ডিব্ৰুগড় (Lurinjyoti Gogoi) বিমানবন্দৰত অসম জাতীয় পৰিষদৰ সভাপতি লুৰিণ জ্যোতি গগৈক উষ্ম আদৰণি।
কালি দলীয়ভাৱে প্ৰাৰ্থীত্ব ঘোষণা হোৱাৰ পিছতেই গুৱাহাটীৰ পৰা নিজ সমষ্টিলৈ ৰাওনা হয় গগৈ।
এই সময়তে ডিব্ৰুগড় বিমানবন্দৰত দলৰ বিষয়ববীয়া আৰু সমষ্টিৰ ৰাইজে একত্ৰিত হৈ তেওঁক উষ্ম আদৰণি জনায়।
জানিব পৰা মতে, আগন্তুক বিধানসভা নিৰ্বাচনক কেন্দ্ৰ কৰি ইতিমধ্যে ৰাজনৈতিক পৰিৱেশ উত্তপ্ত হৈ পৰিছে।
লুৰিণ জ্যোতি গগৈৰ এই আগমনক কেন্দ্ৰ কৰি সমষ্টিতো নতুন উৎসাহ দেখা গৈছে।
মধ্যপ্ৰাচ্যত (Gas Cylinder) চলি থকা উত্তেজনামূলক পৰিস্থিতিৰ বাবে সমগ্ৰ বিশ্বতে ইন্ধনৰ নাটনি হৈছে। ইফালে ভাৰতত এল পি জি গেছৰ নাটনিৰ সন্মুখীন হৈছে। এই টিপচ্ সমূহে আপোনাক ৰন্ধা-বঢ়া কৰাৰ সময়ত ২০ৰ পৰা ৩০ শতাংশ গেছ ৰাহি কৰাত সহায় কৰিব পাৰে।
সদায় ঢাকনি দি খাদ্য ৰান্ধিব। ইয়াৰ ফলত ভাপ ওলাই নাযায় আৰু খাদ্য সোনকালে ৰান্ধিবলৈ সহায় কৰে। ইয়াৰ ফলত ১০ৰ পৰা ১৫ শতাংশ গেছ ৰাহি হ’ব পাৰে।
গেছ ৰাহি কৰিবলৈ কেৰাহীৰ সলনি প্ৰেচাৰ কুকাৰ ব্যৱহাৰ কৰিব পাৰে। প্ৰেচাৰ কুকাৰ ব্যৱহাৰ কৰি কম সময়ত মচুৰ দাইল আৰু ভাত ৰান্ধিব পাৰে। ইয়াৰ ফলত গেছৰ ৰাহি হয়।
মচুৰ দাইল সিজোৱাৰ আগতে পানীত তিয়াই থ’ব। ইয়াৰ ফলত কম গেছ ব্যৱহাৰ কৰি ৰান্ধিবলৈ সহজ হ’ব। ৰন্ধা ৫ৰ পৰা ৬ ঘণ্টাৰ আগত পানীত তিয়াই থ’ব।
গেছৰ চৌকাত থকা বাচন-বৰ্তনবোৰ সদায় শুকান কাপোৰেৰে মচিব লাগে। তিতা বাচন-বৰ্তন শুকুৱালেও গেছ খৰচ হয়। গতিকে গেছ ৰাহি কৰিবলৈ সদায় বাচন-বৰ্তন মচিব লাগে।
ফ্ৰীজৰ পৰা উলিয়াই অনা গাখীৰ বা শাক-পাচলি পোনে পোনে গেছ ষ্ট’ভত ৰাখিব নালাগে। প্ৰথমে স্বাভাৱিক উষ্ণতালৈ আহিবলৈ দিব, কিয়নো ইয়াৰ ফলত অধিক গেছ খৰচ হয়।
ৰন্ধা-বঢ়া কৰোতে প্ৰয়োজনতকৈ বেছি পানী দিব নালাগে। অতিৰিক্ত পানী বাষ্পীভৱন হ’বলৈ অধিক সময় আৰু গেছ লাগে।
এই সহজ টিপচ্ ব্যৱহাৰ কৰিও আপুনি যথেষ্ট পৰিমাণৰ গেছ ৰাহি কৰিব পাৰে। গেছৰ নাটনিৰ সময়ত শাক-পাচলি ভাপত দিয়াৰ পৰিৱৰ্তে উতলাব পাৰি। শাক-পাচলি উতলালে সময় আৰু গেছ দুয়োটা ৰাহি হ’ব।
সাধাৰণতে বিৰোধী দলৰ বিধায়কৰ বিৰুদ্ধে পুঁজিৰ অভাৱৰ অভিযোগ শুনা যায়, কিন্তু মনোৰঞ্জন তালুকদাৰৰ ক্ষেত্ৰত ৰাইজৰ ধাৰণা সম্পূৰ্ণ ওলোটা। চৰকাৰী আঁচনিসমূহ সঠিকভাৱে ৰূপায়ণ কৰাৰ লগতে বিধানসভাত সমষ্টিৰ সমস্যাসমূহ বলিষ্ঠভাৱে উত্থাপন কৰি তেওঁ এগৰাকী সফল জনপ্ৰতিনিধি হিচাপে নিজকে প্ৰমাণ কৰিছে।
বিধায়কৰ কৰ্ম কুশলতাৰ বাবেই সমষ্টিটোৰ সাধাৰণ ভোটাৰৰ মাজত এক ধাৰণা গঢ় লৈ উঠিছে যে এজন বিৰোধী বিধায়ক হৈও তেওঁ যিমান উন্নয়ন কৰিলে, সেয়া তুলনাবিহীন। সেইবাবেই ৰাইজে পুনৰবাৰ তেওঁকেই ভৱানীপুৰ-সৰভোগৰ বিধায়ক হিচাপে চাবলৈ আগ্ৰহ প্ৰকাশ কৰিছে।
এগৰাকী জনমুখী নেতা হিচাপে মনোৰঞ্জন তালুকদাৰে কেৱল নিৰ্মাণ কাৰ্যতে ক্ষান্ত থকা নাই, বৰঞ্চ প্ৰতিটো জাতি-জনগোষ্ঠীৰ সুখ-দুখৰ সমভাগী হৈ তেওঁ সৰভোগত সম্প্ৰীতিৰ পৰিবেশ বৰ্তাই ৰাখিছে। নৱগঠিত ভৱানীপুৰ-সৰভোগ সমষ্টিৰ ভৱিষ্যত ৰূপৰেখা তৈয়াৰ কৰাত তেওঁৰ এই উন্নয়নৰ ধাৰা এক মাইলৰ খুঁটি হিচাপে বিবেচিত বুলি দাবী কৰে।
ইয়েই প্ৰমাণ কৰে যে তালুকদাৰৰ এক শক্তিশালী জনভিত্তি আছে সমষ্টিত। সৰভোগৰ পৰা আমগুৰীলৈ যোৱা অতি গুৰুত্বপূৰ্ণ PWD পথটোৰ পুনৰ নিৰ্মাণ আৰু সম্প্ৰসাৰণে অঞ্চলটোৰ যাতায়ত ব্যৱস্থা সুচল কৰি তুলিছে।
নগৰৰ মূল পথৰ মাজেদি ডিভাইডৰ (Divider) নিৰ্মাণ আৰু উন্নত মানদণ্ডৰ নলা (Drainage system) নিৰ্মাণে চহৰখনক এক আধুনিক ৰূপ দিছে। ইয়াৰ ফলত বাৰিষা হোৱা কৃত্ৰিম বানপানীৰ সমস্যা বহু পৰিমাণে লাঘৱ হৈছে।
জৰুৰাম পাঠক উচ্চতৰ মাধ্যমিক বিদ্যালয় সমষ্টিটোৰ এখন ঐতিহ্যমণ্ডিত শিক্ষানুষ্ঠানৰ আন্তঃগাঁথনি নিৰ্মাণৰ বাবে চৰকাৰী পুঁজিৰ সঠিক ব্যৱহাৰ কৰি বিদ্যালয়খনৰ শৈক্ষিক পৰিৱেশ উন্নত কৰাত তেওঁ গুৰুত্ব দিছে।
যুৱ প্ৰজন্মক খেল-ধেমালিৰ প্ৰতি আকৰ্ষিত কৰিবলৈ তেওঁ সমষ্টিত এটা সুসজ্জিত ষ্টেডিয়ামৰ কাম হাতত লৈছে, যিয়ে স্থানীয় খেলুৱৈসকলক উৎসাহিত কৰিছে।
সুধাকণ্ঠ ভূপেন হাজৰিকা আৰু জনপ্ৰিয় শিল্পী জুবিন গাৰ্গৰ প্ৰতিমূৰ্তি নিৰ্মাণ কৰি তেওঁ সমষ্টিটোত এক সুস্থ সাংস্কৃতিক পৰিৱেশ গঢ়ি তুলিবলৈ চেষ্টা কৰিছে। ইয়াৰ দ্বাৰা নতুন প্ৰজন্মৰ মাজত কলা-সংস্কৃতিৰ প্ৰতি ধাউতি বৃদ্ধি পোৱাটো নিশ্চিত বুলি দাবী কৰে ৰাইজে।
গেৰুৱা বসন পিন্ধিলে প্ৰদ্যুৎ বৰদলৈয়ে।
আজি আনুষ্ঠানিকভাৱে গেৰুৱা বসন পিন্ধিলে প্ৰদ্যুৎ বৰদলৈয়ে।
দিল্লীত আনুষ্ঠানিকভাৱে বিজেপিত যোগদান।
নতুন দিল্লীৰ মুখ্যমন্ত্ৰীৰ বাসভৱনত বিজেপিত যোগদান বৰদলৈৰ।
দিলীপ শইকীয়া, হিমন্ত বিশ্ব শৰ্মাৰ উপস্থিতিত যোগদান প্ৰদ্যুৎ বৰদলৈৰ।
যোগদানৰ পূৰ্বে কংগ্ৰেছৰ ভিতৰত আতিশয্য পোৱাৰ কথা স্বীকাৰ প্ৰদ্যুৎ বৰদলৈৰ। কংগ্ৰেছ দলত ইতিকিঙৰো সন্মুখীন হৈছিল প্ৰদ্যুৎ বৰদলৈ। দলৰ ভিতৰত অকলশৰীয়া হৈ পৰিছিল সাংসদগৰাকী। বিজেপিত যোগদানৰ পূৰ্বে এই বিস্ফোৰক মন্তব্য প্ৰদ্যুৎ বৰদলৈৰ।
শাস্ত্ৰত কোৱা হৈছে যে আপোনাৰ মনৰ ইচ্ছা অনুসৰি বজৰংগবলীক কিছুমান বস্তু আগবঢ়ালে বহুত ভাল ফলাফল পাব।যিকোনো বিপদৰ সমাধান ভগৱান হনুমান। তেওঁ আমাক যিকোনো বিপদৰ পৰা ৰক্ষা কৰিব পাৰে। বজৰংগবলীয়ে মনত সাহস জগাই তুলে। সেইবাবেই শাস্ত্ৰত প্ৰতি মঙলবাৰ আৰু শনিবাৰে তেওঁক পূজা কৰাৰ পৰামৰ্শ দিছে। হনুমানক পূজা কৰিলে বিপদ দূৰ হয়।
মনৰ ইচ্ছা পূৰণৰ বাবে বজৰংগবলীক কি আগবঢ়াব লাগে?
যিকোনো কাম আৰম্ভ কৰাৰ আগতে আমি সকলোৱে বিচাৰো যে সেই কামটো ভালদৰে সম্পূৰ্ণ হওক। সেই কামত কোনো বাধা অহাটো আমি কোনোৱে নিবিচাৰোঁ। যিকোনো কাম আৰম্ভ কৰাৰ আগতে হনুমানক এটা পান আগবঢ়াওক যাতে সঠিকভাৱে কামটো সম্পূৰ্ণ হয়। আপুনি কামটো ভালদৰে সম্পূৰ্ণ কৰাত সফল হ’ব, কোনো বাধা নোহোৱাকৈ। আপুনি সফলতা লাভ কৰিব।
বহু সময়ত দেখা যায় যে ঘৰৰ এজনৰ পিছত এজন সদস্যই অসুস্থ অনুভৱ কৰি আছে। ৰোগৰ পৰা কোনো সকাহ পোৱা নাই। ঘৰৰ সদস্যৰ মাজত বুজাবুজিও নাইকিয়া হৈ আহিছে। ইয়াৰ আঁৰত ঘৰত পৰি থকা দুষ্ট চকু। ঘৰত ভাল শক্তি উৎপন্ন কৰিবলৈ হনুমানক এটা গোটা তামোল আগবঢ়াওক। পৰিস্থিতিৰ উন্নতি হোৱা দেখিব।
যিকোনো ধৰণৰ বিপদৰ পৰা নিজকে ৰক্ষা কৰিবলৈ প্ৰতি মঙলবাৰ আৰু শনিবাৰে বজৰংবলীলৈ কমলা ৰঙৰ লাড়ু আগবঢ়াওক। তেওঁ আপোনাক যিকোনো বিপদৰ পৰা ৰক্ষা কৰিব।
ঋণৰ সমস্যাই হওক বা বৈবাহিক সমস্যাই হওক, যিকোনো ধৰণৰ সমস্যাৰ পৰা পৰিত্ৰাণ পাবলৈ বজৰংগবলীক আটা আৰু গুড় আগবঢ়াওক। যদি আপুনি নিয়মিতভাৱে এই কাম কৰে তেন্তে আপুনি দেখিব যে জীৱনটো বহুত সহজ হৈ পৰে। জীৱনৰ সকলো সমস্যা এটা এটাকৈ গুচি গৈছে।
আৰ্থিক সমস্যা বহু লোকৰ জীৱনত উপস্থিত থাকে। কঠোৰ পৰিশ্ৰম কৰিও কোনেও নিজৰ ইচ্ছামতে উপাৰ্জন কৰিব নোৱাৰে, কিছুমানে নিজৰ সকলো উপাৰ্জন পৰিয়াল চলাবলৈ খৰচ কৰে, সঞ্চয় নাই। টকাৰ লগত জড়িত সকলো সমস্যাৰ পৰা পৰিত্ৰাণ পাবলৈ হনুমানক খীৰ আগবঢ়াওক। ফলত আপোনাৰ উপাৰ্জনৰ নিশ্চয় উন্নতি হ’ব।
হাত এৰি পদুম লৈ নগাঁৱৰ সাংসদ প্ৰদ্যুৎ বৰদলৈ।(Pradyut Bordoloi)
আজি বিজেপিত যোগদান কৰিব প্ৰদ্যুৎ বৰদলৈয়ে।
মঙলবাৰে কংগ্ৰেছ দল ত্যাগ কৰে সাংসদগৰাকীয়ে।
আজি গেৰুৱা বসন পিন্ধিব প্ৰদ্যুৎ বৰদলৈয়ে।
দুপৰীয়া ১২ বজাত আনুষ্ঠানিকভাৱে যোগ দিব বিজেপিত।
মুখ্যমন্ত্ৰীৰ উপস্থিতিত নতুন দিল্লীতেই বিজেপিত যোগদান কৰিব প্ৰদ্যুত বৰদলৈয়ে।
কংগ্ৰেছত পোৱা চৰম অপমান আৰু উশাহহীন পৰিৱেশৰ বাবে পদত্যাগ কৰিবলৈ বাধ্য হ’লো বুলি মন্তব্য প্ৰদ্যুৎ বৰদলৈ।
আজি মুখ্যমন্ত্ৰীৰ উপস্থিতিত নতুন দিল্লীতেই বিজেপিত যোগদান কৰিব প্ৰদ্যুত বৰদলৈয়ে।
নিশা গৃহমন্ত্ৰী অমিত শ্বাহক সাক্ষাৎ সদ্য কংগ্ৰেছ ত্যাগী নেতা প্ৰদ্যুত বৰদলৈৰ
কংগ্ৰেছ প্ৰচাৰ বিভাগৰ দায়িত্বত থকা “Inclusive Mind” দলৰ আলোচনাৰ কিয়দংশ ফাদিল
পুনৰ অসমৰ হাৰ্টথ্ৰ’ৱ জুবিন গাৰ্গক কেন্দ্ৰ কৰি ৰাজনৈতিক কৌশল প্ৰস্তুতৰ অভিযোগ উত্থাপন হৈছে কংগ্ৰেছৰ বিৰুদ্ধে। গোপন সূত্ৰ অনুসৰি, যোৱা ১৬ মাৰ্চৰ নিশা ৯ বাজি ৪৫ মিনিটত গুৱাহাটী GS ৰোডস্থিত ষ্টাৰবাকচত অনুষ্ঠিত হোৱা এক গোপন বৈঠকৰ কিছু ভিডিঅ’ ক্লিপ ভাইৰেল হোৱা বুলি অভিযোগ উঠিছে। এই বৈঠকত কংগ্ৰেছৰ সৈতে জড়িত প্ৰচাৰ কৌশল কাৰী গোট “Inclusive Mind”ৰ সদস্যসকলে অংশগ্ৰহণ কৰিছিল বুলি জানিব পৰা গৈছে।
প্ৰাপ্ত তথ্য অনুসৰি, বৈঠকখনত আগন্তুক নিৰ্বাচনৰ পূৰ্বে কেনেদৰে কিছুমান সংবেদনশীল বিষয় ৰাজনৈতিকভাৱে ব্যৱহাৰ কৰিব পাৰি, সেই বিষয়ে আলোচনা হৈছিল। বিশেষকৈ অসমৰ হাৰ্টথ্ৰ’ৱ জুবিন গাৰ্গৰ বিষয়টো “মচলা” লগাই ৰাজনৈতিক সুবিধা ল’বলৈ ব্যৱহাৰ কৰাৰ কথা উল্লেখ হোৱা বুলি দাবী কৰা হৈছে। ফাদিল হোৱা ভিডিঅ’ ক্লিপত কিছুমান বাক্য শুনা পোৱা যায় – “হিমন্তই কেনেকৈ গম পালে?”, “জুবিনৰ বিষয়টো মচলা মাৰিব লাগিব”, “জুবিন আমাৰ মতে মিলাই বনাব পাৰোঁ”,” বেষ্ট ফ্ৰেণ্ডে এনেকৈ কয়, পত্নীয়ে এনেকৈ কয়, এই সকলোবোৰ বস্তু ল’ব লাগিব” ইত্যাদি। এই আলোচনাৰ জৰিয়তে, বিষয়টো ৰাজনৈতিকভাৱে প্ৰস্তুত কৰি বিজেপিৰ বিৰুদ্ধে ব্যৱহাৰ কৰাৰ চেষ্টা কৰা হৈছিল বুলি অভিযোগ উত্থাপন কৰা হৈছে। অভিযোগ অনুসৰি, আছাম ইউনিটি, অসম ৰিয়েলিটি, আছাম ব্ৰেকিং, এংগ্ৰী আছাম, আছাম আনকাট আদি ফেচবুক পেজৰ লগতে বহু কেইটা ফেচবুক নিউজ পৰ্টেলত কংগ্ৰেছৰ প্ৰচাৰৰ বাবে পৰিচালনা কৰি আহিছে “Inclusive Mind”য়ে।
এই পেজসমূহৰ লগতে বহুকেইটা নামী-বেনামী নিউজ পৰ্টেল আৰু ইনফ্লুৱেন্সাৰ পেজৰ পৰা ধনৰ বিনিময়ত জুবিন বিষয়টোক নিৰ্বাচনলৈকে কেনেদৰে ব্যৱহাৰ কৰি কংগ্ৰেছৰ বাবে সুবিধাজনক স্থিতি সৃষ্টি কৰিব পৰা যায়, সেই বিষয়োক লৈ তেওঁলোকে আলোচনা কৰি আছিল। উল্লেখযোগ্য যে উক্ত পৰ্টেলসমূহৰ বহুকেইটা পৰ্টেল মধ্যপ্ৰদেশৰ নিৰ্বাচনৰ সময়ত কংগ্ৰেছে ব্যৱহাৰ কৰিছিল আৰু নাম সলনি কৰি বৰ্তমান পেইড বুষ্টিঙৰ জৰিয়তে কংগ্ৰেছ প্ৰপাগেণ্ডা এই পেজকেইটাৰ পৰা চলাই থকা হৈছে। লগতে এয়াও উল্লেখ কৰিব পাৰি যে“Inclusive Mind”য়ে জুবিন বিষয়টোক ৰাজনীতি কৰণ কৰিবলৈ বহুদিনৰ পৰা চেষ্টা চলাই আহিছে। “Inclusive Mind”ৰ পৰিচলানা কৰে সুনীল কানুগলুৱে আৰু অসমৰ পৰ্যবেক্ষণত “Inclusive Mind”ৰ কামসমূহ কংগ্ৰেছৰ তৰফৰ পৰা গৌৰৱ গগৈৰ লগতে আন কেইজনো নেতাৰ নাম উত্থাপন কৰা হৈছে। যদিও এই অভিযোগসমূহৰ বিষয়ে কংগ্ৰেছ বা সংশ্লিষ্ট ব্যক্তিসকলৰ পৰা কোনো আনুষ্ঠানিক প্ৰতিক্ৰিয়া এতিয়ালৈকে পোৱা হোৱা নাই। এই ঘটনাই অসমৰ ৰাজনৈতিক মহলত ব্যাপক চৰ্চাৰ সৃষ্টি কৰিছে। সত্যতা নিশ্চিত কৰিবলৈ তদন্তৰ দাবী উত্থাপন হৈছে।
আগন্তুক বিধানসভা নিৰ্বাচনক লৈ অসম জাতীয় পৰিষদ (অজাপ)য়ে নিজৰ প্ৰথমখন প্ৰাৰ্থী তালিকা প্ৰকাশ কৰিছে। এই তালিকাত মুঠ ৮টা সমষ্টিৰ বাবে প্ৰাৰ্থীৰ নাম ঘোষণা কৰা হৈছে।
দলটোৱে ঘোষণা কৰা অনুসৰি—
১) খোৱাঙ – লুৰীণজ্যোতি গগৈ
২) বঢ়মপুৰ – ৰাজেন গোগাঁই
৩) মৰিগাঁও – বাণী দাস
৪) পলাশবাৰী – পংকজ লোচন গোস্বামী
৫) বজালী – দিলীপ বৰুৱা
৬) সৰুপথাৰ – জীৱন চুতীয়া
৭) ডিব্ৰুগড় – মইনাক পাত্ৰ
৮) বিন্নাকান্দি – ৰেজাউল কৰিম চৌধুৰী
এই প্ৰাৰ্থী তালিকা প্ৰকাশৰ জৰিয়তে অসম জাতীয় পৰিষদে আগন্তুক নিৰ্বাচনৰ বাবে নিজৰ ৰাজনৈতিক প্ৰস্তুতি স্পষ্ট কৰি তুলিছে। দলটোৱে নতুন মুখ আৰু স্থানীয় নেতৃত্বক অগ্ৰাধিকাৰ দিয়াৰ চেষ্টা কৰিছে বুলি ৰাজনৈতিক মহলত আলোচনা চলিছে।
zubeen garg । জুবিন ক্ষেত্ৰ নিৰ্মাণ কাৰ্য ত্বৰান্বিত কৰাৰ লক্ষ্যৰে সমিতিৰ পৰিদৰ্শন, অগ্ৰগতিৰ বুজ ল’লে বিষয়ববীয়া
সোণাপুৰস্থিত জুবিন ক্ষেত্ৰত আজি চৰকাৰৰ অনুমোদিত জুবিন ক্ষেত্ৰ নিৰ্মাণ সমিতিৰ বিষয়ববীয়াসকলে উপস্থিত হৈ নিৰ্মাণ কাৰ্যৰ অগ্ৰগতিৰ বুজ ল’লে। সমিতিৰ সদস্য প্ৰাঞ্জল শইকীয়া, বিৰেণ সিংহ, সুদৰ্শন ঠাকুৰ, অনুৰাধা শৰ্মা পূজাৰী, পুলক বেনাৰ্জী আদি কেইবাগৰাকীও সদস্যই ক্ষেত্ৰখন পৰিদৰ্শন কৰি চলি থকা কামসমূহৰ বিষয়ে তথ্য সংগ্ৰহ কৰে।
ইয়াৰ উপৰিও লোক নিৰ্মাণ বিভাগৰ অভিযন্তা-বিষয়াসকলৰ সৈতে আলোচনা অনুষ্ঠিত কৰি নিৰ্মাণ কাৰ্যৰ বৰ্তমান অৱস্থা আৰু আগন্তুক পৰিকল্পনাৰ বিষয়ে বিস্তৃতভাৱে মত-বিনিময় কৰা হয়। সমিতিৰ বিষয়ববীয়াসকলে কামসমূহ শীঘ্ৰে আৰু সুচাৰুৰূপে সম্পন্ন কৰাৰ ওপৰত বিশেষ গুৰুত্ব আৰোপ কৰে।
উল্লেখ্য যে জনপ্ৰিয় কণ্ঠশিল্পী মানস ৰবীনে উপহাৰ হিচাপে ৰাখি থোৱা স্থান আৰু চাকি জ্বলোৱা স্থাপনাত অস্থায়ী টিনৰ চালি নিৰ্মাণ কৰাৰ কথা ঘোষণা কৰাৰ পাছতে আজি পুৱাৰে পৰা জুবিন ক্ষেত্ৰ নিৰ্মাণ সমিতি অধিক তৎপৰ হৈ উঠিছে।
সমিতিৰ এই তৎপৰতাই জুবিন ক্ষেত্ৰৰ উন্নয়ন কাৰ্য ত্বৰান্বিত হোৱাৰ আশা প্ৰকাশ কৰিছে স্থানীয় ৰাইজে।
zubeen garg । অসমৰ জনপ্ৰিয় গায়ক জুবিন গাৰ্গৰ সৈতে জড়িত জুবিন ক্ষেত্ৰত মৌলিক সুবিধাৰ অভাৱত উত্থাপিত হৈছে এক গুৰুত্বপূৰ্ণ সমস্যা। ক্ষেত্ৰখনত স্বাস্থ্যসম্মত প্ৰস্ৰাৱগাৰ আৰু শৌচাগাৰৰ সুব্যৱস্থা নথকাত অনুৰাগীসকল নিতৌ অসুবিধাৰ সন্মুখীন হ’বলগা হৈছে।
প্ৰায় ছমাহ পাৰ হৈ যোৱাৰ পাছতো জুবিন ক্ষেত্ৰত এখন উপযুক্ত আৰু স্বাস্থ্যসম্মত প্ৰস্ৰাৱগাৰ গঢ় লৈ নুঠিল। ইফালে প্ৰতিদিনে হাজাৰ হাজাৰ অনুৰাগীয়ে এই স্থানত সমাগম কৰে যদিও তেওঁলোকৰ বাবে প্ৰয়োজনীয় মৌলিক সুবিধা প্ৰদানৰ ক্ষেত্ৰত প্ৰশাসনে গুৰুত্ব নিদিয়া বুলি অভিযোগ উঠিছে।
বৰ্তমান যি এটা প্লাষ্টিকৰ অস্থায়ী শৌচাগাৰ আছে, সেয়াও অস্বাস্থ্যকৰ পৰিৱেশত জৰাজীৰ্ণ অৱস্থাত পৰি আছে। ফলত অনুৰাগীসকলে শৌচ-প্ৰস্ৰাৱৰ দৰে প্ৰাথমিক প্ৰয়োজন পূৰণত গুৰুতৰ সমস্যাৰ সন্মুখীন হ’বলগা হৈছে।
স্থানীয় ৰাইজৰ মতে, জুবিন ক্ষেত্ৰত আগতে গ্ৰহণ কৰিবলগীয়া মুখ্য পদক্ষেপ আছিল পৰ্যাপ্ত আৰু স্বাস্থ্যসম্মত শৌচাগাৰৰ ব্যৱস্থা কৰা। কিন্তু তাৰ বিপৰীতে ক্ষেত্ৰখনত কেৱল তিৰ্পাল গুচাই টিনপাত সংযোজন কৰাৰ দৰে কামত সীমাবদ্ধ থকাটো প্ৰশাসনৰ দায়িত্ববোধৰ অভাৱকেই সূচাইছে।
এই পৰিস্থিতিত জুবিন অনুৰাগীসকলে প্ৰশাসন আৰু চৰকাৰৰ ওচৰত জোৰ দাবী জনাইছে যাতে অতি শীঘ্ৰে জুবিন ক্ষেত্ৰত স্বাস্থ্যসম্মত শৌচাগাৰ আৰু প্ৰস্ৰাৱগাৰৰ সুব্যৱস্থা গ্ৰহণ কৰা হয়। তেওঁলোকে কয় যে এনে এক জনপ্ৰিয় স্থানত এইধৰণৰ প্ৰাথমিক সুবিধাৰ অভাৱ অগ্ৰহণযোগ্য আৰু দুখজনক।
