতে ধনমনি ডেকাৰ ঘৰ মঙ্গলদৈ হাতিমাৰা নগাঁত৷ প্ৰায় ৬ মাহ পূৰ্বে বিবাহপাশত আৱদ্ধ হৈছিল ধনমনি৷
গুৱাহাটীৰ জয়ানগৰত নিচাসক্ত যুৱকৰ তাণ্ডৱ। চোকা অস্ত্ৰ লৈ শান্তি পথত তাণ্ডৱ অজয় গুপ্তা নামৰ যুৱকজনৰ। ৫ দিন ধৰি অঞ্চলটোত অশান্তিৰ সৃষ্টি কৰি আহিছিল যুৱকজনে।
দিনৰ ভাগতো হাতত অস্ত্ৰ লৈ কেইবাখনো দোকানত কৰিছিল ধন দাবী। ধন নিদিলে আক্ৰমণ কৰাৰ ভাবুকি দিছিল যুৱকজনে।
ঘৰৰ পৰিয়ালৰ লগতে অঞ্চলটোৰ বাসিন্দাকো দিছিল প্ৰাণে মৰাৰ ভাবুকি।
ভ্ৰাম্যমান থিয়েটাৰ চলি থাকোতে অঘটন। বৰপেটা জিলাৰ চেঙাত চলি আছিল ইতিহাস থিয়েটাৰৰ দ্বিতীয় নাট মহাৰাজতত অঘটন। যতীন বৰাই দৰ্শকৰ মাজৰে গাড়ী চলাই আহি থাকতে গাড়ীৰ সৈতে বাগৰি পৰে দৰ্শকৰ মাজত।
যাৰফলত মহিলাসহ শিশু ৭ জনকৈ লোক আঘাতপ্ৰাপ্ত হয়। আহত কেইগৰাকীক চেঙা আদর্শ চিকিৎসালয়লৈ প্ৰেৰণ কৰে। ইতিমধ্যে ঘটনাস্থলীত তাৰাবাৰী আৰক্ষী উপস্থিত হয়।
ছিপাঝাৰৰ ভেৰুৱাত ডকাইতি। মিণ্টু শৰ্মা নামৰ যুৱকজনক চোকা অস্ত্ৰৰে আক্ৰমণ ডকাইতৰ।
যুৱকজনক আক্ৰমণ কৰি ডকাইতে লৈ যায় ৩০ হাজাৰ টকা। এখন মাৰুতী অ’ল্টো বাহনত আহিছিল চাৰিজনীয়া ডকাইতৰ দলটো। দুনী-সাৰেং পথত সংঘটিত হয় এই ঘটনা।
ফাৰ্ণিচাৰ ব্যৱসায়ী মিণ্টু শৰ্মাৰ এখন হাতত ঘপিয়াই ডকাইতে।
জম্মু-কাশ্মীৰত সেনা-সন্ত্ৰাসবাদীৰ সংঘৰ্ষ। এনকাউণ্টাৰত নিহত ৩ সন্ত্ৰাসবাদী। বুধবাৰে নিশাৰে পৰা ৰাজৌৰী,
কুপৱাড়া আৰু পুঞ্চত সন্ত্ৰাসবাদীবিৰোধী অভিযান। নিৰাপত্তা বাহিনীয়ে ঘেৰাও কৰি ৰাখিছে সমগ্ৰ অঞ্চল।
কুপৱাড়াত LOC অতিক্ৰমী দুটাকৈ স্থানত প্ৰৱেশৰ চেষ্টা সন্ত্ৰাসবাদীৰ।
কঁকাল আৰু পিঠিত বৃদ্ধি পোৱা চৰ্বিয়ে শৰীৰৰ আকৃতি সম্পূৰ্ণৰূপে নষ্ট কৰি পেলায়। আমাৰ দেশত যুগ যুগ ধৰি হালধি ব্যৱহাৰ হৈ আহিছে। হালধিৰ ঔষধি গুণৰ বাবে ইয়াক ছুপাৰফুডৰ শ্ৰেণীতো ৰখা হৈছে। ৰন্ধন, প্ৰসাধন সামগ্ৰী আৰু ঔষধত হালধি ব্যৱহাৰ কৰা হয়। কিন্তু আপুনি জানেনে যে হালধি দ্বাৰা কঁকালৰ চৰ্বিও কম কৰিব পাৰি।
হালধিত পটাছিয়াম, ওমেগা-৩ ফেটি এচিড, প্ৰটিন, কাৰ্বহাইড্ৰেট, ফাইবাৰ থাকে। কিন্তু আপুনি জানেনে যে হালধি কেৱল আপোনাৰ শৰীৰক সুস্থ কৰি ৰখাত সহায় কৰাই নহয় ওজন কমাবলৈও অতি ফলপ্ৰসূ। দৈনিক একাপ হালধি চাহ খালে আপোনাৰ ওজন কমাব পাৰে।
এটা পাত্ৰত পানী অলপ লৈ লওক। তাত আদা আৰু হালধিৰ গুড়ি কম পৰিমাণে দিব। এতিয়া উতলিবলৈ দিয়ক। উতলিবলৈ আৰম্ভ কৰিলে লগে লগে গেছটো বন্ধ কৰি ঠাণ্ডা হ’বলৈ দিব। কাপত ফিল্টাৰ কৰি চাহখিনি পৰিবেশন কৰক।
হালধি চাহৰ ৪ টা উপকাৰিতা জানি লওক-
১) শৰীৰত যদি কোনো ধৰণৰ সংক্ৰমণ হয় তেন্তে এই চাহ আঁতৰোৱাত সহায়ক হয়।
২) এই চাহে মেটাবলিক চিনড্ৰম প্ৰতিৰোধ কৰে। এই চিনড্ৰম মেদবহুলতাৰ সৈতে জড়িত বুলি ধৰা হয়। বিপাকীয় পৰিৱৰ্তনৰ বাবে পেটৰ চাৰিওফালে চৰ্বি বৃদ্ধি পায়।
৩) হালধি চাহ খালে কলেষ্টেৰলৰ সম্ভাৱনা হ্ৰাস পায়। লগতে শৰীৰত তেজৰ চেনিৰ মাত্ৰা নিয়ন্ত্ৰিত হৈ থাকে।
৪) ইয়াৰ ফলত হজম শক্তি উন্নত হয়। ভাল হজম শক্তিৰ বাবে গেছ আৰু পেট ফুলাৰ দৰে কোনো সমস্যা নহয়।
প্ৰদেশ কংগ্ৰেছত আকৌ বিদ্ৰোহ! সভাপতি ভূপেন বৰাৰ বিৰুদ্ধে একত্ৰিত একাংশ বিধায়ক। ভূপেন বৰাক সভাপতি পদৰ পৰা অপসাৰণ কৰিবলৈ স্বাক্ষৰ অভিযান।
কমেও ১৮-১৯জন কংগ্ৰেছ বিধায়কৰ স্বাক্ষৰ । AICCলৈ প্ৰেৰণ কৰা হৈছে বিধায়কৰ স্বাক্ষৰিত পত্ৰ। সমগ্ৰ প্ৰক্ৰিয়াত কংগ্ৰেছৰ এজন সাংসদে নেতৃত্ব লোৱা বুলি চৰ্চা।
ভূপেন বৰাক আঁতৰাই গৌৰৱ গগৈক সভাপতি পতাৰ দাবী বিদ্ৰোহী বিধায়কৰ।
মেঘালয়ৰ নংগিৰি প্ৰেছবিটেৰিয়ান মাধ্যমিক বিদ্যালয়ে ৬৩ সংখ্যক সুব্ৰত কাপ ছাৱ-জুনিয়ৰ ফুটবলৰ ল’ৰাৰ খিতাপ দখল কৰিছে৷ বেংগালুৰুত বুধবাৰে অনুষ্ঠিত হোৱা ফাইনেলত দলে ৩-০ গলৰ ব্যৱধানত পৰাস্ত কৰে উত্তৰ প্ৰদেশৰ মেজৰ ধ্যানচান্দ ক্ৰীড়া মহাবিদ্যালয়ক৷ বিজয়ী দলটোৰ হৈ ৰিনটঙে দুটা গ’ল কৰাৰ বিপৰীতে নামেবানলাম নংচেহে তৃতীয়টো গ’ল দিয়ে৷
উল্লেখ্য যে খেলৰ ২০ ছেকেণ্ডতে প্ৰথমটো গল কৰা ৰিনটঙে ৩৪ মিনিটত দ্বিতীয়টো গল কৰে৷ আনহাতে, মেঘালয়ে ৪৮ মিনিটত তৃতীয়টো গল কৰে৷ খেলৰ অন্তত চেম্পিয়ন দলক বঁটা আৰু প্ৰাইজমানি প্ৰদান কৰে এয়াৰ মাশ্বৰ্ল নাগেশ কাপুৰ, ভাৰতীয় বেডমিণ্টনৰ তাৰকা অলিম্পিয়ান এইচ এছ প্ৰনয় আৰু এথলীট অশ্বিনী আকুনজিয়ে৷
বিজয়ী দলে চাৰি লাখ, ৰানাৰ্ছআপ দলে দুই লাখ, ছেমিফাইনেল পৰাস্ত হোৱা উভয় দলে ৫০ হেজাৰকৈ আৰু কোৱাৰ্টাৰ ফাইনেলত পৰাস্ত হোৱা দলে ২৫ হেজাৰকৈ টকা লাভ কৰে৷ উল্লেখ্য যে প্ৰতিযোগিতালৈ অসমৰ ক্ৰীড়া বিভাগেও দল প্ৰেৰণ কৰিছিল যদিও বয়সৰ পৰীক্ষাতে ব্যৰ্থ হৈ এখনো মেচত অংশ ল’ব নোৱাৰিলে৷ অথচ লাখ টকা খৰছ কৰি বিভাগে অসমত প্ৰতিযোগিতা আয়োজন কৰিছিল৷
ইফালে, প্ৰতিযোগিতাৰ শ্ৰেষ্ঠ খেলুৱৈ নিৰ্বাচিত হয় মেজৰ ধ্যানচান্দ ক্ৰীড়া মহাবিদ্যালয়ৰ অভিষেক পেটেল৷ তেওঁ ৪০ হেজাৰ টকা লাভ কৰে৷ শ্ৰেষ্ঠ গ’লৰক্ষক মেঘালয়ৰ থ্ৰিচিলবিথ এ চাংমা আৰু শ্ৰেষ্ঠ প্ৰশিক্ষক মেঘালয়ৰ দলটোৰ পিনখ্ৰেহলাং নংচেহ৷ উভয়ে ২৫ হেজাৰকৈ লাভ কৰে৷ ফেয়াৰ প্লে বঁটা লাভ কৰা ছিকিমৰ তাছি নামগ্যাল একাডেমীক ৫০ হেজাৰ প্ৰদান কৰাৰ বিপৰীতে শ্ৰেষ্ঠ বিদ্যালয়ৰ সন্মান লাভ কৰা মেজৰ ধ্যানচান্দ ক্ৰীড়া মহাবিদ্যালয়ক ৪০ হেজাৰ টকা দিয়া হয়৷
উল্লেখ্য যে সুব্ৰত কাপৰ জুনিয়ৰ ছোৱালীৰ খেল ইতিপূৰ্বে সমাপ্ত হোৱাৰ পাছত অহা দুই ছেপ্টেম্বৰৰ পৰা নতুন দিল্লীত ১৭ বছৰ অনূধ্বৰ্ ল’ৰাৰ জুনিয়ৰ প্ৰতিযোগিতা অনুষ্ঠিত হ’ব৷ অসমেও এই প্ৰতিযোগিতালৈ পিলিক চৌধুৰীৰ চেম্পিয়ন দলটোক প্ৰেৰণ কৰিব৷
২৮ আগষ্টঃ এক ভয়ংকৰ দুৰ্ঘটনাত পতিত হৈ বিগত দহটা দিনে জীৱন মৃত্যুৰে যুঁজি অৱশেষত নিয়তিৰ ওচৰত হাৰ মানিলে মৰিধল মহাবিদ্যালয়ৰ মেধাৱী ছাত্ৰী নয়না দেৱীয়ে ৷ যোৱা ১৯ আগষ্টৰ সন্ধিয়া মৰিধলৰ খজুৱাত সংঘটিত এক পথ দুৰ্ঘটনাত গুৰুতৰভাৱে আঘাতপ্ৰাপ্ত হৈ ডিব্ৰুগড়ৰ অসম চিকিৎসা মহাবিদ্যালয়ত চিকিৎসাধীন হৈ থকা ছাত্ৰীগৰাকীয়ে আজি দিনৰ প্ৰায় ২.৩০ বজাত শেষ নিশ্বাস ত্যাগ কৰে ৷
উল্লেখ্য যে, যোৱা ১৯ আগষ্টৰ সন্ধিয়া নয়না দেৱীয়ে ঘৰলৈ বুলি মৰিধলৰপৰা ধেমাজি অভিমুখী AS 22C 9768 নম্বৰৰ এখন অট’ত যাত্রী হিচাপে আহি থকা অৱস্থাত ধেমাজি মৰিধল খজুৰাস্থিত পেট্রল ডিপুৰ সমীপত বিপৰীত দিশৰ পৰা অহা AS 07X 6965 নম্বৰৰ এখন Scorpio গাড়ীয়ে সম্মুখৰ পৰা প্রচণ্ড জোৰত খুন্দা মৰাত অট’খনত একমাত্র যাত্রী হিচাপে থকা নয়না দেবী গুৰুতৰভাবে আঘাতপ্রাপ্ত হৈছিল ।
পিছত অতি সংকটজনক অৱস্থাত থকা নয়নাক ধেমাজি অসামৰিক চিকিৎসালয়লৈ নিয়া হৈছিল যদিও পিছত উন্নত চিকিৎসাৰ বাবে ডিব্রুগড়লৈ নিয়া হৈছিল ৷ প্ৰথম অৱস্থাত সংকটজনক অবস্থাত ডিব্ৰুগড়ৰ ‘সৃষ্টি নার্চিং হ’ম’ত ভৰ্তি কৰা হৈছিল যদিও জটিল অৱস্থাত থকা নয়নাক শেহতীয়াকৈ অসম চিকিৎসা মহাবিদ্যালয়ৰ আই,চি,ইউত ৰখা হৈছিল ৷ শৰীৰৰ বিভিন্ন অংশত গুৰুতৰ জখম লৈ চিকিৎসাধীন হৈ থকা নয়নাই বিগত দহটা দিনেই ভেন্টিলেচনৰ মাজত জীৱন মৃত্যুৰে যুঁজিছিল ৷ মৰিধল মহাবিদ্যালয়ত ডিব্ৰুগড় বিশ্ববিদ্যালয়ৰ অধীনৰ দুৰ-সংযোগী পাঠ্যক্ৰমৰ স্নাতকোত্তৰ শাখাৰ দ্বিতীয় ষান্মাষিকৰ(অসমীয়া বিভাগৰ) ছাত্ৰী নয়না দেৱীৰ মৃত্যুৰ বাতৰিয়ে শোকস্তব্ধ কৰি তুলিছে সকলোকে ৷ ছাত্ৰীগৰাকীৰ আশু আৰোগ্যৰ বাবে সকলোৱে ভগৱানৰ ওচৰত প্ৰাৰ্থনা কৰিছিল যদিও তাই আজি কৰুণ মৃত্যুক সাৱতি লয় ৷ মেধাৱী ছাত্ৰীগৰাকীৰ মৃত্যুত সমগ্ৰ মৰিধল মহাবিদ্যালয় পৰিয়ালবৰ্গ, বিভিন্ন ছাত্ৰ সংগঠন তথা শুভাকাংক্ষী সকলোৱে গভীৰ শোক প্ৰকাশ কৰিছে ৷
স্মাৰ্ট মিটাৰ বন্ধ কৰা আৰু বিদ্যুৎ যোগান নিয়মীয়া কৰাৰ দাবীত ঢেকীয়াজুলিত কংগ্ৰেছ দলে তীব্ৰ প্ৰতিবাদ সাব্যস্ত কৰে৷উল্লেখ্য যে স্মাৰ্ট মিটাৰ আৰু অনিয়মীয়া বিদ্যুৎ যোগানে গ্ৰাহক ৰাইজক ব্যাপক সমস্যাত পেলাইছে
ইয়াকেলৈ ভাৰতীয় জাতীয় কংগ্ৰেছ দলৰ ঢেকীয়াজুলি বিধানসভা সমষ্টি কমিটি আৰু বৰছলা বিধানসভা সমষ্টি কমিটিৰ যৌথ উদ্যোগত ঢেকীয়াজুলি বিদ্যুৎ উপ সংমণ্ডল(১) কাৰ্যালয়ত বিভিন্ন শ্ল’গান দি তীব্ৰ প্ৰতিবাদ সাব্যস্ত কৰি পৰিবেশ উত্তাল কৰে৷
প্ৰতিবাদী কাৰ্যসূচীত কংগ্ৰেছ দলৰ শোণিতপুৰ জিলা সমিতিৰ উপ-সভাপতি সকল ক্ৰমে বেণুধৰ নাথ,উৎপল নন্দী,সাধাৰণ সম্পাদক অনাথ বন্ধু গোহৰাই,অসম প্ৰদেশ কংগ্ৰেছ কমিটিৰ উপ সভাপতি কাৰ্তিক কুৰ্মী,কংগ্ৰেছ দলৰ ঢেকীয়াজুলি নগৰ কমিটিৰ
সভাপতি স্বদেশ ঘোষ,ঢেকীয়জুলি গ্ৰাম্য ব্লক কংগ্ৰেছ কমিটিৰ সভাপতি প্ৰফুল্ল ৰাভা,বৰছলা ব্লক কংগ্ৰেছ কমিটিৰ সভাপতি হীৰেণ সেন,বিহগুৰি ব্লক কংগ্ৰেছ কমিটিৰ ভাৰপ্ৰাপ্ত সভাপতি বিপিন নাথ,সম্পাদক সুনীল কছাৰী,ঢেকীয়াজুলি ব্লক কংগ্ৰেছ কমিটিৰ
সম্পাদকদ্বয় ক্ৰমে হৰেন বৈশ্য,মোহন চেত্ৰী আৰু নিলোৎপল বৰা,বৰছলা ব্লক কংগ্ৰেছ কমিটিৰ সম্পাদক ছাহেব আলী,অসম জাতীয় পৰিষদৰ ৰাজ্যিক উপ সভাপতি অঞ্জন উপাধ্যায়,ৰাইজৰ দলৰ শোণিতপুৰ জিলাৰ সম্পাদক আৰিফ আহামেদ,ৰাইজৰ দলৰ কাৰ্যনিৰ্বাহক সদস্য পাৰূল আহমেদৰ লগতে
মহিলা কংগ্ৰেছৰ নেত্ৰী শীমা দেৱনাথ চম্পা বড়ো,মামনি গোৱালা,মীনা বিভাৰৰ উপৰিও প্ৰতিটো দলৰে নেতাকৰ্মী উপস্থিত থাকে৷
