ৰাজ্যত এক উদ্যোগীমুখী পৰিস্থিতিতন্ত্ৰ সৃষ্টিৰ দিশত প্ৰস্তুতিৰ প্ৰতি লক্ষ্য ৰাখি মুখ্যমন্ত্ৰী ড০ হিমন্ত বিশ্ব শৰ্মাই মুখ্যমন্ত্ৰীৰ আত্মনিৰ্ভৰ অসম অভিযানৰ সন্দর্ভত এক বৈঠকত অংশগ্রহণ কৰে।
নতুন উদ্যোগ স্থাপন আৰু বিদ্যমান উদ্যোগসমূহৰ শক্তিশালীকৰণেৰে গ্ৰাম্য অঞ্চলৰ লগতে নগৰাঞ্চলত নিয়োগৰ সুযোগ সৃষ্টি কৰি মুখ্যমন্ত্ৰীয়ে উদ্যোগ, বাণিজ্য আৰু ৰাজহুৱা প্রতিষ্ঠান বিভাগৰ কাৰ্যকৰী সংস্থাটোক অভিযানটোক ইয়াৰ প্ৰতিশ্ৰুতিপূৰ্ণ সাফল্যৰ দিশত লৈ যোৱাৰ বাবে সকলো প্ৰস্তুতি সম্পূর্ণ কৰিবলৈ নির্দেশনা প্রদান কৰে।
এই আঁচনিৰ অধীনত নিৰ্বাচিত হিতাধিকাৰীসকলে নতুন অৰ্থনৈতিক ব্যৱসায় আৰম্ভ কৰিবলৈ আৰু তেওঁলোকৰ বিদ্যমান ব্যৱসায় সম্প্ৰসাৰিত কৰিবলৈ বিত্তীয় সহায় লাভ কৰিব।
বিগত বছৰ সমূহৰ দৰে এইবাৰো চতুৰ্থ সংখ্যক বিহপুৰীয়া সমষ্টিভিত্তিত বিধায়ক অমিয় কুমাৰ ভূঞাৰ তৎপৰতাত ৭৩ নং বিহপুৰীয়া বিধান সভা সমষ্টিৰ বিধায়কৰ শিক্ষা উন্নয়ন সমিতৰ উদ্যোগত , ফুলনিখাট উচ্চ মাধ্যমিক বিদ্যালয় আৰু ৰাইজৰ সহযোগত চতুৰ্থ বাৰৰ বাবে শিক্ষক দিৱসভাগ অনুষ্ঠিত কৰিবলৈ সিদ্ধান্ত লোৱা হৈছে।
সমষ্টিভিত্তিত আয়োজন কৰা এইবাৰ শিক্ষক দিৱসটি দুদিনীয়া বৰ্ণাঢ্য কাৰ্যসূচীৰে ৪ আৰু ৫ ছেপ্তেম্বৰ বুধ আৰু বৃহস্পতিবাৰে নাৰায়ণপুৰ সাতবৰস্থিত ফুলনিখাট উচ্চ মাধ্যমিক বিদ্যালয়ত অনুষ্ঠিত হ’ব। ইতিমধ্যে পূৰ্ণগতিত প্ৰস্তুতি চলি থকা অনুষ্ঠানটোৰ বাবে এখন সবল অভ্যৰ্থনা সমিতি গঠন কৰি দিয়া হৈছে।
ড°অমিয় কুমাৰ ভূঞাক মুখ্য উপদেষ্টা,বিৰেন্দ্ৰ নাথ ভাগৱতীক উপদেষ্টা আৰু মনোৰঞ্জন শৰ্মাক আহ্বায়ক বিহপুৰীয়া সমষ্টিৰ শিক্ষা উন্নয়ন সমিতি আৰু শিক্ষা আদৰণী সমিতিৰ হিচাপে অৰুণ বৰাক সভাপতি, হিৰেণ দাসক প্রধান সম্পাদক,মনোজ দত্ত আৰু গকুল বণিয়া যুটীয়া সম্পাদক হিচাপে লৈ গঠন কৰা সমিতিখনে পূৰ্ণ পৰ্যায়ত প্ৰস্তুতি চলাই কেইবাখনো উপ সমিতি গঠন কৰিছে।
অনুষ্ঠানৰ লগত সংগতি ৰাখি জ্যোতিৰ্ময় নামৰ এখন স্মৰণিকা প্ৰকাশৰো ব্যৱস্থা কৰি জগত গগৈক সম্পাদক সঞ্জীৱ বসুমতাৰীক সহযোগী সম্পাদক আৰু সত্যৰঞ্জন বৰাক সভাপতি হিচাপে লৈ গঠন কৰা হৈছে। এখন পূৰ্ণাঙ্গ সম্পাদনা সমিতি উক্ত অনুষ্ঠান সকলো ৰাইজৰ সহযোগিতা আৰু প্ৰতিযোগিতাত ইচ্ছুক প্ৰতিযোগীক প্ৰতিযোগিতাত অংশগ্ৰহণ কামনা কৰিছে।
