নাজিৰাৰ মাদুৰি টি ইষ্টেটৰ নিৱাসী অমিতাভ বৰা আৰু মেঘালীমা দত্তৰ একমাত্ৰ সন্তান দাৰ্বিক ডি বৰাই ভাৰতৰ সকলো ৰাজ্যৰ নাম , ৰাজ্যসমূহৰ ৰাজধানী, ৰাজ্য সমূহৰ সকলো জিলাৰ নাম , কেন্দ্ৰীয় শাসিত অঞ্চলসমূহৰ
জিলাৰ নাম, মাত্ৰ ৬.৫৫ মিনিটত আওৰাই ইণ্ডিয়া বুক অৱ ৰেকৰ্ডছত নাম অন্তৰ্ভূক্ত কৰিবলৈ সক্ষম হৈছে। শিৱসাগৰ জিলাৰ টেম্পুল টাউন ইউৰো বিদ্যালয়ৰ
চিনিঅ’ৰ কেজিত অধ্যয়ন কৰি থকা মাত্ৰ ৫ বছৰীয়া দাৰ্বিকৰ এই সফলতাত স্বাভাবিকতে উৎফুল্লিত হৈ পৰিছে কনমানিটোৰ পিতৃ- মাতৃৰ লগতে স্থানীয় ৰাইজ।
ভাৰতৰ বিভিন্ন প্ৰান্তৰ দহ জনৰো অধিক উপাচাৰ্য, শিক্ষাবিদ, আৰু অন্যান্য বিশিষ্ট ব্যক্তিসকলৰ উপস্থিতিত আজি ইউনিভাৰ্ছিটি অফ চায়েঞ্চ এণ্ড টেকনোলজী মেঘালয়ৰ দশম সমাৱৰ্তন সমাৱেশ সফলভাৱে অনুষ্ঠিত হয়। মুঠ ১৬৩৯ জন ছাত্ৰ ছাত্ৰীক এই সমাবৰ্তনত ডিগ্ৰী প্ৰাদান কৰা হয়। ইয়াৰে ১৭ গৰাকীয়ে পি এইচ ডি ডিগ্ৰী, ৯০৬ গৰাকীয়ে স্নাতকোত্তৰ ডিগ্ৰী আৰু ৭১৬ গৰাকীয়ে স্নাতক ডিগ্ৰী লাভ কৰে। অসম আৰু মেঘালয়ৰ সাংস্কৃতিক জগতৰ দুইতাৰকা জুবিন গাৰ্গ আৰু লৌ মাজাউক ডি.লিট সন্মান প্ৰদান কৰা হয়। শিল্প আৰু সংস্কৃতি, শান্তি, সম্প্ৰীতি আৰু সমাজৰ উন্নয়নৰ ক্ষেত্ৰত অসাধাৰণ অৱদানৰ বাবে তেওঁলোকক এই ডিগ্ৰী প্ৰদান কৰা হয়। সমাৱৰ্তনৰ সভাপতিত্ব কৰে ইউ এছ টি এমৰ আচাৰ্য মহবুবুল হকে।
সমাৱৰ্তনৰ মূল ভাষণ প্ৰদান কৰে ইউ জি চিৰ প্ৰাক্তন অধ্যক্ষ অধ্যাপক বেদ প্ৰকাশে। বিশেষ ভাষণ প্ৰদান কৰে মুম্বাইৰ সোমায় বিদ্যাসাগৰ বিশ্ববিদ্যালয়ৰ উপাচাৰ্য আৰু এন এ এ চিৰ প্ৰাক্তন সঞ্চালক অধ্যাপক ভি এন ৰাজশেখৰন পিল্লাই। ডক্টৰেট ডিগ্ৰী লাভ কৰা জুবিন গাৰ্গ আৰু লৌ মাজৱে ডিগ্ৰী লাভ কৰাৰ পিছত উপস্থিত ৰাইজক সম্বোধন কৰে। সমাৱৰ্তনত উপস্থিত থকা বিশিষ্ট ব্যক্তিসকলৰ ভিতৰত আছিল ড° হৰিসিং গৌৰ বিশ্ববিদ্যালয়ৰ উপাচাৰ্য অধ্যাপিকা নীলিমা গুপ্তা; অধ্যাপক (ড°) মহম্মদ আফশ্বাৰ আলম, উপাচাৰ্য, জামিয়া হামদৰ্দ; অধ্যাপক (ড°) আমি ইউ উপাধ্যায়, উপাচাৰ্য, ড° বাবাছাহেব আম্বেদকাৰ মুক্ত বিশ্ববিদ্যালয়, আহমেদাবাদ; মিজোৰাম বিশ্ববিদ্যালয়ৰ উপাচাৰ্য অধ্যাপক দিবাকৰ চন্দ্ৰ ডেকা; হিমাচল প্ৰদেশৰ কেন্দ্ৰীয় বিশ্ববিদ্যালয়ৰ উপাচাৰ্য অধ্যাপক (ড°) সত প্ৰকাশ বংশাল; ত্ৰিপুৰা বিশ্ববিদ্যালয়ৰ উপাচাৰ্য অধ্যাপক গংগা প্ৰসাদ প্ৰসাইন; ৰাজীৱ গান্ধী বিশ্ববিদ্যালয়ৰ উপাচাৰ্য অধ্যাপক সাকেট কুশৱাহা; অধ্যাপক প্ৰভা শংকৰ শুক্লা, উপাচাৰ্য, নেহু, শ্বিলং; ডাঃ আৰ.এম. পন্ত, উপাচাৰ্য, অসম বিশ্ববিদ্যালয়, শিলচৰ। ইউ এছ টি এমৰ আচাৰ্য শ্ৰী মহবুবুল হকে তেওঁলোকৰ অংশগ্ৰহণৰ বাবে সকলোকে আদৰণি জনাই কয়, “আমি এখন বিশ্বমানৰ বিশ্ববিদ্যালয় হোৱাৰ আকাংক্ষা কৰিছো আৰু এই বিশ্ববিদ্যালয়খনক বিশ্বমানৰ প্ৰতিষ্ঠানলৈ ৰূপান্তৰিত কৰাৰ প্ৰচেষ্টাত আমাৰ সৈতে যোগদান কৰিবলৈ আৰু ৰাষ্ট্ৰ নিৰ্মাণ প্ৰক্ৰিয়াত অংশগ্ৰহণ কৰিবলৈ সকলো অংশীদাৰক আহ্বান জনাইছো”। ইউ এছ টি এম স্থাপনৰ ক্ষেত্ৰত মেঘালয় চৰকাৰে আগবঢ়োৱা সহায়ৰ বাবেও তেওঁ কৃতজ্ঞতা জ্ঞাপন কৰে।
ইয়াৰ পূৰ্বে বিশ্ববিদ্যালয়ৰ প্ৰতিবেদন দাখিল কৰে ইউ এছ টি এমৰ উপাচাৰ্য অধ্যাপক জি ডি শৰ্মাই। ইয়াৰ পিছতে ডিগ্ৰী আৰু স্বৰ্ণ পদক প্ৰদান কৰা হয়। ডি লিট ডিগ্ৰী জুবিন গাৰ্গ আৰু লৌ মাজাউক প্ৰদান কৰা হয়। ভিজীতৰচ শ্ৰেষ্ঠ ছাত্ৰ বঁটা লাভ কৰে কাছিম আম্পাং চাংমা, এম এ গ্ৰাম্য উন্নয়ন বিভাগ; ড° এ পি জে আব্দুল কালাম শ্ৰেষ্ঠ পি জি ছাত্ৰ বঁটা লাভ কৰে মানশ প্ৰতিম শৰ্মা, এম.এছ.চি প্ৰাণীবিজ্ঞান বিভাগ; চ্যান্সেলৰৰ শ্ৰেষ্ঠ ছাত্ৰ বঁটা লাভ কৰে মুস্তাফিজুৰ ৰহমান, বি. এছ.চি ৰসায়ন বিজ্ঞান বিভাগ, আৰু পি এ চাংমা শ্ৰেষ্ঠ ইউ জি শ্ৰেষ্ঠ বঁটা লাভ কৰে সুজাতা কুমাৰী, বি ফাৰ্ম বিভাগ। নিজ নিজ বিভাগৰ শ্ৰেষ্ঠ স্নাতকোত্তৰ ছাত্ৰ-ছাত্ৰীক ২৩টা স্বৰ্ণ পদক প্ৰদান কৰাৰ বিপৰীতে বিভিন্ন বিভাগৰ শ্ৰেষ্ঠ স্নাতক ছাত্ৰ-ছাত্ৰীক ২২টা স্বৰ্ণ পদক প্ৰদান কৰা হয়। শপত গ্ৰহণ আৰু ৰাষ্ট্ৰীয় সঙ্গীত পৰিৱেশনৰ লগে লগে সমাৱৰ্তনৰ অন্ত পৰে।
নাৰায়ণপুৰত জাপানীজ এনকেফেলাইটিছত আক্ৰান্ত মহিলাৰ মৃত্যু। মৃত মহিলাগৰাকী চৰাইদলনিৰ বীণা নেওগ।
ডিব্ৰুগড়ৰ AMCHত চিকিৎসাধীন অৱস্থাত মৃত্যু মহিলাগৰাকীৰ।
বিগত এমাহত নাৰায়ণপুৰত JEত আক্ৰান্ত হৈ মৃত্যু হৈছে দুজনৰ।
‘Emergency’ৰ মুক্তিৰ পূৰ্বে কংগনা ৰাণাৱটলৈ মৃত্যুৰ ভাবুকি। শিখ উগ্ৰপন্থী গোটে ছচিয়েল মিডিয়াযোগে দিছে ভাবুকি। আৰক্ষীৰ সহায় বিচাৰি X-যোগে আহ্বান অভিনেত্ৰী তথা বিজেপি সাংসদগৰাকীৰ। ছবিখনত প্ৰাক্তন প্ৰধানমন্ত্ৰী ইন্দিৰা গান্ধীৰ চৰিত্ৰত অভিনয় কৰিছে কংগনা ৰাণাৱটে। ৬ ছেপ্টেম্বৰত মুক্তি লাভ কৰিব ছবিখনে।
মাণ্ডিৰ বিজেপিৰ সাংসদ তথা অভিনেতা কংগনা ৰানাৱটে শিখ সম্প্ৰদায়ৰ পৰা ভাবুকি লাভ কৰিছে তেওঁৰ আগন্তুক চিনেমাৰ ট্ৰেইলাৰ মুক্তি পোৱাৰ পিছত। ৬ ছেপ্টেম্বৰত মুক্তি পাবলগীয়া ‘ইমাৰ্জেন্সি’ ছবিখনত প্ৰাক্তন প্ৰধানমন্ত্ৰী ইন্দিৰা গান্ধীৰ চৰিত্ৰত অভিনয় কৰি থকা এই ভাবুকিমূলক ভিডিঅ’ ভাইৰেল হোৱাৰ পিছত অভিনেতাগৰাকীয়ে আৰক্ষীৰ সহায় বিচাৰিছিল।
গুৱাহাটী মহানগৰীৰ মাণিকনগৰত নিশা অগ্নিকাণ্ড।
শ্বৰ্ট-চাৰ্কিটৰ ফলতে অগ্নিকাণ্ডৰ সূত্ৰপাত। কথমপি ৰক্ষা পৰে আৱাসিক এলেকাটো।
অগ্নিনিৰ্বাপক বাহিনী, স্থানীয় লোকৰ সহযোগত জুই নিৰ্বাপণ।
আজি বিধান সভাত আকৌ মহাভাৰতৰ প্ৰসংগ। অখিল গগৈক দুৰ্যোধন, দুশাসনৰ অভিভাৱক আখ্যা মন্ত্ৰী পীযূজ হাজৰিকাৰ। মন্ত্ৰীগৰাকীয়ে উল্লেখ কৰে যে যিসকলে নাৰীক সন্মান নকৰে সেইসকল দুৰ্যোধনৰ পৃষ্ঠপোষক, অখিল গগৈয়ে বিশেষ সম্প্ৰদায়ক প্ৰতিনিধিত্ব কৰে।
আনহাতে উজনিলৈ মাছ বন্ধ কৰাৰ ক্ষেত্ৰত অখিল গগৈৰ ভূমিকা কি হ’ব প্ৰথমে জনাওক বুলিও বিধায়ক অখিল গগৈৰ প্ৰতিবাদ সন্দৰ্ভত মন্ত্ৰী পীযূষ হাজৰিকাৰ মন্তব্য।
মৰাণ মহাবিদ্যালয়ৰ ছাত্ৰ বিশাল বৰাক নৃশংস হত্যা।
মৰাণ চাহ বাগিচাত উদ্ধাৰ ছাত্ৰজনৰ ক্ষত-বিক্ষত মৃতদেহ। মৰাণ মহাহিদ্যালয়ৰ স্নাতক প্ৰথম ষাণ্মাসিকৰ ছাত্ৰ আছিল বিশাল।
হত্যাকাণ্ডত জড়িতৰ সন্দেহত ডিমৌৰ উদয়পুৰৰ দুজন যুৱকক আটক।
মাৰ্ঘেৰিটাৰ মাছৰ বজাৰত জুই লাগিছে। নামনিৰ পৰা উজনিলৈ মাছ আমদানি বন্ধ কৰিলে নামনি মিঞা মাছ ব্যৱসায়ীয়ে। উজনিৰ অসমৰ পৰা মিঞা খেদা অভিযানৰ প্ৰভাৱ এইবাৰ দেখিবলৈ পোৱা গৈছে উজনিৰ মাছৰ বজাৰসমূহত। মাৰ্ঘেৰিটাৰ মাছৰ বজাৰতো পৰিছে ব্যাপক প্ৰভাৱ। বজাৰত নাটনি হৈছে মাছ, বৃদ্ধি পাইছে মাছৰ দাম। উজনিৰ মাছৰ বজাৰসমূহ এক কথাত ক’বলৈ গ’লে নামনিৰ মাছৰ ওপৰতে বহু পৰিমাণে নিৰ্ভৰশীল।
কিন্তু উজনিৰ বহু কেইটা জাতীয় জনগোষ্ঠীয় দল সংগঠনে একত্ৰিত ভাৱে মিঞা খেদা অভিযান আৰম্ভ কৰাত নামনি মিঞা অধ্যুষিত অঞ্চলসমূহৰ পৰা উজনিলৈ মাছ আমদানি কৰাত বাধা সৃষ্টি হৈছে ফলত উজনিৰ বিভিন্ন অঞ্চলৰ লগতে মাৰ্ঘেৰিটাৰ মাছৰ বজাত সৃষ্টি হৈছে এক হাহাকাৰ পৰিস্থিতি। এই অৱস্থা অব্যাহত থাকিলে উজনিৰ মাছৰ বজাৰ এক প্ৰকাৰে অচল হৈ পৰাৰ সম্ভাৱনা প্ৰকট হৈ পৰিছে।
ভিটামিন বি ১২ৰ অভাৱৰ পৰিণতি অতি ভয়ানক। যদি আপুনি দৈনিক বি১২ সমৃদ্ধ খাদ্য গ্ৰহণ নকৰে, তেন্তে আপুনি সমস্যাত পৰিব পাৰে। শৰীৰত বি১২ৰ অভাৱত ষ্ট্ৰোক, হাৰ্ট এটেক, স্নায়ুতন্ত্ৰৰ বিসংগতি আদি সমস্যাৰ সৃষ্টি হয়, যাৰ ফলত এজন সুস্থ ব্যক্তিও বিচনাত পৰি থাকিবলগীয়া হ’ব পাৰে।
ৰাতি দেখা পোৱা বি১২ৰ অভাৱৰ ৫টা লক্ষণ-
সাধাৰণতে ভাগৰ লাগিলে শুবলৈ যাওঁতে শৰীৰৰ পেশীত বিষ অনুভৱ কৰে। কিন্তু যদি আপুনি দৈনিক ক্ৰেম্প আৰু পেশীৰ দুৰ্বলতা অনুভৱ কৰি আছে তেন্তে এয়া ভিটামিন বি ১২ৰ অভাৱৰ লক্ষণ হ’ব পাৰে।
যদি ৰাতি অত্যধিক পেটৰ অথবা হজম শক্তিৰ লগত জড়িত সমস্যাৰ সন্মুখীন হয়, তেন্তে ইয়াক একেবাৰেই আওকাণ নকৰিব। গেষ্ট্ৰাইটিছৰ লক্ষণ যেনে বমি, ডায়েৰিয়া, গেছ, কোষ্ঠকাঠিন্য আচলতে বি১২ৰ অভাৱৰ ফল হ’ব পাৰে।
মূৰৰ বিষ এটা অতি সাধাৰণ সমস্যা। এই সমস্যা প্ৰতিদিনে হৈয়েই থাকে। কিন্তু যদি দৈনিক ৰাতি মূৰৰ বিষ হৈ থাকে, তেন্তে ই ভিটামিন বি ১২ৰ লক্ষণো হ’ব পাৰে।
আজিকালি বেছিভাগ মানুহ অনিদ্ৰাৰ সমস্যাই অশান্তি দিছে। শৰীৰত বি১২ৰ অভাৱৰ বাবেও এচ হয়।
পশ্চিম কাৰ্বি আংলংঙৰ হামৰেন ৰংমান্দুত কনটেনাৰ ট্ৰাক দুৰ্ঘটনা ৷ কথমপি প্ৰাণ ৰক্ষা ড্ৰাইভাৰসহ হেন্দিমেন ৷
পথ যাত্ৰীৰ মাজত হাহাকৰ ৷ তথ্য অনুসৰি পথ চোৱা নিৰ্মাণৰ লেহেমীয়া গতি ফলত দুৰ্ঘটনাত নুই কৰিব নোৱাৰি ৷
হামৰেনৰ গড়কাপ্তানি বিভাগীয় বিষয়া গুৰুত্ব দিয়ালৈ অপেক্ষা চছেং সমষ্টি ৰাইজৰ ৷
