তিনিচুকীয়াৰ জাগুনত গ্ৰেণেড বিস্ফোৰণ।

অসম আৰক্ষীৰ কমাণ্ড বাহিনীৰ কেম্পত গ্রেণেড বিস্ফোৰণ।

বিস্ফোৰণৰ লগতে সংঘটিত হয় গুলীচালনা।

আলফা স্বাধীনৰ দ্বাৰা বিস্ফোৰণৰ সন্দেহ কৰা হৈছে।

চাৰিজন জোৱান গুৰুতৰভাৱে আহত আহত তিনিজনৰ অৱস্থা সংকটজনক।

পুৱতি নিশা ভয়ংকৰ কামাণ্ডো শিবিৰলৈ লক্ষ্য কৰি RPG নিক্ষেপ।

গ্ৰেণেড বিস্ফোৰণৰ লগতে সেনা চাউনীলৈ লক্ষ্য কৰি গুলীচালনা।

২০ মাৰ্চৰ পৰা বিপিচিএলৰ স্পীড, এইচপিচিএলৰ পাৱাৰ আৰু আইঅ’চিএলৰ এক্সপি ৯৫১ মূল্য প্ৰতি লিটাৰত আজিৰে পৰা ২.০৯-২.৩৫ টকা বৃদ্ধি পাইছে৷ পশ্চিম এছিয়াত বৃদ্ধি পোৱা উত্তেজনাৰ ফলত বিশ্বজুৰি খাৰুৱা তেলৰ মূল্যবৃদ্ধিৰমাজতে আজিৰ পৰা কাৰ্যকৰী হোৱাকৈ ভাৰতত পেট্ৰ’লৰ প্ৰিমিয়াম মূল্য বৃদ্ধি কৰিছে তেল বিপণন কোম্পানীসমূহে৷ ২০২৬ চনৰ ২০ মাৰ্চৰ পৰা ২.৩৫ টকা পৰ্যন্ত ব্যয়বহুল হৈ পৰিছে প্ৰিমিয়াম পেট্ৰ’ল৷ বিপিচিএলৰ স্পীড, এইচপিচিএলৰ পাৱাৰ আৰু আইঅ’চিএলৰ এক্সপি ৯৫১ মূল্য প্ৰতি লিটাৰত ২.০৯-২.৩৫ টকা বৃদ্ধি পাইছে৷ কিন্তু বৰ্তমানলৈ সাধাৰণ পেট্ৰ’লৰ দামৰ কোনো পৰিৱৰ্তন হোৱা নাই৷

উল্লেখ্য, আজি খাৰুৱা তেলৰ মূল্য ৩.৩৯ শতাংশ পৰ্যন্ত হ্ৰাস পাই দিনটোৰ ভিতৰতে নূ্যনতম ১০৪.৯৬ ডলাৰ প্ৰতি বেৰেলত উপনীত হোৱাৰ বিপৰীতে আমেৰিকাৰ ডব্লিউ টি আই খাৰুৱা তেলৰ মূল্য ৩.২২ শতাংশ হ্ৰাস পাই ৯২.৪৭ ডলাৰ হয় আৰু দিনটোৰ ভিতৰতে নিম্নতম স্তৰত উপনীত হয়৷ শেহতীয়াকৈ ভূ-ৰাজনৈতিক উত্তেজনাৰ মাজত খাৰুৱা তেলৰ মূল্য তীব্ৰভাৱে বৃদ্ধি পাইছে৷ পশ্চিম এছিয়াৰ সংঘাতৰ ২১সংখ্যক দিনত ভৰি দিয়াৰ লগে লগে খাৰুৱা তেলৰ মূল্য প্ৰায় ৪০ শতাংশ বৃদ্ধি পাই ২ মাৰ্চত ৭৭.৭৪ ডলাৰৰ পৰা ১৯ মাৰ্চত ১০৮.৬৫ ডলাৰলৈ বৃদ্ধি পায়৷

কেইবাখনো (social media accounts) ৰাজ্যৰ বিধানসভা নিৰ্বাচন সমাগত৷ চৰকাৰক সমালোচনা বা ব্যংগ কৰা কেইবাটাও ছ’চিয়েল মিডিয়া একাউণ্ট হঠাতে বন্ধ কৰি দিয়া কাৰ্যক লৈ তীব্ৰ প্ৰতিক্ৰিয়া প্ৰকাশ কৰিছে বিৰোধী দল কংগ্ৰেছ আৰু ডিজিটেল অধিকাৰৰ হকে মাত মাতি অহা সংস্থা ইণ্টাৰনেট ফ্ৰীডম ফাউণ্ডেচনে৷ বৰ্তমানৰ অৰ্থনৈতিক, কূটনৈতিক আৰু ৰাজনৈতিক সংকটৰ সময়ত চৰকাৰে বিৰোধীৰ মাত অৱদমন কৰিবলৈ এনে পদক্ষেপ গ্ৰহণ কৰা বুলি বিৰোধীয়ে অভিযোগ উত্থাপন কৰিছে৷ একে সময়তে, নিৰ্দিষ্ট কোনো আইনী কাৰণ নোহোৱাকৈ কেৱল ব্যংগাত্মক আৰু ৰাজনৈতিক মত প্ৰকাশ কৰা একাউণ্টসমূহক লক্ষ্য কৰি লোৱা কাৰ্যত আই এফ এফে তীব্ৰ উদ্বেগ প্ৰকাশ কৰিছে আৰু চৰকাৰক এইক্ষেত্ৰত স্বচ্ছতা অৱলম্বন কৰিবলৈ আহ্বান জনাইছে৷ বৃহস্পতিবাৰে সাংবাদিকৰ আগত এই সন্দৰ্ভত প্ৰতিক্ৰিয়া প্ৰকাশ কৰি কংগ্ৰেছৰ ছ’চিয়েল মিডিয়া বিভাগৰ মুৰব্বী সুপ্ৰিয়া শ্ৰীনাটে কয় যে ডিজিটেল প্লেটফৰ্মসমূহত প্ৰৱেশ নিয়ন্ত্ৰণ কৰাটোৱে চৰকাৰৰ ভয় আৰু ব্যৰ্থতাক প্ৰতিফলিত কৰিছে৷

তেওঁ অভিযোগ কৰে যে বন্ধ কৰি দিয়া একাউণ্টসমূহৰ বেছি ভাগেই আছিল স্বাধীন কণ্ঠ, যিসকলে চৰকাৰক উত্তৰদায়ী কৰিবলৈ চেষ্টা কৰিছিল আৰু তেওঁলোকৰ কংগ্ৰেছ দলৰ সৈতে কোনো পোনপটীয়া সম্পৰ্ক নাছিল৷ শেহতীয়াকৈ ইৰাণৰ যুদ্ধৰ পৰিপ্ৰেক্ষিতত ভাৰতৰ ভূমিকা সন্দৰ্ভত প্ৰশ্ন উত্থাপন হোৱাৰ সময়তে অনলাইন মাধ্যমত চৰকাৰৰ এই কঠোৰ স্থিতি পৰিলক্ষিত হৈছে বুলি তেওঁ উল্লেখ কৰে৷ চৰকাৰী নিৰ্দেশনাত ভাৰতত যিবোৰ ছ’চিয়েল মিডিয়া হেণ্ডেল বন্ধ কৰা হৈছে, তাৰ ভিতৰত কেইবাটাও পেৰ’ডী আৰু ব্যংগাত্মক একাউণ্ট অন্তৰ্ভুক্ত আছে৷ প্ৰকাশিত তথ্য অনুসৰি, এই বন্ধ কৰা একাউণ্টসমূহৰ মাজত প্ৰধানকৈ কেইটামান বিশেষ হেণ্ডেল যেনে ‘@DrNimoYadav’, ‘@Nehr_who’, ‘@indian_armada’ আৰু ব্যংগাত্মক একাউণ্ট ‘@mrjethwani_’, ‘@Doc_RGM’ আদি আছে৷ ইয়াৰ লগতে সমাজকৰ্মী সন্দীপ সিঙৰ একাউণ্টো স্থগিত ৰখা হৈছে৷ আনহাতে, ‘দ্য কেৰাভান’ আলোচনীৰ ৰাজনৈতিক সম্পাদক হৰতোষ সিং বলে প্ৰকাশ কৰা মতে, ২০০২ চনৰ ‘ইণ্ডিয়া টুডে’ আলোচনীৰ এখন বেটুপাত শ্বেয়াৰ কৰা তেওঁৰ এটা পোষ্টো ছ’চিয়েল মিডিয়া প্লেটফৰ্মৰ পৰা আঁতৰাই দিয়া হৈছে৷

এই বেটুপাতখনত সেই সময়ৰ গুজৰাটৰ মুখ্যমন্ত্ৰী নৰেন্দ্ৰ মোদীক আৰ এছ এছৰ টুপী পৰিহিত অৱস্থাত ‘হিৰো অৱ হেট্ৰেড’ শিৰোনামেৰে প্ৰদৰ্শন কৰা হৈছিল৷ ইতিমধ্যে কেন্দ্ৰীয় চৰকাৰে তথ্য প্ৰযুক্তি আইনৰ ৬৯ [এ] ধাৰাৰ অধীনত বৰ্তমানৰ ইলেক্টªনিক্‌ছ আৰু তথ্য-প্ৰযুক্তি মন্ত্ৰণালয়ৰ উপৰি প্ৰতিৰক্ষা, বৈদেশিক পৰিক্ৰমা আৰু গৃহ মন্ত্ৰণালয়কো ছ’চিয়েল মিডিয়াৰ সমল আঁতৰোৱাৰ নিৰ্দেশ দিয়াৰ ক্ষমতা প্ৰদান কৰাৰ বিষয়ে চিন্তা-চৰ্চা কৰিছে বুলি বাতৰি প্ৰকাশ পাইছে৷ এনে পৰিস্থিতিত ইণ্টাৰনেট ফ্ৰীডম ফাউণ্ডেচনে জনাইছে যে ব্যৱহাৰকাৰীসকলে একাউণ্ট বন্ধ কৰাৰ কোনো স্পষ্ট কাৰণ নোপোৱাকৈ কেৱল ‘ভাৰতত স্থগিত ৰখা হৈছে’ বুলি এক সাধাৰণ জাননীহে লাভ কৰিছে৷ আই এফ এফে এই ঘটনাক বেআইনী সমলৰ পৰিৱৰ্তে ৰাজনৈতিক আৰু ব্যংগাত্মক বক্তব্যক লক্ষ্য কৰি লোৱা হৈছে বুলি সতৰ্ক কৰি দিছে৷ লগতে সংস্থাটোৱে চৰকাৰক সৰ্বোচ্ছ ন্যায়ালয়ৰ শ্ৰেয়া সিংঘল গোচৰৰ ৰায়দান মানি চলি একাউণ্ট বন্ধ কৰাৰ নিৰ্দেশনাসমূহ স্বচ্ছতাৰে প্ৰকাশ কৰিবলৈ আৰু ভুক্তভোগী ব্যৱহাৰকাৰীসকলক স্পষ্ট কাৰণ তথা আইনী প্ৰতিকাৰৰ ব্যৱস্থা প্ৰদান কৰিবলৈ দাবী জনাইছে৷